Morgunblaðið - 22.05.2001, Blaðsíða 64

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 22. MAÍ 2001 VERÐ Í LAUSASÖLU 165 KR. MEÐ VSK.
„ÞAÐ er óhætt að segja að það hafi
dimmt yfir byggðinni þegar okkur
bárust fréttir af afgreiðslu Alþingis á
þessu máli,“ segir Ólafur M. Birgis-
son, sveitarstjóri á Tálknafirði, við
Morgunblaðið um kvótasetningu
meðafla á smábátum, en frumvarp
um að fresta kvótasetningunni náði
ekki fram að ganga á Alþingi um
helgina.
Bæjar- og sveitarstjórar nokkurra
sjávarbyggða, sem Morgunblaðið
ræddi við, segja að gildistaka laga
um kvótasetninguna muni hafa veru-
leg áhrif á afkomu fyrirtækja og ein-
staklinga í byggðarlögunum. Þeir
segja að stjórnvöld verði að koma til
móts við kröfur trillukarla til að
koma í veg fyrir byggðaröskun og at-
vinnuleysi. Ólafur Kristjánsson,
bæjarstjóri í Bolungarvík, segir nið-
urstöðu Alþingis vera mikil von-
brigði og áhrif kvótasetningarinnar
verði viðtæk. Í framhaldinu verði að
skoða út frá öðrum viðhorfum hvern-
ig eigi að tryggja atvinnuöryggi á
svæðinu.
Árni M. Mathiesen sjávarútvegs-
ráðherra segir engin loforð hafa ver-
ið gefin um sértækar aðgerðir vegna
kvótasetningar á veiðar smábáta, en
samkomulag náðist ekki milli stjórn-
arflokkanna um helgina að fresta
gildistöku kvótasetningar á næsta
fiskveiðiári.
Kristinn H. Gunnarsson
andvígur frumvarpi um frestun
Frumvarpsdrög þess efnis voru
tilbúin og samþykki þingflokka
stjórnarflokkanna lá fyrir nema
hvað að andstaða þingflokksfor-
manns framsóknarmanna og vara-
formanns sjávarútvegsnefndar,
Kristins H. Gunnarssonar, kom í veg
fyrir það á endanum að frumvarpið
var lagt fram.
Í frumvarpsdrögunum er haldið
fast við áformaða kvótasetningu en
ákvæði bætt við til bráðabrigða sem
kveður á um viðbótarkvóta á ýsu upp
á 1.800 tonn og 1.500 tonn fyrir stein-
bít. Einnig er kveðið á um að hver
aðili sem eigi rétt til uppbóta í ýsu og
steinbít vegna fjárfestinga fái aldrei
uppbætur nema á einn bát í eigu
sinni. Segir að slík takmörkun sé
nauðsynleg vegna þeirra tilvika, þar
sem einn aðili kaupir veiðileyfi vegna
breytinga á tveimur bátum í eigu
sinni.
„Það er rétt að ég var og er
andsnúinn þessu frumvarpi. Einfald-
lega vegna þess að ég er andsnúinn
því að kvótasetja smábátana á með-
an vinna stendur yfir við endurskoð-
un fiskveiðistjórnunarkerfisins í
heild sinni,“ segir Kristinn H. Gunn-
arsson m.a. í Morgunblaðinu í dag og
bendir á að kvótasetningin þýði að
smábátar veiði 8.000 tonnum minna
en áður.
Morgunblaðið/Ásdís
Veiðar smábáta skipta miklu máli fyrir atvinnu í mörgum byggðarlögum á landinu og gæti gildistaka laga um kvótasetninguna haft víðtæk áhrif.
Áhyggjur í sjávarplássum vegna kvóta á smábáta
Dimmdi yfir byggð-
inni við fréttirnar

