Morgunblaðið - 26.04.2001, Blaðsíða 27

RAFBJÖRG hefur hafið sölu á nýjum
flotgöllum frá Sundridge, en Sund-
ridge-flotgallar hafa verið mest seldu
flotgallar í Evrópu undanfarin ár.
Um er að ræða tvær gerðir. Annars
vegar er það galli úr öndunarefni, það
er hleypir svita (raka) út en er 100%
vatnsheldur, hann er með lausu innra
byrði og því hægt að nota ytra byrðið
sem léttan vatnsheldan hlífðarfatnað
með öndun. Gallinn er með sérstyrk-
ingum á hnjám, olnboga og rassi,
neoprene á úlnlið. Hár kragi er á gall-
anum og hetta sem hægt er að renna
af.
Hins vegar er það galli með auka
uppblásanlegum kút í bringu sem
tryggir að ef menn falla í vatn/sjó, þá
snýr gallinn viðkomandi í rétta stöðu
með andlit vel yfir yfirborði.
Gallarnir eru til sem samfestingar
eða tvískiptir og er eins og allir flot-
gallar frá Sundridge með tveggja ára
ábyrgð.
Nýjar gerðir af
vinnuflotgalla
ÚR VERINU
MORGUNBLAÐIÐ FIMMTUDAGUR 26. APRÍL 2001 27
„ÞAÐ var vissulega sérkennilegt að
ganga hér um sali og ræða við full-
trúa íslenskra fyrirtækja undir þess-
um kringumstæðum sem deila sjó-
manna og útvegsmanna hefur haft í
för með sér,“ segir Árni Mathiesen
sjávarútvegsráðherra, en hann
heimsótti sjávarútvegssýninguna í
Brussel í gær ásamt fulltrúum ráðu-
neytisins, Útflutningsráðs og Ný-
sköpunarsjóðs. „Ég varð í sam-
ræðum mínum vissulega var við
nokkrar áhyggjur þessara sölufyrir-
tækja, enda eru hér verulegir hags-
munir í húfi fyrir íslenskan sjávar-
útveg og markaðsstarfsemi okkar
erlendis.
Útilokar ekki lagasetningu
Eftir því sem verkfallið dregst á
langinn eykst pressan bæði á sjó-
menn og útvegsmenn að leysa deil-
una og ég hef að undanförnu lagt á
það ríka áherslu að þessir aðilar
komist að samkomulagi sem báðir
geta verið sáttir við. Ég vil hins veg-
ar ekki útiloka þann möguleika að
Alþingi og ríkisstjórnin grípi inn í
þessa deilu með lagasetningu, en slík
aðgerð myndi einungis fresta raun-
verulegri lausn á þessari langvinnu
deilu. Eins og staðan er í dag get ég
hins vegar ekki séð nein teikn á lofti
um að sjómenn og útvegsmenn séu
að komast að einhverri ásættanlegri
niðurstöðu.
Þrýstingurinn er hins vegar að
aukast, ekki síst frá fiskframleiðend-
um og sölufyrirtækjum eins og þeim
sem stödd eru hér á sýningunni í
Brussel,“ segir Árni Mathiesen.
Viðskiptasambönd í hættu
Einn af þeim sem ráðherra hitti á
sýningunni var Gunnar Örn Krist-
jánsson forstjóri SÍF hf. sem eru
stærstu íslensku sölusamtökin fyrir
íslenskar sjávarafurðir. Hann tekur
öllu dýpra í árinni en Árni og segir að
viðskiptasambönd íslenskra fyrir-
tækja á þessum markaði séu í stór-
hættu. „Þessi deila er farin að hafa
alvarleg áhrif á trúverðuleika okkar
sem framleiðenda og seljenda á af-
urðum og þetta sést best á þeim
mörkuðum þar sem við erum að selja
frystar afurðir,“ segir Gunnar Örn.
„Ég tel reyndar að ráðherra hefði átt
að koma með samninganefndir sjó-
manna og útvegsmanna hingað með
sér til að þær sæju hvað er að gerast
hjá íslensku fyrirtækjunum. Okkar
viðskiptavinir standa ekki í biðröð
eftir íslenskum fiski, þeir eru að leita
eftir öðrum aðilum sem geta selt
þeim þær sjávarafurðir sem þeir
þurfa. Það er nóg framboð annars
staðar og eins og staðan er í dag get
ég fullyrt að þau viðskiptasambönd
sem íslensk fyrirtæki í þessum iðnaði
hafa byggt upp á löngum tíma eru í
stórhættu. Deiluaðilar í verkfallinu,
sjómenn og útvegsmenn, verða að
gera sér grein fyrir þessari stöðu og
þeirri ábyrgð sem þeir hafa og þeir
verða að komast að niðurstöðu sem
fyrst. Annars eru íslenskir hagsmun-
ir í þessum geira í stórhættu,“ segir
Gunnar Örn Kristjánsson.
Hundraða milljóna króna
tap í ferskfiskiðnaðinum
„Við erum búnir að finna fyrir
áhrifum þessa verkfalls í langan tíma
og raunverulega byrjuðum við að
kljást við þetta ástand löngu áður en
það hófst,“ segir Ingvar Eyfjörð,
sölustjóri hjá Trosi í Sandgerði. Tros
er eitt af dótturfyrirtækjum SÍF hf.
og flytur ferskan fisk á markaði er-
lendis.
