Morgunblaðið - 10.06.2001, Blaðsíða 45

FRÉTTIR
MORGUNBLAÐIÐ SUNNUDAGUR 10. JÚNÍ 2001 45
Hugmyndasamkeppni,
um skipulag miðborgar
og hafnarsvæðis við Austurhöfn
Að höfðu samráði við samstarfsnefnd ríkis og borgar um tónlistarhús, ráðstefnumiðstöð
og hótel, efnir Reykjavíkurborg til hugmyndasamkeppni um skipulag miðborgar og
hafnarsvæðis við Austurhöfn.
Keppnissvæðið
Keppnissvæðið afmarkast í megindráttum af Suðurbugt / Norðurstíg í vestur, Klapparstíg og
Ingólfsstræti í austur og Sæbraut, Tryggvagötu og Hafnarstræti.
Tilgangur og markmið
Tilgangur samkeppninnar er að fá fram hugmyndir að skipulagi svæðisins sem er um margt
sérstakt, áhugavert og einstakt í miðborg Reykjavíkur. Gera má ráð fyrir að byggingar á
samkeppnissvæðinu verða mjög áberandi úr ýmsum áttum og ekki ólíklegt að þær geti orðið
einskonar "viti" eða tákn miðborgar Reykjavíkur í framtíðinni.
Tegund og tilhögun samkeppninnar
Samkeppnin er hugmyndasamkeppni. Í því felst að útbjóðandi er fyrst og fremst að leita eftir
grundvallarhugmyndum, tilhögun að skipulagi svæðisins miðað við þá starfsemi sem gert er
ráð fyrir að þar verði s.s. tónlistarhús, ráðstefnumiðstöð, hótel, miðstöð fyrir
almenningsvagna svo eitthvað sé nefnt.
Verðlaun
Heildarverðlaunafé samkeppninnar er kr. 8.000.000. Fyrstu verðlaun verða aldrei lægri en
40% þeirrar fjárhæðar.
Auk þess er dómnefnd heimilt að kaupa tillögur fyrir allt að kr. 2.000.000.
Þátttökuréttur
Samkeppnin er opin öllum er taka vilja þátt með fyrirvara um tengsl við dómnefndarmenn.
Tekið skal fram að það takmarkar ekki rétt til þátttöku hafi aðilar, á fyrri stigum, unnið
tillögur af skipulagi svæðisins eða hluta þess enda verða öll opinber gögn og tillögur, sem
unnar hafa verið af svæðinu, aðgengileg keppendum á heimasíðu samkeppninnar.
Dómnefnd
Formaður er Ingibjörg Sólrún Gísladóttir, borgarstjóri. Meðdómendur eru Inga Jóna
Þórðardóttir, borgarfulltrúi, Árni Þór Sigurðsson, borgarfulltrúi, Ólafur B. Thors, formaður
samstarfsnefndar ríkis og Reykjavíkurborgar um tónlistarhús, ráðstefnumiðstöð og hótel,
Albína Thordarson, arkitekt, Sólveig Berg Björnsdóttir, arkitekt og
Knud Fladeland Nielsen, arkitekt.
Afhending keppnisgagna og þátttökugjald
Keppnislýsing verður látin í té endurgjaldslaust frá og með 13. júní 2001 á skrifstofu
Arkitektafélags Íslands, Hafnarstræti 9, milli 09:00-12:00 virka daga og í afgreiðslu
Borgarskipulags Reykjavíkur, Borgartúni 3, milli 10:00-16:15 virka daga. Hana má einnig
nálgast á heimasíðu samkeppninnar, http://www.midborg.net.
Önnur keppnisgögn verða afhent gegn skilatryggingu að upphæð kr. 10.000.
hjá trúnaðarmanni.
Skilafrestur
Tillögum skal skila til trúnaðarmanns, á skrifstofu Arkitektafélags Íslands að Hafnarstræti 9,
2. hæð 101 Reykjavík eigi síðar en 5. nóvember 2001.
Nánari upplýsingar og samkeppnislýsingu er að finna á heimasíðu samkeppninnar,
http://www.midborg.net, sem opnar 13. júní. Upplýsingar verða einnig veittar á skrifstofu
Arkitektafélags Íslands í síma: 551 1465 milli 09:00-12:00 virka daga og hjá Borgarskipulagi
Reykjavíkur í síma: 563 2340, milli 10:00-16:15 virka daga.
Reykjavík, 9. júní 2001.
DREGINN var út 8. maí sl. fyrsti
Alfa Romeo-bíllinn af þremursem
eru á vinningaskrá Happdrættis
SÍBS í sumar. Þennan fyrsta bíl
hreppti Hannesína Ásgeirsdóttir á
Akranesi. Hún sést hér taka við
bílnum og með henni á myndinni er
eiginmaðurinn Björgvin Þorleifs-
son og dóttir þeirra, Ásdís Björg.
