Morgunblaðið - 10.08.2001, Blaðsíða 13

AKUREYRI
MORGUNBLAÐIÐ FÖSTUDAGUR 10. ÁGÚST 2001 13
SEX tilboð bárust í byggingu und-
irstaðna fyrir nýja stólalyftu í Hlíð-
arfjalli við Akureyri og voru fjögur
tilboðanna undir kostnaðaráætlun.
Lægsta tilboðið átti Árfell ehf., tæpar
17 milljónir króna, eða 80,9% af
kostnaðaráætlun.
Katla ehf. bauðst til að vinna verk-
ið fyrir tæpar 18,2 milljónir, eða
86,6% af kostnaðaráætlun, Hagleiks-
menn ehf. buðu tæpar 18,5 milljónir
króna eða 87,7% af kostnaðaráætlun
og Trésmiðja Ásgríms Magnússonar
bauð tæpar 19,2 milljónir króna eða
91,3% af kostnaðaráætlun.
Timbra ehf. bauðst til að vinna fyr-
ir 100,2% af kostnaðaráætlun og
Hyrna ehf. fyrir 112,7% af kostnaðar-
áætlun sem hljóðaði upp á 21 milljón
króna.
Verkið nær til uppsteypu og frá-
gangs á undirstöðum vegna tveggja
endastöðva og 11 stálmastra, jöfnun
lands við endastöðvar og fleira. Verk-
inu skal lokið fyrir 15. október nk.
Árfell bauð
lægst í
undirstöður
fyrir stólalyftu
BLÓMIÐ sem þú gafst mér, nefnist
bókmenntadagskrá með upplestri og
söng í Deiglunni í kvöld kl. 20.30 á
vegum Listasumars á Akureyri.
Dagskráin er helguð Nínu Björk
Árnadóttur en í sumar voru 60 ár frá
fæðingu hennar.
Söngkonan Nína Björk Elíasson
kemur frá Kaupmannahöfn og mun
flytja lög sín við ljóð nöfnu sinnar
Árnadóttur. Aðrir flytjendur dag-
skrárinnar eru Karl Guðmundsson
leikari, Hildur Inga Rúnarsdóttir og
Kristín Bjarnadóttir.
Bókmenntadagskrá í Deiglunni
Dagskráin helguð Nínu
Björk Árnadóttur
FRAMKVÆMDIR eru hafnar
við byggingu tveggja einbýlis-
húsa á nýju byggingarsvæði við
Klettaborg á Akureyri. Þar er
gert ráð fyrir 58 íbúðum, 19 ein-
býlishúsum og 36 íbúðum í
tveggja hæða raðhúsum.
Elvar Vignisson hafði lokið við
að steypa sökkulinn á tveggja
hæða einbýlishúsi sínu að Kletta-
borg 15 er blaðamaður Morg-
unblaðsins var þar á ferð og
væntanlegur nágranni hans,
Sverrir Guðmundsson, var að
hefja vinnu við sökkulinn á sínu
húsi að Klettaborg 19 en þeir
ætla byggja sams konar hús.
Þeir félagar stefna að því að
flytja inn í hús sín fyrir þar-
næstu jól.
Byggingalóðir á svæðinu voru
afhentar þann 1. júlí sl. en út-
hlutun þeirra fór fram um miðj-
an maí.
Vignir og Sverrir voru sam-
mála um að tíminn frá úthlutun
og þar til lóðirnar voru afhentar
byggingarhæfar hafi verið
skammur og því hafi arkitektar
haft í nógu að snúast að und-
anförnu.
Báðir eru að byggja hús úr
einangrunarmótum og þeir hafa
sett stefnuna á að gera fokhelt
fyrir veturinn.
Morgunblaðið/Kristján
Elvar Vignisson og Sverrir Guðmundsson eru byrjaðir að byggja
einbýlishús á nýjasta byggingarsvæði Akureyrar á Klettaborg.
Framkvæmdir
hafnar á Klettaborg
UM verslunarmannahelgina stóð
Blómabúð Akureyrar, í samvinnu
við íslenzka blómabændur, fyrir
rósasýningu. Á þessari sýningu gaf
að líta um 30 tegundir af íslenzkum
rósum en um og yfir 100 tegundir
eru ræktaðar hérlendis. Samhliða
sýningunni gafst gestum kostur á að
velja fegurstu rós ársins 2001.
Hátt í eitt þúsund manns tóku þátt
í leiknum og fengu allar rósir sýn-
ingarinnar atkvæði. Rósin sem flest
atkvæði hlaut heitir Leonidas og er
brúnleit rós, sveipuð mikilli dulúð,
til þess að gera nýtt afbrigði á Ís-
landi. Hún gengur stundum undir
nafninu koníaksrósin og er frekar
erfið í ræktun og hefur aðeins
styttra vasalíf en margar aðrar rós-
ir. Í öðru sæti var rós sem nefnist
Tropical Amazon, hún er skær-
appelsínugul, ákaflega björt og
glaðleg. Í þriðja sæti var svo rauð
rós sem nefnist Cherokee. Hún er
dökkrauð og ákaflega þétt og hefur
langt vasalíf.
