Morgunblaðið - 22.05.2001, Blaðsíða 15

HÖFUÐBORGARSVÆÐIÐ
MORGUNBLAÐIÐ ÞRIÐJUDAGUR 22. MAÍ 2001 15
ÞESSI fallega gæs var á beit á Álfta-
nesi á dögunum og greinir vitra
menn á um hver tegundin muni vera.
Sumir telja að þetta sé blendingur
af aligæs og grágæs, aðrir að þetta
sé kynblendingur grágæsar og snjó-
gæsar, eða þá blágæsar, sem er lit-
arafbrigði snjógæsar, og benda í því
sambandi á nef- og fótalitinn. Enn
aðrir álíta að hér sé um að ræða grá-
gæsarhvítingja að hluta, eða það sem
á fræðimáli kallast semi-albínói.
Fuglinn var í hópi nokkurra grá-
gæsa og flaug svo á brott með þeim.
Þeir sem veðja á að fuglinn sé
albínói benda á hvítu fjöðrina og
ljósa jaðrana á yfirvængþökum og
alnarfjöðrum og segja að svona
nokkuð sé ekki nema á albínóum eða
albínóskum alifuglum.
Hver er fuglinn?
Bessastaðahreppur
Morgunblaðið/Sigurður Ægisson
ÞAÐ var glatt á hjalla á leik-
skólanum Ægisborg síðast-
liðinn föstudag, enda verið
að halda upp á 20 ára afmæli
leikskólans. Áður en sjálf af-
mælishátíðin hófst var farið í
skrúðgöngu um hverfið, en
hátíðin síðan sett og boðið
upp á kaffiveitingar. Gestum
og gangandi gafst tækifæri
til að skoða þau fjölmörgu
listaverk sem börnin höfðu
unnið í tilefni dagsins og
fengu að auki að heyra börn-
in syngja. Lokaatriði hátíð-
arinnar fólst í því, að allir
slepptu blöðrum sínum laus-
um og svifu þær upp í háloft-
in, hver annarri litfegurri,
og hurfu loks sýnum. Að því
búnu var slegið upp grill-
veislu.
Ægisborg er fjögurra
deilda leikskóli sem stendur
nánast við sjávarsíðuna og
því hefur umhverfi hans ver-
ið nýtt til könnunarleið-
angra. Annars er lögð þar
áhersla á skapandi starf, tón-
list og frjálsan leik sem
helstu leiðir til að hvetja
börnin til að þroska með sér
þá hæfileika sem þau búa yf-
ir hvert og eitt og er unnið
að ákveðnu þema á hverjum
tíma.
Morgunblaðið/Jim Smart
Það vottaði fyrir dálitlum leiða í andlitum barnanna yfir að þurfa að sleppa þessum fallegu blöðrum í eitt skipti fyrir öll.
Blöðrur
út í busk-
ann
Vesturbær
En svo reyndist það ekki eins sársaukafullt og sumir
höfðu kannski talið, eins og sjá má.
SKIPULAGS- og byggingar-
nefnd hefur ákveðið að efna
til hugmyndasamkeppni um
framtíð Hljómskálagarðs þar
sem borgarbúar fá tækifæri
til að koma með tillögur að
því hvernig garðurinn verður
nýttur í framtíðinni.
„Menn hafa gengið svo
langt að gera kvikmyndir um
hugmyndir sínar um framtíð
Reykjavíkur og það er mjög
gott þegar menn eru vand-
virkir og stórhuga í því sem
þeir eru að gera,“ segir Ósk-
ar Bergsson sem á sæti í
skipulags- og byggingar-
nefnd.
Hann segir að jafnvel megi
búast við því að efnt verði til
samkeppninnar í sumar eða
haust.
Að sögn Júlíusar Vífils
Ingvarssonar, borgarfulltrúa
Sjálfstæðisflokks, sér ekki
fyrir endann á afgreiðslu
málsins en fulltrúar Sjálf-
stæðisflokks lögðu fram til-
lögu í janúar síðastliðnum
um færslu gamalla húsa í
Hljómskálagarð.
„Tillagan er afskaplega
einföld. Hún miðar að því að
auðga Hljómskálagarðinn.
