Morgunblaðið - 27.10.2001, Blaðsíða 12

Morgunblaðið/Árni Sæberg
Það vantaði ekki ákafann í spilamennskuna hjá ungum sem öldnum og ekki annað að sjá en
að þeir hafi notið samvistanna enda margt sem kynslóðirnar geta miðlað hver annarri.
ÞAÐ var ekki að sjá að ald-
ursmunurinn truflaði fólkið
sem kom saman í Gerðubergi
á fimmtudag og spilaði fé-
lagsvist þó að tugir ára skildu
að. Þarna voru á ferðinni
eldri borgarar víðs vegar af
höfuðborgarsvæðinu og tólf
ára börn úr bekk 72 í Hóla-
brekkuskóla.
Félagsstarf eldri borgara í
Gerðubergi, Fræðslumiðstöð
Reykjavíkur og grunnskólar í
Breiðholti hafa unnið að því
að tengja saman kynslóðirnar
í hverfinu með samtali, sam-
veru og samskiptum og var
félagsvistin á fimmtudag
fyrsti liðurinn í því. Reyndar
komu eldri spilamennirnir
ekki allir úr nágrenninu held-
ur létu sig ekki muna um að
koma vestast úr vest-
urbænum ef því var að skipta
til að grípa í spilin með
krökkunum.
Meðal þeirra sem sökktu
sér niður í spilamennskuna
var Jón Pálsson, betur þekkt-
ur sem Jón Bondó, en það við-
urnefni fékk hann í Vest-
mannaeyjum þar sem „annar
hver maður er uppnefndur“
eins og hann útskýrir sjálfur.
Spurður um aldur segist hann
vera ungur eða 67 ára. Einn
af spilafélögum Jóns var
Andrea Rós Sigurðardóttir
sem er tólf ára en henni þykir
rosalega gaman að spila við
gamla fólkið sem er skemmti-
legt að hennar mati þótt það
sé öðruvísi en hún bjóst við.
„Það er kannski svolítið að
segja manni hvernig maður á
að spila,“ segir hún en þetta
er ekki í fyrsta sinn sem hún
spilar félagsvist. „Við spil-
uðum einu sinni á þemadög-
um í skólanum.“
Engar stórar vitleysur
Jón segir orðið nokkuð
langt síðan hann spilaði síðast
við ungt fólk en spilamennsk-
una hefur hann í blóðinu. „Ég
hef verið spilafíkill frá því að
ég var barn því það var spilað
mikið í mínum foreldra-
húsum. Ég var t.d. 11–12 ára
gamall þegar ég var farinn að
spila brids við foreldra mína.“
Jón segir framtakið mjög
gott. „Ef fullorðna fólkið má
ekki vera að því að kenna
börnunum þá læra þau þetta
aldrei og því finnst mér að
þeir sem standa að þessu eigi
heiður skilið.“ Hann segir það
hafa komið sér á óvart hversu
prúð börnin eru og hversu
góðir spilamenn þau eru. „Ég
hef að minnsta kosti ekki orð-
ið var við að þau hafi gert
neina stóra vitleysu,“ segir
hann og kímir.
Það kemur á daginn að
krakkarnir komu honum á
óvart á fleiri vegu: „Ég er hér
í tréskurði og það var talað
um það í gær að hér yrði fé-
Andrea Rós og Jón Bondó hafa áhuga á að grípa oftar í
spilin með hvort öðru á félagsvist í Gerðubergi.
Kynslóðir mætast í
fjörugri félagsvist
Breiðholt
lagsvist en það var ekkert
minnst á börnin. Ég og konan
komum hingað og svo bara
fylltist allt af börnum og það
gladdi mig mjög mikið.“
Andrea heldur að krakkar
eins og hún geti lært mikið af
gamla fólkinu í spilamennsk-
unni. Hún segir þó að annað
hafi borið á góma en bara
spilamennskuna. „Áðan var
verið að spyrja mig að því í
hvaða skóla ég væri og hvort
það væri mikið félagslíf í skól-
anum,“ segir hún en Jón
Bondó ætlar sér þó ekki að
mæta
í félagslífið hjá krökkunum
enda segist hann hafa verið
lítið fyrir skóla í gegnum tíð-
ina:
„Ég var ákaflega latur að
læra því ég var alltaf niðri á
bryggju og 14 ára gamall var
ég kominn til sjós og var að
dunda við það í 47 ár. En ég
hef mjög gaman að því hvað
krakkarnir eru áhugasamir
um þetta og virðast taka vel
eftir þegar maður er að segja
þeim til.“
Læra hvert af öðru
Hann heldur þó að það séu
ekki bara börnin sem geti
lært af þeim sem eldri eru.
