Morgunblaðið - 10.08.2001, Blaðsíða 15
LANDIÐ
MORGUNBLAÐIÐ FÖSTUDAGUR 10. ÁGÚST 2001 15
NÁMSKEIÐ fyrir slökkviliðs-
menn var haldið á Þórshöfn um
síðustu helgi. Það er þriggja daga
námskeið sem nefnist „slökkvi-
liðsmaðurinn 1“, annar hluti, en
námskeiðinu er skipt í fjóra hluta.
Námskeiðið í vatnsöflun og
björgunarbúnaði er á vegum
Brunamálaskóla ríkisins og þátt-
takendur voru tólf, frá Þórshöfn,
Bakkafirði og Kópaskeri. Slökkvi-
liðin á Þórshöfn, Bakkafirði og
Vopnafirði hafa nýverið sameinast
undir nafninu „Brunavarnir Norð-
Austursvæðis“ og eru 34 menn
skráðir í slökkviliðið á þessu
svæði.
Milli Vopnafjarðar og Þórshafn-
ar eru 70 kílómetrar og slökkvi-
liðsstjóri sameinaðs liðs er Björn
H. Sigurbjörnsson frá Vopnafirði.
Með breyttri kjördæmaskipan er
ekki ólíklegt að samstarf þessara
byggðarlaga muni aukast en land-
fræðilega er það hentugt.
Safnað fyrir klippum
og tækjabíl
Um síðustu áramót keypti
Þórshafnarhreppur Benz Uni-
mog-bifreið, vel búna tækjum,
fyrir slökkviliðið á Þórshöfn og
umræða var komin á stað um
meiri tækjakaup, svo sem klippi-
búnað og annað, en ekki varð af
því þá.
Í byrjun marz varð hörmulegt
banaslys á veginum við ána Geysi-
rófu rétt austan við Þórshöfn og
þurfti þá að bíða eftir bílaklippum
frá Vopnafirði. Upp úr því var
hrundið af stað söfnun á Þórshöfn
og nágrenni fyrir nauðsynlegum
búnaði og er nú þegar búið að
kaupa tækjaklippur og fylgihluti
en söfnunarfé heima fyrir var
töluvert á aðra milljón króna.
Samskip hf. veittu einnig styrk til
Björgunarsveitarinnar Hafliða og
Slökkviliðs Þórshafnarhrepps, alls
kr. 250.000, til kaupa á tækjabún-
aði. Það er til minningar um
Kristján Gunnar Magnússon bíl-
stjóra, sem lést í áðurnefndu
slysi, og veitti Björn H. Sigur-
björnsson slökkviliðsstjóri styrkn-
um viðtöku frá Axel Gunnarssyni
fyrir hönd Samskipa hf. á Þórs-
höfn.
Fyrirhuguð eru kaup á tækjabíl
frá Rauða krossinum og stendur
Þórshafnarhreppur væntanlega
að þeim kaupum.
Sameinað slökkvilið
á Norðausturlandi
Morgunblaðið/Líney
Axel Gunnarsson frá Samskipum hf. afhendir slökkviliðsstjóranum
Birni H. Sigurðssyni styrk til bíla- og tækjakaupa. Þeir standa fyrir
framan bifreið slökkviliðsstjóra sameinaðs liðs.
Þórshöfn
ENN einn bryggjudagur var nýver-
ið við Sauðárkrókshöfn á vegum
hafnarnefndar en þessi dagur hefur
verið haldinn í júlí um nokkurra ára
skeið.
Í tengslum við bryggjudaginn var
efnt til markaðsdags, eftir hádegið, í
Aðalgötunni á Sauðárkróki, götunni
lokað og komu menn víða að með
varning sinn. Kenndi þar margra
grasa, allt frá grænmeti og landbún-
aðarafurðum ýmiss konar og fatn-
aðar, hannyrða, skraut- og listmuna.
Sótti fjölmenni til markaðarins og
var líflegt um að litast, svo að líklegt
er að slík samkoma verði end-
urtekin, enda mikið höndlað.
Dorgveiðikeppni hófst svo á
bryggjusvæðinu kl. 16 og tóku
margir þátt en ekki var afli svo mik-
ill að til ofveiði horfði en veitt voru
ágæt verðlaun fyrir stærsta mar-
hnútinn, kolann og þorskinn.
Eyjasiglingar ehf. undir skip-
stjórn Ómars Unasonar fóru með
gesti í eyjasiglingu og urðu margir
til að skreppa fram á fjörðinn.
Um kvöldið þágu gestir grillaðar
KS pylsur og pepsí í boði hafn-
arstjórnar, Íslandsleikhúsið var með
leiki og söng á bryggjunni, dans-
flokkurinn Hófar frá Skagaströnd
sýndi línudans, Hörður G. Ólafsson
og Eiríkur Hilmisson léku fyrir al-
mennum söng og dansi og á mið-
nætti fór fram flugeldasýning.
Fjöldi fólks tók þátt í bryggjudeg-
inum sem þótti heppnast ágætlega.
Morgunblaðið/Björn Björnsson
Fjöldi fólks heimsótti útimarkað í Aðalgötunni.
Vel heppnaður
bryggjudagur
Sauðárkrókur