Morgunblaðið - 27.10.2001, Blaðsíða 8

FRÉTTIR
8 LAUGARDAGUR 27. OKTÓBER 2001 MORGUNBLAÐIÐ
Síðasti dagur sérpantana fyrir jól er 27 okt.
Opið
mánudaga - föstudaga
frá 10:00 til 18:00
laugardaga
frá 10:00 til 16:00
R E Y K J A V Í K - O S L Ó
exó húsgaganvaerslun
Fákafeni 9 108 Reykjavík
sími 568 2866 fax 568 2866
www.exo.is exo@exo. is
Nýtt tímarit um íþróttir
Sportlíf fyrir
almenning
FYRSTA tölublaðtímaritsins Sport-líf kom út um
miðjan október. Tímaritið
fjallar um almennings-
íþróttir, m.a. hvernig á að
koma sér í gott líkamlegt
form. Blaðið er gefið út af
Sporti og heilsu ehf., en
eigendur þess eru Hann-
es Ingi Guðmundsson,
ritstjóri og ábyrgðarmað-
ur Sportlífs, og Hafsteinn
Sigurþórsson fram-
kvæmdastjóri.
– Hvernig kviknaði
hugmyndin að útgáfu
Sportlífs?
„Við Hafsteinn sáum
þetta tímarit fyrst á
Spáni fyrir tveimur árum,
en þar hefur það verið á
markaði um allangt skeið
og notið mikilla vinsælda. Mán-
aðarlegt upplag þar er 150 þús-
und eintök. Blaðið er einnig gefið
út í Portúgal, Argentínu, Brasilíu
og í Bandaríkjunum. Við fórum í
höfuðstöðvar útgefendanna, Mot-
orpress-Ibérica í Madríd og náð-
um samningum um að gefa blaðið
út hér á landi. Við sáum strax í
hendi okkar að svona blað vantaði
alveg á íslenska tímaritamarkað-
inn og töldum tíma til kominn að
bæta þar úr. Fyrir rúmum mán-
uði hófum við vinnu við fyrsta
tölublaðið, sem nú hefur litið
dagsins ljós.“
– Er efni blaðsins allt fengið frá
Spáni?
„Já, við getum valið úr miklum
fjölda greina sem birst hafa í
Sport Life á Spáni. Þar er gefið út
140 síðna blað mánaðarlega, en
fyrsta tölublað Sportlífs er 76 síð-
ur. Fjórir þýðendur sjá um að
snara textanum yfir á íslensku og
staðfæra hann. Við verðum að
sjálfsögðu að sníða blaðið að ís-
lenskum markaði. Á Spáni er
sumar í níu mánuði á ári, en hérna
er því öfugt farið og við stefnum
auðvitað að því að birta greinar
um þær íþróttagreinar, sem fólk
vill og getur lagt stund á hér á
landi. Í þessu fyrsta tölublaði er
grein um hvernig fólk sem stund-
ar hlaup getur orðið sinn eigin
einkaþjálfari og greininni fylgir
tafla með æfingaáætlun og skýr-
ingamyndir sem sýna góðar
teygjuæfingar. Önnur grein
fjallar um hvernig bæta megi
sundtökin, sú þriðja um fjöl-
breyttar æfingar sem hægt er að
gera með einum lyftingabekk og
lóðum, við birtum uppskriftir að
léttum og fljótlegum réttum,
kennum réttar magaæfingar,
fjöllum um kolvetni, útskýrum
starfsemi hjartans og leiðbeinum
um þær teygjuæfingar sem henta
hverri íþrótt. Og er þó ekki allt
talið af efni þessa tölublaðs.“
– Til hvaða lesendahóps ætlið
þið að ná?
„Sportlíf er sniðið að þörfum
allra aldurshópa, jafn almennings
sem keppnisfólks í íþróttum.
Núna er greinilega mikil heilsu-
vakning hjá Íslendingum, sem
sést skýrt á fjölbreytilegri um-
fjöllun í fjölmiðlum, og
við teljum mikinn
markað fyrir blað af
þessu tagi, þar sem
farið er nákvæmlega í
æskilegar æfingaáætl-
anir og hvernig eigi að beita lík-
amanum við æfingar. Uppsetning
tímaritsins er með þeim hætti að
upplýsingarnar eru mjög að-
gengilegar öllum og auðvelt að
vinna eftir skýringarmyndunum.“
– Verður Sportlíf með umfjöll-
un um líkamsrækt á Íslandi?
„Ef lesendur hafa áhuga á um-
fjöllun um tiltekið efni er þeim
velkomið að láta okkur vita, því
við getum nálgast mjög fjöl-
breyttar greinar hjá Sport Life.
Greinarnar eru mjög vel unnar og
við myndum aldrei hafa bolmagn
til að gefa út svo ítarlegt og vand-
að efni ef það væri allt unnið hér á
landi. Hins vegar stefnum við að
því að taka ýmislegt íslenskt efni
inn í blaðið, eftir því sem efni og
ástæður eru til.“
– Hvernig hefur blaðinu verið
tekið?
