Morgunblaðið - 01.08.2001, Side 60

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MIÐVIKUDAGUR 1. ÁGÚST 2001 VERÐ Í LAUSASÖLU 190 KR. MEÐ VSK.
ÍSLENSKU sundmönnunum, sem
kepptu á heimsmeistaramótinu í
Fukuoka í Japan, var í gær vel
fagnað við komuna til Keflavíkur.
Ríflega 20 manns tóku á móti þeim
Erni Arnarsyni, Jakobi Jóhanni
Sveinssyni og Láru Hrund Bjarg-
ardóttur.
Örn vann sem kunnugt er til silf-
ur- og bronsverðlauna í 100 og 200
metra baksundi ásamt því að setja
ný Íslands- og Norðurlandamet.
„Ég er ánægður með mjög vel
heppnað mót og verðlaunapening-
arnir eru bara góður bónus á það,“
sagði Örn við heimkomuna. „Ég fæ
sumarfrí núna til 27. ágúst. Þangað
til ætla ég bara að slaka á,“ sagði
Örn sem hyggur á háskólanám í
Kaliforníu í Bandaríkjunum í vetur.
„Ég var líkamlega og andlega al-
veg búinn eftir mótið. Þar sem mér
gekk ekki nógu vel í undanúrslitum
í 200 metra sundinu tók það rosa-
lega orku frá mér að ná einbeitingu
aftur fyrir úrslitin. Það tókst og það
sýnir að ég er mjög sterkur andlega
og það er bara af hinu góða.“
Íslenska þjóðin fylgdist vel með
Erni í úrslitasundunum. „Það er
rosalega mikils virði þegar fylgst er
svona með manni. Maður leggur
náttúrlega rosalega mikið á sig og
það er mjög gott þegar fólk veit
hvað maður leggur mikið á sig fyrir
þann árangur sem næst,“ sagði Örn
sem ætlar að taka það rólega næstu
daga. „Ég ætla mikið í heita pottinn
og gufubað og kannski í Bláa lón-
ið.“
Fjölskylda Arnar tók vel á móti
honum á Keflavíkurflugvelli en
mikil gleði ríkir hjá henni þessa
dagana. „Ég er hættur að vera
hissa á því sem hann gerir. Hann
virðist alltaf standa undir vænt-
ingum. Við fjölskyldan erum voða-
lega stolt og ánægð með árang-
urinn,“ sagði Örn Ólafsson, faðir
sundmannsins.
Íslensku sundmönnunum var vel fagnað við komuna til Keflavíkur í gær
Morgunblaðið/Þorkell
Ellert B. Schram, forseti Íþróttasambands Íslands, tók á móti íslensku sundmönnunum í gær við heimkomuna af
Heimsmeistaramótinu í Fukuoka. Hér heilsar hann Erni Arnarsyni og Jakobi Jóhanni Sveinssyni.
Ætlar
beint í
pottana
FULLTRÚAR íslenskra fjárfesta, sem meta nú
möguleika á aðild að byggingu álvers á Reyð-
arfirði í félagi við lánastofnanir og Norsk
Hydro, hafa gert athugasemdir við samkomulag
um aðkomu norska fyrirtækisins að starfsemi
fyrirtækisins í framtíðinni. Fulltrúar Hæfis hf.
funduðu með stjórnendum Hydro í Ósló um
þessi mál fyrir um hálfum mánuði og eftir þann
fund var ástandið metið svo viðkvæmt að Þórð-
ur Friðjónsson, forstjóri Þjóðhagsstofnunar og
formaður viðræðunefndar um stóriðjumál, hélt
aftur nokkrum dögum síðar til Ósló til viðræðna
um kröfur íslenskra fjárfesta. Eftir þann fund
gætir meiri bjartsýni en áður.
