Morgunblaðið - 26.04.2001, Blaðsíða 76
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FIMMTUDAGUR 26. APRÍL 2001 VERÐ Í LAUSASÖLU 165 KR. MEÐ VSK.
SAMKOMULAG náðist í gær milli
stjórnarflokkanna um hvernig stað-
ið verður að sölu Landssímans.
Samgönguráðherra mun leggja
fram frumvarp um söluna á Alþingi
í dag og samkvæmt heimildum
Morgunblaðsins er mikið kapp lagt
á að hann nái að mæla fyrir frum-
varpinu á morgun eða mánudag,
svo að það náist fyrir nefndaviku í
næstu viku. Aðeins eru rúmar þrjár
vikur til áætlaðra þingloka.
Heimild til að selja
allt hlutaféð
Samkvæmt því frumvarpi sem
lagt verður fram í dag er gert ráð
fyrir að 49% af hlutafé ríkissjóðs í
Landssímanum verði seld í fyrsta
og öðrum áfanga, þar af 14% til al-
mennings, 10% til lítilla og með-
alstórra hluthafa og loks verður
einum aðila seldur allt að 25% hlut-
ur.
Sturla Böðvarsson samgönguráð-
herra sagði að allt kapp yrði lagt á
að koma málinu gegnum þingið fyr-
ir sumarfrí.
„Það verða eflaust nokkur átök,
enda er þetta stórt og mikið mál,“
sagði Sturla og bætti við: „Það
verður allt kapp lagt á að ljúka
málinu fyrir þinglok. Menn hafa áð-
ur séð stór frumvörp svona seint á
ferðinni.“
Frumvarpið gerir ráð fyrir að
ríkisstjórnin fái heimild til að selja
allt hlutafé Landssímans en sam-
komulag hefur náðst milli stjórn-
arflokkanna um útfærslu á sölunni.
Ekki eru dagsetningar í frumvarp-
inu en gert er ráð fyrir að salan
hefjist á þessu ári verði frumvarpið
að lögum á þessu þingi.
Ekki ósamkomulag milli
stjórnarflokkanna
Halldór Ásgrímsson, utanríkis-
ráðherra og formaður Framsókn-
arflokksins, sagði við Morgunblaðið
að ekki hefði verið ósamkomulag
milli stjórnarflokkanna um sölu á
Landssímanum, en framsóknar-
menn hefðu lagt áherslu á að staðið
yrði þannig að uppbyggingu fjar-
skiptakerfisins að sambærileg þjón-
usta yrði veitt á sambærilegu verði
um land allt.
Framsóknarmenn leggja einnig
áherslu á að styrkja þær eftirlits-
stofnanir sem fylgjast með fjar-
skiptamarkaðnum, þ.e. Póst- og
fjarskiptastofnun og Samkeppnis-
stofnun.
Halldór segir að enginn ágrein-
ingur sé milli flokkanna um það mál
og ekki þurfi heldur að gera sér-
stakt samkomulag á grundvelli til-
lagna einkavæðingarnefndar um
það hvenær meirihlutinn í fyrirtæk-
inu verði seldur og hvernig staðið
verði að þeirri sölu.
Samkomulag stjórnarflokkanna um sölu á Landssímanum
Frumvarp lagt fram
á Alþingi í dag
Allt kapp/10
DAVÍÐ Oddsson forsætisráðherra
tók í gær við verðlaunum bandarísku
umhverfissamtakanna Global Green
USA fyrir Íslands hönd. Verðlaunin
eru veitt fyrir stefnu landsins í orku-
málum og voru afhent við hátíðlega
athöfn í New York af Míkhaíl S.
Gorbachev, fyrrum leiðtoga Sovét-
ríkjanna sálugu, en hann stofnaði
Global Green International.
Ísland er meðal fimm aðila sem
hlutu þessa viðurkenningu fyrir
framlag til umhverfismála. Í viður-
kenningarskjali Íslands er ríkis-
stjórn Íslands óskað til hamingju
með stefnu sína í orkumálum og fyrir
að byggja þar á endurnýjanlegum
orkugjöfum. Undir forystu Davíðs
Oddssonar hafi Ísland lagt grundvöll
að því að snúa heiminum í átt til
hreinnar orku og tekið stór skref til
þess að hindra loftslagsbreytingar.
Í samtali við Morgunblaðið að at-
höfn lokinni sagði Davíð að sér þætti
vænt um þessa viðurkenningu fyrir
Íslands hönd. Þarna væri verið að
viðurkenna verk sem hefði verið
unnið að á Íslandi, ekki bara í nokkur
ár heldur áratugi. Um leið væri verið
að viðurkenna áframhaldandi stefnu
sem hefði verið mörkuð.
