Morgunblaðið - 27.10.2001, Blaðsíða 29

LISTIR
MORGUNBLAÐIÐ LAUGARDAGUR 27. OKTÓBER 2001 29
NÍNA Margrét Grímsdóttir píanó-
leikari hlaut á dögunum töluvert lof
fyrir flutning sinn á píanóverkum
Páls Ísólfssonar í danska tónlistar-
tímaritinu High Fidelity, sem segir
hana hæfileikaríkan einleikara.
Er það plata með safni píanó-
tónverka Páls sem vakti athygli
blaðsins og segir gagnrýnandinn
plötuna innihalda sitt lítið af hvoru,
bæði í stílfræðilegum skilningi og
eins hvað píanóleikinn varðar. Þrjú
píanóverk í ópus 5 leiði hugann til
dæmis að verkum Chopin, enda séu
þau „alvöru píanótónlist sem eru
virkilega þess virði að hlýða á“.
Verk eins og Svipmyndir minni þá á
norrænu tónskáldin Carl Nielsen
og Grieg, en verkin á plötunni séu
allt frá því að skipta litlu máli og yf-
ir í að teljast mjög svo áhugaverð.
Tónlistarhæfileikar Nínu Mar-
grétar leyni sér þá ekki. „Hún skar-
ar fram úr með óvenju fallegum
áslætti, ljómandi góðu tóneyra,
skammlausri tækni og skilningi á
sérkennum tónlistarinnar,“ segir
gagnrýnandi High Fidelity sem lýk-
ur umfjöllun sinni á orðunum: „Hún
lætur vel að jafnvel minnstu smáat-
riðum – og ég tel að hún geri tón-
listina enn betri en hún er af hendi
tónskáldsins.“
Fær góða
dóma í High
Fidelity
Nína Margrét Grímsdóttir
AKADEMIA non Grata, hóp-
ur gjörningalistamanna frá
Eistlandi, flytur fyrirlestur í
LHÍ, Laugarnesi, nk. mánu-
dag kl. 12.30. Non Grata-hóp-
urinn hefur framið gjörninga
víða um lönd. Fyrirlesturinn
nefna þau: „Non Grata Pres-
ents“ og munu sýna mynd-
bönd og fjalla um gjörninga í
heimalandi sínu.
Valgerður Tinna Gunnars-
dóttir, iðnhönnuður og kennari
við LHÍ, fjallar um sýninguna
„Kollur í kassanum“ á fyrir-
lestri í Skipholti 1 nk. mið-
vikudag, kl. 12.30. Sýninguna
vann hún í samstarfi við Kar-
en Chekerdjian kollega sinn í
Beirút og um þátttöku þeirra í
hinni árlegu húsgagnasýningu
Salone Del Mobile í Mílanó í
apríl síðastliðnum.
Námskeið
Endurmenntunarnámskeið
fyrir textíllistamenn hefst 8.
nóvember. Kennari er Sirrý
Örvarsdóttir, hönnuður og
textíkennari. Námskeiðið
Rýmishönnun hefst 6. nóvem-
ber. Kennari Elísabet V. Ingv-
arsdóttir, innanhússarkitekt
FHI. Námskeið í áferðarmál-
un hefst 2. nóvember. Kennari
Victor G. Cilia myndlistarmað-
ur. Árni Pétur Guðjónsson
leikari leiðbeinir á námskeið-
inu Spuni – list augnabliksins
sem hefst 5. nóvember.
Fyrirlestrar
og nám-
skeið
hjá LHÍ
ÞRENNUM tónleikum á Sunnu-
dags-matinée, sem vera áttu í Tón-
listarhúsinu Ými fram að áramótum,
er frestað vegna meiðsla en Gerrit
Schuil píanóleikari varð fyrir því
óhappi á tónleikaferð sinni um
Þýskaland og Holland að fingur-
brotna og getur þar af leiðandi ekki
leikið á hljóðfærið fyrr en eftir ára-
mót.
Tónleikar Gerrits og hollenska
bassabarítonsöngvarans Hans Zom-
er, sem fyrirhugaðir voru hinn 28.
október nk., verða haldnir sunnu-
daginn 10. febrúar á næsta ári. Þeir
Gerrit og Hans Zomer flytja þá
Vetrarferðina eftir Franz Schubert,
en það verk hljóðrituðu þeir nýlega á
geisladisk sem kom út í Hollandi nú í
mánuðinum.
Tónleikum í
Ými frestað
BJÖRN Hafberg, sagnfræðingur og
