Morgunblaðið - 10.08.2001, Blaðsíða 19

ERLENT
MORGUNBLAÐIÐ FÖSTUDAGUR 10. ÁGÚST 2001 19
Útsalan er hafin
Austurstræti 3, sími 551 4566.
Norsku seglskipin Statsraad Lehm-
kuhl (t.v.) og Christian Radich komu
í gær til Kaupmannahafnar með um
400 mormóna, aðallega bandaríska.
Eru þeir í eins konar pílagrímsför
og þræða til baka leiðina sem 85.000
mormónar af Norðurlöndum fóru á
árunum 1851 til 1866 frá Evrópu til
Utah í Bandaríkjunum.
APMormónar í pílagrímsför
SÝRLENSKUR þingmaður var
handtekinn í gær fyrir að hafa óvirt
stjórnarskrá landsins og sýnt ríkis-
stjórn Baath-flokksins fjandskap að
því er talsmaður lögreglunnar sagði.
Hafði hann þá verið í hungurverkfalli
í tvo daga til að mótmæla ofsóknum
gegn sér.
Mammun al-Homsi, óháður þing-
maður fyrir kjördæmi í Damaskus,
höfuðborg Sýrlands, ákvað sl. þriðju-
dag að neyta hvorki matar né
drykkjar í viku til að mótmæla of-
sóknum stjórnvalda gegn sér en
hann hvatti nýlega til þess, að þingið
skipaði sérstaka mannréttindanefnd.
„Lögreglumennirnir ruddust inn á
skrifstofu föður míns og höfðu hann á
brott með sér,“ sagði Omar, sonur
Homsis, en viðurlög við þeim sökum,
sem á Homsi eru bornar, eru 15 ára
fangelsi hið minnsta. Shebli al-
Shami, vinur Homsis og félagi í sam-
tökum, sem vinna að „endurreisn sið-
aðs samfélags“ í Sýrlandi, sagði, að
lögreglan hefði heimild til að hafa
handtekna menn í haldi eins lengi og
henni sýndist. Fyrir nokkru svipti
ríkisstjórnin Homsi þinghelgi að
hluta en Shami segir, að til þess hafi
hún ekki haft neina heimild enda
brot á alþjóðlegum samþykktum,
sem Sýrlandsstjórn hafi undirritað.
„Fundu upp“ nýjan skatt
Homsi er kunnur kaupsýslumaður
í Sýrlandi og hefur setið á þingi í ell-
efu ár. Í yfirlýsingu, sem hann gaf út
á þriðjudag, sagði hann, að ríkis-
stjórnin hefði „hunsað allar kröfur
um að draga úr gildi neyðarlaganna
frá 1963; ekkert beitt sér gegn spill-
ingu og miklum afskiptum leynilög-
reglunnar af daglegu lífi lands-
manna“. Sakaði hann stjórnvöld um
harðræði og ofsóknir gegn sér, með-
al annars með því að „finna upp“ nýj-
an skatt og gera honum að greiða
nærri 100 millj. ísl. kr. samkvæmt
því.
Sonur Homsis kvaðst óttast um
föður sinn í höndum lögreglunnar
enda væri hann heilsuveill, meðal
annars sykursjúkur.
Sýrlenskur þingmaður handtekinn
Krafðist aukinna
mannréttinda
Damaskus. AFP.
HÆSTIRÉTTUR Kaliforníuríkis í
Bandaríkjunum hefur hafnað beiðni
um frávísun nauðgunarmáls er höfð-
að var gegn manni er var handtekinn
eftir að borin voru kennsl á hann ein-
ungis út frá erfðalykli hans (DNA).
Dómarar réttarins ákváðu að end-
urskoða ekki ákvörðun undirréttar
frá í febrúar, þar sem sagði að heim-
ildin til að handtaka manninn hafi
verið lögmæt. Talið er að þetta hafi
verið í fyrsta sinn í Bandaríkjunum
sem maður er handtekinn á þessum
forsendum.
„Ég er í sjöunda himni yfir því að
við fáum að halda málssókninni
áfram. Við höfum alltaf verið sann-
færð um að við hefðum lagalegan
rétt til að gera þetta,“ sagði Anne
Marie Schubert, saksóknari í málinu.
Í úrskurði dómarans Tani Cantil-
Sakauye í febrúar sagði að bæði rík-
is- og alríkisdómstólar krefðust þess
að viðunandi lýsing á afbrotamönn-
um kæmi fram í handtökuheimild til
þess að tryggja að ekki yrðu rangar
handtökur eða leitir. Erfðalykill,
sagði dómarinn, telst vera viðunandi
lýsing.
Handtökuheimildin var gefin út í
ágúst í fyrra, aðeins nokkrum dögum
áður en nauðgunarmálið fyrntist.
Um var að ræða mál konu sem var
nauðgað í blokkaríbúð sinni í Sacra-
mento í Kaliforníu 1994. Handtöku-
heimildin var ekki gefin út á nafn
hins grunaða, heldur á þann mann
sem hefði erfðalykil sem samsvaraði
sæðissýni sem tekið var úr konunni.
Mánuði síðar, þegar málið hefði
talist fyrnt, reyndist erfðalykilssýnið
samsvara Paul Robinson, og hann
var handtekinn. Blóðsýni úr Robin-
son var í upplýsingabanka ríkisins
vegna þess að hann hafði áður verið
sakfelldur fyrir líkamsárás. Sam-
kvæmt upplýsingum lögspekinga og
Samtaka héraðssaksóknara var
þetta í fyrsta sinn sem handtaka fer
fram samkvæmt heimild á grundvelli
erfðalykils.
Yfirvöld í nokkrum öðrum ríkjum í
Bandaríkjunum hafa gefið út tilskip-
anir um handtöku grunaðra á for-
sendum erfðalykla í málum þar sem
fyrning var yfirvofandi. Í síðasta
mánuði staðfesti dómari í Wisconsin
réttmæti handtöku sem gerð hafði
verið samkvæmt heimild er byggð
var á erfðalykli.
Handtekinn í ljósi
erfðalykils eingöngu
San Francisco. AP.