Morgunblaðið - 10.08.2001, Blaðsíða 2

Lars Riedel meistari
á fimm HM í röð/C6
Fylkir fagnaði sigri í fyrsta
Evrópuleiknum/C2
8 SÍÐUR Fylgstu
með
nýjustu
fréttum
www.mbl.is
8 SÍÐUR
Sérblöð í dag
Á FÖSTUDÖGUM
FRÉTTIR
2 FÖSTUDAGUR 10. ÁGÚST 2001 MORGUNBLAÐIÐ
BJÖRN Bjarnason menntamála-
ráðherra telur öll rök mæla með
því að breyta Ríkisútvarpinu, RÚV,
í hlutafélag þó að ríkið verði áfram
eigandi hlutafjárins í félaginu. Ráð-
herra vék að þessu í ræðu á mál-
þingi í Háskóla Íslands í gær um
framtíð og stöðu íslenskra fjöl-
miðla.
Björn sagði að gera yrði þá
kröfu að útvarpsrekstur ríkisins
ætti að vera eins hagkvæmur og
kostur væri. Það væri ekki nokkur
vafi á því í sínum huga að þetta
yrði best gert þannig að fjárhags-
legum rekstri yrði hagað sem líkast
rekstri einkafyrirtækis og þá í
hlutafélagsformi.
„Hlutafélög eru þrautreynt og
þekkt rekstrarform hér á landi,
sem vel hefur gefist í hvers konar
fyrirtækjarekstri. Það er þekkt
víða í Evrópu, að ríkisútvarps-
stöðvarnar séu reknar í hluta-
félagsformi. Af Norðurlöndunum
má nefna, að í Noregi, Finnlandi og
Svíþjóð hafa verið stofnuð hluta-
félög um rekstur ríkisútvarpsstöðv-
anna,“ sagði Björn, máli sínu til
stuðnings.
Menntamálaráðherra sagði að
yrði RÚV breytt í hlutafélag myndi
ábyrgð stjórnenda þess aukast og
þeir yrðu sjálfstæðari í störfum
sínum. Stjórnendur í hlutafélagi
gætu brugðist skjótar við breyttum
markaðsaðstæðum og öðrum breyt-
ingum en stjórnendur ríkisstofn-
unar. Þar með ætti fyrirtækið að
vera betur í stakk búið til þess að
standast samkeppni og skila hagn-
aði.
„Ríkisútvarpið ætti sem hluta-
félag að fá heimild til þess að taka
upp samvinnu við aðra, standa að
stofnun nýrra fyrirtækja og til að
ganga inn í starfandi fyrirtæki.
Aukið sjálfstæði Ríkisútvarpsins og
svigrúm þess til athafna mundi
skila sér til allra starfsmanna þess
í fleiri tækifærum til framtaks í
starfi og þar með áhugaverðari
starfsvettvangi,“ sagði Björn.
Einn aðili eftir hyrfi Sjón-
varpið af auglýsingamarkaði
Björn sagði í ræðu sinni að um-
ræður um Ríkisútvarpið væru sígilt
viðfangsefni og allir hefðu skoðun á
því. Meðal annars væri deilt um
hvort innheimta ætti afnotagjöld,
leggja á nefskatt til að afla RÚV
opinberra tekna eða veita einfald-
lega fé til þess á fjárlögum. Ráð-
herra sagðist hafa látið skoða síð-
asttöldu leiðina sérstaklega með
hliðsjón af evrópskum rétti og virt-
ist hún fær samkvæmt honum. Ef
til vill væri fjárlagaleiðin líklegust
til sátta um Ríkisútvarpið.
Björn sagði ennfremur að ekki
mætti horfa fram hjá þeirri stað-
reynd að hyrfi Ríkissjónvarpið af
auglýsingamarkaði yrði aðeins einn
aðili eftir með aðgang að almennu
tíðnisviði. Auk RÚV hefðu Stöð 2
og Sýn allar rásir á VHF III-
tíðnisviðinu til afnota, en Stöð 2 og
Sýn eru sem kunnugt er í eigu
sama aðila, þ.e. Norðurljósa.
„Þau sjónvarpsloftnet, sem allur
almenningur hefur þegar sett upp
hjá sér, miðast við þetta tíðnisvið.
Hefur þetta verið veruleg tæknileg
samkeppnishindrun fyrir nýja aðila
í sjónvarpsrekstri,“ sagði Björn á
málþinginu í gær sem var vel sótt
af áhugafólki um íslenska fjölmiðla.
