Morgunblaðið - 23.11.2001, Blaðsíða 10

FRÉTTIR
10 FÖSTUDAGUR 23. NÓVEMBER 2001 MORGUNBLAÐIÐ
TÓNLISTARSKÓLAKENNARAR
og foreldrar barna í tónlist-
arnámi í Mosfellsbæ fjölmenntu á
miðvikudag á bæjarskrifstofur
Mosfellsbæjar til að afhenda mót-
mæli þar sem lausn langvinns
verkfalls tónlistarkennara virðist
ekki í sjónmáli. Margir ungir tón-
listarnemendur tóku þátt í mót-
mælunum og komu með hljóðfæri
sín sem legið hafa óhreyfð um
fjögurra vikna skeið enda er
enga leiðsögn að fá.
Tónlistarskólakennurum hafa í
heild borist á þriðja þúsund und-
irskriftir, sem safnað hefur verið
þeim til stuðnings í yfirstandandi
kjarabaráttu.
Nú er rúmur mánuður liðinn
frá því að tónlistarskólakennarar
fóru í verkfall.
Aðgerðarleysi mótmælt
Morgunblaðið/Sverrir
Tónlistarkennarar og foreldrar barna í tónlistarnámi afhenda mótmæli í Mosfellsbæ.
NEFND forsætisráðuneytisins
um opinbera eftirlitsstarfsemi
sem í lok árs 1999 fékk það verk-
efni að skoða fyrirkomulag mat-
vælaeftirlits hér á landi hefur
skilað niðurstöðum sínum. Það er
meginniðurstaða nefndarinnar að
núverandi fyrirkomulag matvæla-
eftirlits sé óviðunandi og að eft-
irlitið samræmist ekki kröfum
sem gera verður um skilvirka og
hagkvæma stjórnsýslu til að
tryggja mikilvæga hagsmuni
þjóðarinnar.
Þetta kom fram í svari Davíðs
Oddssonar (D) forsætisráðherra
við fyrirspurn Sigríðar Jóhannes-
dóttur (S).
Forsætisráðherra sagði tillögu
nefndarinnar þá að sameina
stjórnsýslueftirlit með matvælum
innan eins ráðuneytis og einnar
matvælaeftirlitsstofnunar sem
undir það ráðuneyti myndi falla.
Með því móti yrði brugðist við
þeim göllum sem á núverandi
kerfi væru. Hann sagði þessar til-
lögur hafa verið til meðferðar í
ríkisstjórninni. Þar hefðu þær
mikinn stuðning, enda þótt ekki
væri búið að taka endanlega
ákvörðun um undir hvaða ráðu-
neyti matvælastofa mundi heyra.
Þó hefðu sjónir manna beinst að
sjávarútvegsráðuneytinu. Um leið
væri ljóst að fara þyrfti fram upp-
stokkun innan ráðuneyta í tilefni
af samræmingu og tilflutningi af
þessu tagi.
Breytingar á lögum kynntar
strax eftir áramótin
Kvaðst hann vonast til þess að
ríkisstjórnin mundi ljúka þessum
verkefnum sínum fyrir áramót og
kynna breytingar á lögum sem
gera þyrfti um leið og þing kæmi
saman eftir áramótahlé.
Sigríður Jóhannesdóttir fagn-
aði því að málið væri komið á
þennan rekspöl hér á landi, enda
hefði beinlínis verið hvatt til þess
að þetta skref yrði stigið í svo-
nefndri Hvítri bók Evrópubanda-
lagsins fyrir nokkrum árum.
„Ég held að það skipti gríð-
arlega miklu máli fyrir markaðs-
setningu íslenskra afurða í fram-
tíðinni að þessi mál verði í lagi hjá
okkur þannig að það veki traust
að þær vörur sem við erum að
flytja út hafi sætt íslensku mat-
vælaeftirliti. Ég held að það muni
skipta miklu máli fyrir okkur í
framtíðinni og meira máli á er-
lendum mörkuðum en það hefur
gert hingað til,“ sagði Sigríður.
Núverandi fyrirkomulag matvælaeftirlits hér á landi talið ófullnægjandi
Líklegt að allt eftirlit fari
undir sjávarútvegsráðuneyti
LÆKNAFÉLAG Íslands, Lækna-
félag Reykjavíkur, Sérfræðingafélag
ísl. lækna og Félag íslenskra heim-
ilislækna lýsa sig mótfallin lagafrum-
varpi um breytingu á lögum um heil-
brigðisþjónustu og
almannatryggingar sem fjallar m.a.
um forgangsröðun og hvar veita skuli
heilbrigðisþjónustu. Fyrsta umræða
um frumvarpið fór fram í síðasta
mánuði og er það nú til umfjöllunar í
heilbrigðisnefnd.