Engin loforð/32

Trillurnar/33
NÝTT hlutafélag, Húsavík – harð-
viður hf., var stofnað um áframhald-
andi rekstur harðviðarvinnslu á
Húsavík í gær. Hlutafé er 15 millj-
ónir og leggur Húsavíkurkaupstaður
til 90% fjárins. Aðrir hluthafar eru
Kráká ehf., Grímur ehf. og Karl Ás-
mundsson.
Hlutafélagið hyggst taka á leigu
eignir þrotabús Íslensks harðviðar
sem Skipaafgreiðsla Húsavíkur ehf.
hefur haft á leigu undanfarna þrjá
mánuði.
Afla þarf frekari sölusambanda
Framkvæmdastjóri Húsavíkur –
harðviðar hf. er Karl Ásmundsson og
stjórnarformaður Reinhard Reynis-
son, bæjarstjóri Húsavíkur. Eitt
meginverkefni félagsins á næstunni
verður að afla frekari sölusambanda
til að auka framleiðslu fyrirtækisins.
Nýtt félag um harðvið-
arvinnslu á Húsavík
Morgunblaðið/Hafþór Hreiðarsson
SJÚKLINGUR á Fjórðungssjúkra-
húsinu á Ísafirði var fluttur með 46
sæta ATR-42 flugvél Íslandsflugs til
Reykjavíkur á sunnudagskvöld.
Einar Birgisson, hjá innanlands-
deild Íslandsflugs, segir ástæðuna
fyrir því að svo stór flugvél var send
eftir sjúklingnum vera þá, að Dorn-
ier-vél félagsins var í skoðun þegar
útkallið barst og ekki önnur vél til-
tæk en ATR-vélin. Einar segir lík-
legt að þetta sé stærsta vél sem not-
uð hefur verið í sjúkraflug til
Ísafjarðar í allnokkurn tíma.
46 sæta flug-
vél náði í
einn sjúkling
FLUGFÉLAG Íslands, sem hefur
frá stofnun félagsins árið 1997 verið
með þrjár Fokker-flugvélar Flug-
leiða á leigu, hefur nú tekið við bein-
um flugrekstri vélanna. Þá hefur
fjórða flugvélin af þessari gerð verið
tekin í notkun.
Flugfélagið leigði vélarnar af
Flugleiðum í svokallaðri blautleigu,
þ.e.a.s. með áhöfn og flugrekstrar-
leyfi. Flugleiðir voru þannig skráðar
sem rekstraraðili vélanna hjá Flug-
málastjórn. Flugfélag Íslands hefur
nú gert nýja samninga, svokallaða
þurrsamninga, við hollenskan banka
sem er eigandi vélanna. Vélarnar eru
eftir samningana skráðar beint á
flugfélagið og færist flugrekstrarleg
ábyrgð yfir á Flugfélag Íslands.
Jón Karl Ólafsson, framkvæmda-
stjóri Flugfélags Íslands, segir þetta
vera tæknilega útfærslu og að far-
þegar verði ekki varir við neinar
breytingar. Flugfélag Íslands hefur
að undanförnu ráðið flugmenn, en
Jón Karl segir að áfram verði hluti
starfsmanna í leigu frá Flugleiðum.
Þeir munu þó framvegis heyra undir
flugrekstrarstjóra Flugfélags Ís-
lands. Útlit vélanna verður það sama
en vélarnar verða skráðar undir
skráningarstöfunum JM í stað FI.
Verða einkennisstafir þeirra því TF-
JMT, JMS, JMR og JMU. Flugfélag
Norðurlands notaði áður kennistaf-
ina JM en Flugfélag Íslands er skráð
á kennitölu félagsins. Jón Karl segir
að þetta breytta rekstrarform gefi
flugfélaginu aukinn sveigjanleika.
„Við erum búnir að leigja eina Fokk-
er-vél til viðbótar á flugrekstrarleyf-
ið okkar en það hefðum við ekki get-
að gert áður. Nú getum við einnig
tekið að okkur erlend verkefni án
þess að þurfa leyfi frá Flugleiðum og
höfum því meira frelsi í rekstrinum.“
Auk Fokker-vélanna fjögurra rek-
ur Flugfélagið þrjár Metró-vélar,
tvær af gerðinni Twin Otter og hefur
eina ATR á leigu.
Fjórðu Fokker-
vélinni bætt við
FÍ fær flugrekstrarleyfi fyrir Fokker
♦ ♦ ♦
VINNSLA á bolfiski hefst í dag hjá
Ísfélaginu í Vestmannaeyjum en hún
hefur legið niðri eftir brunann í fyr-
irtækinu í desember síðastliðnum.
Að sögn Jóns Ólafs Svanssonar
framleiðslustjóra störfuðu milli 70–
80 manns í bolfiskvinnslu fyrir brun-
ann, en nú verða 25 stöðugildi til að
byrja með. Jón Ólafur telur að hægt
verði að vinna úr 50–60 tonnum af
hráefni á viku, en áður var vinnslu-
getan tvisvar sinnum meiri eða 100–
120 tonn. Bolfiskvinnslan verður í
vesturhluta hússins, þeim hluta sem
slapp að mestu við brunann.
Unnið í Ís-
félaginu á ný