frístundamálari, opnar málverka-
sýningu á veitingastaðnum Horninu
í Hafnarstræti, í dag kl. 14.
Innpakkað land og verðfallin gildi
eru helstu viðfangsefni myndanna
tuttugu sem sýndar eru að þessu
sinni.
Ennfremur sýnir Björn um þessar
mundir myndröð sem nefnist
menntavegurinn, í Fjölbrautaskóla
Suðurlands, sem um þessar mundir
heldur upp á 20 ára afmæli sitt.
Innpakkað
land á Horninu
PÍKUSÖGUR verða sýndar í Fjöl-
brautaskólanum á Sauðárkróki í dag
og á sunnudag kl. 17 í Félagsheim-
ilinu á Blönduósi. Í nóvember munu
Píkusögur fara í leikferð til Kirkju-
bæjarklausturs og Víkur í Mýrdal. Á
milli leikferða eru sýningar í Borg-
arleikhúsinu.
Það eru Halldóra Geirharðsdóttir,
Sóley Elíasdóttir og Jóhanna Vigdís
Arnardóttir sem segja sögurnar í
leikstjórn Sigrúnar Eddu Björns-
dóttur.
Píkusögur á
leið norður
SJÖ kórar frá Kópavogi og Reykja-
vík halda tónleika í Hjallakirkju í
dag kl. 17. Þetta eru kórar Árbæj-
arkirkju, Breiðholtskirkju, Digra-
neskirkju, Fella- og Hólakirkju,
Grafarvogskirkju, Hjallakirkju og
Seljakirkju. Kórarnir munu syngja
hver í sínu lagi, undir stjórn síns
söngstjóra.
Sjö kóra
tónleikar
♦ ♦ ♦
♦ ♦ ♦
♦ ♦ ♦
SIGURGEIR Agnarsson sellóleikari
og Steinunn Birna Ragnarsdóttir
píanóleikari halda tónleika í Hásöl-
um, safnaðarheimili Hafnarfjarðar-
kirkju, á morgun kl. 16.
Á efnisskránni er sónata nr. 6 í C
dúr eftir Luigi Boccherini, sónata op.
102 nr. 1 eftir L.v. Beethoven, Sol-
itaire eftir Hafliða Hallgrímsson og
Le Grand Tango eftir Astor Piazz-
olla.
Bryndís Halla Gylfadóttir selló-
leikari verður þeim tveimur til full-
tingis við flutning eins verkanna.
Steinunn Birna
Ragnarsdóttir
Sigurgeir
Agnarsson
Tónleikar
í Hásölum
Nýlistasafnið
Hjálmar Sveinsson, annar tveggja
sýningarstjóra sýningarinnar Omd-
úrman, Margmiðlaður Megas í Nýló,
verður með leiðsögn um sýninguna á
morgun kl. 15.
Aðgangur er ókeypis. Safnið er
opið frá 12-17.
Hafnarborg
Leiðsögn um sýninguna ListVerk-
un í Hafnarborg, menningar- og
listastofnunar Hafnarfjarðar, verður
á morgun kl. 16.
Leiðsögn
um sýningar
DJASSTÓNLEIKAR verða
haldnir í Listasafni Reykjavík-
ur – Kjarvalsstöðum á morgun
kl. 16. Tónleikarnir eru tileink-
aðir Kristjáni Guðmundssyni
myndlistarmanni, en í safninu
stendur nú yfir sýning á verk-
um hans.
Þar leikur kvartett kontra-
bassaleikarans Tómasar R.
Einarssonar, en auk hans skipa
hljómsveitina þeir Jóel Páls-
son, tenórsaxófón, Eyþór
Gunnarsson, píanó og Matthías
M.D. Hemstock, trommur. Áð-
ur en tónleikar Berlínarkvart-
ettsins hefjast, eða kl. 15, verð-
ur leiðsögn um sýningu Krist-
jáns Guðmundssonar.
Djasstón-
leikar á Kjar-
valsstöðum
MÁLVERK TIL SÖLU
Einnig verk eftir:

Einar Hákonarson

Georg Guðna

Gunnlaug Blöndal

Hafstein Austmann

Hörpu Björnsdóttur

Karólínu Lárusdóttur

Pétur Gaut

Sigurbjörn Jónsson

Svavar Guðnason

Valgarð Gunnarsson
10% afsl. af allri innrömmun út nóv.
SMIÐJAN
Innrömmun - Listhús
Ármúla 36, sími 568 3890.
Muggur
Jón Engilberts Gunnlaugur Scheving
Júlíana Sveinsdóttir
Opið í dag, laugardag, frá kl. 14-18
Fyrir fjársterkan aðila leitum við að góðri
Kjarvalsmynd.