Morgunblaðið - 26.07.2001, Blaðsíða 12

HÖFUÐBORGARSVÆÐIÐ
12 FIMMTUDAGUR 26. JÚLÍ 2001 MORGUNBLAÐIÐ
AF hálfu Kringlunnar er áformað
að stækka húsnæði Kringlunnar
með því að byggja hæð ofan á og
viðbyggingu við suðurhluta
Kringlunnar. Eru tillögur þess
efnis nú til meðferðar hjá borg-
aryfirvöldum. Áætlað er að við-
byggingin verði þrjú þúsund fer-
metrar og að þar verði starfrækt
líkamsræktarstöð. Á stærri mynd-
inni sést viðbótin dekkt fremst á
suðurhluta Kringlunnar þar sem
verslanir verða og á minni mynd-
inni, sést dekkt upplyfting eftir
endilöngu þakinu þar sem líkams-
ræktarstöðin á að koma á nýrri 4.
hæð. Fram kom í Morgunblaðinu í
gær, að einnig væri uppi á teikni-
borðinu frekari uppbygging á
Kringlusvæðinu
Stefnt að
stækkun
KringlunnarJARÐGERÐARTUNNUR voru í
gær afhentar fulltrúum um 25 heim-
ila í Mosfellsbæ, en tunnurnar á að
nota til að jarðgera lífrænt sorp frá
eldhúsi og garði eftir aðstæðum.
Heimilin 25 verða þátttakendur í til-
raun sem Mosfellsbær stendur fyrir,
þar sem verið er að kanna þessa leið
til að minnka sorp sem fer til urð-
unar. Að sögn Jóhönnu B. Magnús-
dóttur, verkefnisstjóra Staðardag-
skrár 21 í Mosfellsbæ, telur
bæjarfélagið ástæðu til að skoða,
hvort vænlegt sé að minnka það sorp
sem þarf að urða með því að íbúar
bæjarins taki að sér að urða sorpið á
heimilum sínum. „Ég tel mikilvægt
að við látum þær auðlindir sem við
hendum venjulega í ruslið frekar
fara í hringrás náttúrunnar. Við telj-
um að gróðinn af þessu felist meðal
annars í minni kostnaði fyrir sveit-
arfélagið þar sem minna magni af
sorpi þarf að aka langar leiðir,“ segir
Jóhanna.
Að sögn Jóhönnu verða þau 25
heimili sem þátt taka í verkefninu
heimsótt til að kanna hvernig urð-
unin gengur og í framhaldi af til-
rauninni verður tekin afstaða til þess
hvort fleiri tunnur verði keyptar á
næsta ári.
Morgunblaðið/Ásdís
Garðyrkjustjórinn í Mosfellsbæ, Oddgeir Þór Árnason, sýnir jarðtunnu
og Jón Fransson, framkvæmdastjóri HSS, fylgist með.
Jarðgerð
í Mosfellsbæ
Mosfellsbær
BORGARRÁÐ hefur samþykkt að
verða við beiðni borgarverk-
fræðings um 5 milljóna króna
aukafjárveitingu í tengslum við
varðveislu fornleifa í Aðalstræti.
Upphæðinni verður varið í for-
athuganir og rannsóknir á jarðvegi
og jarðvatni. Stefnt er að því að
undirbúa sýningu á skála frá
landnámsöld undir Aðalstræti.
Borgarráð samþykkti fyrr í sum-
ar að fela borgarverkfræðingi í
samvinnu við borgarminjavörð að
undirbúa varðveislu fornminja við
Aðalstræti og gera áætlun um
kostnað. Í samþykkt borgarráðs er
kveðið á um að leita skuli samstarfs
við menntamálaráðuneyti og þjóð-
minjavörð um varðveislu minjanna
sem þjóðminja.
Borgarráð samþykkir aukafjárveitingu
5 milljónir veittar til
varðveislu fornminja
Miðborg
KARL Steinar Valsson, aðstoðaryf-
irlögregluþjónn í Reykjavík, telur í
ljósi reynslunnar erlendis frá, að
raunhæft sé að banna áfengis-
drykkju á almannafæri, en segist
efast um að ölvun á almannafæri
sem slíka verði hægt að banna.
Borgarráðsfulltrúar Sjálfstæðis-
flokks hafa lagt til að ölvun og með-
ferð áfengis á vissum stöðum í
Reykjavík, s.s. Austurvelli, verði
bönnuð frá 8 til 24 og leggur Inga
Jóna Þórðardóttir, oddviti sjálf-
stæðismanna í borgarstjórn,
áherslu á að ekki sé ætlunin að tak-
marka útiveitingaaðstöðu í næsta
nágrenni við Austurvöll.
