Morgunblaðið - 09.10.2001, Blaðsíða 2

FRÉTTIR
2 ÞRIÐJUDAGUR 9. OKTÓBER 2001 MORGUNBLAÐIÐ
Fylgstu
með
nýjustu
fréttum
www.mbl.isArnór Guðjohnsen stýrir
Stjörnunni áfram / B1
Bjarni Jóhannsson tekur
við Grindavík / B1
12 SÍÐUR40 SÍÐUR
Sérblöð í dag
Á ÞRIÐJUDÖGUM
DAVÍÐ Oddsson forsætisráðherra
segir að samstaða sé um það innan
ríkisstjórnarinnar að setja aðgerðir í
geðheilbrigðismálum í ákveðinn for-
gang á sviði heilbrigðismála.
Þess muni sjást merki í meðförum
þingsins á næstunni að ætlun ríkis-
stjórnarinnar sé að taka mjög örugg-
lega og stíft á þessum málaflokki.
Þetta kom fram í svörum forsætis-
ráðherra við fyrirspurn Ástu Ragn-
heiðar Jóhannesdóttur (S) á Alþingi í
gær. Ásta Ragnheiður vitnaði til
stefnuræðu forsætisráðherra frá í
liðinni viku, þar sem fram kom sér-
stök áhersla á stórverkefni í heil-
brigðismálum sem væru aðgerðir í
geðheilbrigðismálum. Sagðist hún
hafa setið málþing um þjónustu við
geðfatlaða utan stofnana á vegum
Rauða krossins sl. föstudag og þar
hefðu komið fram miklar væntingar
vegna orða forsætisráðherra og
ánægja. Þar hefði komið fram að
þrengt hefur að geðsjúkum, allt að
100 geðfatlaðir eru heimilislausir og
margir bíða eftir húsnæði. Þá bíða
hundruð manna eftir eftirmeðferð á
Reykjalundi. Engin eftirfylgni er af
hálfu heilbrigðisyfirvalda með þeim
sem útskrifast af stofnunum og því
skapast sú hætta að fólk veikist fljótt
aftur. Spurði hún forsætisráðherra
hvers geðsjúkir og aðstandendur
þeirra auk starfsfólks í heilbrigðis-
þjónustunni mættu vænta frá ríkis-
valdinu.
Forsætisráðherra sagðist ekki
geta útlistað í smáatriðum í hverju
aðgerðir ríkisvaldsins yrðu fólgnar.
Hann lagði áherslu á að stefnuræðan
hefði falið í sér vilja ríkisstjórnarinn-
ar allrar í þessum málaflokki. Eink-
um þó heilbrigðisráðherra sem hefði
viljað gera þessu máli sérstök skil og
verið áfram um að lögð yrði á þau
sérstök áhersla í stefnuræðunni.
Sagði hann að m.a. væri litið til
þess sem fram kæmi í heilbrigðis-
áætlun til næstu tíu ára sem sam-
þykkt hefði verið á Alþingi.
„Ég tel að þessi málaflokkur sé
miklu stærri í sniðum en við almennt
gerum okkur grein fyrir vegna eðlis
hans og með hvaða hætti þessi sjúk-
dómur getur dulist mörgum. Það lýt-
ur ennþá þeim lögmálum, því miður,
að menn fara í felur með sjúkdóma af
þessu tagi. Fyrir því er rótgróin hefð
þótt augu manna hafi opnast fyrir
því að þetta sé sjúkdómur eins og
aðrir. Reyndar umfangsmeiri en aðr-
ir í mörgum tilfellum og hann þurfi
að ræða opinskátt,“ sagði Davíð.
Ásta Ragnheiður kvaðst fagna
sérstaklega yfirlýsingu forsætisráð-
herra. Sagðist hún vonast til þess að
sjá sem fyrst áhrif þessara orða.
Davíð Oddsson forsætisráðherra
Geðheilbrigðis-
mál í forgang
NÁTTÚRUVERNDARSAMTÖK
Austurlands, NAUST, segja ótví-
rætt að Skipulagsstofnun hefði lög-
um samkvæmt átt að meta 420 þús-
und tonna álver og 233 þúsund tonna
rafskautaverksmiðju í Reyðarfirði
hvort í sínu lagi. Hafa samtökin kært
úrskurð stofnunarinnar til umhverf-
isráðherra.
