Morgunblaðið - 23.11.2001, Blaðsíða 1

269. TBL. 89. ÁRG. FÖSTUDAGUR 23. NÓVEMBER 2001 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 23. NÓVEMBER 2001
HERMENN Norðurbandalagsins
hófu í gær sókn í átt að borginni
Kunduz, síðasta vígi talibana í
norðurhluta Afganistans, eftir að
frestur hermanna talibana til að
gefast upp rann út.
Nokkur hundruð hermanna
Norðurbandalagsins hófu sóknina
og skutu flugskeytum á stöðvar
talibana í Khanabad, um 20 km
austan við Kunduz. Áður höfðu
bandarískar herflugvélar gert
harðar sprengjuárásir á svæðið.
„Við ráðumst fyrst á Khanabad
og sækjum síðan inn í Kunduz,“
sagði Abdul Jamil, yfirmaður hers
Norðurbandalagsins, og bætti við
að barist hefði verið til sólarlags í
grennd við Khanabad. „Við hefjum
sóknina aftur í morgunsárið.“
Norðurbandalagið hefur setið
um þúsundir hermanna talibana í
Kunduz síðan talibönum var stökkt
á flótta frá öðrum borgum í norð-
urhluta Afganistans, m.a. borginni
Mazar-e-Sharif, 9. nóvember.
Talið er að 3.000 til 9.000 talib-
anahermenn séu enn í Kunduz.
Norðurbandalagið sagði að flestir
afgönsku hermannanna í borginni
hefðu fallist á að gefast upp í
samningaviðræðum í fyrrinótt en
talibanar neituðu því.
Um 2.000 erlendir hermenn, að-
allega Pakistanar, arabar og
Tsjetsjenar, sem hafa barist með
talibönum, neituðu að leggja niður
vopn, að sögn Norðurbandalagsins.
Erlendu hermennirnir eru flestir
í al-Qaeda, samtökum sádi-arab-
íska hryðjuverkaforingjans Osama
bin Ladens, og óttast að þeir verði
teknir af lífi gefist þeir upp.
Talsmaður Tonys Blairs, for-
sætisráðherra Bretlands, hvatti
Norðurbandalagið til að forðast
blóðugt uppgjör nái þeir Kunduz á
sitt vald. Hann lagði þó áherslu á
að ekki kæmi til greina að hleypa
liðsmönnum al-Qaeda út úr borg-
inni og leyfa þeim að fara á yf-
irráðasvæði talibana í Suður-Afg-
anistan.
Um 100 talibanar gáfust upp
þegar sóknin hófst og voru fluttir
til Taloqan, höfuðstaðar nágranna-
héraðsins Takhar. Þeir voru sagðir
hafa boðist til að berjast með
Norðurbandalaginu.
Átök blossuðu einnig upp um 20
km suðvestan við Kabúl þar sem
um 600 Pastúnar, sem styðja talib-
ana, hrundu áhlaupi 1.100 her-
manna Norðurbandalagsins.
Allt að 600 lík finnast
í Mazar-e-Sharif
Starfsmenn Rauða krossins
sögðust í gær hafa fundið lík 400-
600 manna í Mazar-e-Sharif eftir
að Norðurbandalagið náði borginni
á sitt vald. Þeir sögðu að ekki væri
vitað hvort mennirnir hefðu verið
teknir af lífi eða fallið í bardögum.
Óstaðfestar fregnir herma að
herlið Norðurbandalagsins hafi
framið fjöldamorð í Mazar-e-Shar-
if.
Her Norðurbandalagsins sækir að síðasta vígi talibana í Norður-Afganistan
Hörð átök blossa upp
í grennd við Kunduz
Reuters
Tveir hermanna Norðurbandalagsins á bæn nálægt borginni Kunduz í norðurhluta Afganistans í gær.
Khanabad. AFP.

Höguðu sér/26
MARGT bendir til, að ástandið í
bandarískum efnahagsmálum sé
betra en áður var talið og af þeim
sökum eru ýmsir farnir að spá því, að
samdráttarskeiðið verði styttra og
mildara en óttast var.
„Tölurnar gefa okkur tilefni til
aukinnar bjartsýni. Samdrátturinn
heldur að vísu áfram en það hefur
hægt verulega á honum,“ segir Mark
Zandi, aðalhagfræðingur Economy-
.com, stofnunar í Pennsylvaníu, sem
fæst við efnahagsspár. „Menn eru al-
mennt dálítið upplitsdjarfari en áður
og eru farnir að trúa því, að sam-
drátturinn verði minni og skamm-
vinnari en flestir óttuðust.“
Enginn spáir því enn, að botninum
hafi verið náð og víst er, að marg-
víslegir erfiðleikar eru framundan.
