Morgunblaðið - 23.11.2001, Blaðsíða 20

SUÐURNES
20 FÖSTUDAGUR 23. NÓVEMBER 2001 MORGUNBLAÐIÐ
Hafðu barnið öruggt í bílnum
CHICCO SHUTTLE

Fyrir börn frá fæðingu til 18 kg.

Hægt að snúa í báðar áttir.

Hallastilling og fótaskemill.

Uppfyllir ströngustu kröfur um öryggi samkvæmt
ESB staðlinum ECE-R 44-03.

KYNNINGARTILBOÐ Í BABYSAM.
Verð áður 18.900 kr. Verð nú 14.900 kr.*
Gjafaaskja með Chicco baðvörum fylgir með Chicco kerrum
og bílstólum fram að jólum.*
barnabílstólar
Hvar sem barn er að finnaSkeifunni 8, sími 568 2200
*Meðan birgðir endast
VERKTAKI á vegum varnarliðs-
ins á Keflavíkurflugvelli er að
rífa til grunna fjarskiptamiðstöð-
ina sem stóð norðan við ratsjár-
stöðina Rockville á Miðnesheiði.
Fjarskiptamiðstöðin hefur ekki
verið notuð í nokkur ár en hún
var í um 1.700 fermetra, ramm-
byggðu steinsteyptu húsi.
Fyrirtækið Hringrás annast
niðurrif hússins og að fjarlægja
það af staðnum ásamt alls konar
leiðslum sem lágu í jörðu á svæð-
inu. Til verksins eru notaðar
stórvirkar vinnuvélar enda húsið
vel byggt og mikið járnbundið.
Öllu steinefni er ekið til Sand-
gerðis þar sem það er notað í
uppfyllingu í höfninni. Gengið
verður frá landinu þannig að það
verði svipað og áður en húsið var
byggt.
Morgunblaðið/Reynir Sveinsson
Stórvirkar vinnuvélar eru notaðar til að rífa niður rammgert hús fjarskiptamiðstöðvarinnar á Miðnesheiði.
Hernaðarmannvirki notað í uppfyllingu
Sandgerði
BÆJARSTJÓRN Reykjanesbæjar
hvetur samningsaðila í kjaradeilu
tónlistarkennara að gera allt sem í
þeirra valdi stendur til að leysa
deiluna. Kristján Gunnarsson, bæj-
arfulltrúi Samfylkingarinnar, vill
að Reykjanesbær afturkalli samn-
ingsumboð sitt til launanefndar
sveitarfélaga.
Bæjarstjórnarfundurinn sem
haldinn var fyrr í vikunni var einn
sá fjölmennasti í manna minnum
því tónlistarkennarar fjölmenntu á
áheyrendabekkina þegar málið var
á dagskrá.
Allir skrifuðu undir
Allir bæjarfulltrúar stóðu að
ályktun sem Svandís Valdimars-
dóttir, varabæjarfulltrúi Samfylk-
ingarinnar, flutti en hún er svo-
hljóðandi: „Bæjarstjórn
Reykjanesbæjar harmar stöðu
kjaraviðræðna tónlistarskólakenn-
ara og annarra stétta sem er ósam-
ið við og launanefndar sveitarfélag-
anna. Ekkert virðist hafa þokast í
átt til samkomulags á þeim tíma
sem viðræður hafa staðið og nú eru
liðnar liðlega fjórar vikur, þar sem
tónlistarkennsla og starfsemi henni
tengd hefur legið niðri. Viðurkennt
er að tónlistarnám hefur ekki ein-
ungis menningarlegt gildi fyrir
samfélagið í heild, heldur hefur
það einnig og ekki síður mikilvægt
forvarnargildi fyrir börn og ung-
linga. Það er því að okkar mati
mikil áhætta fólgin í því að draga
samningagerð á langinn. Við hvetj-
um því samningsaðila til að gera
allt sem í þeirra valdi stendur til
að leysa deiluna.“
Værum búnir að leysa málið
Þess má geta að Reykjanesbær
á aðild að kjaradeilunni en hefur
falið launanefnd sveitarfélaga
samningsumboð sitt. Við umræður
um tillöguna ítrekaði Kristján
Gunnarsson, bæjarfulltrúi Sam-
fylkingarinnar, þá skoðun sem
hann hefur áður lýst að Reykjanes-
bær ætti að afturkalla samnings-
umboð það sem afhent var launa-
nefnd sveitarfélaga.
Kristján segir í samtali við
Morgunblaðið að verkalýðsfélögin
á svæðinu hefðu lengi samið beint
við samninganefnd bæjarins. Það
hafi gengið vel. Kjör bæjarstarfs-
manna hafi til dæmis yfirleitt verið
heldur betri í Keflavík en annars
staðar á landinu og vinnufriður
ríkt.
„Meirihlutinn var varaður við af-
leiðingum þess að afhenda launa-
nefnd sveitarfélaga allsherjar um-
boð, þar sem það myndi leiða til
ósættis við starfsfólkið,“ segir
Kristján og telur að það hafi komið
á daginn. Vísar hann til verkfalls
tónlistarkennara í því efni, kjara-
deilu við félagsráðgjafa og fleiri
stéttir. „Við værum fyrir löngu
búnir að leysa þessi mál ef samn-
ingsumboðið hefði verið hér
