Morgunblaðið - 10.08.2001, Blaðsíða 36
36 FÖSTUDAGUR 10. ÁGÚST 2001 MORGUNBLAÐIÐ
! #
BRÉF
TIL BLAÐSINS
Kringlunni 1 103 Reykjavík Sími 569 1100 Símbréf 569 1329
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
Vandi ljóðaveljenda
Sárlega virðist vanta handhægan
ljóðabanka sem ritendur minning-
argreina geta leitað í þegar þá
vantar ljóðakafla til að hefja sorg-
arhugleiðingu sína í æðra veldi.
Enda virðist mér að stór hluti af
þeim ljóðum sem ber daglega fyrir
augu landsmanna í minningar-
greinum sé eftir sömu gömlu þjóð-
skáldin; og þá gjarnan staldrað við
sömu ljóðin; að ekki sé talað um
sálmatexta sem eru fremur ætlaðir
til söngs en lestrar. Einnig sjást
misjafnlega innblásin rímkvæði af
þeirri tegund sem var við lýði í
ungdæmi þeirra sem nú eru elstir.
Þó er enn sem betur fer lítið um
rétta og slétta dægurlagatexta.
Þó að efnisval þetta beri ljóða-
smekk almennings í landinu trú-
verðugt vitni væri það óneitanlega
ákjósanlegra ef minningargreinar
gætu einnig orðið að birtingarakri
fyrir ýmis fjölbreytileg síðari tíma
ljóð. Ætti slíkt að fá borið bæði
skrifandanum sem og minningu
hins látna þess fegurra vitni.
Þess ber þó að geta að innan um
finnast einnig smekklega valin ljóð
eftir nokkur af okkar elstu núlif-
andi góðskáldum.
Oftar mun þó brenna við að er
menn leita í fáti sínu að einhverju
ljóðkorni til að prýða með minn-
ingarhugleiðingu sína þá ýmist ótt-
ist þeir að vitna í núlifandi ljóð-
skáld án þeirra leyfis; eða að þeir
hafi ljóðabækur þeirra ekki hand-
bærar; eða þá að þeir treysti sér
ekki til að velja þar úr þann skáld-
skap er til framtíðar megi horfa.
Einnig er vitað að blaðstjórn
Morgunblaðsins hefur ítrekað
haldið fram óviðurkvæmileika þess
að minningargreinaskrifarar séu
að tefla fram sínum eigin ljóðum á
þessum vettvangi; þótt slíkt sé
gjarnan þverbrotið; bæði af við-
urkenndum skáldum sem og af
ljóðabréfariturum á öllum stigum
metnaðar.
Mín eigin lausn á þessum vanda
hefur verið sú að freista þess að
birta eigin ljóðaþýðingar á látnu
erlendu stórskáldi; einkum þegar
ég hef skrifað eftirmæli um skáld-
systkini mín. Tel ég að slíkt sé vel
messunnar virði; og einnig áhættu-
minna en að birta ljóð eftir hinn
látna sjálfan.
Handhægur ljóðabanki
En nú kemur að meginúrræði
mínu lesendum til handa en það er
þetta:
Lesendum er heimilt að nýta sér
þau frumsömdu ljóð mín er hafa
birst í Lesbók Morgunblaðsins.
Geta þeir nálgast þau á vefsíðu
Morgunblaðsins. Er þar um að
ræða efni sem rúmar vel á aðra
ljóðabók. Get ég fullvissað lesend-
ur um að þar sé flest í háum og
sérlega jöfnum gæðaflokki; svo
sem bókmenntagagnrýnin á mínar
fimm ljóðabækur í Morgunblaðinu
hefur borið með sér.
Fyrir þá sem ekki hafa tök á að
færa ljóðin beint af Internetinu inn
í rafræna minningargrein sína,
bendi ég á að flestar ljóðabækur
mínar má nálgast á öllum bóka-
söfnunum á höfuðborgarsvæðinu,
sem og á Amtsbókasafninu á Ak-
ureyri.
Einnig að ein ljóðabóka minna
hefur einkum sorgarljóð að uppi-
stöðu; en það er bókin Trómet og
fíól; sem kom út árið 1992. Gaf ég
þá eintök af henni til fjörutíu af
helstu bókasöfnum landsins; (til
minningar um móður mína heitnu).
Mun þar að finna mörg ljóðator-
rekin sem mörgum þeim er ekki
bera sorg í brjósti þá stundina er
trúlega þvert um geð að lesa; en
eru hinum syrgjandi þó vonandi
þess sætlegra).
Þó að Morgunblaðið sé ekki hrif-
ið af upptalningalistum í sínum les-
endagreinum, held ég að hér sé
upplýsandi að láta fara á eftir titla
þeirra frumsömdu ljóða minna er
ég held að passi inn í andrúm
minningargreina.
Þau sem hafa áður birst í Les-
bók Morgunblaðsins eru auðkennd
með stjörnu fyrir framan.
Úr bók minni Trómeti og fíóli
tilnefni ég eftirfarandi ljóð: *Sjó-
ferðabænin, *Í fylgsni hæginda-
stólsins, Um söngfuglinn unga,
Áfangasigur, Sálmur fyrir árið
2084, Syndafarg gamals SS-manns,
Veðrabrigði, *Kynslóðaskipti,
*Minni æskunnar, *Kararsút,
*Dauði Garcia Lorca, *Ég og tím-
inn, *Æskufylgja, Á Tjörninni,
Sjálfsvitund, Haustþankar að vori,
Flatlendisljóð, Halastjarna deyr,
Vitjað að þér, Haustrigning, Um
lífsins ljósgeisla, Minningar, Grun-
ur, Góði dátinn, og Ég.
Úr bók minni Líndal og Lorca;
frá 1997; koma eftirfarandi ljóð til
greina: *Herbert von Karajan,
*Minn Marteinn Lúter, *Í stór-
afmæli, *Bosníuvalsinn, *Tarfinum
slátrað, *Við hjónin, Tilbrigði, og
þeir horfðu til framtíðar.
Úr ljóðabókinni Næturverðinum;
frá 1989; má nefna: *Hvarf hljóm-
sveitarinnar, *Hjá félagsráðgjafan-
um, Jesús í rökkrinu fer, Pabbi
mömmu, og Fortíð flautuspils.
Hér með gef ég nú minning-
argreinahöfundum mitt leyfi til að
nota ofantalin ljóð mín í minning-
argreinum sínum hér í blaði; hvort
heldur þeir birti þau í heilu lagi,
eða kafla úr þeim eftir eigin vali.
TRYGGVI V. LÍNDAL,
Skeggjagötu 3, Reykjavík.
Ljóðabanki fyrir
minningar-
greinahöfunda
Frá Tryggva V. Líndal: