Morgunblaðið - 10.08.2001, Blaðsíða 12
HÖFUÐBORGARSVÆÐIÐ
12 FÖSTUDAGUR 10. ÁGÚST 2001 MORGUNBLAÐIÐ
LÁGAFELLSSKÓLI í Mos-
fellsbæ tekur til starfa nú á
haustdögum þegar rétt rúm-
lega 300 börn í 1.–6. bekk
hefja þar nám en til stendur
að fara ýmsar ótroðnar slóðir
í skólastarfinu. Til að mynda
verður gerð tilraun með nýtt
stjórnunarform í Lágafells-
skóla, svokallað „stjórn-
unarteymi“ sem þau Birgir
Einarsson, Jóhanna Magnús-
dóttir og Sigríður Johnsen
skipa. Blaðamaður hitti þau
að máli á dögunum þegar
vinna við frágang á nýju og
glæsilegu húsnæði skólans
var í fullum gangi. Tilraunin á
hinu nýja stjórnunarformi
mun standa yfir næstu þrjú
árin en að sögn Birgis munu
skólastjórnendurnir þrír
mynda eitt stjórnunarteymi
með jafna ábyrgð. Tilraunin
gerir ráð fyrir að einn úr
stjórnunarteyminu verði for-
svarsmaður og fyrsti ábyrgð-
araðili og þá eitt ár í senn.
Þannig verði ekki starfandi
aðstoðarskólastjóri, stigstjór-
ar eða deildarstjórar eins og
svo víða heldur sinni stjórn-
unarteymið þeim störfum.
Bæjaryfirvöld Mosfellsbæjar
hafi fengið heimild mennta-
málaráðherra til að gera
þessa tilraun næstu þrjú árin
og í því felist meðal annars
leyfi til að víkja frá grunn-
skólalögum til að greiða götu
þeirra sem vinna að tilraun-
inni. Að þremur árum loknum
verður árangurinn metinn og
ákvörðun um framhald tekin
að því mati loknu. Aðspurð
segja stjórnendurnir að þau
hafi ekki beina fyrirmynd
hvað hið nýja stjórnunarform
varðar en úti um allan heim sé
verið að reyna svipaða hluti,
til dæmis í almennum stjórn-
unarrekstri í einkageiranum
og einnig í opinbera geiran-
um, skólum þar á meðal. Þau
kalla þetta stjórnunarform
„School-Based Management“
en þar er gert ráð fyrir að í
sértækum málum séu völd og
ábyrgð færð eins mikið og
kostur er til starfsmanna.
Meiri möguleikar á yf-
irsýn fyrir stjórnendur
Sigríður bendir á að til-
raunaverkefnið í Lágafells-
skóla hafi verið kynnt fyrir
stjórn Kennaraháskóla Ís-
lands og hafi skólinn sýnt
verkefninu mikinn áhuga. Til
að undirstrika það hafi Kenn-
araháskólinn heimilað Ally-
son McDonald, forstöðu-
manni Rannsóknarstofnunar
KHÍ, að nýta hluta af rann-
sóknarskyldu til að vera skól-
anum til leiðsagnar og ráð-
gjafar.
Sigríður segir að skóla-
stjórnendurnir muni skipta
með sér verkum, hver þeirra
verði ábyrgur fyrir ákveðnu
aldursstigi og einnig muni
þeir skipta með sér ábyrgð á
faggreinum innan skólans.
Birgir, Jóhanna og Sigríður
telja helsta kostinn við þessa
tilhögun geta verið þann að
nú verði mögulegt fyrir skóla-
stjórnendurna að nálgast hina
faglegu forystu betur og að
þau sem stjórnendur eigi
meiri möguleika en ella á að
hafa yfirsýn yfir það sem er
að gerast. „Nú seinni árin hef-
ur verið lögð meiri áhersla á
faglega forystu stjórnenda og
er þá er ekki einungis átt við
hina fjárhagslegu stjórnun
heldur líka að stjórnendur séu
faglegir forystumenn í skóla-
starfi. Þetta er eitt af því sem
við viljum prófa,“ segir Birg-
ir.
Áhersla á aukið
foreldrasamstarf
Sigríður bendir á að stöð-
ugt séu færð fleiri verkefni yf-
ir á skólastjórnendur og oft
vilji faglegi þátturinn víkja
fyrir daglegu amstri og
rekstrarþætti skólanna í
starfi skólastjóra. „Það er
vart hægt að hugsa sér að ein
manneskja hafi til að bera alla
þá hæfileika sem ætlast er til
að skólastjóri hafi. Við teljum
að með því að dreifa valdi og
notast við þátttökustjórnun
muni kostir hvers okkar,
áhugi, reynsla og menntun
njóta sín og við vonumst til
þess að út úr þessu geti komið
stýring sem tekur á öllum
þeim þáttum og verkefnum
sem skólastjóra er ætlað að
sinna,“ segir hún.
