Morgunblaðið - 26.04.2001, Blaðsíða 37
LISTIR
MORGUNBLAÐIÐ FIMMTUDAGUR 26. APRÍL 2001 37
Heimsferðir opna þér leiðina til Ítalíu á
verði sem hefur aldrei sést fyrr á Íslandi.
Vikulegt flug alla föstudaga til Mílanó, þessarar háborgar lista og tísku í
heiminum. Hér kynnist þú listaverkum Leonardo da Vinci, Scala-óperunni
með frægustu listamönnum heimsins, hinum fræga miðbæ þar sem
Duomo-dómkirkjan gnæfir yfir, hinni frægu verslunargötu Galeria Vittorio
Emanuele II, ráðhúsinu, glæsilegustu verslunum heimsins, listasöfnum og
nýtur lífsins í þessu menningarhjarta Evrópu.
Beint flug föstudaga
- engin millilending
Mílanó
í sumar
frá 22.720 kr.
Verð kr. 22.720
Verð á mann m.v. hjón með 2 börn,
2-11 ára.
Skattar, kr. 2.495 fyrir fullorðinn, kr.
1.810 fyrir barn, innifaldir.
Ekki er öruggt að lægsta fargjald sé
til í öllum brottförum.
Verð kr. 23.520
Flugsæti fyrir fullorðinn.
Verð kr. 26.015 með sköttum.
Skógarhlíð 18, sími 595 1000. www.heimsferdir.is
Flugsæti
Flug og bíll
Flug og hótel
SÖNGSVEIT Hafnarfjarðar heldur
sína fyrstu tónleika í Hafnarborg í
Hafnarfirði í dag og á morgun kl. 20.
Um er að ræða nýstofnaðan fimmtíu
manna kór sem fæst við óperu og
vínartónlist. Stjórnandi er Elín Ósk
Óskarsdóttir.
„Ég var búin að ganga með það í
maganum í mörg ár að setja kór af
þessu tagi á stofn. Ég stofnaði hann í
september síðastliðnum ásamt
nokkrum af fyrri félögum úr Rang-
æingakórnum í Reykjavík en honum
stjórnaði ég í tíu ár. Síðan var aug-
lýst eftir félögum í kórinn og úr varð
fimmtíu manna blönduð söngsveit,“
segir Elín Ósk.
Veturinn hefur söngstjórinn notað
til að byggja kórinn upp. „Mitt
áhugasvið er náttúrulega óperutón-
list, þar sem ég er óperusöngkona
sjálf, og framtíðin er sú að kórinn
muni eingöngu syngja óperu- og
óperettutónlist. Viðbrögð við þessu
hafa verið mjög jákvæð enda yrði
þetta þá eini kórinn á landinu, utan
Kór Íslensku óperunnar, sem sér-
hæfði sig á þessu sviði. Ég hef fengið
til liðs við mig afskaplega gott fólk og
er bjartsýn á framhaldið.“
En ætlar Söngsveit
Hafnarfjarðar þá í
beina samkeppni við
Kór Íslensku óperunn-
ar?
„Það er auðvitað allt-
af gott að hafa eitthvað
að stefna að – hafa ein-
hverja góða til viðmið-
unar. Mitt markmið er
þó fyrst og fremst að
byggja þennan hóp
upp, hvetja hann til að
gera sitt besta.“
Inntökupróf verða á
vegum Söngsveitar
Hafnarfjarðar að vori
og hausti og Elín Ósk
stefnir að því að koma á
fót kórskóla í tengslum við söng-
sveitina næsta haust. „Þetta er með
öðrum orðum bara byrjunin.“
Ekki skilyrði að
vera úr Hafnarfirði
Þótt söngsveitin kenni sig við
Hafnarfjörð segir Elín Ósk það ekki
skilyrði til inntöku að söngfólkið sé
úr Firðinum. „Það er hins vegar ekki
lakara,“ segir hún og hlær dátt.
Söngstjórinn hlakk-
ar afskaplega mikið til
tónleikanna í kvöld og
á morgun. „Þetta verð-
ur spennandi. Draum-
urinn er að rætast. Það
má eiginlega líkja
þessu við að sjá barnið
sitt fæðast.“
Elín Ósk lofar
skemmtilegri efnisskrá
en á tónleikunum verð-
ur flutt efni úr óperum
á borð við Il trovatore,
Cavalleria Rusticana,
Leðurblökunni og Sí-
gaunabaróninum en
einsöng syngja Þorgeir
J. Andrésson, Gréta
Jónsdóttir, Hanna Björk Guðjóns-
dóttir, Steinarr Magnússon, Kjartan
Ólafsson og Elín Ósk Óskarsdóttir.
Búið hefur verið til svið í Hafn-
arborg og segir Elín Ósk mikið lagt í
umgjörðina. „Sviðið verður blómum
prýtt, konurnar verða í sínum galak-
jólum og karlarnir klæddir í kjól og
hvítt.
Áherslur eru mikilvægar innan
þessa hóps. Nú er bara að drífa sig!“
Morgunblaðið/Kristinn
Elín Ósk Óskarsdóttir stjórnar Söngsveit Hafnarfjarðar á æfingu í Hafnarborg.
Fyrstu tónleikar Söngsveitar Hafnarfjarðar í Hafnarborg
„Eins og að sjá
barnið sitt fæðast“
Elín Ósk
Óskarsdóttir
Gunnþór Guð-
mundsson
sýnir í
Gerðubergi
Í FÉLAGSSTARFI Gerðubergs
opnar Gunnþór Guðmundsson
myndlistarsýningu á morgun,
föstudag, kl. 16.