Talið er, að alls muni um 1,5 milljónir
manna missa vinnuna og hjá öðrum
verður vinnuvikan stytt og ýmiss
konar aukagreiðslur afnumdar.
Jákvæðar fréttir
Horfurnar framundan hafa samt
sem áður breyst og þingmönnum
liggur ekki lengur jafn mikið á að
grípa til aðgerða til að örva efna-
hagslífið.
Hagfræðingar nefna ýmsar
ástæður fyrir þessari breyttu stöðu.
Hernaðurinn í Afganistan hefur
gengið vel og þar með dregið úr
áhyggjum af nýjum hryðjuverkum í
Bandaríkjunum; olíuverð hefur
lækkað verulega, sem út af fyrir sig
jafngildir ríflegri skattalækkun, og
gengi hlutabréfa er nú heldur á upp-
leið eftir mikla lækkun.
Þá benda nýjustu hagtölur til
þess, að bjartsýni bandarískra neyt-
enda hafi aukist á síðustu tveimur
mánuðum.
Nú spá því ýmsir, að samdráttur-
inn á síðasta ársfjórðungi verði 2,3%
í stað 3% og efnahagslífið muni ná
sér á strik snemma á næsta ári. Að
hagvöxtur verði 2,3% á fyrsta fjórð-
ungi og 3,2% allt árið.
Betra útlit í bandarísk-
um efnahagsmálum
Washington. Los Angeles Times.
ROBERTSON lávarður, fram-
kvæmdastjóri Atlantshafs-
bandalagsins (NATO), hitti í
gær Sergei Ívanov, varnarmála-
ráðherra Rússlands, að máli í
Moskvu og ræddu þeir tillögur
Breta um nánara samstarf
bandalagsins við Rússa.
Ívanov sagði að við fyrstu sýn
litist sér vel á hugmyndirnar
sem meðal annars ganga út á að
stofnað verði sérstakt ráð full-
trúa allra NATO-ríkjanna nítján
og Rússlands með aðsetri í
Brussel.
„Við erum ekki að tala um að
Rússland gangi í NATO og [Vla-
dímír] Pútín forseti hefur tjáð
mér skýrt að þeir hyggist ekki
fara í biðröðina,“ sagði Robert-
son. Hann sagði bandalagið vilja
auka hluta Rússa af eiginhags-
munaástæðum, það vildi að stöð-
ugleiki ríkti í sambúðinni.
Fullyrt er að Tony Blair, for-
sætisráðherra Bretlands, hafi
lagt tillögur sínar fram með
fullu samþykki George W. Bush
Bandaríkjaforseta. Samskipti
Rússa og vesturveldanna hafa
batnað mjög eftir að Pútín
ákvað að styðja af kappi Banda-
ríkjamenn í baráttunni gegn
hryðjuverkum.
Robertson sagði „óhugsandi“
að tryggja öryggi í framtíðinni
án náins samstarfs við Rússa.
Yrði af stofnun ráðsins myndi
það merkja vatnaskil, Rússar
fengju „réttindi á jafnréttis-
grundvelli“ en myndu einnig
deila ábyrgð og skyldum með
Atlantshafsbandalaginu.
NATO og
Rússar
boða náið
samstarf
Moskvu. AFP, AP.
FIMM palestínskir drengir á aldr-
inum sex til fjórtán ára biðu bana á
Gaza-svæðinu í gær þegar einn
þeirra sparkaði í ósprungna
sprengju frá ísraelskum skriðdreka.
Sprengjan lá á kjarrlendi milli
byggðar gyðinga og palestínska bæj-
arins Khan Yunis þegar drengirnir
fundu hana á leiðinni í skóla. Lík
fjögurra þeirra voru sundurtætt.
Íbúar Khan Yunis sögðu að palest-
ínskir byssumenn hefðu oft notað yf-
irgefið hús í grenndinni til að skjóta
á gyðingabyggðina og ísraelskir her-
menn svarað með sprengjuárásum.
Átök Ísraela og Palestínumanna
hafa kostað 982 manns lífið frá því í
september á síðasta ári.
Fimm börn
láta lífið í
sprengingu
Gaza-borg. AFP.