Morgunblaðið - 03.04.2001, Blaðsíða 32
ERLENT
32 ÞRIÐJUDAGUR 3. APRÍL 2001 MORGUNBLAÐIÐ
GLORIA Arroyo, forseti Filipps-
eyja, lýsti í gær yfir „allsherjar-
stríði“ gegn Abu Sayyaf, aðskilnað-
arhreyfingu her-
skárra múslima,
eftir að talsmaður
skæruliðanna
hótaði að senda
henni höfuð
bandarísks gísls á
afmælisdegi
hennar síðar í
þessari viku.
Arroyo lýsti
Abu Sayyaf sem
„glæpamannagengi sem léti stjórn-
ast af peningagræðgi“ en ekki hug-
sjónum, ólíkt stærri hreyfingu að-
skilnaðarsinnaðra múslima, Frelsis-
her Moro, sem hefur samþykkt að
ganga til viðræðna við stjórnvöld.
Varaði forsetinn við því að aftöku
gíslsins, Jeffrey Schilling, yrði svar-
að af fullri hörku.
„Ríkisstjórnin lætur ekki glæpa-
gengi halda sér í gíslingu og ég hef
fyrirskipað allsherjarstríð á hendur
Abu Sayyaf. Allt kapp verður lagt á
að elta meðlimi hreyfingarinnar uppi
og útrýma henni,“ sagði Arroyo í
gær.
Afhöggvið höfuð
í „afmælisgjöf“
Talsmaður Abu Sayyaf, Abu Sab-
aya, sagði í viðtali við útvarpsstöð í
borginni Zamboanga í gærmorgun
að hreyfingin myndi hálshöggva
Schilling og færa forsetanum höfuð-
ið í „afmælisgjöf“ á fimmtudag. Full-
yrti hann að skæruliðum væri fyllsta
alvara og minnti á að þeir hefðu háls-
höggvið tvo gísla á afmælisdegi fyrr-
verandi forseta Filippseyja, Joseph
Estrada, fyrir ári.
Schilling var hnepptur í gíslingu í
ágúst sl., en auk hans heldur hreyf-
ingin einum heimamanni föngnum.
Abu Sayyaf komst í heimsfréttirn-
ar á síðasta ári fyrir rán á fjölda Fil-
ippseyinga og vestrænna ferða-
manna, sem haldið var í gíslingu á
eyjunum Jolo og Basilan. Estrada
sendi herinn á vettvang til að frelsa
gíslana.
Forseti Filippseyja
Lýsir yfir
stríði gegn
skæruliðum
Manila. AFP.
Gloria
Arroyo
DÓMSTÓLL í Moskvu „kastaði
björgunarhring“ í gær til rússneska
fjölmiðajöfursins Vladimírs Gúsinskí
í baráttu hans fyrir því að halda sjón-
varpsstöðinni NTV, sem fyrirtæki
hans Media Most rekur, lausri við
beina stýringu af hálfu Kremlar-
valdsins.
Héraðsdómstóll setti lögbann á
hluthafafund NTV sem jarðgasein-
okunarfyrirtækið Gazprom, sem að
mestu er í ríkiseigu, hafði boðað til í
dag, þriðjudag. Gazprom á nú 46%
hlutabréfa í NTV.
En frammámenn Gazprom sögð-
ust ekki vita um neitt lögbann og
áformuðu að halda boðaðan hlut-
hafafund í höfuðstöðvum Gazprom í
Moskvu. Gazprom-menn vilja bola
Gúsinskí og helztu samherjum hans
úr stjórn NTV í krafti þess að þeir
ráði í raun yfir meirihluta hluthafa-
atkvæða.
Gúsinskí berst gegn
framsali til Rússlands
Gúsinskí, stofnandi NTV, hefur
verið að reyna að verjast yfirtökutil-
raunum Gazprom á NTV – einu
einkareknu sjónvarpsstöðinni, hvers
dagskrá næst um allt Rússland.
Gúsinskí stendur í baráttu gegn
því að vera framseldur frá Spáni til
Rússlands, en í Rússlandi hefur ver-
ið gefin út ákæra á hendur honum
fyrir meint fjársvik í tengslum við
Media-Most-fjölmiðlafyrirtækja-
samsteypuna. Hann heldur því fram
að tilraunir Gazprom til yfirtöku á
NTV sé liður í því að þagga niður í
gagnrýni stöðvarinnar á stjórnar-
hætti Vladimírs Pútíns forseta, en
slíkum ásökunum vísa bæði tals-
menn Gazprom og stjórnvalda í
Kreml á bug.
Sagt prófsteinn á fjölmiðla-
frelsi í Rússlandi
Togstreitan um NTV-sjónvarps-
stöðina hefur bæði innan Rússlands
sem utan verið álitin prófsteinn á
það hvernig fjölmiðla- og málfrelsi
reiðir af með Pútín við stjórnvölinn.
Um tíu þúsund manns tóku þátt í
götumótmælum um helgina til að
sýna stuðning sinn við núverandi
stjórnendur NTV og andstöðu við yf-
irtökutilraunirnar.
