Morgunblaðið - 26.07.2001, Blaðsíða 56

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FIMMTUDAGUR 26. JÚLÍ 2001 VERÐ Í LAUSASÖLU 165 KR. MEÐ VSK.
UM 33% verðmunur er á dýr-
ustu og ódýrustu innkaupakörf-
unni, samkvæmt verðkönnun
Morgunblaðsins í ellefu mat-
vöruverslunum á höfuðborgar-
svæðinu í gær. Bónus var með
lægsta verðið en Krónan fylgdi
fast á eftir þegar bornar voru
saman þær vörutegundir sem
fengust í öllum verslununum.
Um 117% verðmunur var á
jöklasalati milli verslana, ódýr-
ast í Bónus en dýrast í 10–11. Þá
var einnig um 103% verðmunur
á kjúklingi milli verslana. Verð-
munur á lambalæri var 69%
milli verslana.
Ósamræmi var töluvert á milli
hillu- og kassaverðs í verslun-
um, mest í Samkaupum, þar
voru tilvikin 13 af þeim 36 vöru-
liðum sem voru kannaðir. Í fleiri
verslunum kom einnig fram
munur en algengast var að um
tvær vörutegundir væri að
ræða.
Matarkarfan
hækkað um 5,2%
Sé könnunin borin saman við
verðkönnun ASÍ og Neytenda-
samtakanna frá 12. apríl í fyrra
kemur í ljós að matarkarfan hef-
ur hækkað um 5,2% en sam-
anburður þarf ekki að vera
marktækur þar sem fáar vöru-
tegundir fengust í öllum versl-
unum í báðum könnunum.
Ekki var tekið tillit til gæða
eða þjónustu í könnuninni held-
ur einungis spurt um verð.
Lægsta vöru-
verðið í Bónus

Um 33% verðmunur/18
Morgunblaðið/Rax
FORSVARSMENN Sláturfélags
Suðurlands (SS) búast við 30–50%
meiri sauðfjárslátrun nú í ár en í
fyrra. Ástæðan er hækkun fyrirtæk-
isins á vegnu meðalverði á dilkakjöti
um 7% á meðan Goði hf. mun lækka
verð til sauðfjárbænda um 8%.
Kristinn Geirsson, framkvæmda-
stjóri Goða hf., segir að fyrirtækið
verði á bilinu 15–25% undir meðal-
verði Landssambands sauðfjár-
bænda. Þá muni Goði ekki byrja að
greiða sauðfjárbændum fyrr en í
febrúar á næsta ári.
Segir hann að vegna þess muni
Goði eflaust slátra um 120 þúsund
dilkum í haust en það er helmingi
minna magn en í fyrra.
Fram hefur komið í fjölmiðlum að
Goði hafi óskað eftir greiðslustöðvun
og segir Kristinn að ekki sé grund-
völlur fyrir því að að vera með slát-
urhúsin í rekstri allt árið. Í haust
muni fyrirtækið einungis slátra á
þremur stöðum, á Höfn í Hornafirði,
Fossvöllum í Jökuldal og á Hvamms-
tanga.
Í gær var starfsfólki Goða á Hellu,
Höfn í Hornafirði og á Egilsstöðum
tilkynnt að því yrði sagt upp að lok-
inni slátrun í haust. Á þriðjudag var
starfsfólki fyrirtækisins í sláturhús-
inu á Hvammstanga og í Búðardal
einnig tilkynnt um uppsagnir. Þetta
eru alls 74 starfsmenn.
Heimamenn í Búðardal hafa leitað
eftir því að fá sláturhúsið á staðnum
leigt með það að markmiði að slátra í
haust í samvinnu við aðra sláturleyf-
ishafa. Haraldur L. Haraldsson,
sveitarstjóri í Búðardal, segir að
Goði hafni öllum viðræðum við sveit-
arstjórnina. Hann sakar forráða-
menn Goða um að reyna að neyða
bændur til að koma með fé í slátrun á
afarkostum.
Goði lækkar verð til bænda
og tilkynnir frekari uppsagnir