Einnig stendur til að hafa
svokallaða þróunarkennara í
skólanum en þeir munu taka
að sér að vera leiðtogar í þró-
unarstarfi innan mismunandi
deilda og árganga. Við þurf-
um mikið á slíku að halda, til
að mynda hvað varðar upplýs-
inga- og tæknimennt og einn-
ig foreldrasamstarf en þróun-
arkennararnir munu hafa
minni kennsluskyldu til að
geta betur sinnt þessu starfi.
Aðspurð segja Birgir, Jó-
hanna og Sigríður það mjög
spennandi verkefni að taka
við stjórn nýs skóla, enda gef-
ist tækifæri á að þróa nýja
hluti og fólk sé opnara fyrir
nýjungum í nýrri skólastofn-
un. „Hið breytta stjórnunar-
form er líka ögrandi verkefni
að takast á við og vonandi
gefst okkur meiri tími til að
sinna þeim faglegu störfum
sem skólastjórinn á að sinna
þar sem við erum þrjú sem
skiptum með okkur ábyrgð,“
segir Jóhanna. Þau segja að í
Lágafellsskóla verði mikil
áhersla lögð á samstarf og
samráð allra í skólanum við
uppbyggingu skólamenning-
arinnar og að stefnt sé á að fá
foreldra mun meira inn í skól-
ann en venja hefur verið. Í því
augnamiði hefur verið ráðinn
til starfa námsráðgjafi sem
kemur til með að hafa sam-
skipti við foreldra að megin-
verkefni. „Hér í Mosfellsbæ
er geysilega frjór jarðvegur
og áhugi foreldra á leikskóla-
og skólamálum mikill,“ segir
Birgir.
Mikilvægt hvar styrkur
hvers nemanda liggur
Í starfi skólans hafa þau
hug á að notast við fjölgreind-
arkenningu Howards Gard-
ner sem felst í stuttu máli í því
að hvert og eitt okkar hafi
margs konar hæfileika sem
við höfum þroskað með okkur
í mismiklum mæli, svo sem
stærðfræðihæfileika, tónlist-
arhæfileika o.s.frv. Skólinn
vilji leitast við að finna styrk
hvers og eins og ná fram
sjálfsöryggi nemenda og gera
þá þar með hæfari til þess að
takast á við þær greinar þar
sem þeir eru hugsanlega veik-
ari fyrir en skólinn hyggist
gera öllum námsgreinum
jafnhátt undir höfði.
Í Lágafellsskóla munu í
vetur starfa á milli 25 og 30
kennarar og segja skóla-
stjórnendurnir að almennt
hafi gengið vel að ráða kenn-
ara til starfa við skólann enda
séu margir áhugasamir um
tilraunaverkefnið. Mikið verði
lagt upp úr góðum starfsanda
í starfsmannahópnum og
fyrsta sameiginlega starfsdag
starfsmanna standi til að fá
Jóhann Inga Gunnarsson sál-
fræðing til að halda námskeið
fyrir starfsfólk skólans sem
kallast „Árangursrík liðs-
heild“ og þar verði línur lagð-
ar hvað þetta varðar.
Nýr grunnskóli fyrir börn í 1.-6. bekk tekur til starfa í Mosfellsbæ í haust
Mikið þróunarstarf að
hefjast í Lágafellsskóla
Bæjaryfirvöld Mosfellsbæjar hafa fengið heimild
menntamálaráðherra til að gera tilraun í skólastarfi
Lágafellsskóla og leyfi til að víkja frá grunnskólalög-
um. Elva Björk Sverrisdóttir ræddi við stjórnunar-
teymi hins nýja skóla.
Morgunblaðið/Sigurður Jökull
Stjórnunarteymi hins nýja Lágafellsskóla í Mosfellsbæ,
þau Sigríður Johnsen, Birgir Einarsson og Jóhanna Magn-
úsdóttir við skólabygginguna.
Mosfellsbær
Í HAFNARFIRÐI er nú unn-
ið að verulegum endurbótum
á gatnamótum Hverfisgötu og
Lækjargötu auk þess sem
hafnar eru endurbætur á úti-
vistarsvæði Hafnfirðinga á
Hörðuvöllum. Áætlað er að
þessum verkum verði lokið 15.
september.
Útivistarsvæðið á Hörðu-
völlum á að endurbæta á ýms-
an hátt og á m.a. að endur-
hlaða gamlan kant frá því um
1930, sem mun vera jafngam-
all Tjarnarbrautinni sjálfri.
Að sögn Ingibjargar Krist-
jánsdóttur, landslagsarkí-
tekts hjá teiknistofunni Land-
mótun, er höfuðáhersla lögð á
núverandi yfirbragð svæðis-
ins haldi sér, þ.e. að grasvell-
irnir og hlaðni kanturinn með-
fram Tjarnarbrautinni.
Kanturinn verður tekinn upp
og endurhlaðinn og áfram
verða grasvellir fyrir bolta-
leiki sem íbúar bæjarins hafa
notað til þessa. Aðkomur inn á
svæðið verða einnig endur-
bættar og eins aðgengi fólks
að vatninu sjálfu. Í tengslum
við aðalaðkomu að svæðinu
verður komið fyrir vaðpolli
með góðri aðstöðu til að gefa
tjarnaröndunum brauð.