„Eins held ég að eldra fólkið
geti lært af börnunum. Ég tók
sérstaklega eftir því hvað þau
eru prúð hérna og lítill hávaði
og það er gaman að tala við
þau og þau eru skýr.“
Andrea segist ekki vera
vön að spila mikið við eldra
fólk. „Afi minn býr í Svíþjóð
en ömmur mínar báðar eru í
nágrenninu. Reyndar býr
önnur amman mín í sömu
blokk og ég og svo býr hin
rétt hjá. En ég hef bara spilað
Olsen-olsen og svoleiðis við
þær, ekkert annað, ég spila
mest við vini mína í skólanum
og oft heima.“
Hún segir að hún myndi
örugglega mæta aftur til að
spila við eldra fólkið ef tæki-
færi gæfist og í sama streng
tekur Jón Bondó sem ætlar að
mæta næst þegar kynslóð-
unum verður stefnt saman.
Það verður gert hinn 1.
nóvember en þá munu tólf ára
börn úr Fellaskóla mæta til
leiks í Gerðubergi til að njóta
samvista við eldri spilamenn.
HÖFUÐBORGARSVÆÐIÐ
12 LAUGARDAGUR 27. OKTÓBER 2001 MORGUNBLAÐIÐ
BORGARRÁÐ hefur sam-
þykkt kaup á Aðalstræti 10
sem er elsta hús í borginni.
Kaupverðið er 42 milljónir
króna.
Í fréttatilkynningu segir að
ætlunin sé að nýta húsið til
margvíslegrar starfsemi
tengdri staðsetningu og sögu
hússins en það er þar sem
talið er að bær Ingólfs Arn-
arsonar hafi staðið. Húsið var
aukinheldur hluti af Innrétt-
ingum Skúla Magnússonar
og markar þannig upphaf
þéttbýlis í Reykjavík.
Hús í Aðalstræti 10 var
fyrst reist árið 1752 og var
þar rekin dúkvefnaðarstofa
sem brann árið 1765, að því
er segir í fréttatilkynning-
unni. Var núverandi hús reist
á rústum dúkvefnaðarstof-
unnar sama ár. Var það notað
sem klæðageymsla í fyrstu
en síðar sem íbúð undirfor-
stjóra Innréttinganna.
Jón forseti átti
aðsetur í húsinu
Árið 1807 eignaðist Geir
Vídalín biskup húsið en árið
1823 keypti konungur húsið
að biskupi látnum. Meðal
þeirra sem hafa átt aðsetur í
húsinu er Jón Sigurðsson for-
seti en bróðir hans Jens bjó í
húsinu. Matthías Johannesen
faktor keypti húsið árið 1873
og bjó þar þangað til húsinu
var breytt í sölubúð árið
1889. Árið 1894 eignaðist
Helgi Zoëga kaupmaður hús-
ið en kaupmennirnir Silli og
Valdi keyptu það árið 1926 og
ráku þar verslun í áratugi.
Veitingarekstur undir
nafninu Fógetinn hófst í
húsinu árið 1984 og hafa
ýmsir veitingastaðir og krár
verið reknar þar síðan. Í dag
er þar veitingastaðurinn
Vídalín.
Húsið var friðað árið 1983
og er nú sem fyrr segir kom-
ið í eigu borgarinnar.
Morgunblaðið/RAX
Húsið við Aðalstræti 10, þar sem nú er rekinn veitingastað-
urinn Vídalín, er komið í eigu borgarinnar.
Borgin kaupir
Aðalstræti 10
Miðborg
TIL stendur að auka mjög við
hreinsun í Hafnarfirði en ný-
lega var tekið í notkun nýtt
húsnæði þjónustumiðstöðvar
bæjarins. Kostnaður við nýju
miðstöðina var um 145 millj-
ónir króna.
Fyrir utan húsið, sem er
1.660 fermetrar að stærð, var
bílakostur miðstöðvarinnar
endurnýjaður. Keyptir voru
bílar fyrir um 20 milljónir en
auk þess eru nokkrir bílar í
rekstrarleigu.
Að sögn Björns Bögeskov
Hilmarssonar garðyrkju-
stjóra hafa verkefni miðstöðv-
arinnar, sem áður var kölluð
Áhaldahúsið, verið að breyt-
ast. „Þetta er að færast yfir í
almenna þjónustu við bæjar-
búa og hreinsun á bænum en
við erum minna í stærri fram-
kvæmdum. Til dæmis höfum
við í ríkari mæli gefið fólki ráð
varðandi lóðir og annað.“
Björn segir að til standi að
auka við alla þjónustu og
nefnir hreinsunarmálin sér-
staklega. „Það er verið að
skipta bænum upp í viðhalds-
svæði fyrir snjómokstur og al-
menna hreinsun. Eins erum
við að vinna að því núna að
gefa út þjónustubók þar sem
allir þeir þættir, sem þjón-
ustumiðstöðin á að sjá um, eru
felldir niður og hún verður að-
gengileg á Netinu og í þjón-
ustumiðstöðinni.“ Hann segir
listann yfir verkefnin ærið
langan. „Það er allt frá hol-
ræsum bæjarins, snjómokstri
og hálkueyðingu til allra leik-
svæða bæjarins, opinna
svæða, garðsláttar og fjölda
annarra verkþátta.“
Að sögn Björns er mikill að-
stöðumunur fólginn í nýja
húsnæðinu fyrir starfsmenn
miðstöðvarinnar. „Þarna ertu
kominn með 1.600 fermetra
hús og hver deild er með sína
aðstöðu en þjónustumiðstöðin
skiptist í þjónustudeild og
umhverfisdeild,“ segir hann.
