Morgunblaðið - 26.07.2001, Blaðsíða 9
FRÉTTIR
MORGUNBLAÐIÐ FIMMTUDAGUR 26. JÚLÍ 2001 9
Erlendur Halldórsson frá Dal í
Miklaholtshreppi og Páll Pálsson
frá Borg í sama hreppi hafa báðir
brugðið búi og búa núna í Árbæj-
arhverfi í Reykjavík. Áhugi þeirra
á heyskap er samt enn til staðar
og Árbæjarsafn hefur m.a. nýtt sér
það.
Samtals hreppstjórar í 60 ár
Þessi mynd var tekin um síðustu
helgi en þá voru heyskapardagar á
safninu. Oft hefur óþurrkur gert
Árbæjarsafni lífið leitt á heyskap-
ardögum, en að þessu sinni var
góður þurrkur. Páll og Erlendur
nutu sín því vel við sláttinn. Þess
má geta að Erlendur í Dal var odd-
viti í Miklaholtshreppi í 20 ár og
Páll á Borg var hreppstjóri í 40 ár,
en auk þess var Páll fréttaritari
Morgunblaðsins um langt skeið.
Bændahöfð-
ingjar við
slátt á Ár-
bæjarsafni
Morgunblaðið/Unnur Björk Lárusdóttir
ÓMAR Einarsson, framkvæmda-
stjóri Íþrótta- og tómstundaráðs
Reykjavíkur, segir nokkra fjölgun
hafa orðið nú á milli ára í ráðn-
ingum skólanema í sumarstörf hjá
Reykjavíkurborg. Hann segir að
þegar Vinnumiðlun skólafólks var
lokað 31. maí sl. hafi 155 ungmenni
verið á lista yfir umsækjendur um
störf og um miðjan júní hafi enn
verið yfir 70 manns á skrá með
staðfestar umsóknir. Þeim hafi ver-
ið útveguð vinna hjá borginni og
sagði Ómar að sótt verði um sér-
staka fjárveitingu vegna þess.
Hann segir upphæð aukafjárveit-
ingarinnar skýrast þegar sumar-
vinnan verði gerð upp í byrjun
ágúst.
Borgarstjóri ákveður
fjárveitingu
Selma Árnadóttir er yfir Vinnu-
miðlun skólafólks hjá Reykjavík-
urborg en miðlunin er rekin á veg-
um Hins hússins. Hún telur
aukninguna í ár skýrast nokkuð af
lengri umsóknarfresti en verið hef-
ur. „Það sem gerist er að fyrst í
stað var bara opið hjá Vinnumiðlun
skólafólks í mars og apríl, en núna
var umsóknarfresturinn lengdur
fram í lok maí. Svo kom í ljós í
byrjun júní að fyllt hafði verið í öll
störf og enn um 150 manns á lista.
Þá var strax farið að sækjast eftir
aukafjárveitingu til að koma fólk-
inu í vinnu, en 77 manns fengu
vinnu út á hana,“ sagði Selma.
Ákvörðunina um aukafjárveitingu
segir hún tekna hjá borgarráði og
hjá borgarstjóra. „Borgarstjóri fær
beiðnina beint inn á borð til sín og
tekin var ákvörðun um að hjálpa
fólkinu um vinnu,“ sagði hún en
bætti við að það væri þó ekki
stefna borgarinnar að allir sem
sæktu um fengju skilyrðislaust
vinnu.
Fleiri börn
á námskeið
Selma segir ekki hafa átt að
koma á fót einhvers konar atvinnu-
bótavinnu, en komið hafi í ljós þeg-
ar betur var að gáð að sumar
stofnanir borgarinnar gátu tekið
við fólkinu. „Sérstaklega var vönt-
un á leikjanámskeiðin hjá Íþrótta-
og tómstundaráði,“ sagði hún og
bætti við að sums staðar hafi verið
hægt að taka fleiri börn á nám-
skeið vegna fjölgunar starfsfólks.