Björn Bjarnason menntamálaráðherra á málþingi um fjölmiðla
Öll rök mæla með hluta-
félagsvæðingu RÚV
KRISTINN Þór Geirs-
son, framkvæmda-
stjóri Goða hf., hefur
gengið frá starfsloka-
samningi við stjórn
fyrirtækisins að eigin
ósk og gerir ráð fyrir
að láta af störfum í lok
janúar á næsta ári.
Goði er sem kunnugt
er í greiðslustöðvun og
líklegt að hún verði
framlengd til loka nóv-
ember. Kristinn Þór
tók við starfinu í nóv-
ember á síðasta ári.
Spurður um ástæður
fyrir þessari ákvörðun
segir Kristinn Þór þær
helstar að fyrirtækið hafi staðið mun
verr fjárhagslega en honum hafi ver-
ið gerð grein fyrir við ráðninguna í
fyrra.
„Við ráðningu voru mér gefnar
upplýsingar um að ekki væri fyr-
irsjáanlegt tap á rekstri fyrirtækis-
ins á síðari helmingi ársins 2000, að
því er eigendur þess töldu þá.
Ómögulegt reyndist á þessum tíma
að staðreyna raunverulega stöðu
félagsins því tæplega er hægt að tala
um að bókhald hafi verið fært í nýju
og sameinuðu félagi frá því það varð
til 1. júlí 2000,“ segir Kristinn Þór.
Hann segir að um
mánaðamótin apríl/maí
í vor hafi komið á dag-
inn hver staða Goða
hafi í raun og veru ver-
ið, eða rekstrartap á
síðari helmingi ársins
2000 og heildartap á
árinu upp á 430 millj-
ónir króna.
„Þegar fyrir lágu
upplýsingar um að for-
sendur væru gjör-
breyttar, og félagið
stæði miklu verr en tal-
ið var þegar ég var ráð-
inn framkvæmdastjóri,
velti ég því fyrir mér að
láta strax af störfum.
Niðurstaðan varð hins vegar sú að
þar með væri ég að flýja frá ákveðnu
verkefni. Mér bæri að vinna áfram í
þröngri stöðu að því að leiða mál
Goða til lykta þannig að hagsmunum
kröfuhafa og eigenda félagsins væri
sem best borgið. Málefni Goða voru
sett í ákveðinn farveg með því að
sækja um og fá samþykkta greiðslu-
stöðvun fyrir félagið. Unnið verður í
samræmi við áætlanir á greiðslu-
stöðvunartímanum og þá tekst von-
andi að gera ráðstafanir sem nauð-
synlegar eru til að koma í veg fyrir
þrot. Þessu mun ég sinna af krafti.“
Framkvæmdastjóri Goða hættir að
eigin ósk í lok janúar 2002
Kristinn Þór
Geirsson
Segir fyrirtækið
hafa staðið mun
verr en talið var
Tollur af
káli aflagð-
ur í viku
LANDBÚNAÐARRÁÐUNEYTIÐ
hefur gefið út reglugerð þar sem
tímabundnar breytingar verða gerð-
ar á tollum af innfluttu grænmeti.
Breytingin nær eingöngu yfir inn-
flutt hvítkál þar sem magntollur fell-
ur niður vikuna 12. til 19. ágúst nk.
Verðtollur verður eftir sem áður
30% en magntollurinn hefur verið 79
krónur á hvert innflutt kíló. Reglu-
gerðin er sett samkvæmt heimild í
lögum nr. 93 frá 1993 um búvörur.
Að sögn Guðmundar Sigþórsson-
ar, skrifstofustjóra í landbúnaðar-
ráðuneytinu, var tollunum breytt
vegna matvinnslufyrirtækja hér á
landi sem hafa takmarkaðan aðgang
um þessar mundir að íslensku hvít-
káli sem hentar nægilega vel í sal-
atgerð þeirra. Hann sagði ríkissjóð
ekki missa af miklum tekjum þar
sem innflutningurinn væri óveruleg-
ur. „Á þessu tímabili er íslensk vara
að miklu leyti komin á markað og þá
hafa gjöld verið hækkuð til að hún
hafi forgang tollalega séð. Eftir því
sem lengra líður á haustið þroskast
íslenska hvítkálið og hentar þá betur
í salatgerð en það gerir nú.“
Í HLÍÐARFÆTI í Öskjuhlíð er afgirt svæði fyrir
hunda. Nýverið átti ljósmyndari Morgunblaðsins leið
þar hjá og kom þá að Agli Erni Þórðarsyni og þremur
hundum að leik. Það fer ekki á milli mála að allir fjórir
skemmtu sér hið besta í sólinni sem leikið hefur við höf-
uðborgarbúa að undanförnu.
Morgunblaðið/Kristinn
Að leik í Öskjuhlíð