„Orðalag frumvarpsins um alræð-
isvald ráðherra til að ákveða for-
gangsröðun með óskilgreindum nauð-
synlegum ráðstöfunum gengur gegn
markmiðum samkeppnislaga, stang-
ast á við stefnuyfirlýsingu ríkisstjórn-
arinnar og ákvæði og markmið EES-
samningsins um frjáls viðskipti,“ seg-
ir í lokakafla umsagnar
læknafélaganna.
Engar nýjar valdheimildir
fyrir ráðherra í frumvarpinu
Sigurbjörn Sveinsson, formaður
Læknafélags Íslands, segir að lög-
fræðingar hafi tjáð félagsmönnum að
engar nýjar valdheimildir ráðherra til
handa sé að finna í frumvarpinu. Sé
ljóst að tilgangurinn með flutningi
frumvarpsins sé ekki lagabætur held-
ur það að Alþingi samþykki þau póli-
tísku markmið sem þar séu sett fram.
Lagabætur myndu hins vegar felast í
heildarendurskoðun á lögum um heil-
brigðisþjónustu.
Segir Sigurbjörn læknafélögin
einnig telja mörg rök fyrir þeirri
skoðun að komist stefna heilbrigðis-
ráðherra í framkvæmd geti hún leitt
til minni skilvirkni, lakari þjónustu,
lengri biðlista og þar með lakari nýt-
ingar opinbers fjár. Það geti varla
verið markmið ríkisstjórnarinnar og
aukin miðstýring geti varla verið
markmið hennar. Í umsögn sinni
segja félögin einnig að óljóst sé með
hvaða hætti hagkvæmnis- og gæða-
sjónarmið eigi að ráða við ákvarðana-
töku um forgangsröðun verkefna í
heilbrigðisþjónustu.
Í frumvarpinu um breytingu á lög-
um um heilbrigðisþjónustu er gert
ráð fyrir að heilbrigðisráðherra marki
stefnu um forgangsröðun í heilbrigð-
isþjónustu, honum sé heimilt að grípa
til nauðsynlegra ráðstafana til að
framfylgja þeirri stefnu, stuðla að
aukinni hagkvæmni og tryggja gæði.
Þá er gert ráð fyrir að ráðherra skipi
samninganefnd sem semji við sjálf-
stætt starfandi heilbrigðisstarfsmenn
um greiðsluþátttöku almannatrygg-
inga vegna heilbrigðisþjónustu.
Læknafélögin segja að svo virðist
sem fela eigi ráðherra nýjar og meiri
valdaheimildir en hann hafi og séu
ekki í frumvarpinu tilgreind dæmi um
í hverju hinar nauðsynlegu ráðstafan-
ir gætu verið fólgnar. „Í lýðræðis-
þjóðfélagi verða ráðherra ekki veittar
opnar og ótakmarkaðar heimildir,“
segir í umsögn læknafélaganna. Þá
segir að ekki sé að finna leiðbeiningar
um hvað felist í „stefnu um forgangs-
röðun verkefna“ en verði það sett í lög
sé nauðsynlegt að merking þeirra
orða verði skilgreind í þeim sömu lög-
um.
Tryggingastofnun verði
áfram viðsemjandi
Læknafélögin leggja áherslu á að
Tryggingastofnun ríkisins verði
áfram viðsemjandi sjálfstætt starf-
andi lækna um sjúkratryggingar og
benda á að kostnaðargreining sé með
því móti vel tryggð og að glatast hafi
yfirsýn um ferliverk við að flytja þau
úr umsjá stofnunarinnar.
Í lok athugasemda sinna leggja
læknafélögin áherslu á eftirfarandi:
Að aukin ríkisafskipti hvort sem er
í heilbrigðisþjónustu eða á öðrum
vettvangi séu ekki í takt við nú-
tímann, að þjónusta sjálfstætt starf-
andi lækna standi þjónustu sjúkra-
húsa fyllilega á sporði hvað varði
faglegar kröfur og gæði, að kostnaður
sjúkrahúsa vegna ferliverka sé dulinn
og óvíst hvernig fjármunir sem ætl-
aðir eru til þeirra nýtast og að auka
þurfi fjölbreytni í heilbrigðisþjónustu
fremur en að draga úr henni meðal
annars til að tryggja áhuga ungra
lækna á að hverfa heim eftir nám er-
lendis.
Sigurbjörn Sveinsson segir að efni
fyrirhugaðra lagabreytinga sé mjög
víðfeðmt og komi margs konar hags-
munir og sjónarmið til álita og athug-
unar við meðferð málsins á Alþingi.
