Morgunblaðið - 01.08.2001, Qupperneq 8

FRÉTTIR
8 MIÐVIKUDAGUR 1. ÁGÚST 2001 MORGUNBLAÐIÐ
Landssamband sumarhúsaeigenda
Nýtt
öryggisnet
Landssamband sum-arhúsaeigenda hef-ur staðið fyrir því
verkefni að koma öryggis-
merkingum á öll sumarhús
í landinu. Þetta verkefni
vinnur sambandið í sam-
vinnu við Neyðarlínuna,
Fasteignamat ríkisins,
Vegagerðina og Landmæl-
ingar Íslands. Sveinn Guð-
mundsson, talsmaður og
lögmaður Landssambands
sumarhúsaeigenda, var
spurður hvernig þessu
viðamikla verkefni miðaði.
„Þetta verkefni á sér
langan aðdraganda. Nú
loks sjáum við fram á að
því sé að ljúka, þar sem við
getum nú boðið öllum
sumarhúsaeigendum á
landinu að merkja sumar-
hús sín inn í þetta kerfi. Það er bú-
ið að ganga frá sérstökum sam-
starfssamningi um skráningu
öryggisnúmera fyrir sumarhús en
markmiðið er að það verði til
áreiðanleg skrá um hnitsett sum-
arhús á Íslandi sem mun þá nýt-
ast til leiðsagnar til neyðarþjón-
ustu í sumarhúsabyggðum ef
bráðatilvik koma upp.“
– Hvað er hnitsetning?
„Hnitsetning er það þegar sum-
arhús t.d. eru staðsett með mæl-
ingum inn á landakort með sér-
stökum tækjum. Þannig má finna
viðkomandi hús með tveggja
metra skekkjumöguleika.“
– Hefur ekkert svona kerfi ver-
ið við lýði áður?
„Í þéttbýli er þetta kerfi búið að
vera á í mörg ár og hefur byggst á
símalínum og sérstakri tækni sem
Neyðarlínan býr yfir. Vandamálið
er hins vegar að sumarhús hafa
hingað til ekki verið hnitsett og
farsímar bjóða ekki upp á sömu
möguleika og venjulegir símar.“
– Hafa komið upp tilvik þar sem
erfiðlega hefur gengið að koma
fólki til hjálpar í sumarhúsum?
„Já, það hafa komið upp mörg
tilvik þar sem erfitt hefur verið að
nálgast sumarhúsið þar sem
menn þekktu ekki staðsetningu
þess eða leiðir að því. Við erum
ekki aðeins að hnita sumarhúsin
heldur alla vegslóða sem að þeim
liggja, það veitir mikið öryggi.“
– Hvernig miðar þessu hnit-
starfi?
„Hnitun á vegslóðum er að
mestu lokið þar sem sumarhúsa-
byggð er hvað þéttust. Þó má ætla
að þessu ljúki ekki hvað varðar
vegslóðana fyrr en eftir tvö til
þrjú ár. Hins vegar ráðgerum við
að allir þátttakendur í þessu verki
muni verða búnir að fá hnitsetn-
ingu sumarhúsa sinna fyrir árs-
lok.“
– Hvernig er þetta mælt?
„Við höfum þegar tekið upp
samstarf við björgunarsveitir og
aðra aðila sem munu ganga um
sumarhúsabyggðir landsins og
hnitsetja húsin. Vegagerðin mun
koma að merkingum á þjóðbraut-
um sem gefa til kynna
að sumarhúsabyggð
sé á viðkomandi slóð. Í
samvinnu við Land-
mælingar Íslands hef-
ur Vegagerðin þegar
unnið ótrúlegt þrek-
virki á þessu sviði.“
– Hvernig verða
sumarhúsin merkt?
„Þau verða merkt að utan með
skilti og jafnframt að innan.“
– Hvernig líta skiltin út?
„Skiltin eru tvö, það skilti sem
fer á utanhúss er 30x10 senti-
metrar, það skilti sem verður
hengt upp innanhúss er 15x5
sentimetrar. Á þessum skiltum
kemur fram neyðarnúmerið 112
og öryggisnúmer sumarhússins.
Með því að gefa þetta númer upp í
bráðatilvikum getur Neyðarlínan
leiðbeint björgunaraðilum með
einföldum hætti á staðinn.“
– Eiga björgunarmenn erfitt
með að rata eins og ástandið er
nú?
„Já, þeir eiga mjög erfitt með
það – alltaf eru að koma upp atvik
þar sem menn fara villir vegar
þrátt fyrir að reynt sé að leiðbeina
þeim. Það fer mikilvægur tími til
spillis meðan reynt er að gera
björgunarmönnum ljósa staðsetn-
ingu sumarhúss og stundum
gengur það jafnvel ekki. Ljóst er
því að þarna er um mikið nauð-
synjamál að ræða.“
– Hefur þetta mikinn kostnað í
för með sér fyrir sumarhúsa-
eigendur?
„Nei, menn greiða eingreiðslu
fyrir þessa þjónustu og kostnað-
urinn er á bilinu 6.100 kr. til 9.800
kr. án virðisaukaskatts, eftir því
hvort um er að ræða utanfélags-
menn eða félagsmenn.“
– Eru margir félagar í Lands-
sambandi sumarhúsaeigenda?
„Í Landssambandinu eru um 50
félög og um 2.500 félagsmenn, en
félagsmönnum er að fjölga mjög
um þessar mundir. Þess má geta
að Landssamband sumarhúsaeig-
enda er hagsmunasamtök sumar-
húsaeigenda á Íslandi
og við viljum stuðla að
bættri þjónustu við
sumarhúsaeigendur,
lækkun á opinberum
gjöldum og bættri
lagasetningu. Við er-
um að taka upp sam-
starf við mörg önnur
landssamtök. Við er-
um og með mikla útgáfustarfsemi
núna og benda má á vefinn okkar,
www.sumarhus.is. Við erum einn-
ig að þrýsta á um aukna þjónustu
sveitarfélaga við sumarhúsa-
eigendur, svo sem við vegagerð,
brunavarnir og sorphirðu, svo
eitthvað sé nefnt.“
Sveinn Guðmundsson
 Sveinn Guðmundsson fæddist
4. ágúst 1958 í Reykjavík. Hann
lauk stúdentsprófi frá Versl-
unarskóla Íslands 1979. Laga-
prófi lauk hann 1993 frá Háskóla
Íslands. Hann starfar nú sem
héraðsdómslögmaður og rekur
lögmannsstofu ásamt öðrum
undir nafninu Lögmenn Faxa-
feni. Eftir stúdentspróf var
Sveinn lengi lögreglumaður en
síðar í fyrirtækjarekstri þar til
hann lauk laganámi. Sveinn er
kvæntur Aðalheiði Valdimars-
dóttur leikskólakennara og eiga
þau þrjú börn og eina dóttur átti
Sveinn áður.
Með örygg-
ismerkingu má
leiðbeina
björgunar-
mönnum með
einföldum
hætti á staðinn
Það skal sko fyrir mannréttindadómstólinn vinur ef það á að skylda okkur til að hlusta á
þetta bla- bla, frá morgni til kvölds blá edrú.
ÞESSIR ungu veiðifélagar
sitja hér við Reynisvatn og
bíða rólegir eftir bráðinni.
Ekki fylgir sögunni hvernig
veiddist, en af yfirveguðu
fasi þeirra að dæma má telja
líklegt að vel hafi gengið,
enda þolinmæði mikilvægur
eiginleiki þegar kemur að
stangveiði.
Yfirveg-
aðir veiði-
félagar
Morgunblaðið/Sigurður Jökull