Skipulagsstofnun féllst sem kunn-
ugt er á fyrirhugaða byggingu álvers
og rafskautaverksmiðju í Reyðar-
firði. Í fréttatilkynningu frá samtök-
unum segir að báðar verksmiðjurnar
séu matsskyldar samkvæmt lögum
og umhverfisráðherra hafi ekki tekið
ákvörðun um annað. Því hafi átt að
meta þær hvora fyrir sig. „Í stað
þess var mat á rafskautaverksmiðj-
unni samtvinnað mati á álverksmiðj-
unni í matsskýrslu Reyðaráls hf.
(maí 2001) og auk þess þannig búið
um að illmögulegt var fyrir almenn-
ing að átta sig á áhrifum hvorrar
framkvæmdar um sig,“ segir í til-
kynningunni.
Kröfur NAUST samkvæmt kær-
unni eru að úrskurður Skipulags-
stofnunar verði felldur úr gildi og
framkvæmdinni í heild hafnað. Til
vara er þess krafist að aðeins verði
leyfð bygging fyrri áfanga álverk-
smiðju án rafskautaverksmiðju.
Þrautavarakrafa er að hafnað verði
byggingu rafskautaverksmiðju.
Hollustuvernd meti raf-
skautaverksmiðju
Þá hafa Náttúruverndarsamtök
Íslands sent umhverfisráðherra
stjórnsýslukæru vegna úrskurðar
Skipulagsstofnunar um matsskýrslu
Reyðaráls. Kæra Náttúruverndar-
samtakanna beinist einkum að því að
Norsk Hydro/Reyðaráli verði gert
skylt að leggja fram nauðsynleg
gögn til þess að Hollustuvernd rík-
isins geti metið hvort sú tækni sem
nýtt er í rafskautaverksmiðju Norsk
Hydro í Sunndal sé betri eða verri
kostur en sú sem fyrirhugað er að
nýta í Reyðarfirði.
RAFLEIÐNI í Múlakvísl á Mýrdals-
sandi hefur verið að aukast jafnt og
þétt frá því fyrir helgi, að sögn
Sverris Elefsen, sérfræðings hjá
Vatnamælingum Orkustofnunar, en
enginn vöxtur hefur þó orðið í ánni
samhliða aukinni leiðni. Sverrir
sagði í samtali við Morgunblaðið í
gær að leiðnin hefði þá verið komin
upp í 220 S/cm en ástæðan er
„minniháttar leki jarðhitavatns út í
Múlakvísl frá Kötlujökli“ en Kötlu-
jökull er skriðjökull sem gengur
suðaustur úr Mýrdalsjökli.
Reynir Ragnarsson, fyrrverandi
lögregluvarðstjóri í Vík í Mýrdal,
flaug yfir jökulinn í gær og sagði að
sér sýndist sem smávægilegar breyt-
ingar hefðu orðið á jöklinum austan
til. „Mér sýndist sem það hefði sigið
aðeins og sprungið á kafla á jökl-
inum austanverðum.“ Hann sagði að
það þyrfti þó ekki að sýna yfirvof-
andi goshættu. Reynir segir að mikil
jökullykt hafi borist frá Múlakvísl í
fyrradag og í gærmorgun. Aukin
rafleiðni í Múlakvísl og aukin jök-
ullykt komi alltaf upp öðru hverju.
Jarðhitavatn úr jöklinum virðist
berast frekar í ána á þeim árstíma.
Morgunblaðið/Jónas Erlendsson
Mikil jökullykt hefur borist frá Múlakvísl vestast á Mýrdalssandi.
Aukin leiðni í Múlakvísl
Kæra úrskurð um
álver í Reyðarfirði
Telja að
ekki sé far-
ið að lögum
„EF ÞAÐ er mat stjórnar að það
þjóni best hagsmunum Landssíma
Íslands, að ég taki mér tímabundið
hlé frá störfum á meðan kjölfestu-
fjárfestirinn er fundinn, þá er ég að
sjálfsögðu reiðubúinn til þess,“
sagði Þórarinn V. Þórarinsson, for-
stjóri Landssíma Íslands, í samtali
við Morgunblaðið í gærkvöldi, en
hann hefur óskað eftir fundi með
stjórn fyrirtækisins um þetta mál í
dag.
Þórarinn V. Þórarinsson sendi frá
sér yfirlýsingu í gærmorgun, þar
sem hann tilkynnti að hann hefði
sagt sig úr stjórnarstörfum í stjórn
Þróunarfélagsins og Lífeyrissjóðs-
ins Framsýnar en báðir þessir að-
ilar eiga hluti í Opnum kerfum hf.
Það fyrirtæki hefur síðan lýst áhuga
á að verða ásamt öðrum kjölfestu-
fjárfestir í Landssímanum.