Alfa Romeo 147 Super var kos-
inn bíll ársins 2001 af blaðamönn-
um evrópskra bílatímarita. Hinir
tveir Alfa Romeo-bílarnir verða
dregnir út í júlí og ágúst.
Heppnir Ak-
urnesingar
FORSETI Íslands, Ólafur Ragnar
Grímsson, afhenti nítján ungmenn-
um „Hvatningu forseta Íslands til
ungra Íslendinga“, í opinberri heim-
sókn sinni á Suðurfirði í Suður-Múla-
sýslu. Ólafur Ragnar segir hvatning-
arverðlaunin, sem fyrst voru afhent
haustið 1996, ekki vera eiginleg verð-
laun. Þau séu fremur hvatning til
allra ungmenna sýslunnar um að
halda áfram á réttri braut.
Þeir sem hlutu hvatningarverðlaun
forseta Íslands eru:
Aðalheiður Björk Rúnarsdóttir, 14
ára, Ásunnarstöðum í Breiðdal. Hún
hefur sýnt einstaka samviskusemi og
jákvæði í námi.
Aðalheiður Kristín Hermannsdótt-
ir, 14 ára, Breiðdalsvík. Hún þykir
einnig hafa sýnt einstaka samvisku-
semi og jákvæði í námi.
Agnes Ösp Magnúsdóttir, 16 ára,
Djúpavogi. Hún hefur með miklum
dugnaði og einbeittum vilja náð prýð-
is námsárangri þrátt fyirr að vera
haldin mikilli lesblindu og hefur verið
gott fordæmi fyrir þau börn og ung-
linga sem þurfa að glíma við les-
blindu.
Andri Már Jónsson, 16 ára, Fá-
skrúðsfirði. Hann er framúrskarandi
námsmaður og efnilegur íþróttamað-
ur. Andri hefur unnið til fjölda verð-
launa í íþróttum m.a. á Unglinga-
landsmóti UMFÍ sl. sumar. Hann er í
úrvalshópi ÚÍA í frjálsum íþróttum
og hefur einnig verið valinn í 30
manna æfingahóp vegna landsliðs í
knattspyrnu 16 ára og yngri.
Arnar Indriðason, 13 ára, Gljúfra-
borg í Breiðdal. Hann hefur sýnt
dugnað, einbeittan vilja og hæfni til
náms eftir að hafa lent í ýmsum erf-
iðleikum. Hann er dæmi um nem-
anda sem sinnir námi af einstakri
kostgæfni.
Bjartmar Þorri Hafliðason, 14 ára,
Eiríksstöðum í Djúpavogshreppi.
Hann er góður námsmaður, sam-
viskusamur og duglegur og hefur
staðið sig vel bæði í frjálsum íþrótt-
um og knattspyrnu.
Eva Dögg Sigurðardóttir, 15 ára,
Djúpavogi. Hún er jákvæð og ábyrg,
góður námsmaður, stundar söngnám
við Tónskólann og er virk í félags-
málum skólans.
Guðný Sjöfn Þórðardóttir, 13 ára,
Djúpavogi. Hún er góður námsmað-
ur, samviskusöm og dugleg og hefur
náð góðum árangri í frjálsum íþrótt-
um og m.a. unnið til verðlauna á Ís-
landsmóti.
Hrefna Ingólfsdóttir, 11 ára,
Breiðdalsvík. Hún er duglegur og
samviskusamur nemandi og stundar
tónlistarnám með góðum árangri.
Kjartan Svanur Hjartarson, 15
ára, Fáskrúðsfirði. Hann hefur sýnt
góða leikhæfileika og hefur nýlega
skilað aðalhlutverki í leiksýningu
með glæsilegum árangri. Hann er
einnig góður námsmaður og prúður
og háttvís í allri framgöngu.
Kristinn Ágúst Þórsson, 10 ára,
Fáskrúðsfirði. Hann stundar nám
sitt af miklum dugnað og sýnir prúð-
mennsku í skólanum og er auk þess
sérlega hæfileikaríkur og efnilegur
tónlistarnemandi.
Kristrún Selma Ölversdóttir, 13
ára, Fáskrúðsfirði. Hún er samvisku-
söm og hefur sýnt framúrskarandi
námsárangur í öllum námsgreinum
og er auk þess efnilegur tónlistar-
nemandi.
Lilja Rut Arnardóttir, 17 ára,
Stöðvarfirði. Hún hefur sýnt framúr-
skarandi námsárangur allan sinn
skólaferil og verið virk í félagsstarfi
og öðrum nemendum til fyrirmyndar.
Maggi Andrésson, 12 ára, Stöðv-
arfirði. Hann er afburðaíþróttamaður
og hefur unnið til fjölda verðlauna.
