Morgunblaðið - 10.08.2001, Blaðsíða 48

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 10. ÁGÚST 2001 VERÐ Í LAUSASÖLU 190 KR. MEÐ VSK.
MOSAVAXIÐ hraunið varpaði
grænleitum og skemmtilegum
skuggum á tjörnina í Ásbyrgi
þegar tvær rauðhöfðakollur svifu
inn til lendingar á dögunum.
Rauðhöfðakollur hafa tekið sér
bólfestu í Ásbyrgi og ala þar upp
unga sína en steggirnir eru ekki
sjáanlegir í því hlutverki að lokn-
um fengitíma á vorin. Helstu
varplönd rauðhöfðaandar eru í
Þingeyjarsýslum og yfir sum-
artímann eru hér 4 til 6 þúsund
pör. Stærstur hluti stofnsins hef-
ur vetursetu á Bretlandseyjum.
Rauðhöfðaendur afla sér fæðu
einkum af yfirborði vatns eða
rétt undir því og þær geta hafið
sig til flugs beint upp af vatni, án
tilhlaups.
Morgunblaðið/Ómar
Svífa til
lendingar
í Ásbyrgi
RÍKISSTJÓRNIN hefur samþykkt
þá tillögu Halldórs Ásgrímssonar
utanríkisráðherra og Valgerðar
Sverrisdóttur iðnaðarráðherra að
ráðast í undirbúning greinargerðar
til landgrunnsnefndar Sameinuðu
þjóðanna um mörk landgrunns Ís-
lands utan 200 sjómílna. Gert er ráð
fyrir að þessi vinna, sem talin er
mjög viðamikil, taki fjögur ár. Áætl-
aður kostnaður vegna hennar er um
700 milljónir króna.
Utanríkisráðherra greindi frá
þessu á blaðamannafundi í gær um
leið og tilkynnt var að Íslendingar,
Bretar, Færeyingar og Írar ætli á
næstunni að halda fyrsta sameig-
inlega fund sinn vegna tilkalls til
landgrunnsréttinda á Hatton Rock-
all- svæðinu. Halldór sagði að slíkur
fundur myndi marka tímamót í
Hatton Rockall-málinu, en hingað
til hefðu aðeins átt sér stað óform-
legar viðræður milli ríkjanna vegna
þess.
Halldór sagði að auk Hatton
Rockall-svæðisins, geri Ísland til-
kall til landgrunnsréttinda á
Reykjaneshrygg og í Síldarsmug-
unni, þar sem líklegt er að Norð-
menn geri einnig kröfur og jafnvel
Danir fyrir hönd Færeyinga.
Sagði hann að líkur væru taldar á
því að hægt verði að vinna olíu á
Hatton Rockall-svæðinu, en að ekki
væru horfur á því að olíu væri að
finna á Reykjaneshrygg eða í Síld-
arsmugunni. Hins vegar beindist
athygli manna sífellt meira að öðr-
um auðlindum á landgrunninu.
„Með tækniframförum eykst
vitneskja um auðlindir á land-
grunninu og möguleikar aukast á
nýtingu þeirra. Ýmislegt bendir til
þess að réttindi yfir landgrunninu
fái aukna þýðingu í framtíðinni og
mikilvægt er því að öðlast yfirráð
yfir sem víðáttumestum land-
grunnssvæðum,“ sagði Halldór.
Kostnaður á fjórum
árum 700 milljónir
Greinargerð um mörk landgrunnsins utan 200 sjómílna
 Mikilvægt/6
SAMKOMULAG náðist á fundi á Egilsstöðum í
gær um fyrirkomulag slátrunar í haust í þeim slát-
urhúsum á Fossvöllum í Jökulsárhlíð og Breið-
dalsvík sem Goði hefur rekið en hugðist ekki gera
áfram sökum rekstrarerfiðleika. Á fundinum voru
fulltrúar Kaupfélags Héraðsbúa, KHB, og und-
irbúningsstjórnar að stofnun sláturfélags á Hér-
aði. Stórgripasláturhús á Egilsstöðum verður
einnig rekið af KHB til að byrja með ef samningar
takast við Goða um leigu á húsunum.
Von er á tillögum í dag frá nefnd sem landbún-
aðarráðherra skipaði nýlega vegna aðgerða til
lausnar þeim vanda sem búfjárslátrun á við að
etja. Samkvæmt heimildum Morgunblaðsins eru
tillögur nefndarinnar m.a. þær að lækka vexti af
afurðalánum í samráði við Seðlabankann og verja
fjármunum til að úrelda tiltekin sláturhús.