Á sunnudaginn voru svo þrír
heppnir þátttakendur í leiknum
dregnir út og fengu þeir að launum
allar rósir úr vasanum sem þeir
höfðu valið. Vinningshafarnir voru
Anna Kristjánsdóttir (First Lady),
Jón Bjarnason (Tropical Amazon) og
María Pétursdóttir (Black Baccara).
Kristín Ólafsdóttir eigandi Blómabúðar Akureyrar t.v., ásamt tveimur
vinningshöfum, Önnu Kristjánsdóttur og Maríu Pétursdóttur.
Leonidas rós ársins
AÐ vanda verður mikið um að vera
í tengslum við Listasumar á Ak-
ureyri. Í kvöld kl. 20.30 verður dag-
skrá um Nínu Björk Árnadóttur
með upplestri og söng á bók-
menntakvöldi í Deiglunni.
Á morgun, laugardag, kl. 16 opn-
ar Rannveig Helgadóttir myndlist-
arsýningu á jarðhæð Ketilhússins
og stendur hún til 26. ágúst. Á sama
tíma opnar Þórey Eyþórsdóttir sýn-
ingu á textílverkum í Deiglunni og
stendur sú sýning einnig til 26.
ágúst.
Þá stendur yfir fjöldi sýninga í
Gilinu. Tumi Magnússon og Ráð-
hildur Ingadóttir sýna í Ketilhús-
inu, Per Kirkeby sýnir í Listasafn-
inu, Aron Mitchell sýnir á Café
Karólínu, Gústaf Bollason sýnir í
Kompunni og Helgi Þorgils Frið-
jónsson á Karólínu Restaurant.
Fjölmargar
sýningar
í Gilinu
EIGENDUR flugmódela verða á
Melgerðismelum á laugardag og
sunnudag, þar sem 50 módelum af
öllum stærðum og gerðum verður
flogið; m.a. eina módelinu hérlendis
með alvöru þotumótór. Áhugasöm-
um er velkomið að fylgjast með.
Flugmódel á
Melgerðismelum
UM helgina verður farin jeppaferð á
Víknaslóðir á vegum Ferðafélags Ak-
ureyrar. Farið verður á föstudags-
morgni og ekið austur á Borgarfjörð
eystri. Laugardeginum verður eytt í
skoðunarferðir, m.a. í Loðmundar-
fjörð og Húsavík, á sunnudegi verður
síðan haldið heim á leið.
Laugardaginn 11. ágúst verður
genginn Þingmannavegur yfir Vaðla-
heiði. Þar er m.a. er að sjá athygl-
isverðar grjóthleðslur síðan 1871.
11.–12. ágúst verður farið í Hvann-
dali. Ekið verður að Ytri-Á í Ólafs-
firði, gengið þaðan um Fossdal í
Hvanndali og gist. Daginn eftir verð-
ur gengið yfir Víkurbyrðu.
Gönguferðir
Ferðafélagsins
♦ ♦ ♦
♦ ♦ ♦
TAKIÐ EFTIR! TAKIÐ EFTIR!
Lýsingahönnuður frá LÚMEX verður í verslun okkar
þriðjudaginn 14. ágúst.
Hann veitir faglega ráðgjöf varðandi lýsingahönnun og val á
lampabúnaði fyrir heimili og fyrirtæki.
Pantið viðtalstíma eða lítið við.
Njarðarnes 1 (Norðan við Toyota)
603 Akureyri
Opið öll kvöld frá kl. 20. Lokað á mánudögum
Danssveitin KOS
skemmtir föstudags-
og laugardagskvöld
Við Pollinn, Strandgötu 49, Akureyri
GUÐNI Ágústsson landbúnaðarráð-
herra setti handverkssýninguna
Handverk 2001 á Hrafnagili í Eyja-
fjarðarsveit í gær en sýningin stendur
fram til sunnudags. Guðni sagði í
ávarpi sínu að handverk væri ekki
bara list heldur líka tómstundagam-
an.
Guðni sagði að hátíðin, sem nú er
haldin í níunda sinn, kallaði saman
þúsundir manna til að fylgjast hver
með öðrum, læra hver af öðrum og
þróa nýja menningu, sem væri þjóð-
inni dýrmæt.
Þema sýningarinnar er sauðkindin
og sagði Guðni að sauðkindin hefði
verið forfeðrum okkar dýrmæt. „Hún
klæddi og fæddi þessa þjóð og ennþá
framleiðir hún þær afurðir sem eru
okkur dýrmætar í klæði og fæði.“
Sýningarsvæðið á Hrafnagili er um
1.700 fermetrar, í íþróttahúsi Hrafna-
gilsskóla, kennslustofum og á úti-
svæði. Á sýningarsvæðinu eru bæði
sölu- og sýningarbásar og gefst gest-
um tækifæri á að sjá handverksfólk
að störfum. Sýningin er opin almenn-
ingi í dag, föstudag, og á morgun,
laugardag, frá kl. 13–21 og á sunnu-
dag frá kl. 13.00–18.00.
Morgunblaðið/Kristján
Guðni Ágústsson landbúnaðarráðherra setur handverkssýninguna að
Hrafnagili í gær. Á húsveggnum bak við ráðherra hangir stærsta ull-
arpeysa í heimi og er samstarfsverkefni Ullarvinnslunnar Þingborgar í
Flóa og Ullarselsins á Hvanneyri.
Handverk er list og
tómstundagaman
Handverk 2001 sett á Hrafnagili