Morgunblaðið - 26.04.2001, Blaðsíða 6
FRÉTTIR
6 FIMMTUDAGUR 26. APRÍL 2001 MORGUNBLAÐIÐ
ÍSLAND er meðal fimm aðilasem í gær hlutu viðurkenn-ingu bandarísku umhverfis-
samtakanna Global Green USA
fyrir framlag sitt til umhverfis-
mála.
Auk Íslands eru það blaðamenn-
irnir Bill Moyers og Judith David-
son Moyers, samtökin Pew Center
sem sinna loftslagsmálefnum, og
arkitektafyrirtækið Helmuth
Obata Kassabaum. Viðurkenning-
arnar eru veittar fyrir framlag
þessara aðila í iðnaði, byggingar-
starfsemi, fjölmiðlun, opinberri
stefnu og fyrir að leggja sitt af
mörkum til að hvetja til sjálfbærr-
ar framtíðar.
Í viðurkenningarskjali Íslands
segir að Mikhail S. Gorbachev og
Global Green USA óski ríkisstjórn
Íslands til hamingju með stefnu
sína í orkumálum fyrir að byggja á
endurnýjanlegum orkugjöfum.
Undir forystu Davíðs Oddssonar
forsætisráðherra hafi Ísland lagt
grundvöll að því að snúa heiminum
í átt til hreinnar orku og tekið stór
skref til að hindra loftlagsbreyt-
ingar.
„Mér þykir afar vænt um þessa
viðurkenningu fyrir hönd Íslands
því þarna er verið að viðurkenna
verk sem unnið hefur verið að,
ekki bara í nokkur ár heldur ára-
tugi á Íslandi, nokkuð á undan
öðrum þjóðum og um leið er verið
að viðurkenna áframhaldandi
stefnu sem mörkuð hefur verið,“
sagði Davíð Oddsson forsætisráð-
herra í samtali við Morgunblaðið í
gær. „Þetta dregur athyglina að
Íslandi sem landi sem er í algjörri
forystu þar sem 70% orkunnar
kemur frá endurnýjanlegum orku-
gjöfum og um og yfir 90% ef
sleppt er bílum og skipum. Ég tel
að það sé að fá byr út um allan
heim að í Kyoto-bókuninni ætti að
viðurkenna mikilvægi þess að not-
aðir séu endurnýjanlegir og hrein-
ir orkugjafar, það ætti að ýta und-
ir og verðlauna þá aðila sem það
gera. Global Green samtökin eru
að viðurkenna það hér.“
Í ræðu sinni við afhendingu við-
urkenningarinnar sagði Davíð
Oddsson meðal annars að ríkis-
stjórnin hefði sett sér það mark-
mið að byggja efnahag landsins al-
gjörlega á endurnýjanlegum
orkugjöfum innan fárra áratuga.
„Sumir kunna að halda að þetta
sé annaðhvort ímyndun eða skáld-
skapur. En þetta er staðreynd og
Ísland er vel í stakk búið til að
taka að sér slíkt verkefni og við
teljum okkur skylt að vissu marki
að vera í forystu á þessu sviði,“
sagði ráðherra. Hann benti á að
yfir tveir þriðju orkunnar kæmu
frá endurnýjanlegum orkugjöfum,
vatnsorku og gufuorku, og væri
það hæsta hlutfall í nokkru landi
heimsins. Hann gerði einnig ál-
framleiðslu að umtalsefni og sagði
hana fara vaxandi á Íslandi. Áhrif
þess myndu verða umhverfinu til
góðs þar sem ál væri á Íslandi
framleitt með vatnsorku en víða
annars staðar með raforku sem
framleidd væri með jarðeldsneyti.
Þá benti forsætisráðherra á nauð-
syn þess að Ísland stefndi að því
að vetnisvæða bíla- og skipaflot-
ann. Tilraunaverkefni væri nú að
hefjast á því sviði.
Davíð nefndi einnig vaxandi
ferðamannastraum til Íslands og
sagði hann sífellt vaxandi enda
hefðu margir áhuga á að heim-
sækja landið og kynna sér sér-
stæða náttúru þess. Hann sagði að
fara yrði varlega í að taka á móti
mikilli fjölgun ferðamanna og huga
yrði að því að undirbúa viðkvæma
staði fyrir auknum ágangi manna.
Mikhail Gorbachev, sem stofnaði
samtökin Green Cross Internat-
ional, Alþjóða græna krossinn,
sem starfa að umhverfismálum,
var viðstaddur athöfn í New York í
gær þegar viðurkenningarnar voru
afhentar. Hafði hann daginn áður
flutt erindi í Washington um þá
ógn er heiminum stafar af
kjarnavopnabirgðum og efnavopn-
um í Rússlandi og Bandaríkjunum.
Hann ræddi einnig við Bush, for-
seta Bandaríkjanna, og þingmenn-
ina Sam Nunn og Richard Lugar
sem báðir hafa stutt mjög aðgerðir
í umhverfismálum og talað fyrir
auknum fjárframlögum til þeirra.