Hann nefnir að auk sín sé
Reynir Kristjánsson yfirmað-
ur í húsinu en hann er yfir
þjónustudeild.
Morgunblaðið/Kristinn
Björn Bögeskov garðyrkjustjóri við nýtt merki og húsnæði
þjónustumiðstöðvarinnar sem nýlega var tekin í notkun.
Þjónusta við
íbúa aukin
Hafnarfjörður
FRÆÐSLURÁÐI hefur bor-
ist bréf frá íbúa Staðahverfis
þar sem tíunduð er óánægja
foreldra barna í Korpuskóla
varðandi skólamál í hverfinu.
Lúta athugasemdirnar fyrst
og fremst að staðsetningu og
húsnæði skólans.
Í bréfinu segir að sam-
kvæmt aðalskipulagi og deili-
skipulagi hafi skóli fyrir hverf-
ið átt að vera á horni
Bakkastaða og Korpúlfsstaða-
vegar en það sé nokkurn veg-
inn í miðju hverfinu. Hins veg-
ar sé skólinn ekki kominn í
framkvæmd og hönnun ekki
hafin. Bent er á að fjarlægð að
Korpuskóla sé 1,6 kílómetrar
úr nyrstu húsum hverfisins og
gönguleiðir barna í skólann
séu mjög langar.
Þá eru tíundaðar athuga-
semdir varðandi húsnæði skól-
ans. Sagt er að ekki sé hægt að
uppfylla kennsluskyldu þar
sem skortur sé á húsnæði, ekki
sé salur í skólanum þannig að
ekki sé hægt að kalla börn á sal
og leikfimisaðstöðu, mat-
reiðslukennslu og bókasafn
vanti í skólann. Frágangur
gólfa er sagður í ólagi auk þess
sem fjölmargar athugasemdir
hafi verið gerðar af Slökkviliði
höfuðborgarsvæðisins vegna
brunavarna í skólanum.
Er farið fram á að skóla-
akstur hefjist nú þegar og að
hönnun á nýjum skóla verði
hafin strax þannig að verkleg-
ar framkvæmdir geti hafist
næsta sumar.
Einsetning í forgangi
Sigrún Magnúsdóttir, for-
maður fræðsluráðs, segir að ef
vegalengdir í hverfinu séu yfir
viðmiðunarmörkum Fræðslu-
miðstöðvar Reykjavíkur sé
sjálfgefið að hefja skólaakstur
í hverfinu. „Ég dreg ekkert í
efa að það sé satt og rétt að
vegalengdirnar séu þetta lang-
ar því það þarf ekkert annað
en að horfa á hverfið sem er
langt og mjótt. Og ef þetta
stendur heima munum við láta
skólabíl fara eftir aðalgötunni
og það verður bara sett í gang
nú þegar.“
Hún segir ekki á valdi
fræðsluráðs að ákveða hvort
hafist verði handa við hönnun
nýs skóla nú þegar heldur hafi
byggingadeild borgarverk-
fræðings með það að gera. Við
gerð rekstraráætlunar
fræðsluráðs komi í ljós hversu
mikið fé sé til ráðstöfunar fyrir
nýjar byggingar en það sé sá
rammi sem byggingadeildin
vinni innan. „Á næsta fundi
fræðsluráðs kemur bygginga-
deildin til þess að kynna sína
áætlun og þá höfum við í
fræðsluráði tækifæri til að
hafa áhrif á færslu innan
rammans. En við höfum í al-
gjörum forgangi tvísetnu
skólana sem eftir á að einsetja
þannig að það er ekkert sem
breytir því. Einsetningin er
samkvæmt grunnskólalögum
og við það stöndum við,“ segir
Sigrún.
Að hennar sögn er þó ljóst
að stefnt er að byggingu nýs
skóla í hverfinu. Ákveðið hafi
verið að nota Korpúlfsstaði
fyrir starfsemi skólans í stað
færanlegs húsnæðis. „Það var
alltaf talað um það sem bráða-
birgðalausn en svo er það bara
spurning um uppbygginguna,“
segir hún.
Skólaakstur
hefjist í
Korpuskóla
Grafarvogur