Sauðfjárslátrun/29
GEIR Ólafsson ljósmyndari varð
fyrir stöðugum árásum frá skúm
þegar hann var við myndatökur í
Ingólfshöfða í gær. Skúmur ræðst
oft af mikilli heift á menn og skepn-
ur á varpstöðvum sínum og getur
veitt talsverð högg með fótunum. Í
bókinni Fuglar Íslands eftir Hjálm-
ar R. Bárðarson segir að skúm-
urinn sé náskyldur kjóanum en þó
ekki líkur honum í útliti. Fullorðnir
skúmar vega 1.200–1.600 grömm
og er hann því nær fjórfalt þyngri
en kjóinn. Aðalvarpsvæði skúmsins
er á söndunum sunnanlands. Á vet-
urna leitar skúmurinn til hafs.
Skúmur
stuggar við
ljósmyndara
GREIÐSLUAFKOMA ríkissjóðs
fyrstu sex mánuði þessa árs er 5,8
milljörðum króna lakari en áætlað
var. Afkoman var neikvæð um 1,7
milljarða króna eftir fyrstu sex mán-
uðina en var jákvæð um 10,6 milljarða
króna á sama tíma í fyrra.
Tekjur ríkissjóðs voru 1 milljarði
yfir áætlun en gjöldin eru 6,8 millj-
örðum umfram það sem áætlað var.
Fram kemur í greinargerð fjármála-
ráðuneytisins um afkomu ríkissjóðs
fyrstu sex mánuði ársins að tekjurnar
hækka um 7,2 milljarða frá fyrra ári
en útgjöld hækka á hinn bóginn mun
meira, eða um 19,5 milljarða króna.
Tæplega helming útgjaldaaukningar-
innar má rekja til sérstakra tilefna,
s.s. vaxtagreiðslna vegna forinnlausn-
ar spariskírteina, hæstaréttardóms
vegna málefna öryrkja og fleira.
Hreinn lánsfjárjöfnuður var nei-
kvæður um 3,7 milljarða kr. sem er
6,4 milljörðum lakari útkoma en áætl-
að var og 17,3 milljörðum lakari en í
fyrra. Skýringin á lakari útkomu en í
fyrra er m.a. að á árinu 2000 komu til
greiðslu 5,5 milljarðar kr. vegna sölu
á hlutabréfum í ríkisbönkunum á
árinu 1999.
Minni hækkun skatttekna
Heildartekjur hækkuðu milli ára
um rúmlega 7% en skatttekjur hækk-
uðu heldur minna, eða um 6,5%. Til
samanburðar nam hækkun skatt-
tekna á sama tíma í fyrra um 12% og
16,5% árið þar á undan.
Fjármálaráðuneytið telur að þess-
ar tölur gefi góða mynd af því hve
mjög hefur dregið úr vexti innlendrar
eftirspurnar, einkum á þessu ári.
Heildargreiðslur ríkissjóðs námu
tæpum 110 milljörðum kr. á fyrri árs-
helmingi og er það 6,8 milljörðum kr.
umfram áætlun. Tæplega 60% af út-
greiðslum úr ríkissjóði runnu til ým-
issa félagsmála. Útgjöld vegna mála-
flokksins hækkuðu í heild um 10,9
milljarða kr. milli ára, þar af nemur
hækkun vegna fræðslumála 2 millj-
örðum og 4,3 milljörðum vegna heil-
brigðismála, þar af 1,3 milljarðar
vegna aukinna greiðslna til Trygg-
ingastofnunar ríkisins á þessu ári.
Rekstrarframlög til sjúkrastofnana
hækka um 1,6 milljarða og greiðslur
almannatrygginga hækka um 4,1
milljarð, eða 27,4%. Þá hækka útgjöld
til atvinnumála um tæplega 3,2 millj-
arða kr. sem er 23,5% hækkun frá því
í fyrra, vaxtagreiðslur hækka um 3,4
milljarða, eða 37,7%, og önnur útgjöld
um 1,9 milljarða, eða 53%.
Afkoma ríkissjóðs
lakari en áætlað var

Afkoman/10
UNGUR drengur í Kópavogi slapp
vel er hann hljóp út á götu um sjö-
leytið í gær og lenti á hlið bíls með
þeim afleiðingum að hann kastaðist í
götuna. Að sögn lögreglunnar í
Kópavogi hljóp drengurinn á hurð-
ina vinstra megin og lenti spegillinn
á honum. Bifreiðin var ekki á mikilli
ferð, en slysið átti sér stað á Álfhóls-
vegi.
Foreldrar drengsins og sjúkralið
komu á staðinn og ætluðu foreldr-
arnir að fara með drenginn á slysa-
deild. Drengurinn kvartaði undan
verk í fæti en var með fullri meðvit-
und eftir slysið.
Drengur
lenti á bíl
LÖGREGLAN á Selfossi var kölluð
út upp úr klukkan sex í gær til að
leita að manni sem hafði strokið af
réttargeðdeildinni á Sogni. Þyrla
Landhelgisgæslunnar TF-SIF tók
þátt í leitinni. Maðurinn fannst rúm-
um tveimur tímum síðar þegar hann
kom að bæ í Grafningi. Hann er
kunnugur á bænum og lét heimilis-
fólk lögregluna vita um ferðir
mannsins.
Strauk
af Sogni
♦ ♦ ♦