Samkvæmt heimildum Morgunblaðsins hefur
verið gengið út frá því að Norsk Hydro komi
sem verksali að ýmsum lykilþáttum í starfsemi
fyrirhugaðs álvers á Reyðarfirði. Þannig sé
nánast kveðið á um yfirráð Hydro Aluminium
yfir tækniuppbyggingu álversins, hráefniskaup-
um, markaðsstarfi og útflutningi. Íslenskir fjár-
festar telja þetta of mikil ítök með tilliti til þess
að ekki er ætlunin að Hydro eigi meirihluta í
Reyðaráli, fyrirtækinu um rekstur álversins,
heldur íslenskir fjárfestar í Hæfi hf.
Geir A. Gunnlaugsson, framkvæmdastjóri
Hæfis, segir ljóst og nauðsynlegt að hafa í huga
að ekki liggi fyrir endanlegir samningar við
Hydro um alla þætti væntanlegrar samvinnu.
Um þau mál sem standi enn út af borðinu sé
verið að semja þessar vikurnar.
„Það liggur fyrir að Íslendingar vilja til
lengri tíma litið hafa meira að segja um eign-
arhlut sinn og framleiðslu fyrirtækisins. Hins
vegar er jafnljóst að til skemmri tíma litið
verða að liggja fyrir samningar um sölu á
málminum og útvegun hráefnis. Án þess er ekki
hægt að fjármagna álverksmiðjuna,“ segir
hann.
Úrskurðar skipulagsstjóra
að vænta í dag eða á morgun
Úrskurðar Skipulagsstofnunar ríkisins vegna
mats á umhverfisáhrifum Kárahnjúkavirkjunar
er að vænta í dag eða á morgun.
Alls bárust um fjögur hundruð athugasemdir
við umhverfismatið til skipulagsstjóra og stóð
upphaflega til að úrskurður yrði felldur 13. júlí
sl. Því var hins vegar frestað og er úrskurð-
arins nú beðið með mikilli eftirvæntingu, enda
geta niðurstöðurnar haft áhrif á áform um upp-
byggingu stóriðju á Austurlandi.
Samningafundir í Ósló vegna skilyrða Norsk Hydro í Reyðarálsverkefninu
Vilja fá völd í sam-
ræmi við eignarhlut

Titringur /30
ALLT að fimmtán mánaða bið er eftir
heyrnartækjum hjá Heyrnar- og tal-
meinastöð Íslands. Skortur er á sér-
hæfðu starfsfólki og læknum við stöð-
ina. Milli 1.200 og 1.300 manns bíða
eftir úrlausn sinna mála.
Sigríður Snæbjörnsdóttir, for-
stöðumaður Heyrnar- og talmeina-
stöðvar Íslands, segir að vonir standi
til að unnt verði að stytta biðtímann í
vetur. Hún segir að því miður hafi
verið langur biðtími í nokkur ár eftir
heyrnartækjum en hann hafi heldur
lengst að undanförnu. „Núna er bið-
tími eftir heyrnarmælingu um þrír
mánuðir og síðan getur liðið allt upp í
eitt ár þar til unnt verður að fá heyrn-
artæki ef niðurstaðan er sú að þess
þurfi,“ segir Sigríður.
Hún segir að nú sé unnið að því að
forgangsraða innan þess hóps sem nú
er á biðlista. Börn og þeir, sem eiga á
hættu að missa starf sitt vegna heyrn-
arskerðingar, eru látin ganga fyrir.
Einnig er það metið ef félagslegar að-
stæður eru með þeim hætti að nauð-
synlegt þyki að grípa þar inn í.
„Við erum í góðu samstarfi við heil-
brigðisráðuneytið og erum að afla
upplýsinga og leggja fram leiðir um
hvernig best er að stytta biðlistana.
Ég vona að með haustinu takist okkur
að leggja fram áætlanir þar um. Bið-
listarnir eru of langir og ástandið er
mjög bagalegt fyrir alla,“ segir Sig-
ríður.
Hún segir að til greina komi að
fjölga starfsmönnum og lengja vinnu-
tímann og einnig þurfi að leggja fram
hugmyndir um hve mikið fjármagn
þurfi til að stytta biðtímann. Fyrir-
hugað er að leggja fram nýtt frum-
varp um Heyrnar- og talmeinastöðina
í haust og bindur Sigríður vonir við að
breytingar sem það felur í sér verði til
bóta.
