Morgunblaðið - 01.08.2001, Qupperneq 19

ÚR VERINU
MORGUNBLAÐIÐ MIÐVIKUDAGUR 1. ÁGÚST 2001 19
EINAR Kristinn Guðfinnsson, for-
maður sjávarútvegsnefndar Alþingis
og 1. þingmaður Vestfirðinga, segist
fylgjandi því að leyst verði úr vanda
smábátaflotans á svipaðan hátt og
miðlunartillaga sjávarútvegsráð-
herra, frá sl. vori, hljóðaði upp á.
Hann segist líta málið mjög alvarleg-
um augum, enda sú staða sem nú sé
uppi óviðunandi með öllu. Úrbætur
verði að koma til strax á næsta fisk-
veiðiári.
Í miðlunartillögu sjávarútvegsráð-
herra var haldið fast við fyrirhugaða
kvótasetningu en bætt við 1.800 tonn-
um í ýsukvóta til krókabáta og um
1.500 tonn í steinbít. Ekki náðist hins-
vegar sátt um tillöguna. „Það lá fyrir
strax í vor að smábátaflotinn hefði að-
eins úr að moða 2.500 tonna ýsu-
kvóta,“ segir Einar. „Sjávarútvegs-
ráðherra ákvað hinsvegar að koma til
móts við menn með því að gefa frjáls-
ar veiðar á steinbít. Í hugum fólks á
Vestfjörðum er málið hinsvegar enn í
versta farvegi og ég er sama sinnis.
Það er að mínu mati óhjákvæmilegt
að grípa til frekari aðgerða.“
Einar Kristinn segir að úr því sem
komið er verði veiðiréttur smábáta
aðeins aukinn með því að bæta við
þann kvóta sem smábátum er ætlaður
samkvæmt gildandi lögum, eins og
miðlunartillaga sjávarútvegsráðherra
frá því í vor kvað á um. Hann segir
marga Vestfirðinga líta málið sömu
augum og vilji vinna málið út frá
þeirri stöðu sem uppi er. „Mér var
það ljóst í vor þegar fjallað var um
þessi mál að ekki var hljómgrunnur
fyrir því að hafa þorskaflahámarkið
algerlega óbreytt. Ég var þess vegna
sjálfur tilbúinn til að taka þátt í vinnu
sem miðaði að því að stýra þessum
veiðum og draga þannig úr sókn þess-
ara báta á þeim tíma sem veiðin er
mest, einkum ýsuveiðin. Um það varð
hinsvegar ekki samkomulag og það er
ekki hægt að líta fram hjá þeim veru-
leika. Að mínu mati þurfum við nú að
vinna út frá þeim veruleika sem við
stöndum frammi fyrir í því að tryggja
sem mestan sóknarrétt smábátaflot-
ans sem er svo þýðingarmikill fyrir
strandbyggðirnar. Að mínu mati
verður það gert með því að auka veiði-
rétt þeirra umfram það sem gildandi
lög kveða á um, það er að bæta í þann
pott sem þeir mega veiða úr.“
Einar Kristinn segir að auk þess
verði að koma sérstaklega til móts við
þær útgerðir sem séu með nýjustu
fjárfestingarnar, enda sé þeirra staða
verst. Þessir bátar hafi litla sem enga
viðmiðun, verði miðlunartillaga sjáv-
arútvegsráðherra ofan á.
Ferska ýsan ekki öll
af smábátum
Í Morgunblaðinu í gær sagði for-
maður Landssambands smábátaeig-
enda að ef lög um kvótasetningu
krókabáta yrðu óbreytt í gildi minnk-
aði framboð af ferskri ýsu til útflutn-
ings með flugi um 6.000 tonn. Hann
sagði einnig að margfalt hærra verð
fengist fyrir fersk ýsuflök en sjófryst.
Eiríkur Tómasson, framkvæmda-
stjóri Þorbjörns-Fiskaness hf., segir
þessar fullyrðingar ekki eiga við rök
að styðjast. Þorbjörn-Fiskanes hf.
flytur út bæði fersk og sjófryst ýsu-
flök og segir Eiríkur að verð á þessum
afurðum hafi haldist nokkuð svipað til
lengri tíma litið. Hann segir að forð-
ast verði að bera saman verð á fersk-
um ýsuflökum, roðlausum og bein-
lausum, á cif-verði annars vegar en
frosnum flökum, með beini og roði, á
fob-verði hinsvegar. „Stór hluti
fersku ýsuflakanna sem unnin eru í
flug koma af línubátum sem ekki eru
á þorskaflahámarki, auk þess sem
töluvert kemur af togurum. Þess utan
er ekki nærri allur ýsuafli smábát-
anna unninn í flug, einfaldlega vegna
þess að hann er ekki allur hæfur til
þess,“ segir Eiríkur.
