Morgunblaðið - 26.07.2001, Síða 23

ERLENT
BERNARD Kouchner, heilbrigð-
isráðherra Frakklands, hefur við-
urkennt að hann hafi stundað
líknardráp er hann starfaði sem
læknir.
Kouchner játaði í viðtali við hol-
lenska vikuritið Vrij Nederland að
hafa stundað líknardráp þegar
hann starfaði sem læknir í stríð-
inu í Líbanon og Víetnam. Hann
kvaðst í viðtalinu hafa gefið fólki,
sem að hans mati þjáðist of mikið,
banvæna sprautu af morfíni frek-
ar en að gefa því pillur. „Þegar
fólk þjáðist af miklum sársauka og
ég vissi að það myndi deyja þá
hjálpaði ég því,“ sagði ráð-
herrann.
„Læknar eiga að
vernda líf“
Kouchner er einn stofnenda
frönsku samtakanna Læknar án
landamæra. Hann sagði í viðtalinu
að „óvirkt“ líknardráp, þegar
læknar hætta meðferð dauðvona
sjúklinga, væri algengt í Frakk-
landi.
Franski heilbrigðisráðherrann
segist ekki hafa í hyggju að koma
á löggjöf sem leyfir líknardráp en
málefnið er mjög viðkvæmt í
Frakklandi. Hann sagði að ef til
umræðu kemur að breyta löggjöf-
inni um líknardráp þá muni það
verða til að vernda hagsmuni
sjúklingsins. „Líknardráp stang-
ast á við siðfræði læknavísinda.
Læknar eiga að vernda líf en ekki
binda enda á líf. Á hinn bóginn á
samfélagið að taka tillit til þess ef
einhver vill deyja,“ sagði Kouch-
ner.
Holland verður fyrsta landið í
heiminum sem lögleiðir líknar-
dráp þegar ný lög þess efnis taka
gildi í haust. Hollenskir læknar
hjálpa nú þegar um 4.000 sjúk-
lingum að deyja ár hvert en þurfa
að fylgja ströngum reglum vilji
þeir ekki eiga á hættu að verða
lögsóttir.
Ráðherra játar á
sig líknardráp
Haag. AFP.
MORGUNBLAÐIÐ FIMMTUDAGUR 26. JÚLÍ 2001 23
DANIR kunna að neyðast til þess að
handtaka Carmi Gillon, nýskipaðan
sendiherra Ísraels í Danmörku, er
hann kemur til landsins, vegna að-
ildar landsins að sáttmála Sameinuðu
þjóðanna gegn pyntingum. Þetta
kemur fram í svari Frank Jensen,
dómsmálaráðherra Danmerkur, við
fyrirspurn þingmanns Einingar-
flokksins. Skipun Gillons er orðin að
miklu hitamáli og hefur orðið til þess
að frysta samskipti landanna.
Gillon var yfirmaður ísraelsku
leyniþjónustunnar á árunum 1994-
1996 og hefur viðurkennt í blaðavið-
tölum að hafa leyft að palestínskir
fangar yrðu beittir „hóflegum líkam-
legum þrýstingi“ við yfirheyrslur.
Hann er nú yfirmaður friðarstofnun-
ar sem Shimon Peres, utanríkisráð-
herra Ísraels, stofnaði, og heldur
Peres því fram að Gillon sé góður
kostur og „maður friðar“.
Dönsk yfirvöld hafa verið undir
þrýstingi vinstrimanna og mannrétt-
indasamtaka að koma í veg fyrir að
Gillon komi til landsins eða að hand-
taka hann. Mogens Lykketoft utan-
ríkisráðherra hefur lýst því yfir að
Gillon sé velkominn til Danmerkur,
það sé mál hvers og eins ríkis hvern
það velji sem fulltrúa sinn. Ísraelska
þingið staðfesti í fyrrakvöld skipun
Gillons, þrátt fyrir þrýsting mann-
réttindasamtaka.
Aldrei áður reynt
á sáttmálann
Óljóst er hvort Gillon muni njóta
friðhelgi sem sendiherra samkvæmt
Vínar-sáttmálanum. Í svari dóms-
málaráðherra er ekki tekin afstaða til
þess hvaða áhrif friðhelgi hefur á
sáttmálann gegn pyntingum en sam-
kvæmt honum „kann aðildarríkjum
að bera skylda til að handtaka hvern
þann sem sekur er um pyntingar, um
tilraun til pyntinga eða hlutdeild í
þeim“, segir í svari ráðherra. Dansk-
ur þjóðréttarfræðingur, Ole Esper-
sen, hvatti í gær til þess að látið yrði
á málið reyna en það yrði í fyrsta sinn
sem sáttmálanum gegn pyntingum
yrði beitt á þennan hátt.
Samskipti Danmerkur og Ísraels
hafa kólnað mjög vegna máls Gillons,
svo og komu Yassers Arafats, leið-
toga Palestínumanna, í maí sl. en
honum var tekið með kostum og
kynjum á sama tíma og Ísraelar sök-
uðu dönsk stjórnvöld um að virða
ísraelska sendiherrann ekki viðlits.
Ísraelskur sendi-
herra sætir hugs-
anlega handtöku
Kaupmannahöfn. Morgunblaðið.