Morgunblaðið - 10.08.2001, Blaðsíða 11

FRÉTTIR
MORGUNBLAÐIÐ FÖSTUDAGUR 10. ÁGÚST 2001 11
R Ý M I N G A R S A L A
Nú er tækifærið til að gera góð
kaup á antikhlutum. Við breytum.
20-30% AFSLÁTTUR
Laugavegi 101. sími 552 8222
Opið
mán-fö. kl. 11-18 lau. 11-16
Í GÖGNUM vegna samskipta Rann-
sóknarnefndar flugslysa og Flug-
málastjórnar vegna skýrsludraga
nefndarinnar vegna flugslyssins í
Skerjafirði fyrir rúmu ári er bent á at-
riði sem skiljast mega sem athuga-
semdir við vinnubrögð Flugmála-
stofnunar. Eftir endurskoðun
Flugmálastofnunar eru þessar
upplýsingar breyttar eða ekki að
finna.
Skýrsludrögum RNF er fyrst skil-
að 29. desember 2000 til umsagnar
aðila málsins og Flugmálastjórnar, en
samkvæmt reglugerðum eru aðilar
máls í skilningi laganna þeir, sem
rannsókn leiðir í ljós að geti hafa átt
þátt í því að flugslys varð, að mati
rannsóknarnefndarinnar. Athuga-
semdum Flugmálastjórnar vegna
skýrslunnar var skilað 5. febrúar
2001. Nokkurs konar „milliskýrslu“
dagsettri 12. mars 2001 er svarað með
bréfi með athugasemdum sendum
fjórum dögum síðar, eða 16. mars.
Endurskoðuð lokaskýrsla Rann-
sóknarnefndar flugslysa um slysið í
Skerjafirði er dagsett 23. mars sl.
Í bréfi til Skúla Jóns Sigurðarson-
ar, formanns Rannsóknarnefndar
flugslysa, dagsettu 5. febrúar sl., und-
irrituðu af Þorgeiri Pálssyni,
flugmálastjóra, og Pétri K. Maack,
framkvæmdastjóra öryggissviðs
stofnunarinnar, segir: „Flugmála-
stjórn hefur haft til athugunar drög
Rannsóknarnefndar flugslysa (RNF)
að skýrslu um flugslys TF-GTI, sem
varð í Skerjafirði hinn 7. ágúst. Í ljósi
þess hve um alvarlegan atburð er að
ræða hefur Flugmálastjórn gert sjálf-
stæða athugun á nokkrum veigamikl-
um atriðum sem fram koma í skýrsl-
unni. Þær athuganir eru byggðar að
hluta til á gögnum sem RNF lét í té
og að hluta til á gögnum sem Flug-
málastjórn hefur undir höndum eða
hefur aflað sér sérstaklega.“ Síðar í
sama bréfi segir að miðað við þær
upplýsingar sem Flugmálastjórn hafi
undir höndum „leyfi stofnunin sér að
stilla upp tilgátum um meginorsakir
slyssins ef slíkt mætti vera RNF til
hjálpar við lokarannsókn sína“. Bréf-
inu fylgdi viðauki með athugasemd-
um og ábendingum stofnunarinnar í
tilefni af drögum nefndarinnar að
skýrslu um umrætt flugslys og voru
þær færðar inn í drögin.
16. mars rita sömu aðilar bréf til
formanns RNF þar sem segir m.a.:
„Flugmálastjórn hefur ýmsa fyrir-
vara og athugasemdir við lokadrögin
að skýrslunni.“
Flugmálastjórn segist hvetja RNF
til frekari eftirgrennslana, á öðrum
stöðum sé misskilningur leiðréttur og
annars staðar veittar viðbótarupplýs-
ingar við fram komin atriði.
Vinnubrögð Flugmála-
stjórnar aðfinnsluverð
Í skýrslu RNF segir m.a. um hlut
Flugmálastjórnar: „Rannsókn þessa
máls leiddi með öðrum orðum í ljós
marga þætti sem betur hefðu mátt
fara varðandi útgáfu lofthæfisskír-
teinis og lofthæfi flugvélarinnar. Því
telur RNF það aðfinnsluvert, að
Flugmálastjórn skuli hafa gefið út
lofthæfiskírteini fyrir TF-GTI til at-
vinnuflugs á grundvelli þeirra gagna
sem fyrir lágu.“ Flugmálastjórn vísar
þessari fullyrðingu á bug og segir öll
skilyrði til útgáfu lofthæfisskírteinis
fyrir vélina hafi verið fyrir hendi.
„Í umsókninni er skýrt tekið fram,
að loftfarið sé búið tækjum til sjón-
flugs og til takmarkaðs nætursjón-
flugs en ekki til blindflugs. Þessi um-
sókn var árituð af eftirlitsmanni
Flugmálastjórnar hinn 15. júní 2000
og staðfest að lofthæfisskírteini loft-
fars nr. 808 hafi verið endurnýjað til
30. júní 2001,“ segir í skýrslu RNF.
Athugasemdir FMS svara að blind-
flug í flutningaflugi á eins hreyfils
flugvél sé ekki leyft. Hins vegar geti
verið um borð fullkomin blindflugs-
tæki sem hugsanlega séu notuð, t.d. í
einkaflugi eða í neyðartilfelli. „Flug-
vélin mun hafa verið búin slíkum
tækjum en það er flutningaflugi óvið-
komandi og því ekki ástæða til að taka
slíkt fram í umsókninni.“
Síðar í skýrslunni segir að í viðbæti
um flugrekstrarleyfi fyrir Leiguflug
Ísleifs Ottesen hf., sem Flugmála-
stjórn gaf út 16. júní 2000, hafi leyf-
ishafa verið veitt heimild til þess að
nota allar flugvélar sínar til þjónustu-
flugs eingöngu. Flugmálastjórn segir
hins vegar að heimild sem þessi sé
alltaf háð því að flugrekandinn tryggi
að loftfarið uppfylli þau skilyrði sem
gerð séu á hverjum tíma. „Loftför
sem alls ekki eru lofthæf, t.d. vegna
viðgerða, breyttrar viðhaldsstjórnun-
ar eða tryggingar, geta þannig verið
skráð í viðauka flugrekandaskírteinis.
Slíka viðauka eigi eðlilega að uppfæra
reglulega svo að þeir endurspegli
stöðuna í raun á hverjum tíma og
flugrekanda ber að tilkynna slíkt sé
breytingin varanleg. Hins vegar kem-
ur það fyrir að loftför, sem eru alls
ekki lofthæf og eru ef til vill farin til
niðurrifs, séu inni í flugrekandaskír-
teininu, þar sem illa gengur að afskrá
loftfarið vegna veðbanda. Þar af leið-
andi getur verið tímabundinn munur
á milli viðauka flugrekandaskírteinis
og lofthæfisskírteinis.“
Þar sem Rannsóknarnefnd flug-
slysa segist munu gera tillögur í ör-
yggisátt þegar skýrslan verði gefin
út, óskar Flugmálastjórn eftir því að
fá þær sendar til umsagnar áður en
þær verða endanlega birtar í skýrslu
RNF. Áður hafði RNF minnt á fyr-
irbyggjandi aðgerðir sem hún beindi
til Flugmálastjórnar eftir flugslys
sem varð á Bakkaflugvelli 1998 og tel-
ur að framkvæmd þeirra tillagna hafi
ekki verið með þeim hætti sem til var
ætlast, með tilliti til þess sem í ljós
hafi komið varðandi eftirlit með flug-
rekstri LÍO. Flugmálastjórn vísaði
þessum fullyrðingum einnig á bug.
Í lokadrögum Rannsóknarnefndar
flugslysa segir m.a. í athugasemdum
Flugmálastjórnar: „Með vísan til
þeirra ábendinga sem komið hafa
fram undir „Kafla 1 Málavextir“ er
lagt til að kafli 2 verði endurskoðaður
í heild sinni.“
Í kafla með niðurstöðum RNF
kemur fram athugasemdarammi frá
Flugmálastjórn þar sem segir: „Mið-
að við þær athugasemdir og ábend-
ingar sem Flugmálastjórn hefur kom-
ið á framfæri hér að framan er ljóst að
eftirfarandi niðurstöður fá ekki stað-
ist eins og þær eru fram settar. Flug-
málastjórn telur óhjákvæmilegt að
þær verði endurskoðaðar að teknu til-
liti til ábendinga stofnunarinnar.“
RNF sjálfstætt starfandi
samkvæmt lögum
Rannsóknarnefnd flugslysa annast
samkvæmt lögum rannsókn allra
flugslysa og er svohljóðandi ákvæði
um hlutverk og starfsemi nefndarinn-
ar að finna í 6. grein laga um rann-
sókn flugslysa: „Rannsóknarnefnd
flugslysa starfar sjálfstætt og óháð
stjórnvöldum og öðrum rannsóknar-
aðilum, ákæruvaldi og dómstólum.
Hún ákveður sjálf hvenær efni eru til
rannsóknar flugslyss. – Nefndin get-
ur krafið Flugmálastjórn um aðgang
að hvers konar gögnum sem nauðsyn-
leg eru við rannsókn máls. – Flug-
málastjórn, rannsóknarlögreglu og
lögreglu er skylt að veita nefndinni
nauðsynlegar upplýsingar og aðstoð
við rannsókn máls.“
Frumdrög skýrslu um flugslysið í Skerjafirði
Flugmálastjórn ósk-
aði eftir endurskoðun
niðurstaðna RNF
Ættingjum þeirra sem
fórust með TF-GTI í
Skerjafirði fyrir ári
voru nýlega afhent gögn
um samskipti Flugmála-
stjórnar og Rannsókn-
arnefndar flugslysa í
kjölfar slyssins. Voru
þau afhent eftir úrskurð
úrskurðarnefndar um
upplýsingamál.
Á TJÖRNINNI við bæinn Hvamm í
Vatnsdal hafa menn undanfarna
daga rekið augun í torkennilegan
fugl. Hér mun vera á ferðinni grá-
hegri sem er nokkuð algengur
flækingur sem kemur til landsins
síðla hausts og dvelur fram eftir
vetri.
Að sögn Gunnars Þórs Hall-
grímssonar hjá Náttúrufræði-
stofnun Íslands mun þetta vera
þriðji gráhegrinn sem frést hefur
af hér á landi þetta sumarið. Einn
á skipi SV af landinu og annar
austur á Kópaskeri. Gráhegrinn er
fiskæta að sögn Gunnars og getur
verið nokkuð grimmur og étið
aðra smærri fugla og vitað er að
gráhegri hafi lagt sér rottur til
munns. Talið er að gráhegrinn
komi frá Skandinavíu og hafa í
gegnum tíðina fundist hér á landi
tveir gráhegrar sem merktir hafa
verið í Noregi.
Morgunblaðið/Jón Sigurðsson
Gráhegrinn var styggur og reyndist ljósmyndara erfitt að nálgast hann.
Gráhegri á Hvamms-
tjörn í Vatnsdal
Blönduósi. Morgunblaðið.
ÁKVEÐIÐ hefur verið að efna til
kosninga um hvort sameina eigi sjö
sveitarfélög í Þingeyjarsýslu en þau
eru Öxarfjarðarhreppur, Keldunes-
hreppur, Tjörneshreppur, Húsavík-
urkaupstaður, Reykjahreppur, Aðal-
dalshreppur og Skútustaðahreppur.
Kjördagur er 3. nóvember næst-
komandi en samtals búa um 3.800
manns í þessum sveitarfélögum. Þar
af búa 2.400 manns á Húsavík.
Reinhard Reynisson, bæjarstjóri á
Húsavík, sagði í samtali við Morgun-
blaðið að umrædd sveitarfélög, og
reyndar öll sveitarfélög innan Þing-
eyjarsýslu, hafi byrjað að tala saman
rétt fyrir lok síðasta kjörtímabils
vegna þessa en síðan hafi það sam-
starf verið endurnýjað eftir síðustu
sveitastjórnarkosningar. Það hafi því
aðeins kvarnast úr. Inntur eftir því
hvers vegna öll sveitarfélögin í Þing-
eyjarsýslu muni ekki taka þátt í kosn-
ingunni segir hann að ekkert þeirra
sveitarfélaga sem ekki eru með hafi
gefið upp ástæðu, bara tilkynnt að
þau hefðu hætt þátttöku í nefndinni.
Hann segist m.a. vita um fjóra hreppi
í suðursýslunni sem hafa verið að
skoða sameiningu sín á milli en hann
kvaðst ekki vita hve langt þær um-
ræður væru á veg komnar.
„Þetta ferli er búið að vera í gangi í
rólegheitunum þetta kjörtímabil.
Mjög fljótlega í ferlinu, eða eftir síð-
ustu kosningar, var sett niður sú
vinnuáætlun að nýtt sveitarfélag
myndi taka til starfa við næstu kosn-
ingar, árið 2002, en ekki inn á miðju
kjörtímabili. Út frá því hefur þessi
vinna verið tímasett,“ segir Reinhard
og bætir við að ákvörðunin þurfi
ákveðna meltingu bæði fyrir sveitar-
stjórnarmenn og almenning.
Skynsamlegt að sameina
sveitarfélögin
Í skýrslunni segir Reinhard að
fyrst og fremst séu dregnar saman
upplýsingar um stöðu, bæði rekstar-
lega og fjárhagslega. Öll sveitarfélög-
in séu þannig sett í einn og sama pott
og síðan sé farið yfir alla málaflokka.
„Við leggjum drög að stjórnskipuriti
fyrir sveitarfélagið og förum yfir
hvernig málaflokkum verði háttað.
Okkar meginniðurstaða er sú, að
það sé skynsamlegt að sameina þessi
sveitarfélög en ég hefði þó gjarnan
viljað sjá fleiri sveitarfélög sameinast
en það er ekki, á þessum tímapunkti,
verið að ræða um það. Það er alveg
ljóst að með þessu má ætla að menn
nái talsverði hagræðingu í kostnaði
við yfirstjórn. Sú hagræðing, held ég
nú raunar, að muni að verulegu leyti
fara í hugsanleg aukin útgjöld í öðr-
um málaflokkum. Út af fyrir sig tel ég
það jákvætt, að geta ráðstafað skatt-
tekjunum til að auka þjónustu en ekki
til að halda uppi tiltölulega dýrri yf-
irstjórn,“ segir hann og getur þess
ennfremur að meginávinningurinn sé
fyrst og fremst sá að þetta svæði sé
eitt atvinnu- og þjónustusóknarsvæði
og hann sjái engin rök fyrir því að
hafa margar litlar stjórnsýslueining-
ar inn á einu slíku svæði. „Sameinað
getur þetta svæði og þá stjórnsýsla
þess og pólitískt forsvar verið miklu
sterkara bæði inná við til að taka á
málum en kannski ekki síst út á við í
stöðugri samkeppni sem öll byggðar-
lög eru í við önnur ágæt byggðarlög í
landinu um fólk og atvinnutækifæri
og annað slíkt. Við náum einfaldlega
að nýta kraftana betur saman heldur
en í mörgum smáum einingum.“
Kosið um
sameiningu sjö
sveitarfélaga í
Þingeyjarsýslu
FORMGALLI var á auglýsingu
Skipulagsstofnunar vegna athuga-
semdafrests við fyrirhuguð virkjun-
aráform við Villinganes í Skagafirði.
Þær upplýsingar fengust hjá Skipu-
lagsstofnun að athugasemdafrestur-
inn, sem lögum samkvæmt er aug-
lýstur í Lögbirtingablaðinu og rann
út 8. ágúst sl., hafi ekki skilað sér í
blaðinu.
Athugasemdafresturinn hefur því
verið framlengdur um 6–8 vikur og
miðast við útgáfu Lögbirtingablaðs-
ins.
Formgalli á auglýsingu
Athugasemdafrestur vegna
Villinganesvirkjunar framlengdur
HAGÞJÓNUSTA landbúnað-
arins hefur tekið saman kostn-
að við heyöflun sumarið 2001.
Annars vegar er um að ræða
áætlaðan beinan framleiðslu-
kostnað á heimateknu heyi án
súgþurrkunar og hins vegar
áætlaðan kostnað við að rúlla,
pakka og binda hey. Nokkur
hækkun kemur fram á milli ára,
eða á milli 5 og 7%, nema hvað
varðar kostnað við rúllupökk-
un, sem hækkar um tæp 12%
milli ára, aðallega vegna hækk-
unar launa og á dísilolíu. Frá
þessu er greint á vef Bænda-
samtakanna.
Aukinn
kostnaður
við hey-
framleiðslu