Að sögn Þorsteins Bergssonar, bónda á Unaósi
á Héraði, sem á sæti í undirbúningsstjórninni,
náðist samkomulag um að KHB myndi sjá um
slátrunina í haust í fyrrnefndum sláturhúsum og
uppgjör við sauðfjárbændur. Þorsteinn sagði of
skamman tíma hafa verið til stefnu til þess að fyr-
irhugað sláturfélag gæti tekið að sér slátrunina en
eigi að síður stendur til að stofna félagið formlega í
lok mánaðarins með það fyrir augum að það taki
við rekstri sláturhúsanna um áramót af KHB.
Kaupfélögin ætla að leita
eftir leigu á sláturhúsum Goða
Samkomulagið á Egilsstöðum í gær er hluti af
samráði sem nokkur kaupfélög hafa ákveðið að
hafa með sér um slátrun í haust í þeim sláturhús-
um sem Goði hefur starfrækt. Auk KHB er um að
ræða Kaupfélag A-Skaftfellinga á Höfn í Horna-
firði, KASK, Kaupfélag V-Húnvetninga á
Hvammstanga, KVH, og Kaupfélag Borgfirðinga í
Borgarnesi, KB. Stefnt er að því að greiða verð
fyrir innlagt dilkakjöt sem er nokkru hærra en
það verð sem Goði greiddi bændum á síðasta ári
og til samræmis við það sem SS og Norðlenska
ætla að greiða. Í tilkynningu frá kaupfélögunum
segir að vonast sé eftir góðu samstarfi við bændur
og að þessi aðgerð stuðli að hagkvæmri lausn í
slátrun og flutningi sláturfjár til sláturhúsa,
bændum til hagsbóta. Forsvarsmenn kaupfélag-
anna segja jafnframt að nánari ákvörðun um slátr-
un, verð og greiðslufyrirkomulag byggist að hluta
á niðurstöðu nefndar landbúnaðarráðherra um að-
gerðir vegna vanda búfjárslátrunar sem kynnt
verður í dag eins og fyrr segir.
Starfshópur skilar tillögum til lausnar á vanda sláturleyfishafa í dag
Kaupfélag Héraðsbúa leig-
ir sláturhús Goða í haust
TÍU tonna bátur, Bylgjan SK, varð
vélarvana um tvær mílur suðvestur
af Straumnesfjalli í gær. Tveir menn
voru um borð og kom björgunarbát-
urinn Gunnar Friðriksson á Ísafirði
þeim til hjálpar.
Pálmi Stefánsson, skipstjóri á
björgunarbátnum, segir að mennirn-
ir hafi aldrei verið í neinni hættu og
að renniblíða hafi verið á svæðinu.
björgunarbáturinn var rúman
klukkutíma á leiðinni að bátnum,
sem var tekinn í tog og dreginn til
hafnar á Ísafirði. Orsakir vélarbilun-
arinnar eru ókunnar en skipið var á
leiðinni frá Hofsósi til Reykjavíkur
þar sem það átti að fara í slipp.
Í fyrrakvöld strandaði báturinn
Auður Ósk frá Flateyri við Barða,
milli Önundarfjarðar og Dýrafjarð-
ar. Vélbáturinn Kristján kom fljót-
lega á vettvang og dró Auði Ósk til
Flateyrar. Þar var skipið tekið á land
og dregið á vagni til Ísafjarðar. Tveir
menn voru um borð þegar óhappið
varð en hvorugan sakaði.
Vélarvana
bátur tek-
inn í tog
ALLSHERJAR útkall var hjá
Brunavörnum Rangárvallasýslu síð-
degis í gær þegar eldur kom upp í
gömlum útihúsum, fjósi og áfastri
hlöðu, á bænum Ey í Vestur-Land-
eyjum. Mikinn reyk lagði frá húsun-
um, en mikið af einangrunarplasti var
geymt þar inni. Tvo klukkutíma tók
að ráða niðurlögum eldsins. Lögregla
telur víst að eldurinn hafi kviknað í
kjölfar fikts barna. Húsin standa enn
uppi, en þekjan, þakið og sperrur
hússins eru mikið brenndar. Húsráð-
endur voru ekki heima þegar eldurinn
kom upp, en fólk á nágrannabæjunum
gerði lögreglu viðvart.
Útihús
brunnu í
V-Landeyjum
STÓR dagur var hjá Fylki í gær-
kvöldi en liðið lék þá fyrsta Evrópu-
leik sinn. Fylkismenn unnu pólska
liðið Pogon Szczecin, 2:1, á Laug-
ardalsvellinum með mörkum frá
Errol Eddion McFarlane og Ólafi
Stígssyni. Hér fagna Gunnar Þór
Pétursson og McFarlane marki
þess síðarnefnda sem jafnframt var
fyrsta mark Árbæjarliðsins í Evr-
ópukeppni.
Morgunblaðið/Golli
Sigur í
fyrsta Evr-
ópuleiknum
 Súrsætur / C2
♦ ♦ ♦