Á blaðamannafundi þar sem við-
urkenningarnar voru kynntar
sagði Mikhail Gorbachev meðal
annars að bandarísk Gallup-könn-
un sýndi að 50% þjóðarinnar teldu
að umhverfismál yrðu að fá for-
gang. Hann sagði tækifæri til þess
nú og mikilvægt væri með við-
urkenningum sem þessum að
senda heiminum þau boð að okkur
væri annt um náttúruna. Hann
sagði að Bandaríkin ættu að vera í
forystu á þessu sviði. Hann sagði
að fram hefðu komið ýmis dæmi að
undanförnu um að ríkisstjórnir, at-
vinnulífið og einstaklingar sýndu
ekki nægan skilning á mikilvægi
umhverfisverndar. Því væri starf-
semi Global Green og Green Cross
samtakanna mikilvæg.
Alþjóðlegu og bandarísku sam-
tökin hafa tekið höndum saman til
að hvetja til eyðingar efnavopna
og kjarnavopnabirgða í Bandaríkj-
unum og Rússlandi. Hefur verið
tekið upp sérstakt samstarf við
Oregon-fylki í Bandaríkjunum og
Penza í Rússlandi en í báðum
þessum byggðarlögum eru miklar
birgðir af slíkum efnum. Þá er
unnið að sérstökum aðgerðum til
að eyða um 5.400 tonnum af tauga-
gasi og 916 kjarnaflaugum í Rúss-
landi.
Verndun vatns og aðgangur
allra að hreinu vatni er líka á dag-
skrá samtakanna. Meðal annars er
unnið að verkefni í Miðausturlönd-
um undir kjörorðunum „vatn fyrir
frið og frið fyrir vatn“ til að hrinda
í framkvæmd vatnsöflunarátaki og
vatnsveitum og hefur einkafyrir-
tækjum og ríkisstjórnum verið
stefnt saman í verkefnið.
Ísland var meðal fimm aðila sem hlutu bandaríska umhverfisviðurkenningu í gær
„Þykir vænt um
þessa viður-
kenningu fyrir
hönd Íslands“
Davíð Oddsson forsætisráðherra tók í gær
fyrir hönd Íslands við verðlaunum banda-
rísku umhverfissamtakanna Global Green
USA. Kjartan Þorbjörnsson og Jóhannes
Tómasson fylgdust með verðlaunaathöfn-
inni, en verðlaunin eru veitt fyrir stefnu
landsins í orkumálum og voru þau afhent
við hátíðlega athöfn í New York í gærkvöld.
Morgunblaðið/Golli
Túlkur Gorbachevs sýnir honum útsýnið af 64. hæð Rockafellar Plaza-byggingarinnar þar sem fundurinn var
haldinn. Á bak við þá fylgjast Jón Baldvin Hannibalsson, Þorsteinn Ingólfsson og Davíð Oddsson með.
Davíð Oddsson forsætisráðherra og Mikhail Gorbachev á blaðamanna-
fundi hjá Global Green USA í gærkvöld.
joto@mbl.is
NÓG er til af íslenskum tómötum
og grænni papriku hjá Sölufélagi
garðyrkjumanna samkvæmt upplýs-
ingum fyrirtækisins. Heildsöluverð
á tómötunum frá þeim nú er á bilinu
450-500 kr. kílóið og heildsöluverð á
íslenskri, grænni papriku er á bilinu
500-550 kr. kílóið, að sögn Örvars
Karlssonar, sölustjóra fyrirtækis-
ins.
Örvar sagði að verðið á innlend-
um tómötum og grænni papriku
væri mismunandi og færi eftir
magni innkaupa. Verð á tómötum
væri svona 450-500 kr. og verð á
grænni papriku 500-550 kr.
Kolbeinn Ágústsson, gæðastjóri
hjá Sölufélagi garðyrkjumanna,
sagði að það væri rangt að ekki
væri nóg til af íslenskum tómötum
og grænni papriku, eins og kom
fram í Morgunblaðinu í gær, og
ítrekaði fullyrðingar sínar þar um
að nægjanlegt framboð væri af
ofangreindum grænmetistegundum.
Þeir menn sem héldu þessu fram
hefðu ekki einu sinni hringt til að
spyrja að þessu.
Kolbeinn sagði að þeir hefðu ver-
ið með tómatana í allan vetur pakk-
aða og þeir ættu líka og hefðu átt
undanfarnar vikur tómata í lausu ef
menn hefðu viljað það. Hann skildi
ekki hvað menn væru að fara með
þessu.
Ekkert offramboð
Hann bætti því við að það væri
ekkert offramboð, en framboðið
væri að aukast með hverjum deg-
inum og það væri nægjanlegt. Málið
væri að menn hefðu ekkert hringt
til að athuga með vöruna, vegna
þess að þeir hefðu átt eftir nóg af
sinni innfluttu vöru. Eflaust hefðu
þeir tekið mikið inn áður en toll-
arnir lögðust á þessar tegundir og
væru bara að klára það magn.
Verð á innlendum tómötum og papriku
Heildsöluverðið
450–550 kr. kílóið