Þórarinn V. Þórarinsson kvað
þetta vera viðbrögð sín við um-
ræðum, sem fram hefðu farið um
hugsanleg hagsmunatengsl á milli
hans og eins bjóðenda. Hann sagðist
þannig vilja hreinsa andrúmsloftið.
„Ég hef hins vegar í dag orðið
þess áskynja að ýmsir telji að ekki
séu nægileg skil gerð á milli mín og
Opinna kerfa með þessum hætti.“
Af þeim sökum kvaðst Þórarinn
hafa óskað eftir fundi með stjórn
Landssímans eins og að framan
greinir.
Yfirlýsing Þórarins V.
Þórarinssonar
Yfirlýsing forstjóra Landssímans
er svohljóðandi:
„Í síðustu viku varð ljóst að í hópi
mögulegra bjóðenda í kjölfestuhlut í
Símanum er eitt innlent fyrirtæki,
Opin kerfi hf. Stærsti einstaki eig-
andi þess fyrirtækis er Þróunar-
félag Íslands hf., sem á um fjórðung
hlutafjár. Undirritaður hefur átt
sæti í stjórn Þróunarfélagsins sl.
átta ár og litlu skemur í stjórn Líf-
eyrissjóðsins Framsýnar sem einnig
á hlut í Opnum kerfum hf.
Í stjórnarstörfum koma iðulega
upp mál þar sem einhver stjórn-
armanna er vanhæfur til umfjöll-
unar og víkur þá af fundi. Ég hef
því að sjálfsögðu aldrei komið að
umræðum eða ákvörðunum um mál
sem tengjast Landssímanum, né
heldur öðrum fjarskiptafyrirtækjum
á þessum vettvangi eftir að ég kom
að stjórnun í Landssíma Íslands hf.
Í tilboðsferlinu sem framundan er
er afar mikilvægt að enginn efist
um að fyllstu hlutlægni verði gætt á
öllum sviðum og að ekkert í um-
gjörð mála geti gefið erlendum
bjóðendum tilefni til að efast um
það. Ég hef því ákveðið að segja
mig frá stjórnarstörfum í Þróunar-
félaginu og Framsýn. Með þessari
ákvörðun vil ég undirstrika að eng-
inn vafi leiki á að í störfum mínum
sem forstjóri Landssímans hef ég
engra annarra hagsmuna að gæta
en hagsmuna Landssímans og eig-
enda hans.“
Snýst um að gera veg Símans
sem allra mestan
„Málið snýst auðvitað um það eitt
að gera veg Símans sem allra mest-
an,“ sagði Þórarinn V. Þórarinsson,
„og ég vildi síst af öllu verða til þess
að einhver minnsti vafi væri uppi
gagnvart erlendum aðilum um að
ferlið sé opið og hlutlaust og óbund-
ið af öllum öðrum hagsmunum.
Mikill áhugi erlendra aðila á Sím-
anum er til marks um að þeir telja
fyrirtækið áhugaverðan fjárfesting-
arkost. Reksturinn er traustur og
stefnumótun fyrirtækisins og mark-
aðssýn hefur vakið athygli. Síminn
hefur tekið forystu í þróun og mark-
aðssetningu nýrra hátæknilausna,
sem hafa höfðað sterkt til neytenda
og fyrirtækja. Ég hef skynjað að
fjarskiptafyrirtækin í hópi bjóðenda
telja sig geta sótt ýmislegt til okkar
og það gerir samstarf við þau ein-
staklega áhugavert. Við Íslendingar
þurfum farvegi til að flytja út tækni-
þekkingu og Síminn er orðinn slíkur
farvegur.
Staða fyrirtækisins er sterk og
margt áhugavert í pípunum. Fyr-
irtækið býr að gríðarlega öflugum
hópi starfsmanna til að fylgja því
fram. Það eru því miklir hagsmunir
í því bundnir að fá traustan kjöl-
festufjárfesti að félaginu og til-
hlökkunarefni að koma að mótun
framtíðarstefnu með nýju sam-
starfsfyrirtæki.“
Sturla Böðvarsson samgönguráð-
herra og Friðrik Pálsson, stjórnar-
formaður Símans, kusu að tjá sig
ekki um málið í gær. Hreinn Lofts-
son, formaður einkavæðingarnefnd-
ar, sagðist í samtali við Morgun-
blaðið ekki hafa haft tækifæri til að
kynna sér málið og hann gæti því
ekki tjáð sig að svo stöddu.
Þórarinn V. Þórarinsson slítur tengsl við Opin kerfi
„Reiðubúinn að taka mér
tímabundið hlé frá störfum“