Það er ástæða til að taka
hana fyrir núna og huga að
því hvað hægt sé að gera við
hann,“ segir Júlíus sem sér
fyrir sér að hægt verði að
tengja hann við sögu Reykja-
víkur með því að færa þangað
gömul hús á borð við gamla
ÍR-húsið.
Júlíus sér fyrir sér að hægt
verði að nota húsið undir
smærri fundi og ráðstefnur
auk þess sem leikhópar á
borð við Brúðuleikhúsið
gætu haft aðstöðu þar á há-
tíðisdögum. Einnig sér hann
fyrir sér að í garðinum gætu
risið kaffihús og minjagripa-
verslanir.
„Það stendur til að færa
Hringbrautina nær flugvell-
inum. Þar með myndast
svæði við suðurenda garðsins
sem væri hentugt fyrir bíla-
stæði. Tillagan um færslu
ÍR-hússins í Hljómskálagarð
byggist einkum á þeim for-
sendum,“ segir Júlíus.
Hann segir að með færslu
Hringbrautar og lagningu
bílastæða sé einnig búið að
leysa þann vanda sem skap-
ist þegar færri komist í
Hljómskálagarðinn en garð-
urinn geri ráð fyrir vegna
skorts á bílastæðum í kring.
Byggt á kvikmynd
Hrafns Gunnlaugssonar
Í tillögu borgarráðsfull-
trúa Sjálfstæðisflokksins frá
því í janúar er vitnað í kvik-
mynd Hrafns Gunnlaugsson-
ar um framtíð Reykjavíkur
þar sem varpað er fram hug-
mynd um nýtingu opinna
svæða eins og Hljómskála-
garðs. Með fyrirsjáanlega
þéttingu byggðar í eldri
borgarhverfum í huga og
endurskipulagningu svæða,
til að mynda í kringum
Laugaveg, segir í tillögunni
að eftirsóknarvert geti verið
að hleypa lífi í svæði eins og
Hljómskálagarð með því að
flytja þangað gömul hús.
Í kjölfarið samþykkti
borgarráð að skipa fimm
manna starfshóp sem falið
var að kanna möguleika á
framkvæmd þessarar hug-
myndar auk þess sem honum
var falið að setja fram hug-
myndir um hugsanlega nýt-
ingu húsanna, s.s. undir sýn-
ingarhús, safna- og fræðslu-
hús og kaffihús.
Þrjár leiðir tíðkast við
flutning gamalla húsa
Í umsögn borgarminja-
varðar frá því í mars segir að
þrjár leiðir hafi einkum tíðk-
ast varðandi flutning húsa. Í
fyrsta lagi hafi hús verið flutt
á lóðir í nýjum hverfum og þá
hafi ekki endilega verið haft
að leiðarljósi að varðveita
upprunalega mynd hússins,
til að mynda þegar hús voru
flutt í Teigahverfi vegna
byggingar Reykjavíkurflug-
vallar upp úr 1940. Í öðru lagi
hafi verið skipulögð sérstök
hverfi fyrir flutningshús upp
úr 1980, bæði á Bráðræðis-
holti og í Skerjafirði, og hafi
þau hús verið flutt í umhverfi
sem svipaði til þess sem hús-
in höfðu staðið í. Þetta hafi
einnig verið raunin í Grjóta-
þorpi.
Í þriðja lagi hafi verið farin
sú leið að flytja hús í Árbæj-
arsafn. Þar séu þau sýning-
arhús og til vitnis um híbýli
og lifnaðarhætti fyrri tíma.
Í umsögn borgarminja-
varðar er jafnframt lögð
áhersla á að hús með mikið
varðveislugildi standi á upp-
runastað sínum. Jafnframt
segir borgarminjavörður að
verði hús flutt í Hljómskála-
garð sé æskilegast að líta á
þau sem safnhús eins og hús-
in í Árbæjarsafni.
Framtíð Hljómskálagarðs rædd í skipulags- og byggingarnefnd
Efnt verður til
hugmynda-
samkeppni
Morgunblaðið/Jim Smart
Gamla ÍR-húsið sem rætt hefur verið um að flytja í Hljóm-
skálagarð. Húsið stendur nú við Reykjavíkurhöfn.
Miðborg