Morgunblaðið - 01.08.2001, Síða 23

ERLENT
MORGUNBLAÐIÐ MIÐVIKUDAGUR 1. ÁGÚST 2001 23
RÍKISSTJÓRN Bretlands hallast að því að kalla til
þjóðaratkvæðagreiðslu um það hvort evran verði
tekin upp sem gjaldmiðill. Þjóðaratkvæðagreiðslan
verður hugsanlega strax haustið 2002.
Þetta kemur fram í dagblaðinu The Financial
Times en samkvæmt því vilja Tony Blair, forsætis-
ráðherra landsins, og Gordon Brown fjármálaráð-
herra báðir efna til þjóðaratkvæðagreiðslu um evr-
una ef til þess verða efnahagsleg skilyrði. Þá er
jafnvel búist við því að ríkisstjórnin taki ákvörðun
þar að lútandi næsta vor. Afstaða ráðherranna nú
er jákvæðari gagnvart evrópska gjaldmiðlinum en
afstaða ríkisstjórnarinnar hefur verið hingað til.
Þessi nýja afstaða gæti haft áhrif á viðhorf til sterl-
ingspundsins, sérstaklega viðhorf þeirra sem versla
með erlenda gjaldmiðla. Þetta kom berlega í ljós í
kosningabaráttunni í vor þegar Blair sýndi áhuga á
að taka upp evruna sem gjaldmiðil en þá féll pundið
á gjaldeyrismörkuðum í kjölfarið.
Viðtökur evrunnar munu ráða úrslitum
Talið er að það hvernig gengur að koma evrópska
gjaldmiðlinum á markað í janúar á næsta ári muni
skera úr um ákvörðun ríkisstjórnarinnar. Ef allt
gengur að óskum eru taldar auknar líkur á þjóð-
aratkvæðagreiðslu.
Tvær dagsetningar eru taldar líklegastar ef
breska þjóðin fær að greiða atkvæði um evruna.
Frá sjónarhóli forsætisráðherrans er haustið 2002
efst á óskalistanum en einnig er vorið 2003 talið
koma til álita.
Þrátt fyrir að tilgátur hafi verið uppi um ágrein-
ing milli Blair og Brown er haft eftir nánum sam-
starfsmönnum ráðherranna að þeir séu sammála
um kosti eins gjaldmiðils í Evrópu. Þá er talið að
Brown sé jákvæðari en Blair um að allt muni ganga
vel þegar evran verður sett á markað á næsta ári og
að það muni sannfæra einstaklinga og fyrirtæki um
kosti gjaldmiðilsins. Ef gengið verður til þjóðarat-
kvæðagreiðslu er talið að Blair muni treysta á að
hann geti unnið bug á andstöðu almennings við evr-
una en eins og staðan er nú sýna skoðanakannanir
að þrír af hverjum fjórum eru á móti því að Bret-
land gangi í Efnahags-og myntbandalagið (EMU).
Blair er nú í heimsókn í Brasilíu og í ræðu sem
hann hélt á fundi með þarlendum kaupsýslumönn-
um á mánudag, hvatti hann leiðtoga Evrópusam-
bandsins til að gera átak í efnhagslegum umbótum
innan sambandsins. Þessi ummæli breska forsætis-
ráðherrans þykja ýta enn frekar undir þær getgát-
ur að Bretar búi sig nú undir að ganga í EMU.
Kjósa Bretar um evruna 2002?
PAULINE Hanson, leiðtogi Einnar
þjóðar, ástralsks stjórnmálaflokks,
sem berst gegn innflytjendum, kom
fyrir rétt í Brisbane í gær sökuð um
kosningasvindl. Neitaði hún öllum
sakargiftum en verði hún fundin sek
mun það líklega koma í veg fyrir að
hún geti boðið sig fram í þingkosn-
ingunum í desember
Hanson og David Ettridge, annar
frammámaður í flokknum, eru sökuð
um að hafa logið til um félagafjöld-
ann í flokknum er hann var fyrst
skráður í Queensland árið 1997. Lög-
um samkvæmt mátti hann ekki vera
undir 500 en því er haldið fram að
hann hafi verið miklu minni og þá
meðal annars stuðst við framburð
Terrys Sharples, fyrrverandi félaga í
Einni þjóð.
Endurgreiddi féð
Í kosningunum í Queensland 1998
fékk Ein þjóð 11 þingmenn og í sam-
ræmi við það var flokknum úthlutað
nærri 23 milljónum ísl. kr. af opin-
beru fé. Þetta fé hefur Hanson síðan
endurgreitt. Viðurlög við brotunum
eru allt að 10 ára fangelsi en enginn
býst við dómi í líkingu við það.
Hanson missti þingsæti sitt í alrík-
iskosningunum 1998 en hyggst
keppa eftir sæti í öldungadeild Ástr-
alíuþings í kosningunum í desember.
Hún var fyrst kjörin sem óháður
þingmaður 1996 og vakti þá mikla at-
hygli er hún lýsti því yfir í sinni
fyrstu ræðu að Ástralía væri „að
kafna í Asíufólki“.
Reuters
Pauline Hanson brosandi út að
eyrum við dómshúsið í Brisbane.
Hún kvaðst trúa því, að hún væri
saklaus.
Stjórnmála-
ferill Han-
son á enda?
Brisbane. AP, AFP.
LÍÐAN Jessies Arbogast, átta
ára drengs sem varð fyrir árás
hákarls í Mexíkóflóa, fer batn-
andi, að því er læknar greindu
frá í fyrradag. Er drengurinn í
léttum dásvefni og er læknis-
meðferð m.a. fólgin í að læknar
hreyfa útlimi hans. Segja
læknar að drengurinn hafi
fengið nokkurn bata í taugum
dag frá degi. Þá hefur virknin í
nýrum hans aukist.
Jessie varð fyrir árás tveggja
metra langs hákarls skammt
frá Pensacola 6. júlí sl. Beit há-
karlinn annan handlegginn af
honum, en frændi Jessies kom
hákarlinum á land og náði
handlegg drengsins úr gini
hans. Læknar græddu hand-
legginn aftur á og tók aðgerðin
11 klukkustundir. Jessie er frá
Ocean Springs í Mississippi.
Hákarlinn beit hann einnig al-
varlega í fótlegg og missti
drengurinn svo að segja allt
blóð.
Á batavegi
eftir árás
hákarls
Pensacola á Flórída. AP.