Gunnþór er fæddur í Galtarnesi
1916 og er yngstur 13 systkina.
Hann hefur unnið við ýmis störf
um ævina en lengst af var hann
bóndi í Dæli í Víðidal. Landbún-
aðarstörfin fullnægðu Gunnþóri
ekki alveg því hann hefur í gegnum
tíðina sótt í listræna útrás af ýmsu
tagi. Eftir hann liggja þegar fjórar
bækur með ljóðum og ýmsum
spakmælum sem hann hefur samið
eins og t.d. „aðeins ríkidæmi hjart-
ans er raunverulegt ríkidæmi“.
Gunnþór hóf að mála fyrir alvöru
1999 en afrakstur þess má sjá á
sýningunni.
Í tilefni opnunarinnar mun
Gerðubergskórinn syngja undir
stjórn Kára Friðrikssonar, m.a.
syngur kórinn lag eftir kórstjórn-
andann við ljóðið Víðidalur eftir
Gunnþór sjálfan. Félagar úr Tón-
horninu leika svo fyrir dansi.
Með opnuninni hefjast einnig
Menningardagar félagsstarfs
Gerðubergs sem standa til 4. maí.
Þá daga verða fjölbreyttar menn-
ingaruppákomur, m.a. tónleikar
gítarnemenda úr Tónskóla Sigur-
sveins og skemmtun í Hlégarði í
Mosfellsbæ í samstarfi við eldri
borgara í Mosfellsbæ, Kjós og á
Kjalarnesi.
Rabb um
vináttu
Gunnars og
Njáls
RANNSÓKNASTOFA í
kvennafræðum stendur fyrir
Rabbi í dag, fimmtudag, kl. 12-
13 í stofu 101 Odda. Ármann
Jakobsson, bókmenntafræð-
ingur flytur erindi með yfir-
skriftinni Karlmannaritið
Njála. Þar fjallar hann um
grein sem hann ritaði um Njálu
í Skírni í fyrra, viðtökur hennar
og um það sem hann lét ósagt í
greininni. Þar var Njála skoðuð
út frá hugmyndum um kynferði
og því var haldið fram að hug-
myndir sem þar birtust um
kynferði væru alls ekki íhalds-
samar eða að þar væri á ferð
kvenhatur, þvert á móti mætti
greina í Njálssögu róttæka af-
byggingu á ýmsum hugmynd-
um um kynferði.
Í þessu erindi ræðir hann
sérstaklega þann hluta grein-
arinnar sem mest viðbrögð hef-
ur fengið, þ.e. vináttu Gunnars
og Njáls og hvernig beri að
túlka viðbrögð annarra í sög-
unni við henni.
Úr djúpunum
í Ólafsvalla-
kirkju
„ÚR djúpunum“, tónlistardag-
skrá með ljóða- og lausamáls-
textum verður flutt í Ólafsvalla-
kirkju annað kvöld, föstu-
dagskvöld, kl. 20.30. Dag-
skráin, sem er byggð á lögum
sömdum af gyðingum í útrým-
ingarbúðum og gettóum síðari
heimsstyrjaldar, hefur verið
flutt víða á Suðurlandi í vetur,
og er þetta síðasti flutningur-
inn.
Flytjendur eru Hilmar Örn
Agnarsson, sem leikur á orgel-
harmoníum, Hjörtur Hjartar-
son, leikur á klarinett, Sveinn
Pálsson, á gítar og Ingunn
Jensdóttir, flytur söngva.
Eyvindur Erlendsson, fer
með ljóð og laust mál.
Vörðukórinn
syngur í
Gerðubergi
VÖRÐUKÓRINN heldur vor-
tónleika í Gerðubergi í kvöld,
fimmtudagskvöld, kl. 20.
Vörðukórinn er blandaður
kór, skipaður söngfólki úr upp-
sveitum Árnessýslu, þ.e.
Tungum, Hreppum og Skeið-
um. Á dagskrá verða sönglög
úr ýmsum áttum, íslensk þjóð-
lög, lög eftir Strauss, Schubert
og fleiri innlend og erlend tón-
skáld. Stjórnandi kórsins er
Stefán Guðmundsson. Píanó-
leikari og meðstjórnandi er
Katrín Sigurðardóttir.
Forsala
hafin á harm-
onikutónleika
FORSALA aðgöngumiða á fjölþjóð-
lega harmonikutónleika sem haldnir
verða í Langholtskirkju 5. maí er
hafin í Hljóðfæraverslun Leifs
Magnússonar á Gullteig 6. Yfirskrift
tónleikanna er Stjörnutónleikar á
nýrri öld og koma þar fram kunnir
harmonikuleikarar, m.a. Lars Ek frá
Svíþjóð. Miðar verða einnig seldir
við innganginn tónleikadaginn.
♦ ♦ ♦
Reykjalund-
arkórinn á
Hellissandi
REYKJALUNDARKÓRINN
heldur tónleika í Safnaðar-
heimilinu á Hellissandi á laug-
ardag kl. 17.
Á efnisskrá eru m.a. íslensk
þjóðlög, lög úr íslenskum leik-
ritum og lög úr erlendum
söngleikjum. Stjórnandinn Íris
Erlingsdóttir syngur einsöng
og Judith Þorbergsson leikur
undir, ýmist á píanó eða fag-
ott. Ágóði tónleikanna rennur í
orgelsjóð Jóhönnu Vigfúsar-
dóttur.