Morgunblaðið - 03.04.2001, Blaðsíða 21

LANDIÐ
MORGUNBLAÐIÐ ÞRIÐJUDAGUR 3. APRÍL 2001 21
Búðardal - Opnaður hefur verið
reikningur í Búnaðarbankanum í
Búðardal til styrktar fjölskyldunni
á Giljalandi í Dalasýslu, en hún
lenti sem kunnugt er í snjóflóði 7.
mars sl.
Þar urðu þau fyrir allmiklu fjár-
hagslegu tjóni auk meiðsla og nú
vilja vinir þeirra og velunnarar
hjálpa þeim að vinna sig út úr
þeim erfiðleikum. Þeir sem vilja
taka þátt í þessari söfnun geta lagt
peningaupphæð inn á reikning
312-13-140414 í Búnaðarbankanum
í Búðardal.
Safnað fyrir
fjölskylduna
í Giljalandi
Hrunamannahreppi - Opnuð hefur
verið sýning um sögu hins merka
staðar Haukadals á annarri hæð
Geysisstofu í Biskupstungum. Bisk-
up Íslands, herra Karl Sigurbjörns-
son, sem hefur að undanförnu verið
á ferð um Árnesþing, opnaði sýn-
inguna.
Í setningarávarpi sagði hann
meðal annars að á sýningunni fengj-
um við þá innsýn í það verkstæði
sköpunnar sem landið okkar væri,
menninguna og sköpunarstarf hins
góða mannlífs sem fór fram í
Haukadal til forna og við vildum sjá
að væri hliðstætt verkefni okkar
með hverri kynslóð; sköpunarstarf
mannsandans og guðsandans.
Það voru þær Hildur Hákon-
ardóttir og Alda Sigurðardóttir sem
hönnuðu þessa mjög svo athygl-
isverðu sýningu. Leiddi Hildur gesti
um sýninguna og útskýrði, en hvert
skref, sagði hún, spannaði hver 50
ár. Þær stöllur nutu aðstoðar Páls
Lýðssonar, fræðimanns í Litlu-
Sandvík, til handritsöflunar. Með til-
komu þessarar sýningar má segja að
enn ein skrautfjöðrin hafi bæst við á
þessum merka og fjölsótta stað.
Sýning um sögu
Haukadals
Morgunblaðið/Sigurður Sigmundsson
Biskup Íslands, Karl Sigurbjörnsson, Alda Sigurðardóttir með son sinn
Jónas og Hildur Hákonardóttir við opnun sýningarinnar.
Laxamýri - Frost og stillur hafa
einkennt veðurfarið í Þingeyjar-
sýslu að undanförnu og hafa margir
notað þessa góðu daga til útivistar.
Sylwester Adamus frá Póllandi,
sem starfar í Laugafiski, kann vel
að meta veðráttuna og fer öðru
hverju og dorgar á Vestmanns-
vatni. Veiðin er nokkuð misjöfn en
fyrir nokkru fékk hann nítján sil-
unga í einni ferð og oftast er eitt-
hvað að hafa. Sylwester beitir
rækju og verður mikið var þó svo
að hann nái þeim ekki öllum. Hann
veit fátt skemmtilegra en að sitja á
stól úti á ísnum og njóta veðurblíð-
unnar. Góð veiði spillir ekki fyrir.
Morgunblaðið/Atli Vigfússon
Sylwester Adamus segist njóta
þess að sitja úti á ísnum og bíða
þess að fiskurinn bíti á.
Dorgað á
Vestmanns-
vatni
Húsavík - Fyrir skemmstu var Ís-
landsmótið í boccia haldið í íþrótta-
húsinu að Austurbergi í Reykjavík,
að venju sendi boccia-deild Völs-
ungs lið til keppni. Það er skemmst
frá því að segja að árangur þeirra
var góður, misgóður þó. Best stóðu
sig þeir Olgeir Heiðar Egilsson,
Kristbjörn Óskarsson og Hörður Ív-
arsson. Þeir urðu Íslandsmeistarar
í annarri deild og keppa því í þeirri
fyrstu að ári.
Kristbjörn fyrirliði liðsins sagði
nú væri ekkert annað í stöðunni en
að æfa vel og standa sig í deild
þeirra bestu, fyrstu deildinni.
Íslandsmeistarar
í annarri deild
Morgunblaðið/Hafþór Hreiðarsson
Olgeir H. Egilsson, Kristbjörn
Óskarsson fyrirliði og Hörður
Ívarsson kampakátir með verð-
launagripi sína.
Góður
árangur
í boccia