„Það þarf að bæta og efla læknis-
þjónustuna hérna og ég hef átt við-
ræður við háls-, nef- og eynalækna
um það. Ég vildi gjarnan einnig fá
fleiri heyrnar- og talmeinafræðinga
til starfa,“ segir Sigríður.
Hún telur ákjósanlegt að lítill eða
enginn biðtími verði eftir heyrnar-
mælingum en eðlilegt mætti teljast að
biðtími eftir tækjum væri 2-3 mán-
uðir. Tækin eru keypt í Danmörku og
kostar hvert þeirra u.þ.b. 50 þúsund
kr. Eitt þúsund tæki kosta því um 50
milljónir kr. Þeir sem þurfa á tækj-
unum að halda greiða yfirleitt 20–40%
af verðinu en aðrar reglur gilda um
börn og öryrkja.
Allt að 15 mánaða bið
eftir heyrnartækjum
GENGI krónunnar hækkaði um
0,48% í þriggja milljarða króna við-
skiptum í gær. Gengisvísitalan
byrjaði í 137,05 stigum í gærmorg-
un en við lokun markaða stóð hún í
136,39 stigum. Er þetta mesta
gengishækkun hennar síðan 5. júlí
sl. Bandaríkjadalur er kominn nið-
ur fyrir 100 krónur og stóð í 99,95
krónum við lokun markaða í gær.
Meginástæða gengishækkunarinnar
er fréttir af vöruskiptajöfnuði en
fyrstu sex mánuði ársins nam halli
á vöruskiptum við útlönd 9,8 millj-
örðum króna samanborið við 20,3
milljarða halla á sama tímabili í
fyrra.
Dollar nið-
ur fyrir 100
krónur

Vöruskiptin/18
ÖLL olíufélögin lækkuðu eldsneyt-
isverð hjá sér á miðnætti. Verð á 95
oktana bensíni lækkaði um 4,10
krónur á lítrann. Lítrinn af gasolíu
lækkar um 1,60 krónur, gasolía frá
dælu um 2,10 krónur og svartolíu um
1,50 krónur.
Lítri af 95 oktana bensíni kostar
nú 98,80 með fullri þjónustu en 94,40
á sjálfsafgreiðslustöðvum, lítri af
díselolíu kostar 50,50 og 98 oktana
bensín 103,50. Ástæða lækkunarinn-
ar er lækkun á heimsmarkaðsverði
eldsneytis og lækkun dollars gagn-
vart evru og fleiri gjaldmiðlum frá
síðustu verðbreytingu.
Eldsneytisverð lækkar
95 oktana
bensín
lækkar um
4,10 krónur
HAGNAÐUR Íslandsbanka hf. nam
1.655 milljónum króna á fyrri hluta
ársins og er það 121% aukning mið-
að við sama tímabil í fyrra en þá
nam hann 750 milljónum króna.
Hreinar vaxtatekjur námu 4.816
milljónum króna fyrstu sex mánuði
ársins og jukust um 35,7% frá sama
tímabili í fyrra.
Aðrar rekstrartekjur námu 1.953
milljónum og drógust saman um
23,5% miðað við sama tímabil í
fyrra. Gengishagnaður af annarri
fjármálastarfsemi nam 519 milljón-
um króna en þar af nam hagnaður
af veltuhlutabréfum 223 milljónum,
veltuskuldabréfum 89 milljónum og
gjaldeyrisviðskiptum 207 milljón-
um.
Alls námu hreinar rekstrartekjur,
þ.e.a.s. hreinar vaxtatekjur og aðrar
rekstrartekjur, samtals 6.769 millj-
ónum sem er 10,9% aukning frá
sama tímabili í fyrra.
Rekstrarkostnaður nam alls 3.585
milljónum á fyrstu sex mánuðum
ársins og hækkaði um 6,8% frá
sama tímabili í fyrra.
Íslandsbanki
með 1.655
milljónir
í hagnað

Sameining/17
♦ ♦ ♦
♦ ♦ ♦