Barátta einkasjónvarpsstöðvarinnar
NTV gegn yfirtöku Kreml-hollra
Lögbann sett á
hluthafafund
Moskvu. Reuters, AFP.
Reuters
Þátttakendur í götumótmælum
gegn yfirtökutilraunum á einka-
reknu sjónvarpsstöðinni NTV
hrópa hér slagorð til stuðnings
stöðinni í Moskvu um helgina.
MEÐLIMUR í íslömsku samtökun-
um Heilagt stríð (Jihad) var felldur í
árás ísraelskra herþyrlna í gær og
segja Palestínumenn þetta hafa ver-
ið tilræði og heita hefndum. Maður-
inn var að fara að heiman frá sér í
bænum Rafah á landamærum Gaza-
svæðisins og Egyptalands þegar
tvær herþyrlur skutu á bifreið hans
og brenndu til kaldra kola, að því er
haft var eftir sjónarvottum.
„Við munum leita hefnda vegna
tilræðis við einn af meðlimum okk-
ar,“ sagði fulltrúi Heilags stríðs ísl-
ams í Gaza-borg við fréttamann
AFP. „Viðbrögð hreyfingarinnar
munu verða viðeigandi og afdráttar-
laus eins og þið hafið fengið að sjá.“
Fáist það staðfest að um tilræði
hafi verið að ræða er þetta það fyrsta
síðan Ariel Sharon tók við embætti
forsætisráðherra Ísraels og hét
hertum aðgerðum gegn þeim sem
stjórnvöld telji ábyrga fyrir árásum
er beinist gegn Ísrael.
Á sunnudaginn felldu palestínskir
byssumenn ísraelskan hermann á
Vesturbakkanum og þá varaði yfir-
maður hersins, Shaul Mofaz, við því,
að sveitir sínar myndu ráðast gegn
þeim sem myrði ísraelska borgara.
Aðstoðaryfirmaður öryggisgæslu
Palestínumanna á Gaza-svæðinu
sagði að morðið á meðlimi Jihad-
samtakanna væri „heimskuleg að-
gerð“ af hálfu Ísraela. „Þessar
heimskulegu aðgerðir Ísraela, sem
náðu hámarki með árásinni í dag,
munu kynda undir óróa meðal Pal-
estínumanna,“ sagði hann.
Ísraelskur þingmaður, Yossi Katz,
átti í gær fund með nokkrum emb-
ættismönnum Palestínumanna og
lagði til að komið yrði á tímabundnu
vopnahléi fyrir botni Miðjarðarhafs,
þar sem óöld hefur geisað mánuðum
saman. Greindi palestínskur emb-
ættismaður frá þessu.
Katz er þingmaður Verkamanna-
flokksins og formaður allsherjar-
nefndar ísraelska þingsins. Átti
hann meðal annars fund með forseta
palestínska þingsins, Ahmed Qorei
og ræddu þeir möguleika á að
„stöðva ofbeldisaðgerðir í fimmtán
daga“, að því er haft var eftir emb-
ættismanninum. Mun Qorei hafa
tjáð Katz að Ísraelar „gætu bundið
enda á óeirðirnar með því að draga
herlið sitt á brott frá svæðum Palest-
ínumanna og hætta umsátrinu“.
Peres segir Palestínumenn
eiga rétt á að stofna ríki
Katz átti einnig fund með Yasser
Arafat, leiðtoga palestínsku sjálf-
stjórnarinnar, og yfirmanni öryggis-
mála Palestínumanna á Vesturbakk-
anum. Fóru fundir hans með
Palestínumönnunum fram í Ramall-
ah á Vesturbakkanum og greindi
ísraelska útvarpið frá því að Katz
hefði ekki fengið heimild til að fara
til Vesturbakkans. Síðan átök færð-
ust í aukana í fyrra hafa Ísraelar
orðið að fá sérstaka heimild til að
fara til Vesturbakkans og Gaza-
svæðisins.
Shimon Peres, utanríkisráðherra
Ísraels, ítrekaði í gær að Palestínu-
menn ættu rétt á að stofna sjálfstætt
ríki, þrátt fyrir þau átök sem þeir
eiga nú í við Ísrael. Peres var stadd-
ur í Stokkhólmi þar sem hann átti
viðræður við utanríkisráðherra Svía.
Þegar fréttamenn spurðu Peres
hvort hann teldi enn að Palestínu-
menn ættu rétt á að stofna sjálfstætt
ríki sagði Peres: „Já.“
Hann sagði um tímasetningu sjálf-
stæðisyfirlýsingar að það væri „und-
ir þeim komið“. Ísraelar væru reiðu-
búnir til samninga, en „það er erfitt
að eiga í samningaviðræðum á með-
an sprengjur springa“. Tók Peres
þar í sama streng og Sharon, sem
hefur lagt alla áherslu á öryggis-
gæslu.
Ísraelsher fellir liðsmann
Heilags stríðs íslams
Reuters
Palestínumenn virða fyrir sér flak bifreiðarinnar sem gerð var árás á í Rafah á Gaza-svæðinu í gær.
Rafah, Ramallah, Stokkhólmi. AFP.