Hann er margfaldur Austurlands-
meistari í sínum greinum sem eru
sprett- og stökkgreinar en hann er
einnig öflugur knattspyrnumaður.
Margrét Jóna Þórarinsdóttir, 17
ára, Fáskrúðsfirði. Hún hefur sýnt
framúrskarandi námsárangur og er
vel skipulagður, samviskusamur og
vandvirkur námsmaður. Hún er einn-
ig fjölhæfur íþróttamaður og hefur
unnið til fjölda verðlauna, m.a. verið
Íslandsmeistari í 800 m hlaupi 14 ára
og yngri.
María Emily Þráinsdóttir, 11 ára,
Djúpavogi. Hún er samviskusamur
nemandi og hefur sýnt mikla hæfi-
leika í tónlistarnámi, spilar bæði á
flautu og píanó. Hún hefur sýnt mikl-
ar framfarir í að tileinka sér íslenska
tungu.
Pétur Haukur Jóhannesson, 15
ára, Fáskrúðsfirði. Hann er mjög
fjölhæfur og efnilegur íþróttamaður
og fyrirmynd annarra um dugnað og
sjálfsaga. Hann hefur unnið til fjölda
verðlauna í ýmsum íþróttagreinum,
m.a. til gullverðlauna á Unglinga-
landsmóti UMFÍ sl. sumar.
Sigurjón Þórsson, 15 ára, Djúpa-
vogi. Hann hefur þrátt fyrir fötlun
sína náð mjög góðum árangri í námi
og skarað fram úr á ýmsum sviðum
t.d. sýnt mikla stærðfræðigreind.
Vordís Guðmundsdóttir, 11 ára,
Djúpavogi. Hún er afburða nemandi í
öllum námsgreinum auk þess sem
hún stundar tónlistarnám og stendur
sig vel í íþróttum.
„Sú unga kynslóð sem hér er að
alast upp er hæfileikarík, glæsileg og
atorkusöm og sannfærir mig um að
við eigum að sýna viðurkenningu
okkar í verki,“ sagði Ólafur Ragnar
við viðurkenningarhafana og hvatti
þá til að halda sambandi við sig og
segja frá því sem gerðist í lífi þeirra.
Nítján hljóta hvatn-
ingu forsetans
Í TILEFNI Hátíðar hafsins, 9.-10.
júní nk., mun Borgarskjalasafn
Reykjavíkur gera átak í söfnun skjala
frá sjómönnum, útgerðarmönnum og
öðrum sem tengjast hafinu á einhvern
hátt. Hafið og Reykjavík hafa löngum
verið tengd sterkum böndum en til-
koma Reykjavíkurhafnar í byrjun 20.
aldar gerði Reykjavík að umsvifa-
miklum útgerðarbæ og ekki er ofsagt
að Reykjavík hafi átt mikið undir því
sem hafið hefur gefið henni. Skjöl sjó-
manna og útgerðarmanna geyma því
mikilvægan hluta af sögu höfuðstað-
arins og er því nauðsynlegt að þau
glatist ekki. Þeim sem eiga í fórum
sínum gömul skjöl tengd útgerð í
Reykjavík og hafa áhuga á að þau
varðveitist er bent á að hafa samband
við starfsmenn Borgarskjalasafns
Reykjavíkur. Skjöl geta verið, bréf,
dagbækur, ljósmyndir o.s.frv. Safnið
er opið alla virka daga frá kl. 10-16 og
er hægt að koma með skjölin þangað
eða hafa samband í síma og veita
starfsmenn nánari upplýsingar.
Söfnun skjala
útgerðar- og
sjómanna
VEGNA umræðu í fjölmiðlum und-
anfarið vill Rauði kross Íslands taka
fram eftirfarandi: „Á þessu ári hafa
12 heimilislaus börn fengið athvarf í
Rauðakrosshúsinu við Tjarnargötu,
neyðarathvarfi Rauða krossins fyrir
börn og unglinga í vanda.
Sex þeirra yfirgáfu húsið án þess
að opinberir aðilar hefðu fundið við-
unandi lausn á vanda þeirra.
Með heimilisleysi er átt við að þau
komu ekki til Rauðakrosshússins
beint af stofnun eða eigin heimili,
nema þá að þeim hafi verið vísað
þaðan.
Rauði krossinn leggur á það
áherslu að mikilvægt sé að sú um-
ræða sem nú er í gangi hafi hags-
muni barna að leiðarljósi.
Á árinu 2000 voru gestakomur í
Rauðakrosshúsið 128 en á bak við þá
tölu eru 75 einstaklingar. Í 64 tilfell-
um var húsnæðisleysi m.a. gefið upp
sem ástæða fyrir því að viðkomandi
einstaklingar sóttu um athvarf hjá
Rauða krossinum.“
Börn og
unglingar í
vanda