Morgunblaðið - 26.07.2001, Blaðsíða 11

FRÉTTIR
MORGUNBLAÐIÐ FIMMTUDAGUR 26. JÚLÍ 2001 11
EINS og greint var frá í Morgunblaðinu á sunnu-
dag hefur níu nemendum sem luku námi á fyrsta
ári á hrossabraut við Hólaskóla verið synjað um
skólavist á næsta ári. Valgeir Bjarnason aðstoð-
arskólameistari sagði ástæðuna einkum vera að-
stöðuleysi til verklegrar kennslu.
Berglind Sigurðardóttir fékk synjunarbréfið frá
Hólaskóla í hendurnar 5. júlí sl. en fram að því
hafði hún gert ráð fyrir því að hefja nám á 2. ári
hrossabrautar í haust.
Hún segist fyrst hafa fengið að vita af því að
fjöldi nemenda á 2. árið yrði takmarkaður þegar
hún las synjunarbréfið. Engin slík tilkynning hafi
verið gefin út þegar hún hóf nám við skólann í
fyrrahaust. Nemendur hafi ítrekað spurt skóla-
yfirvöld að því í vor hvort fjöldinn yrði takmark-
aður en fengið þau svör að verið væri að kanna
málið, þau skyldu þó ekki hafa neinar áhyggjur.
Vissi ekki af skilyrðum
fyrir áframhaldandi skólavist
Þeir nemendur sem fá að halda áfram námi á 2.
ári voru valdir úr á grundvelli árangurs í verklegri
reiðmennsku. Berglind segir að nemendur hafi
ekki vitað að verklegi þátturinn yrði lagður til
grundvallar fyrir áframhaldandi skólavist fyrr en
þau fengu synjunarbréfið í hendurnar. Hún bætir
við að árangur í verklegri reiðmennsku fari að
nokkru leyti eftir gæðum hrossanna en sé ekki
endilega besti mælikvarðinn á hæfni knapans.
Sjálf fékk Berglind 7,9 í meðaleinkunn eftir fyrsta
árið en var sem fyrr segir synjað um áframhald-
andi skólavist. Hún segir að hefði hún vitað af
þessum takmörkunum og skilyrðum þegar hún
hóf fyrst að íhuga nám við skólann sé alls óvíst að
hún hefði sótt um skólavist.
Í viðtali við Morgunblaðið á sunnudag sagði Val-
geir Bjarnason að þeir, sem var synjað um nám á
2. ári, hefðu verið hvattir til að sækja um skólavist
að ári. Berglind segist ekki viss um að hún hafi
lengur áhuga á áframhaldandi námi við Hólaskóla
eftir þá framkomu sem skólayfirvöld hafi sýnt
henni.
Einar Sigurjónsson hdl. sem er lögmaður ann-
ars nemanda sem var synjað um skólavist hefur
sent skólameistara Hólaskóla bréf og óskað eftir
skriflegum upplýsingum frá skólanum um ýmis
atriði sem varða ákvörðunina.
Í bréfinu segir að með synjunarbréfinu hafi
engar marktækar skýringar fylgt og að ákvörð-
unin sé fullkomlega órökstudd. „Þrátt fyrir góða
meðaleinkunn, þ.m.t. vegna prófa í reiðmennsku,
og að hún hafi fullnægt auglýstum inntökuskil-
yrðum, hefur umbjóðanda mínum verið synjað um
áframhaldandi skólavist á 2. ári hrossabrautar,
annars vegar með tilvísan í „takmarkaða kennslu-
aðstöðu“ og hins vegar vegna námsárangurs í
„verklegri reiðmennsku“. Kennslulok voru um
miðjan maí sl. en synjunarbréf Hólaskóla er dag-
sett 29. júní sl. og þess í millum var umbjóðanda
mínum ekki tilkynnt um meintan ófullnægjandi
námsárangur né heldur gefinn kostur á endur-
upptöku prófa.“
Starfsreglur þurfa að vera
skýrar og vel auglýstar
„Hólaskóli er ekki einkaskóli heldur opinber
menntastofnun undir yfirstjórn landbúnaðarráð-
herra og um skólann gilda því viðeigandi lög og
reglur um framhaldsskóla og jafnvel háskóla þeg-
ar til framtíðar er litið. Það felur í sér að starfs-
reglur skólans þurfa að vera skýrar og vel auglýst-
ar, þ.á m. inntökuskilyrði og mat á námsárangri. Í
birtum gögnum Hólaskóla er tekið fram að inn-
tökuskilyrði fyrir 2. ár hrossabrautar sé að um-
sækjandi sé hestafræðingur og leiðbeinandi án
nokkurra frekari fyrirvara,“ segir í bréfinu.
Svarbréf hafði ekki borist frá Hólaskóla í gær.
Nemandinn áskildi sér rétt til að kæra ákvörðun
Hólaskóla til landbúnaðarráðherra og jafnframt
fara fram á endurgreiðslu skólagjalda.
Lögfræðingur nemanda sem synjað var um skólavist við Hólaskóla
Synjunin órökstudd og
skýringar ómarktækar
Einar Bragason, veiðivörður í
Vopnafirði, sagði í samtali við
Morgunblaðið í gærmorgun, að
veiði væri að glæðast í Hofsá eftir
mjög rólega byrjun. „Það er mikið
vatn í ánni núna og mjög kalt og
rigning. Skilyrði sem sagt slæm, en
samt eru þeir að plata 15 til 20 laxa
á land á dag þessa daganna. Það
stefnir í 100 laxa viku hjá okkur
sem er kannski eðlilegt í júlí. Svo
er allur besti tíminn í Hofsá eftir,
þetta er mikil síðsumarsá,“ sagði
Einar.
Einar sagði ennfremur að það
væru góðar smálaxagöngur sem
héldu uppi veiðinni, því lítið hefði
verið af stærri laxinum fyrr í sum-
ar. Á þriðjudagskvöldið voru
komnir 180 laxar á land.
Góður gangur
„Það er ekkert mok í Þverá/
Kjarrá, en það er góður gangur í
veiðinni, komnir um 840 laxar á
land á þriðjudagskvöld miðað við
730 á sama tíma í fyrra. Þetta er
því betra en þá og veiðin er jöfn og
bærileg,“ sagði Jón Ólafsson, einn
leigutaka Þverár/Kjarrár, í samtali
í gærmorgun.
Þverá/Kjarrá er sama áin og er
Kjarrá efri hlutinn. Í Kjarrá er að-
eins veitt á flugu í sumar, en bland-
að agn notað sem fyrr í Þverá.
Sagði Jón að spennandi yrði að
bera árhlutana saman í haust, því
þeir hefðu verið mjög svo samstiga
í veiði í gegnum árin og því gætu
menn séð hvernig það kemur út að
leyfa aðeins flugu.
Prýðisveiði í Fáskrúð
Ágætlega hefur gengið í Fá-
skrúð í Dölum síðustu daga, t.d.
veiddi síðasta hollið í ánni 20 laxa,
en veitt er á þrjár stangir í tvo
daga. Fregnir herma að veiðin þar
sé nú helmingi meiri en á sama
tíma í fyrra, en heildartöluna höf-
um við þó ekki við höndina sem
stendur.
Lax þakkar fyrir sig
Veiðimaður sem var að veiðum
við nýju rafstöðina, á svæði 2 í
Fljótá í Fljótum á mánudag fékk
lax á rauða Frances flugu. Hann
losaði úr fiskinum og reyndi að
hressa hann við eftir bestu getu áð-
ur en laxinum var sleppt. Þetta tók
tímann sinn og veiðimaðurinn velti
því fyrir sér hvort laxinum hefði
verið sleppt of fljótt, því fiskurinn
virtist þróttlítill og fór á ská undan
straumnum þegar honum var
sleppt. Vöknuðu efasemdir veiði-
félaga um hvort það að veiða og
sleppa ætti rétt á sér.
Í gær var sami veiðimaður á
svæði 3 í Fljótá, sem er neðan við
svæði 2. Hann var að ljúka við að
veiða Berghyl.
„Ég óð aðeins út í hylinn og var
þar að hreinsa fluguna. Þá varð
mér litið til hliðar og viti menn. Þar
er fiskurinn kominn sem ég sleppti
á svæði 2 og er ekki nema svona
meter frá mér. Hann er auðþekkt-
ur, því hann hefur lent í netum og
er með einskonar kraga um háls-
inn. Mér fannst eins og hann væri
að heilsa upp á mig og segja: Skil-
aður því til félaga þinna að þetta
svínvirkar – að veiða og sleppa,“
sagði þessi veiðimaður.
Glæðist í Hofsá
Guðmundur Týr Þórarinsson veiddi sinn fyrsta lax í Hlíðarkvörn í
Svartá fyrir fáum dögum. Hann var ekki af smærri gerðinni, 18
punda hængur sem tók hálftommu rauða Frances túpu.
ERU
ÞEIR AÐ
FÁ’ANN?
Á FUNDI starfshóps um flutning
hættulegra efna um jarðgöng voru í
gær rædd tildrög og eftirmál meng-
unarslyss sem átti sér stað fyrr í
mánuðinum í Hvalfjarðargöngum.
Arnbjörg Sveinsdóttir, alþingismað-
ur, fer fyrir starfshópnum sem
dómsmálaráðherra skipaði í vetur í
kjölfar þess að samþykkt var þings-
ályktunartillaga þess efnis að fela
ætti ríkisstjórn að setja reglur um
flutninga eldfimra efna um jarðgöng.
Að sögn Arnbjargar var sérstaklega
boðað til fundarins vegna atviksins
sem átti sér stað í Hvalfjarðargöng-
um 13. júlí þegar tankbíll Olíudreif-
ingar hf. missti þar niður nokkuð af
bensíni.