Aðspurður segir Karl Steinar að
raunhæft sé að banna áfengis-
drykkju á almannafæri en sér ekki
fyrir sér hvernig bann við ölvun
sem slíkri gangi upp. „Borgaryf-
irvöld í sumum borgum á Írlandi,
N-Írlandi og víðar hafa beitt úr-
ræðum sem fela í sér bann við
áfengisdrykkju á almannafæri.
Lögreglan í Reykjavík kynnti borg-
aryfirvöldum þessa hugmynd í
vinnuhópi á vegum borgarstjóra
fyrir nokkrum vikum enda vildi hún
benda borgaryfirvöldum á að þetta
væri ein þeirra leiða sem skoða
mætti frekar. Það má nefna að í
Belfast er drykkja á vissum stöðum
óheimil og hefur viðvörunarskiltum
verið komið upp þar að lútandi. Á
þeim eru vegfarendur m.a. minntir
á að á viðkomandi svæði liggi 100
punda sekt við því að drekka á
bannsvæðinu. Mér skilst að það hafi
gengið ágætlega að framfylgja
þessum ákvæðum en ég hef þó viss-
ar efasemdir um að hægt sé að
ganga svo langt að framfylgja banni
við ölvun sem slíkri á tilteknum
svæðum. Bann við drykkju á al-
mannafæri, þ.e. á ákveðnum svæð-
um og á ákveðnum tímum sólar-
hringsins, er atriði sem væri hægt
að taka upp í lögreglusamþykkt
enda eiga slík ákvæði heima þar.
Það má líka geta þess að það hafa
skapast talsverðir erfiðleikar í þess-
um málum í Reykjavík í tengslum
við burð á áfengi út af veitingastöð-
um, sem er lögum samkvæmt
óheimill. Talsverður hluti líkams-
meiðinga í miðbænum er tilkominn
vegna þess að ekki er fylgt settum
reglum og þar liggur ábyrgð veit-
ingamanna, sem eiga að sjá til þess
að gestir fari ekki með flöskur eða
glös út af stöðunum. Veitingamönn-
um er vel kunnugt um þessar regl-
ur en að sjálfsögðu er það í verka-
hring lögreglunnar að sjá til þess
að þeir fari eftir þeim.“
Inga Jóna Þórðardóttir hefur
ekki svar á reiðum höndum á þess-
ari stundu hvernig unnt sé að
banna ölvun í Austurstræti enda sé
ætlunin með umræddri tillögu að
athuga hvort og þá hvernig hægt sé
að koma við banninu, þ.e. ölvun og
meðferð áfengis á tilteknum svæð-
um.
Ekki ætlunin að banna veit-
ingasölu í kringum Austurvöll
„Það svæði sem við höfum helst í
huga er Austurvöllur sjálfur,“ segir
Inga Jóna. „Þó er ekki verið að
ræða um útiveitingastaði í kringum
Austurvöll enda eru þeir á ábyrgð
rekstraraðila. Ástæða þess að við
viljum láta skoða þessi mál, er sú
mynd sem blasir oft við vegfar-
endum, þ.e. samsöfnuður drukkins
fólks. Þetta er ásýnd sem ég tel að
sé ekki viðunandi fyrir miðborg
Reykjavíkur og Austurvöll sem er í
raun hjarta miðborgarinnar. Önnur
ástæða fyrir tillöguflutningnum er
þær breytingar sem orðið hafa á
áfengislöggjöfinni, en sú breyting
varð á löggjöfinni við síðustu end-
urskoðun, að lögreglan hefur ekki
lengur heimild til að hafa afskipti af
ölvuðu fólki á almannafæri nema
þegar um ræðir verulegar óspektir.
Okkur er tjáð að lögreglan geti
ekki gripið inn í t.d. þegar fólk er
orðið mjög drukkið á almannafæri.
Þess vegna felur tillagan í sér að
það sé kannað hvort og þá hvernig
við getum brugðist við. Austurvöll-
ur er staður þar sem fólk á að geta
gengið um öruggt. Þegar borgaryf-
iröld telja að hægt sé að eitthvað sé
að við ásýnd borgarinnar, þá þurfa
þau líka að þora að grípa til að-
gerða sem duga.“
Ekki útséð með hvernig eigi að banna ölvun á Austurvelli
Drykkjuna sjálfa gæti
verið raunhæft að banna
Miðborg