Morgunblaðið - 09.10.2001, Side 13

eðlilegt horf og greinilegt að fólk sé
farið að jafna sig. Verslunareigend-
ur telji að ástæða þessa tímabundna
samdráttar hafi einfaldlega verið
áfallið sem fólk varð fyrir frekar en
að um væri að ræða hræðslu við að
vera á ferli. Líklegt er að fréttirnar
af atburðunum hafi haft lamandi
áhrif á fólk og þess vegna hafi það
dregið að versla, að mati Emils.
Matvörukaupmenn urðu hins veg-
ar ekki varir við neina breytingu á
verslunarmynstri fólks eftir 11.
september. Ekki hefur verið gerð
tilraun til að greina hversu mikið
verslunin dróst saman í kjölfar
hryðjuverkanna í Bandaríkjunum.
Áfengissala ÁTVR dróst
saman um 7,44% í september
Ýmislegt bendir til að áhrif
hryðjuverkanna hafi m.a. komið
fram í minnkandi áfengisneyslu
meðal landsmanna. Sala ÁTVR á
áfengi dróst saman í síðasta mánuði
en engar skýringar liggja fyrir á
þeim samdrætti, að sögn Höskuldar
Jónssonar, forstjóra ÁTVR. Minnk-
aði sala á áfengi í lítrum talið í sept-
ember um 7,44% samanborið við
sama mánuð í fyrra.
,,Tölur okkar fyrir september eru
mjög furðulegar. Þetta er í fyrsta
skipti í langan tíma þar sem sala fell-
ur í mánuði samanborið við sama
mánuð á árinu á undan, án þess að
við höfum nokkrar tiltækar skýring-
ar á því,“ segir Höskuldur.
omfr@mbl.is
FRÉTTIR
MORGUNBLAÐIÐ ÞRIÐJUDAGUR 9. OKTÓBER 2001 13
ÞÓTT enn séu tæpar þrjár vikur til
vetrar er farið að bera á hálku á
vegum og ástæða til að vara öku-
menn við varhugaverðum aksturs-
aðstæðum á morgnana. Í gær missti
ökumaður jeppabifreiðar stjórn á
bifreið sinni á Suðurlandsvegi við
Rauðavatn með þeim afleiðingum
að bifreiðin valt. Ökumaður slasað-
ist ekki. Mun þetta vera fyrsta slysið
sem rakið er til hálku á þessu hausti
á höfuðborgarsvæðinu. Stutt er síð-
an kona missti stjórn á jeppabifreið
sinni í N-Þingeyjarsýslu í hálku og
slapp hún með minniháttar meiðsl. Ljósmynd/Unnar Erlingsson
Slapp ómeidd-
ur úr fyrsta
hálkuslysinu
SMÁRALIND, ný verslunar-
miðstöð í Kópavogi, verður
opnuð á morgun kl. 10.10 en af
því tilefni verður haldin fimm
daga opnunarhátíð í verslunar-
miðstöðinni. Dagskrá hátíðar-
innar fer að mestu leyti fram á
tveimur stöðum í Vetrargarði
Smáralindar en auk þess verða
margvíslegar uppákomur um
alla verslunarmiðstöðina sam-
kvæmt því sem fram kemur í
fréttatilkynningu frá Smára-
lind.
Þá kemur fram í fréttatil-
kynningu að nýr vefur Smára-
lindar hafi verið tekinn í gagnið
en slóðin er www.smaralind.is.
Vefurinn er þjónustu- og upp-
lýsingavefur fyrir viðskiptavini
Smáralindar og á honum eru
helstu upplýsingar um verslun-
armiðstöðina og hvaða verslan-
ir og þjónustu þar er að finna.
Á vefnum er m.a. yfirlitskort af
Smáralind þar sem fram kem-
ur hvar verslanir og þjónustu-
aðilar eru í byggingunni.
Fimm
daga opn-
unarhátíð
LÖGREGLUNNI í Borgarnesi
barst tilkynning á laugardag
um grunsamlegar mannaferðir
á Holtavörðuheiði. Síðdegis
sama dag stöðvaði lögreglan
síðan rjúpnaveiðimann sem
hafði skotið 55 rjúpur á Holta-
vörðuheiðinni. Þar sem rjúpna-
veiðitíminn byrjar ekki fyrr en
15. október lagði lögreglan hald
á rjúpurnar og skotvopn
mannsins.
Að sögn lögreglunnar hefur
nokkuð borið á því síðastliðin ár
að veiðimenn þjófstarti og fari
of snemma til rjúpnaveiða. Hef-
ur lögreglan haft töluvert eft-
irlit með heiðum og fjallvegum í
sínu umdæmi vegna þessa. Auk
hefbundinna aðferða hefur lög-
reglan einnig notast við eftirlit
úr flugvél með góðum árangri
og verður sá háttur hafður á í
haust.
55 rjúpur
og skotvopn
tekin af
veiðimanni
SÓLVEIG Pétursdóttir dóms- og
kirkjumálaráðherra hefur skipað sr.
Sigurð Ægisson sóknarprest á Siglu-
firði til fimm ára.
Valnefnd vegna skipunar sóknar-
prests á Siglufirði komst ekki að ein-
róma niðurstöðu og var málið sent
biskupi Íslands til úrskurðar. Hann
lagði til að sr. Sigurður Ægisson yrði
skipaður í embættið og var það gert
sl. föstudag, en auk sr. Sigurðar sóttu
guðfræðingarnir Þórður Guðmunds-
son, Halldóra Ólafsdóttir og Stefán
Már Gunnlaugsson um stöðuna.
Sr. Sigurður
skipaður
prestur á
Siglufirði