Hópurinn skili áliti í haust
„Við fórum yfir það sem gerst
hafði og kölluðum, meðal annars, á
fund okkar Jón Viðar Matthíasson
varaslökkviliðsstjóra og Stefán
Reyni Kristinsson, framkvæmda-
stjóra Spalar ehf. Þá kom fram að
allir aðilar sem koma að þessum mál-
um, Spölur ehf., slökkvilið og lög-
regla, eru að fara yfir viðbragðsáætl-
anir sínar og munu væntanlega strax
í haust skila niðurstöðum til Bruna-
málastofnunar og Almannavarna
ríkisins,“ sagði Arnbjörg. Jafnframt
kom fram í máli hennar að Gestur
Guðjónsson, fulltrúi Samtaka at-
vinnulífsins í starfshópnum, hafi
greint frá því að flutningsaðilar ætli
sér að setja vinnureglur um flutning
hættulegra efna um Hvalfjarðar-
göng og takmarka frekar þann tíma
sem þeir ætla til slíkra flutninga.
Þær takmarkanir sagði Arnbjörg að
ættu að gilda þar til starfshópurinn
hefði lokið störfum. Hún segist von-
ast til að starfshópurinn geti skilað
áliti sínu í haust en segir það verða
að ráðast nokkuð af hvernig gangi að
fara yfir gögn erlendis frá.
Lærdómur dreginn af slysinu
„Það er verið að vinna að athugun
þessara mála hjá OECD og við erum
að fara í gegnum skýrslur og reikni-
líkön sem þeir hafa sett upp og unnið
að,“ sagði Arnbjörg og bætti við að
einnig hefði verið litið til þeirra
reglna sem væru í gildi í Noregi og í
burðarliðnum væri samstarf við
norskan sérfræðing sem væri að
vinna í þessum sömu málum fyrir
Norðmenn. „En þar eru reyndar
mjög mismunandi reglur í gangi eft-
ir því hvernig göngin eru og hvar þau
eru. Svo er það líka svæðisbundið
hvaða reglur eru í gildi hjá þeim.
Þannig að það er heilmikil vinna að
fara í gegnum þetta,“ sagði hún.
Arnbjörg sagði jafnframt að fyrst
ekki fór verr hefði mátt draga vissan
lærdóm af óhappinu en það hefði
ekki verið ætlunin að gerast einhver
dómstóll í því hver væri ábyrgur.
„Menn gátu séð hvað betur mátti
samhæfa í viðbrögðum við slysum af
þessu tagi, þar voru t.a.m. hlutir sem
snúa að fjarskiptakerfum og öðru
slíku,“ sagði hún.
Starfshópur um flutning hættu-
legra efna um jarðgöng
Fundað vegna
atviks í Hval-
fjarðargöngum
♦ ♦ ♦
ÚTVARPSSTJÓRI hefur sam-
þykkt tillögu Bjarna Guðmundsson-
ar, framkvæmdastjóra RÚV, og
Boga Ágústssonar fréttastjóra um
skipulagsbreytingar á fréttastofu
ríkissjónvarpsins. Breytingarnar
felast í því að Elín Hirst og Logi
Bergmann Eiðsson eru gerð að
varafréttastjórum, en fyrir eru
varafréttastjórarnir Helgi H. Jóns-
son og Ólafur Sigurðsson. Jafn-
framt verður sú breyting að Elín
Hirst verður framvegis staðgengill
fréttastjóra en Helgi H. Jónsson
hefur til þessa verið staðgengill
fréttastjóra. Breytingarnar hafa
þegar tekið gildi.
Bogi Ágústsson segir að verið sé
að styrkja stjórnun á fréttastofunni
með því að fjölga starfsmönnum í
ábyrgðarstöðum. „Logi hefur gegnt
daglegri ritstjórn að mestu leyti á
fréttastofunni að undanförnu sem
vaktstjóri. Við erum að styrkja
stjórnunarþáttinn,“ sagði Bogi.
Hann sagði að fréttamönnum yrði
ekki fjölgað í takt við fjölgun í
stjórnunarstöðum.
Bogi segir það rétt að Helgi hafi
áður verið staðgengill fréttastjóra
en í styttri fjarveru fréttastjóra hafi
vaktstjóri yfirleitt hlaupið í skarðið.
Framvegis verði Elín hins vegar
staðgengill fréttastjóra.
Tveir nýir
varafrétta-
stjórar hjá
ríkissjón-
varpinu
UNG kona ók bifreið sinni út af
Skeiða- og Hrunamannavegi um
klukkan sjö í gærmorgun.
Samkvæmt upplýsingum lögregl-
unnar á Selfossi var konan ein í bif-
reiðinni og var flutt með sjúkrabif-
reið til Reykjavíkur.
Að sögn vakthafandi læknis á
slysadeild slasaðist stúlkan ekki al-
varlega og er líðan hennar góð eftir
atvikum.
Flutt á slysa-
deild eftir að
hafa ekið út af
♦ ♦ ♦