Gönguleiðir við svæðið
verða teknar í gegn, t.d. á að
koma góð gönguleið meðfram
tjarnarbakkanum sem liggur í
hæð við yfirborð lækjarins.
Við enda Tjarnarbrautar, í
horninu við aðkomu inn á
svæðið, á að koma lítið leik-
svæði. „Að öðru leyti er
áhersla lögð á að bæta alla að-
stöðu þarna, t.d. með bekkj-
um svo hægt sé að tylla sér
niður og njóta, og fegra og
bæta nærviðrið, þ.e. veðrið í
næsta nágrenni með trjá-
gróðri,“ segir Ingibjörg.
Þórir Guðmundsson, verk-
taki annast framkvæmdir en
þær eru hannaðar af Línu-
hönnun/Landmótun.
Endurbætur
á gatna-
mótum
og Hörðu-
völlum
Hafnarfjörður
Framkvæmdagleði
í Hafnarfirði
ÞAÐ var enginn smáræðis
hiti sem umlukti strákana
hjá Loftorku í gær þegar
þeir voru að malbika
Kringlumýrarbrautina í
molluhita og glampandi
sólskini. Mörgum þætti ef-
laust nóg um hitann frá
sólinni einni saman, eins og
veðrið var í gær, án þess
að þurfa að vera í návígi
við malbikunarvélina að
auki.
Malbikun Kringlumýr-
arbrautarinnar er hluti
nýhafinna malbikunar-
framkvæmda við stórum-
ferðaræðar í Reykjavík á
borð við Miklubraut, Sæ-
braut og Reykjanesbraut
(milli Miklubrautar og Bú-
staðavegar). Fram til miðs
ágúst er áætlað að malbika
60 þúsund fermetra á þess-
um götum. Um helgina er
spáð rigningu og skúrum í
Reykjavík og því má ætla
að veðrið verði malbik-
unarflokkum fremur óhag-
stætt.
Morgunblaðið/Billi
Malbikað í
molluhita
Reykjavík
JÓHANN Pálsson, sem
gegnt hefur starfi garð-
yrkju-
stjóra
Reykja-
víkur frá
1985, lét af
störfum
um síðustu
mánaða-
mót fyrir
aldurs sak-
ir.
Þórólfur Jónsson,
deildarstjóri hönnunar-
deildar á garðyrkju-
deild, er staðgengill
garðyrkjustjóra þangað
til staðan verður auglýst
til umsóknar. Í samtali
við Morgunblaðið sagði
Þórólfur að skipulags-
breytingar stæðu yfir og
beðið væri eftir að þeim
lyki en þá yrði staðan
auglýst á ný til umsókn-
ar. Hann sagðist ekki
vita hvenær það yrði.
Garðyrkju-
stjóri
lætur af
störfum
Reykjavík
Jóhann
Pálsson
INNANHÚSSBRAUT til
körtuaksturs, Karthöllin,
verður opnuð um þessar
mundir í Borgartúni í
Reykjavík í húsakynnum
þar sem Sindra-Stál var áð-
ur en þar er einnig hjóla-
brettagarður. Er aksturs-
brautin á milli 350 og 400
metrar og alls tíu nýjar
körtur til útleigu.
Að sögn Árna Björgvins-
sonar, framkvæmdastjóra
Karthallarinnar, liggur
brautin m.a. í göngum undir
palli kaffihúss og er hug-
myndin sótt til Mónakó-
kappakstursins í Formúlu-1
þar sem keppnisleiðin liggur
að hluta til í undirgöngum.
Tímatökubúnaður verður í
brautinni og geta ökumenn
því fylgst með framförum
sínum við endurtekinn akst-
ur. Opið verður daglega frá
12 á hádegi til hálftólf á
kvöldin. Tíu mínútna akst-
urslota kostar 2 þúsund
krónur. Ökumönnum er
lagður til öryggishjálmur og
galli til að klæðast meðan á
akstri stendur.
Að sögn Árna eru kört-
urnar búnar sérstökum
mengunarvarnabúnaði til
innanhússaksturs. „Þessar
körtur eru með sérstökum
öryggisbúnaði, þ.e. bensín-
tankurinn er milli fótanna
og þar með er mótorinn að
öllu leyti undir öryggishlíf
svo að engin hætta sé á að
menn brenni sig,“ segir
Árni.
„Við erum að ljúka hér
frágangi og þetta fer að fara
á fullt skrið,“ segir Árni en
hann rekur körtubrautina
og hjólabrettagarðinn í sam-
starfi við Brettafélag
Reykjavíkur og Íþrótta- og
tómstundaráð Reykjavíkur
(ÍTR).
Eftir helgina ráðgerir
Árni að opna heimasíðu
Karthallarinnar á Netinu á
slóðinni www.karthollin.is.
Körtu-
braut
opnuð í
Borgar-
túni
Reykjavík
Morgunblaðið/Júlíus
Árni Björgvinsson í leigukörtu í Borgartúninu.