Selma segir fjölda umsókna í ár
hafa komið dálítið á óvart eftir að
starfsfólk hafi frekar vantað und-
anfarin ár. Hún sagðist gera ráð
fyrir að undirbúa þurfi vel starf
næsta árs því umsóknarfresturinn
verði eftirleiðis út maí og viðbúið
að margir sæki í vinnu hjá borg-
inni.
Arnfinnur Jónsson, skólastjóri
Vinnuskóla Reykjavíkur, segir
nemendum hafa fækkað síðustu ár
og fjölgun sem búist var við á
þessu ári hafi ekki skilað sér. Hann
segir að í sumar hafi nákvæmlega
2.238 börn skráð sig en þau skili
sér ekki öll til starfa og í sumar
hafi verið rétt ríflega tvö þúsund á
launaskrá.
„Þetta er á mjög svipuðu róli og
í fyrra. Niðursveiflan hefur stopp-
að en samt ekki rokið upp aftur,
það er lægð ennþá,“ sagði Arnfinn-
ur en býst þó við breytingum á
næstunni. „Það er tilfinning mín á
þessari stundu að þegar við göng-
um frá áætlunum okkar í haust
fyrir sumarið 2002 lítum við á að
skólaárgangarnir eru aðeins fjöl-
mennari og útlit fyrir minna vinnu-
framboð sem valdi því að við þurf-
um að mæta aukningu á næsta
ári,“ sagði hann.
Arnfinnur segir að í ár hafi þó
orðið nokkur tilfærsla milli ár-
ganga miðað við síðasta ár og nú
séu fleiri 14 ára krakkar en færri
16 ára. Þetta telur hann skýrast
nokkuð af stærðarmun árganga en
einnig að uppsveifla síðustu ára
hafi enn þau áhrif að 16 ára krökk-
unum reynist auðveldara en þeim
yngri að fá vinnu á almennum
vinnumarkaði.
Arnfinnur segir einnig að hertar
reglur um vinnu barna og unglinga
hafi ekki enn skilað sér í fjölgun
barna sem leita til Vinnuskólans og
telur að í því megi einnig sjá áhrif
góðæris, bæði eigi krakkar auð-
veldara með að fá vinnu annars
staðar og að foreldrar kunni að
hafa önnur úrræði, svo sem að
borga börnum fyrir viðvik í garði
eða fyrir barnagæslu. „En ef
vinnuframboð svo minnkar almennt
í þjóðfélaginu eru þessir hópar
auðvitað fyrstir að finna fyrir því,“
sagði Arnfinnur.
Fjölgun sumarstarfa skólafólks hjá Reykjavíkurborg
Lengri umsóknar-
frestur en áður
á horni Laugavegs og Klapparstígs,
sími 552 2515
Sígild verslu
n
vaxtalaus afborgunarkjör
í miklu úrvali
Frábær verð
Tékkneskir
kristalsvasar
og glös
Opið virka daga frá kl. 10–18, laugard. frá kl. 10–15
Þrumugóð
útsala
15% viðbótarafsláttur
Enn hægt að gera frábær kaup!
Engjateigi 5,
sími 581 2141
ÚTSALA
Hverfisgötu 6, 101 Reykjavík , sími 562 2862
Kringlunni - sími 581 2300
Dömur
Verð áður Verð nú
Stuttermabolir 2.490 1.990
Tveir á 3.700
Silkiblússur 7.990 2.990
Peysur 6.790 2.990
Peysur 4.590 1.990
Toppur 4.990 2.490
Vesti 6.290 2.290
Kápur 70% afsláttur
Allur golffatnaður 50% afsláttur
50-70%
afsláttur
Herrar
Verð áður Verð nú
Póló-bolir 3.690 1.845
Mittisjakkar 12.490 6.245
Skyrtur 4.990 2.490
Peysur 7.990 3.995
Peysur 6.790 2.990
Úlpur 16.990 8.495
Stuttbuxur 6.290 2.990
MENNINGARMÁL