Þurfi því að ætla því tíma og leggja
vinnu í að skoða umsögn læknafélag-
anna sem sýni breiða samstöðu í þess-
ari sameiginlegu umsögn.
Samtök lækna gagnrýna hugmyndir um breytingar á heilbrigðislögum
Lýsa sig mótfallin
lagafrumvarpinu
STÖÐUGILDUM í útibúum Lands-
bankans á landsbyggðinni hefur
fækkað um 130 á undanförnum 10 ár-
um og á sama tíma hefur stöðugildum
fækkað um 200 á höfuðborgarsvæð-
inu. Landsbankinn hefur á undan-
förnum misserum verið að breyta
rekstri útibúa til að koma til móts við
breytt búsetumynstur, tækniþróum
sem orðið hefur í þjónustu banka-
stofnana á síðustu árum og þörfum
markaðarins á hverjum stað, að því er
fram kemur í fréttatilkynningu frá
bankanum.
Nú síðast ákvað stjórn bankans að
minnka opnunartíma útibúa á Norð-
urlandi eystra og Austurlandi, auk
þess að sameina afgeiðslur bankans á
Stokkseyri og Eyrarbakka við útibú
bankans á Selfossi og bjóða þess í stað
afmarkaða þjónustu, sem einkum er
ætlað að koma til móts við eldri borg-
ara, einu sinni í viku á hvorum stað.
Afgreiðslur bankans á Raufarhöfn og
Kópaskeri verða framvegis opnar
tvisvar í viku frá 12.30 til 16, en voru
opnar alla virka daga á sama tíma, og
útibú bankans á Vopnafirði og Seyð-
isfirði, sem hafa verið opin frá 9.15 til
16, nema í hádeginu, verða framvegis
opin frá 12.30 til 16 á virkum dögum.
Á höfuðborgarsvæðinu hefur útbú-
um fækkað á síðustu árum. Útibúið í
Bankastræti var sameinað aðalbanka
í janúar 1997, útibúið við Suðurlands-
braut var sameinað Múlaútibúi í apríl
2000, útibúið í Tollvörugeymslu var
sameinað Austurbæjarútibúinu í júní
sama ár og útibúið við Miklubraut var
sameinað Háaleitisútibúi í nóvember
2000. Þetta sama ár seldi bankinn að
auki 5 afgreiðslustaði á landsbyggð-
inni, útibúin í Vík og á Kirkjubæjar-
klaustri voru seld Búnaðarbankanum
í apríl og útibúin á Patreksfirði, Bíldu-
dal og Króksfjarðarnesi voru seld Ey-
rasparisjóði í nóvember.
Tækniþróun síðustu ára
breytt þjónustu bankans
Björn Líndal, framkvæmdastjóri
viðskiptabankasviðs Landsbankans,
segir að orsakir breytinga í rekstri
útbúanna megi fyrst og fremst rekja
til þess að bankinn hafi rekið of mörg
útibú á liðnum árum og þá sér í lagi í
Reykjavík. Fyrir fáum árum voru t.d.
fjögur útibú í miðbænum en nú er að-
eins afgreiðsla í bankanum á Lauga-
vegi 77 og í aðalbankanum í Austur-
stræti. „Á móti kemur hins vegar að
bankinn er með hraðbanka víðs vegar
á Laugaveginum, niðri í Lækjargötu
og í Austurstræti, sem er lítið dæmi
um það hvernig menn sinna viðskipt-
um sínum öðruvísi en áður,“ segir
Björn.
Tækniþróun síðustu ára hefur
breytt þjónustunni talsvert og gert
viðskiptavinum kleift að sinna flestum
viðskiptum með sjálfvirkum hætti.
Björn segir að tala viðskiptavina
bankans nálgist 25.000 sem skráðir
eru notendur Einkabanka á Netinu.
Þá hefur bankinn boðið fyrirtækjum
þjónustu sem kallast Boðlína, þar sem
hægt er að framkvæma ákveðnar að-
gerðir og fá yfirlit í gegnum símalínu.
Björn segir ljóst að sú þjónusta muni
færast yfir á Netið og verði þá eflaust
ekki minna notuð en nú er.
Auk þess nota viðskiptavinir Þjón-
ustuver bankans talsvert, þar á meðal
eldra fólk, og kortanotkun hefur auk-
ist þannig að fólk þarf ekki lengur að
koma í banka til að sinna viðskiptum
af því tagi, segir Björn. Hann segir að
þrátt fyrir þessar breytingar muni
útibúin áfram gegna lykilhlutverki í
þjónustu bankans en hlutverk þeirra
muni óhjákvæmilega breytast.
Hagræðing í rekstri útibúa Landsbankans
Stöðugildum
fækkað um 330
á tíu árum