„Íslenski ferskfiskmarkaðurinn
hefur breyst verulega á undanförn-
um árum og við erum nú að selja
stærri aðilum sem gera kröfu um
stöðugt framboð, gæði og verð. Verk-
fallið hefur einfaldlega þau áhrif að
trúverðuleiki okkar bíður hnekki og
margra ára markaðsstarf er að verða
að engu. Við höfum þurft að ganga út
úr kynningum og sölustarfsemi
snemma á þessu ári því við gátum
einfaldlega ekki lofað neinu eftir að
verkfallið hófst og gátum ekki tryggt
framboð í sumar. Ég get fullyrt að
ferskfiskiðnaðurinn á Íslandi hefur
orðið fyrir hundraða milljóna króna
tapi nú þegar vegna verkfallsins og
því lengur sem það dregst á langinn,
því alvarlegri verða afleiðingarnar.
Hrygningarstoppið
hefði gert illt verra
„Ákvörðun sjávarútvegsráðherra
um að hætta við hrygningarstoppið
bjargaði í raun og veru miklu fyrir
okkur út frá markaðslegu sjónarmiði
því okkur hefur tekist að halda okkur
að nokkru leyti á floti með smábáta-
fiskinum. Sú leið er hins vegar ekki
til langframa og þess vegna bíður
maður og vonar að þessi deila leysist
sem fyrst,“ segir Ingvar Eyfjörð.
Árni Mathiesen heimsækir sjávarútvegssýninguna í Brussel
Áhyggjur vegna sjó-
mannaverkfallsins
Brussel. Morgunblaðið.
OPINN fundur um gæðamál í fisk-
vinnslu verður haldinn í Hollandi 3.
maí næstkomandi að sögn Björns
Auðunssonar hjá Rannsóknarstofn-
un fiskiðnaðarins. Málin á dagskrá
verða t.d. gæði á fiski, hvernig eru
gæði mæld? – hvernig varðveitast
gæði? – og eru gæðamerkingar
gagnlegar í viðskiptum með fisk? En
fremur Evrópuverkefnið um gæða-
merkingar fisks sem er samskipta-
verkefni 14 þjóða sem hefur það að
markmiði að skilgreina hvað felst í
gæðamerkingum fyrir fisk og hvern-
ig best sé að mæla gæði en ávinning-
urinn er sá að auðvelda verslun með
fisk og mæta kröfum markaðarins
um hvaða upplýsingar varðandi gæði
skipta máli í viðskiptum með fisk.
Tilefni þessa opna fundar er ekki
hvað síst að „kröfur um rekjanleika
og gæði matvæla verða sífellt hávær-
ari og þá er fiskur síst undanskilinn,
enda viðkvæmt hráefni. Þetta er
nokkuð sem íslenskir fiskútflytjend-
ur/seljendur vita og á eftir að heyr-
ast æ oftar á næstu árum,“ eins og
fram kemur í fréttatilkynningu frá
Rannsóknarstofnun fiskiðnaðarins.
Fundur um
gæði á fiski
VEL hefur gefið til sjósóknar síð-
ustu daga og smábátar róið stíft,
enda sjómenn á skipum stærri en
12 tonn í verkfalli. Þokkalega
hefur fiskast hjá netabátum í
Sandgerði að undanförnu og þeir
fengið 3 til 4 tonn á dag. Grétar
Pálsson, skipstjóri á netabátnum
Sæljóma GK, segir þó að nú sé
farið að draga nokkuð úr afla-
brögðunum. „Við höfum fengið
tvo til þrjú tonn í fimm trossur
síðustu daga. Við höfum verið
með netin hér skammt undan
Sandgerði og nú er kominn sá
tími þegar fer að minnka fisk-
gengd í fjörunum. Annars hefur
vertíðin ekki verið góð og reynd-
ar er varla hægt að tala um ver-
tíðar lengur, miðað við sem áður
var. Þá var stundum tvíróið á
einum degi og aflinn oft um 20
tonn eftir daginn. Slíkt kemur
varla fyrir nú á dögum,“ segir
Grétar skipstjóri.
Ásgeir Gíslason, skipverji á Sæljóma GK, og Grétar Pálsson skipstjóri
landa góðum afla í Sandgerði á dögunum.
Morgunblaðið/Arnór
„Stundum tvíróið“
VÍSIR, félag skipstjórnarmanna á
Suðurnesjum, lýsir yfir stuðningi við
samninganefnd FFSÍ og leggur
áherzlu á að allur fiskur skuli seldur
á uppboðsmörkuðum eða verð á hon-
um verði markaðstengt. Fundur
félagsins samþykkti ályktun þess
efnis í þessari viku:
„Fundur Vísis, félags skipstjórn-
armanna á Suðurnesjum, haldinn 24.
apríl 2001, hvetur samninganefnd
Farmanna- og fiskimannasambands
Íslands að víkja hvergi frá kröfum
sínum í yfirstandandi kjaradeilu við
samtök útvegsmanna. Fundurinn
lýsir yfir að deilan um fiskverð verði
aldrei leyst nema að allur fiskur
verði seldur á uppboðsmörkuðum
eða tengdur markaðsverði. Aðrar
lausnir varðandi verðmyndun á fiski
muni einungir halda deilunni gang-
andi um ókomna tíð.
Fundurinn beinir því til stjórn-
valda að virða samningsrétt samtaka
sjómanna til að ljúka endurnýjun
kjarasamninga við útvegsmenn án
þess að grípa fram fyrir hendur
samningsaðila.“
Skipstjórnarmenn á Suðurnesjum
Vilja allan fisk
á fiskmarkað
♦ ♦ ♦