Morgunblaðið - 03.04.2001, Blaðsíða 27
NEYTENDUR
MORGUNBLAÐIÐ ÞRIÐJUDAGUR 3. APRÍL 2001 27
VANSKIL korthafa hjá VISA Ís-
landi hafa aukist lítillega saman-
borið við sama tíma síðasta ár en
nokkuð hefur dregið úr vanskilum
korthafa Europay Ísland.
„Fjöldi korthafa í vanskilum í
febrúarbyrjun voru 8.243 sem er
6,62% af korthöfum með skuld í
lok janúarmánaðar. Á sama tíma í
fyrra var fjöldinn 7.389 sem var
6,65% af korthöfum með skuld,“
segir Anna Inga Grímsdóttir, for-
stöðumaður hagsýslusviðs hjá
VISA Íslandi. „Svo virðist sem van-
skil aukist í febrúar í ár. Fjöldi kort-
hafa í vanskilum eftir eindaga í mars
er 8.970 sem er 7,29% af korthöfum
með skuld í febrúarlok en sama hlut-
fall í fyrra var 6,9%. Samkvæmt
framansögðu er því ástæða til að
fylgjast grannt með þróun vanskila
og greiðsludreifingar næstu mánuði
því ýmsilegt bendir til að þrengra sé í
búi og minni bjartsýni ríkjandi en
verið hefur að undanförnu.“
Að sögn Ragnars Önundarsonar,
framkvæmdastjóra Europay Ísland,
fara vanskil korthafa minnkandi. Í
lok janúar árið 2000 námu vanskil
1,8% af korthöfum með skuld eða
samtals 2.087 korthafar en í lok janú-
ar í ár námu vanskil 1,5% eða samtals
2.237 korthafar.
„Það er útbreiddur misskilningur
að Íslendingar séu þjóða mestu
skuldarar á kreditkortum, þeir eru
þjóða mestir kortanotendur. Íslend-
ingar eru fyrst og fremst debetkorta-
þjóð. Ég hef spurt erlenda starfs-
bræður af hverju debetkortið sé
svona vinsælt í Evrópu, en 93%
heimsviðskipta eru með debetkort-
um, og svörin sem fást eru þau að hér
séu þeir Marteinn Lúter og Kalvín að
hafa áhrif,“ segir Ragnar og bætir við
að þeir hafi kennt Evrópumönnum að
skulda ekki og að eiga fyrir útförinni
sinni.
Greiðsludreifingar til fjögurra
mánaða algengastar
Aðspurð á hvaða aldri þeir séu sem
lenda í vanskilum og hve lengi þeir
séu að meðaltali að greiða skuldir sín-
ar kemur fram að ekki er haldið utan
um slíkar upplýsingar hjá fyrirtækj-
unum. Eingöngu er haldið utan um
fjölda korthafa í vanskilum sem og
þær upphæðir sem þeir skulda hverju
sinni.
Greiðsluskipting gerir korthöfum
kleift að jafna greiðslubyrði og sífellt
fleiri nýta sér þá þjónustu fyrir-
tækjanna. „Fjöldi greiðsludreif-
inga í febrúar hjá VISA var 7.585
á móti 6.816 í fyrra. Aukningin er
því 24%. Fjöldi greiðsludreifinga í
mars var 3.991 á móti 3.332 í fyrra
eða 27% aukning,“ segir Anna
Inga og bætir við að hvað varðar
fjölgreiðslur þá sé leyfilegt að
dreifa skuldinni til tólf mánaða.
Fjölgreiðslur til 4–6 mánaða eru
algengastar. Þá segir hún bank-
ana ákvarða vextina en þeir eru nú
á bilinu rúmlega 20 til tæplega 22%.
Ragnar segir að greiðsludreifingar
á jólareikningum hafi fylgt aukningu
á veltu, aukningin sé svipuð eða
36,6% milli ára. Í lok janúar, sem er
stærsti greiðsludreifingarmánuður
ársins, voru 6.236 korthafar með slíka
dreifingu. Þá er greiðsludreifing að
meðaltali í rúma fjóra mánuði algeng-
ust.
Hærri jólavelta
Kreditkortavelta VISA Íslands
innanlands í desembermánuði var 8,3
milljarðar eða 16% meiri en á sama
tíma í fyrra. Debetkortavelta innan-
lands var á sama tíma 9,3 milljarðar
eða 11% meiri en í fyrra. Velta kredit-
færslna í desember hjá Europay Ís-
land var síðan 2,6 milljarðar og er það
24,8% aukning milli ára. Meðalvelta á
mánuði var 1,8 milljarðar árið 2000.
Velta debetkortafærsla var 3,8 millj-
arðar en það er 12,3% aukning milli
ára.
Vanskil og greiðsluskipting hjá korthöfum VISA og Europay
Sífellt fleiri nýta sér
greiðsluskiptingu