„Fyrsta tölublaðið kom út 15.
október og salan hefur gengið
framar öllum vonum. Við prent-
uðum blaðið í sjö þúsund eintök-
um og það er víða uppselt. Það
staðfestir það sem við vissum, að
svona blað vantaði alveg á mark-
aðinn hér, enda var fólk farið að
spyrjast fyrir um blaðið í versl-
unum áður en fyrsta tölublaðið
kom úr prentun. Það er því ljóst
að næsta tölublað verður prentað
í stærra upplagi og við gerum
okkur vonir um að upplag desem-
berblaðsins verði 10–12 þúsund
eintök. Auglýsingasöfnun hefur
gengið ótrúlega vel og okkur hef-
ur gengið ágætlega að safna
áskrifendum. Þegar fólk kynnist
blaðinu betur sér það sér áreið-
anlega hag í að gerast áskrifend-
ur og fá hvert blað á 699 krónur, í
stað 899 króna í lausasölu.“
– Er næsta tölublað Sportlífs
komið í vinnslu?
„Já, við erum búnir að leggja
línurnar og nú er kom-
inn tími fyrir vetrar-
íþróttirnar. Við ætlum
því að fjalla meðal ann-
ars um skíði og snjó-
bretti, en líka borð-
tennis og lófalestur. Lófalest-
urinn flokkast nú seint undir
íþróttir, en við viljum lauma ým-
iss konar fróðleik með annarri
umfjöllun. Svo eru kenndar jóga
slökunaræfingar sem hægt er að
gera á skrifstofunni, fjallað um
mataræði og líkamsræktarleynd-
armál ofurfyrirsætunnar Cindy
Crawford upplýst.“
Hannes Ingi Guðmundsson
 Hannes Ingi Guðmundsson
fæddist í Reykjavík 30. sept-
ember 1963. Hann lauk stúd-
entsprófi frá MR og hefur lagt
hönd á margt, m.a. selt bíla hjá
B&L, starfað hjá tollgæslunni í
Reykjavík, lært spænsku við HÍ
og verið fararstjóri á Spáni. Þá
rak hann eigið markaðs- og
sölufyrirtæki, Gula punktinn.
Frá 1998 var hann markaðs-
og sölustjóri tímaritsins Lif-
andi vísindi. Eiginkona hans er
Ingibjörg Elísabet Jóhanns-
dóttir hárgreiðslukona. Sonur
þeirra er Jóhann Snær, 5 ára.
Hannes Ingi á einnig Andreu
Björk, 13 ára.
Vantaði alveg
svona tímarit
á Íslandi
Áfram kristmenn krossmenn.
Sektaður fyrir
að rækta kann-
abisplöntur
HÉRAÐSDÓMUR Reykjavíkur
dæmdi í fyrradag hálffertugan karl-
mann til að greiða 25.000 króna sekt
til ríkissjóðs fyrir að rækta fjórar
kannabisplöntur á heimili sínu.
Lögregla fann og lagði hald á
kannabisplönturnar við húsleit á
heimili mannsins í janúar sl. Játaði
hann greiðlega að hafa ræktað plönt-
urnar og hafa haft þær í sínum
vörslum. Undir rekstri málsins leið-
rétti lögreglustjórinn í Reykjavík
ákæru sína þannig að fallið var frá
ákæru sérstaklega vegna 146,15
gramma af maríjúana.
Í niðurstöðum dómara segir að
rannsókn lögreglu hafi verið nokkuð
ábótavant varðandi viðleitni til að
sýna fram á umfang og alvöru brots-
ins. Hafi því verið haldið fram af
hálfu ákæruvaldsins að plönturnar
hafi samsvarað 146,15 g af maríj-
úana. Plönturnar hafi verið klipptar
niður og vigtaðar án þess að greina
þær frekar og án þess að tiltekið
væri hvort þar væri um að ræða
bæði stilka og blöð og ekki væri til-
greint hvort þær voru vigtaðar
ferskar eða þurrkaðar. Sagði dómari
að af þessum ástæðum væri óljóst
hversu mikið magn af maríjúana
plönturnar hefðu í raun gefið af sér.
Af þeim sökum yrði manninum ein-
ungis gerð lágmarksrefsing fyrir
brot af þessu tagi, eða 25.000 króna
sekt í ríkissjóð.
Yrði sektin ekki greidd innan fjög-
urra vikna skyldi ákærði sæta fang-
elsi í sex daga.
Hjördís Hákonardóttir kvað upp
dóminn. Svavar Pálsson sótti málið
fyrir hönd lögreglustjórans í
Reykjavík en Brynjar Níelsson hrl.
var til varnar.
Stikur sett-
ar upp á
Kjalvegi
VEGAGERÐIN hefur sett plaststik-
ur á um 10 km kafla á Bláfellshálsi á
Kjalvegi og auka þær öryggi í vetr-
arferðum um veginn.
Það var fyrir tilstuðlan Ferða-
klúbbsins 4x4, áhugamannasamtaka
jeppaeiganda sem ferðast mikið um
hálendið, að Vegagerðin fór út í þess-
ar framkvæmdir. Þóttu þær orðnar
nauðsynlegar svo jeppamenn gætu
farið um Kjalveg allan ársins hring án
þess að lenda utan vegar og jafnvel að
villast, að sögn Arnþórs Þórðarsonar,
varamanns í stjórn félagsins.
Ferðaklúbburinn 4x4 hefur verið
starfræktur í 17 ár og eru deildir um
allt land. Í honum eru hátt í 2.000
manns og hefur félagsmönnum fjölg-
að mikið síðustu árin, en áhugi á
jeppaferðum um hálendið að vetrar-
lagi hefur aukist mikið í kjölfarið.
Arnþór segir að það sé von fé-
lagsmanna að stikurnar á Bláfells-
hálsi séu aðeins byrjunin á enn meiri
framkvæmdum hjá Vegagerðinni á
hálendinu, svo hægt verði að ferðast
þar um á veturna og af meira öryggi.