Morgunblaðið - 05.07.2001, Blaðsíða 51

BRÉF TIL BLAÐSINS
MORGUNBLAÐIÐ FIMMTUDAGUR 5. JÚLÍ 2001 51
Töfragljái fyrir glansandi varir.
BRILLIANT MAGNÉTIC
TRÚÐU Á FEGURÐ
GLOSSVARALITIR MEÐ ÞYNGDAR-
LAUS ÞÆGINDI
Afar létt gloss með spegilgljáa svo
varirnar glitra.
Mjúkar og rakanærðar varir.
NÝTT
ÁRANGUR
www.lancome.com
Li
tu
r
á
m
yn
d:
B
ri
lli
an
t M
ag
ne
tic
n
r.
3
87
Frábærir nýir BRILLIANT MAGNÉTIC gloss varalitir á næsta
Lancôme útsölustað.
Vertu sumarleg, Lancôme býður örugglega flottustu glossin.
FLESTAR aðgerðir í vegamálum á
síðustu áratugum hafa beinst að því
að leggja bundið slitlag á aðalvegi
landsins, byggja brýr og jarðgöng og
jafnframt að stytta akstursleiðir. Í
umræðum manna á meðal virðist mér
sem vel hafi til tekist í flestum til-
vikum þótt efalaust megi finna dæmi
um annað. Stöku sinnum hafa risið
deilur í fjölmiðlum um vegalagnir en
ef litið er á umfang verka, verður vart
annað sagt en að Vegagerðin hafi
leyst verkefni sín vel miðað við að-
stæður og fyrirliggjandi fjármagn.
Gjábakkavegur, leiðin á milli Þing-
valla og Laugarvatns, hefur orðið út-
undan að mínu viti. Vissulega var tek-
ið til hendi á síðasta ári í tengslum við
Kirkjuhátíð á Þingvöllum og gerðar
nokkrar lagfæringar á veginum. Eigi
að síður koma þeir dagar að hann er
nær óakandi vegna þvottabrettis og
ryks og á vetrum er hann sjaldan ek-
inn nema í sérstakri veðurtíð, eins og
var um langt skeið á sl. vetri. Þá er
leiðin stundum notuð undir rallakst-
ur sem vissulega bætir ekki veginn.
Þessi vegarspotti er u.þ.b. 16 km
langur.
Mér er tjáð að vegurinn sé nú kom-
inn á langtíma vegaáætlun á tíma-
bilinu 2003–2010. Mikilvægt er að
framkvæmdir geti hafist sem fyrst á
því tímabili eða strax á árinu 2003.
Ég tel að gild rök séu fyrir því að
framkvæmdir við veginn hefjist sem
allra fyrst, sbr. eftirfarandi: 1.
Skipulagðar skoðunarferðir til Gull-
foss, Geysis og um Þigvöll stefna í
flestum tilvikum um Gjábakkaveg.
Leiðin er fögur en slæmur vegur og
rykkóf kemur iðulega í veg fyrir
ánægjulega skoðunarferð. Mestan
hluta vetrar er leiðin lokuð og verður
þá að aka lengri leið með tilheyrandi
kostnaði.
2. Þúsundir manna af höfuðborg-
arsvæðinu eiga sumarathvarf í Laug-
ardal, við Úthlíð og víðar í Tungunum
og efst í Grímsnesi. Þetta fólk á um
tvo kosti að velja, að fara Hellisheiði
og upp Grímsnes eða að aka Mosfells-
heiði og um Gjábakkaveg. Aksturs-
leiðin frá Reykjavík að Laugarvatni
er um 25% styttri ef farið er um Mos-
fellsheiði. Menn veigra sér hins vegar
við því að fara þá leið að jafnaði þar
sem enginn tími sparast vegna
ástands vegarins, auk þess sem meiri
hætta er á bílskemmdum sakir grjót-
kasts og glannalegs aksturs.
3. Bensínkostnaður hefur aukist
verulega á síðustu misserum. Ef Gjá-
bakkavegur væri endurbyggður
myndu fjölmargir ferðamenn án efa
kjósa að aka þá leið og spara með því
umtalsverða fjármuni.
4. Umferð um Suðurlandsveg hef-
ur aukist gífurlega á undanförnum
árum og krafan um tvöföldun vegar-
ins yfir Hellisheiði að Selfossi er orð-
in hávær.
Endurgerður Gjábakkavegur
myndi án efa létta verulega á þjóð-
veginum austur fyrir fjall, sérstak-
lega á sumrin.
5. Ástæða er til að ætla að þessi að-
gerð leiddi til færri slysa.
Hér mætti efalítið bæta ýmsu við
sem rökstuðning fyrir því að fljótt
verði hafist handa um að endur-
byggja Gjábakkaveg. Þessi rök hafa
stjórnendur Vegagerðarinnar og al-
þingismenn örugglega heyrt og
hreyft í umræðum um vegaáætlanir á
hinu háa Alþingi. Hér með er óskað
eftir viðhorfum ráðamanna Vega-
gerðarinnar og þingmanna Suður-
lands til málsins. Þá væri einnig fróð-
legt að forvitnast um viðhorf þeirra
sem daglega senda ferðamenn hring-
inn til Gullfoss, Geysis og Þingvalla
og þeirra sem sækja títt í sumarland-
ið sitt á umræddu svæði.
ÁSGEIR GUÐMUNDSSON,
Einarsnesi 30, Reykjavík.
Gjábakkavegur
til framtíðar
Frá Ásgeiri Guðmundssyni: