Morgunblaðið - 10.08.2001, Blaðsíða 14
SUÐURNES
14 FÖSTUDAGUR 10. ÁGÚST 2001 MORGUNBLAÐIÐ
Ertu
meðvitaður
um gæði
Sjáðu merkið
Spænsk húsgagna- og sófaveisla
Síðumúla 13-15, sími 588 5108.
Pantið tímanlega
Frábær tilboð
Borðstofusett
Sófasett, stólar
og margt fleira
RÚMLEGA 3.000 baðgestir tóku
þátt í afmælisleik sem Bláa lónið og
Flugleiðir efndu til dagana 13. til
15. júlí í tilefni af tveggja ára af-
mæli baðstaðarins. Dregið var úr
nöfnum þátttakenda og kom vinn-
ingurinn, ferð fyrir tvo til einhvers
áfangastaðar Flugleiða í Evrópu, í
hlut Miriam Óskarsdóttur úr
Reykjavík. Birkir Holm Guðnason
sölustjóri hjá Flugleiðum afhenti
Miriam vinninginn og var Magnea
Guðmundsdóttir markaðsstjóri
Bláa lónsins viðstödd.
Vann verð-
laun í af-
mælisleik
Bláa lónið
BÆJARRÁÐ Reykjanesbæjar
ákvað í gær að ganga til samninga
við núverandi ræstingaverktaka í
Heiðarskóla og Holtaskóla um fram-
lengingu á samningum til áramóta.
Samningarnir renna út 1. september
næstkomandi.
Verktakar annast ræstingu í
Heiðaskóla og Holtaskóla en starfs-
menn bæjarins ræsta hina tvo
skólana, Myllubakkaskóla og Njarð-
víkurskóla. Í sumar ákvað bæjar-
stjórn að bjóða út alla ræstingu og
bárust nokkur tilboð, að sögn Ellerts
Eiríkssonar bæjarstjóra.
Vegna sumarfría embættismanna
Reykjanesbæjar hefur ekki verið
unnið úr útboðinu en því var frestað
á fundi bæjarráðs fyrir skömmu. Var
því ákveðið að hafa óbreytt fyrir-
komulag til áramóta en að sögn Ell-
erts verður áfram unnið að málinu.
Samið við
verktaka til
áramóta
Reykjanesbær
Ræsting grunnskóla
VIKUBLAÐIÐ Víkurfréttir er enn
grunnur samnefnds einkahluta-
félags í Reykjanesbæ en starfsemin
hefur aukist mjög síðustu árin. Fyr-
irtækið gefur einnig út eigið tímarit,
sér um útgáfu tveggja annarra og
tekur að sér ýmis önnur verkefni í
hönnun og útgáfustarfsemi.
Víkurfréttir eru tuttugu ára gam-
alt blað. Á árinu 1983 keyptu tveir
ungir menn blaðið af prentsmiðunni
Grágás, en þeir eru Emil Páll Jóns-
son og Páll Ketilsson. Báðir höfðu
unnið við blaðið. Páll byrjaði átján
ára í blaðamennsku og var aðeins tví-
tugur þegar hann keypti blaðið. Þeir
gerðu Víkurfréttir fljótlega að viku-
blaði en það hafði komið út viku til
hálfsmánaðarlega. Páll keypti hlut
Emils Páls tíu árum síðar og á hann
fyrirtækið einn auk þess að vera rit-
stjóri þess og tímarits Víkurfrétta.
Blaðinu hefur alla tíð verið dreift
frítt. Því er nú dreift um öll Suður-
nesin og upplagið er tæplega 6000
eintök.
Tvö tímarit
bættust við
„Víkurfréttir eru ennþá grunnur-
inn en starfsemin hefur vaxið mjög,
ekki síst síðustu sex árin,“ segir Páll.
Starfsmenn eru nú ellefu talsins.
Kippur kom í starfsemina vorið
1999. Þá tók fyrirtækið að sér að
annast útgáfu blaðs varnarliðs-
manna, Hvíta Fálkans. Varnarliðs-
mennirnir sjá um efnisöflun og skila
efninu tilbúnu en starfsmenn Víkur-
frétta annast sölu auglýsinga, hafa
umsjón með prentun þess og dreif-
ingu á Keflavíkurflugvelli.
Um svipað leyti hófu Víkurfréttir
útgáfu annars blaðs, TVF, tímarits
Víkurfrétta. Það kemur út 7-8 sinn-
um á ári og er selt. Hefur blaðið náð
mikilli útbreiðslu, fer inn á tæplega
annað hvert heimili á Suðurnesjum,
að sögn ritstjórans.
„Ég var búinn að lúra lengi á
þeirri hugmynd að gefa út annað
blað. Langaði að gera meira. Við vor-
um oftast með of mikið efni í Vík-
urfréttir og höfðum lítið svigrúm fyr-
ir stærri greinar og myndir í blaðinu
sem er auglýsingablað og þarf að
skila ákveðnu inn í reksturinn,“ segir
Páll.
Hann viðurkennir að það hafi ver-
ið erfitt að stíga þetta skref, að fara
að gera blað til að selja. „Fólk fær
Víkurfréttir fríar inn um bréfalúg-
una og maður veit að það er þakklátt
fyrir það sem ekki þarf að borga fyr-
ir. Við ákváðum að leggja áherslu á
efnismikið og fjölbreytt tímarit og
hafa yfir því ákveðinn léttleika. Er-
um með lífsreynsluviðtöl og mynda-
þætti. Þótt markaðurinn hér sé ekki
stór hefur gengið ótrúlega vel að
finna gott efni og blaðið hefur fengið
góðar viðtökur. Þar njótum við tutt-
ugu ára starfs hér á svæðinu og sam-
bands okkar við fólkið. Við tölum
ekki aðeins við fræga fólkið, enda
gengi það aldrei hér á Suðurnesjum,
heldur einnig við almenna borgara,“
segir Páll.
Fréttastofa
Suðurnesja
Páll Ketilsson og samstarfsfólk
hans hjá þessu stærsta fjölmiðlafyr-
irtæki landsbyggðarinnar hefur
fleiri járn í eldinum. Fyrirtækið tek-
ur að sér ýmis verkefni á sviði hönn-
unar og útgáfustarfsemi. Þar sér
Páll ýmis sóknarfæri sem gætu vegið
upp á móti þeim samdrætti í auglýs-
ingum sem hann segist hafa orðið
var við síðustu vikurnar eftir nánast
stöðuga aukningu í fjölda ára.
Fyrirtækið annast fréttaþjónustu
fyrir Stöð 2 og Sýn og sér Páll um
golfþætti á síðarnefndu stöðinni.
Draumur hans er að gera Víkurfrétt-
ir að nokkurs konar fréttastofu Suð-
urnesja þar sem dagblöð og aðrir
fjölmiðlar gætu fengið þjónustu.
Meðal nýrra verkefna hjá Páli og
hans fólki er umsjón með allri útgáfu
fyrir Golfsamband Íslands, meðal
annars útgáfu golfblaðs þess sem
kemur út þrisvar á ári. Hann skrifar
einnig töluvert í blaðið. „Það er
skemmtilegt að geta sinnt áhugmál-
inu í vinnunni með þessum hætti,“
segir Páll um golfútgáfuna.
Eigin fréttavefur
Víkurfréttir hafa í nokkur ár hald-
ið úti fréttavef á Netinu, www.vf.is,
og segir Páll að hann sé mikið not-
aður, sérstaklega þegar eitthvað
mikið sé að gerast á Suðurnesjunum.
Á vefnum birtast 5-10 fréttir á dag,
fréttir af atburðum dagsins, menn-
ingu og íþróttum. „Ég lít á fréttavef-
inn sem ákveðna þjónustu. Það er
nauðsynlegt fyrir útgáfufyrirtæki að
vera með eiginn vef og þar sé ég líka
mikla framtíðarmöguleika,“ segir
Páll Ketilsson.
Víkurfréttir stærsta fjölmiðlafyrirtæki landsbyggðar
Njótum tuttugu ára
starfs á svæðinu
Morgunblaðið/Helgi Bjarnason
Páll Ketilsson, ritstjóri Víkurfrétta, í hönnunarsal fyrirtækisins.
Njarðvík
Súrefnisvörur
Karin Herzog
Oxygen face
Stórhöfða 21, við Gullinbrú, s. 545 5500.
www.flis.is netfang: flis@flis.is
flísar