„Eina leiðin að
auka veiðirétt“ FISKISTOFA svipti átta báta veiði-
leyfi í júní.
Sex skip voru svipt leyfi til veiða í
atvinnuskyni vegna afla umfram afla-
heimildir. Marta Ágústsdóttir GK var
svipt leyfi 27. júní en fékk leyfið aftur
samdægurs eftir að aflamarksstaðan
hafði verið lagfærð. Pétursey VE var
svipt leyfi 5. júní og gildir leyfissvipt-
ingin þar til aflamarksstaða skipsins
hefur verið lagfærð. Björgvin ÍS var
sviptur veiðileyfi 15. júní og fékk það
aftur 20. júní. Höfrungur BA missti
leyfið 29. júní og fær það aftur þegar
aflamarksstaðan hefur verið lagfærð.
Ólafur ST missti leyfið 11. júní og
gildir leyfissviptingin þar til afla-
marksstaðan hefur verið lagfærð.
Sindri GK var sviptur leyfi 5. júní og
fékk það aftur daginn eftir.
Tvö skip voru svipt veiðileyfi vegna
brottkasts á hluta af afla í veiðiferðum
9. janúar. Fiskistofa svipti Maríu Pét-
ursdóttur VE og Haförn VE leyfi frá
22. júní til 5. júlí. Sjávarútvegsráðu-
neytið staðfesti ákvörðun Fiskistofu
með úrskurði dagsettum 29. júní með
þeirri breytingu að sviptingin var lát-
in gilda 4. til 17. júlí.
Átta sviptir
veiðileyfi
BYRJAÐ var að sneiða og pakka
laxi fyrir Bandaríkjamarkað hjá Ís-
lenskum matvælum í Vestmanna-
eyjum í liðinni viku, en eins og
greint hefur verið frá hefur Eign-
arhaldsfélag Vestmannaeyja hf.
keypt allan rekstur fyrirtækisins af
Pharmaco hf.
Íslensk matvæli var stofnað fyrir
aldarfjórðungi en fyrirtækið hefur
verið rekið sem deild innan
Pharmaco síðan 1990. Húsnæði þess
brann 27. apríl sl. og þar með öll
framleiðslutæki en rekstri hefur
verið haldið áfram í Fiskvinnslu-
skólanum í Hafnarfirði og flyst
hann alfarið til Vestmannaeyja í
haust.
Helstu framleiðsluvörur hafa ver-
ið síldar- og laxaafurðir og að sögn
Snorra Finnlaugssonar fram-
kvæmdastjóra eru meira en 50%
teknanna tilkomin vegna útflutnings
til Bandaríkjanna. Framleiðslustjóri
fyrirtækisins er úti í Eyjum og auk
hans starfa sex manns þar, en um
15 manns vinna um þessar mundir
hjá Íslenskum matvælum í Hafn-
arfirði. Þar er laxinn flakaður, salt-
aður, beinhreinsaður og reyktur en
reykt flök eru síðan send í lokuðum
körum til Eyja þar sem laxinn er
sneiddur niður og honum pakkað í
lofttæmdar umbúðir. Eftir brunann
var keypt ný sjálfvirk vél sem flutt
var beint til Eyja vegna þessa.
„Reksturinn er kominn í fullan gang
eftir brunann og það eina sem hrjá-
ir okkur er síldarskortur,“ segir
Snorri Finnlaugsson.
Íslensk matvæli í
Vestmannaeyjum
Morgunblaðið/Sigurgeir
Byrjað er að sneiða og pakka laxi fyrir Bandaríkjamarkað hjá Íslensk-
um matvælum í Vestmannaeyjum.
FISKAFLI Chilemanna dróst sam-
an um tvær milljónir tonna á fyrri
helmingi ársins, eða um 22,7% borið
saman við sama tíma síðasta árs.
Ríflega 43% af heildarafla við
Chile er hrossamakríll, rúm 25% an-
sjósa og tæp 16% sardínur. Tölu-
verður samdráttur varð í veiðum á
uppsjávarfiski á fyrri helmingi árs-
ins, einkum vegna minnkandi veiði á
ansjósu sem dróst saman um rúm
60%. Sardínuaflinn minnkaði um
rúm 48% en hann var um 247.500
tonn á fyrri helmingi ársins.
Minni afli
í Chile
♦ ♦ ♦