„Þetta dregur athyglina að Íslandi
sem landi í algjörri forystu þar sem
70% orkunnar koma frá endurnýj-
anlegum orkugjöfum og um og yfir
90% ef sleppt er bílum og skipum,“
sagði Davíð.
Umhverfisverðlaun Global Green USA afhent í gær
Morgunblaðið/Golli
Davíð Oddsson forsætisráðherra slær á létta strengi við fyrrverandi leiðtoga Sovétríkjanna, Míkhaíl S. Gorba-
chev, sem afhenti umhverfisverðlaun Global Green USA í New York í gær. Á milli þeirra er túlkur Gorbachevs.
Stefna Íslands í orku-
málum verðlaunuð
New York. Morgunblaðið.
Þykir vænt/6
STURLA Böðvarsson samgöngu-
ráðherra mælir í dag fyrir frumvarpi
til laga um áhafnir íslenskra skipa á
Alþingi. Nokkuð er um liðið frá því
að frumvarpið var lagt fram, en
vegna yfirstandandi kjaradeilu sjó-
manna og útgerðarmanna hefur
dregist að mæla fyrir því. Sjómenn
hafa lýst andstöðu við þætti í frum-
varpinu, en samkvæmt heimildum
Morgunblaðsins hefur náðst sam-
komulag innan ríkisstjórnarinnar
um að fresta gildistöku þess þáttar
sem lýtur að sjómönnum á fiskiskip-
um til þess að liðka fyrir lausn sjó-
mannaverkfallsins.
Umrætt frumvarp felur m.a. í sér
fækkun stýrimanna og vélstjóra um
borð í fiskiskipum hér á landi. Komið
hefur fram í Morgunblaðinu að for-
maður Vélstjórafélagsins sagði sjáv-
arútvegsnefnd Alþingis, að meðan
ekki yrðu gerðar breytingar á um-
ræddu frumvarpi yrði ekkert af
samningum.
Samkvæmt heimildum Morgun-
blaðsins mun ráðherra mæla fyrir
óbreyttu frumvarpi á þingi í dag, en
mælast til þess við samgöngunefnd
að í meðförum hennar verði sá kafli
sem lýtur að sjómönnum á fiskiskip-
um numinn brott.
Frumvarp um áhafnir íslenskra skipa
Kafli um sjó-
menn á fiskiskip-
um felldur brott
FORSTJÓRI Baugs, Jón Ásgeir Jó-
hannesson, segir að með fjárfesting-
um fyrirtækisins erlendis verði hægt
að ná hagkvæmari innkaupum og
það muni skila sér í lægra vöruverði
hér í verslunum Baugs, sem rekur
m.a. Bónus, Hagkaup og Nýkaup.
Baugur fjárfesti nýlega í verslana-
keðjunni Bills Dollar Stores í Banda-
ríkjunum en fyrir hafði fyrirtækið
sett upp Bonus Dollar Stores þar
vestanhafs. Jón Ásgeir segist hafa
orðið var við gagnrýni á þessar fjár-
festingar um að nær hefði verið að
verja hagnaðinum í að lækka vöru-
verð til íslenskra neytenda.
„Við teljum að þessar fjárfesting-
ar séu hagkvæmar. Með innkaupa-
samstarfi við Bills Dollar Stores get-
ur innkaupaafl Baugs í mörgum
vöruflokkum allt að sexfaldast sem
skilar sér í lægra vöruverði til neyt-
enda,“ segir Jón Ásgeir og telur að
sumar vörutegundir geti lækkað um
á annan tug prósenta. Lækkunin
geti átt sér stað strax næsta haust.
Hann segir að hið sama sé að ger-
ast með fjárfestingum í verslana-
keðjunni Arcadia og með sam-
starfinu við Debenhams.
Forstjóri Baugs um fjárfestingar erlendis
Skila sér hér í
lægra vöruverði
Samkeppnin/12
ÍSLAND vann góðan sigur á Möltu,
4:1, í undankeppni heimsmeist-
aramótsins í knattspyrnu í gær en
leikurinn fór fram á Möltu. Heima-
menn skoruðu fyrst en Tryggvi
Guðmundsson, Helgi Sigurðsson,
Eiður Smári Guðjohnsen og Þórður
Guðjónsson svöruðu með fjórum
mörkum. Með sigrinum fór Ísland
upp fyrir Norður-Írland og er nú í
fjórða sæti í sínum riðli með 6 stig
eftir 5 leiki.
Stórsigur
gegn Möltu
Morgunblaðið/Kristján
Arnar Þór Viðarsson, Brynjar
Björn Gunnarsson og Tryggvi
Guðmundsson fagna Helga Sig-
urðssyni eftir að hann hafði
komið íslenska liðinu yfir. Falleg mörk/B2