heima,“ segir Kristján.
Bæjarstjórn harmar stöðu kjara-
viðræðna tónlistarkennara
Bæjarfulltrúi
vill afturkalla
samningsumboð
Reykjanesbær
NEMENDUR í Reykjanesbæ og
raunar á Suðurnesjum almennt
stóðu sig betur á samræmdu próf-
unum í fjórða og sjöunda bekk en
undanfarin ár. Þau komust yfir
meðaltal í stærðfærði í fjórða bekk.
Hins vegar er mikill munur á ár-
angri þeirra í stærðfræði og ís-
lensku og munar í sumum tilvikum
upp undir einum heilum í einkunn
hjá sömu börnunum.
Samkvæmt upplýsingum Eiríks
Hermannssonar, fræðslustjóra
Reykjanesbæjar, náðu flestir
grunnskólar bæjarins betri árangri
í samræmdu prófunum en á síðasta
ári. Bestu einkunnirnar náðust sem
fyrr í Heiðarskóla, í fjórða bekk, en
munurinn var minni en oft áður
vegna þess að nemendur Myllu-
bakkaskóla hækkuðu sig mjög frá
síðasta ári. Meðaleinkunn var til
dæmis hærri í sjöunda bekk í
Myllubakkaskóla en Heiðarskóla.
Hins vegar varð lakari árangur í
Njarðvíkurskóla en oft áður og seg-
ist Eiríkur ekki hafa skýringar á
því.
Fræðslustjórinn segir að meðal-
einkunnir í stærðfræði séu í flestum
tilvikum yfir landsmeðaltali. Góður
árangur hafi náðst í stærðfræði-
kennslunni og telur hann að það sé
meðal annars að þakka skipulögðu
starfi skólanna á því sviði.
Vilhjálmur Ketilsson, skólastjóri
Myllubakkaskóla, tekur fram að
nemendahópar geti verið nokkuð
mismunandi samsettir, þegar hann
er spurður um skýringar á mun
betri árangri í samræmdu prófun-
um í Myllubakkaskóla en í fyrra.
En krakkarnir hafi staðið sig vel
núna og segist hann líka vera með
vandaðan kennarahóp sem unnið
hafi vel saman og með foreldrum.
Lakari í íslensku
Athygli vekur að einkunnir í ís-
lensku eru mun slakari en í stærð-
fræði í skólunum í Reykjanesbæ og
á Suðurnesjum. Meðaleinkunnir í
flestum skólunum eru talsvert undir
meðallagi. Í sumum tilvikum munar
einum heilum á meðaleinkunnum í
stærðfræði og íslensku, eins og til
dæmis hjá börnunum í fjórða bekk
Holtaskóla og Myllubakkaskóla.
Segir Eiríkur að þetta mynstur
hafi sést áður. Greinilegt sé að ekki
hafi tekist að fylgja íslenskunni eft-
ir með sama hætti og stærðfræðinni
þótt unnið hafi verið skipulega að
því undanfarin tvö ár. Segir hann
greinilegt að það taki lengri tíma.
Skóla- og fræðslusvið Reykjanes-
bæjar hefur fengið Námsmatsstofn-
un til þess að rýna í niðurstöður
samræmdu prófanna, til þess að
reyna að finna skýringar þessa mis-
ræmis í einkunnum. Eins hvort ein-
staka nemendur hafi verið að bæta
sig í sjöunda bekk frá því þeir tóku
samræmdu prófin í fjórða bekk eða
hvort þeir standi í stað. Segir Eirík-
ur að farið verði yfir niðurstöður
þessarar rýni með skólastjórum og
deildarstjórum á fundi í janúarmán-
uði.
Vilhjálmur Ketilsson segist ekki
heldur hafa skýringar á því að Suð-
urnesjamenn fái einna lökustu ein-
kunnirnar í íslensku yfir landið.
Spurður hvort það geti stafað af
bandarískum áhrifum vegna ná-
lægðar varnarliðsins segir Vilhjálm-
ur að það sé langsótt skýring.
Bandarísk áhrif hafi verið miklu
meiri fyrir nokkrum áratugum þeg-
ar mikill fjöldi Bandaríkjamanna
hafi búið í Keflavík og mörg hundr-
uð bandarísk börn verið þar. Þó sé
hugsanlegt að það hafi haft þau
áhrif að foreldrar barna, sem nú
eru í grunnskóla, hafi ekki eins
góða kunnáttu í íslensku og lands-
menn að meðaltali.
Hann segir einnig hugsanlegt að
eitthvað sé að kennslunni og þurfi
að gera átak í því efni. Segir hann
að það starf, sem unnið hefur verið
að í skólunum í Reykjanesbæ und-
anfarin tvö ár til að hækka einkunn-
ir í íslensku, skili sér greinilega á
lengri tíma en vonast var til.
Almennt betri einkunnir í stærðfræði á samræmdum prófum
Munar einum heilum í
stærðfræði og íslensku
Reykjanesbær
LÖGREGLAN gerði um 150 lítra af
gambra upptæka í heimahúsi í Sand-
gerði um hádegisbil í fyrradag, einn-
ig 10 lítra af sterku áfengi og brugg-
tæki. Málið er í rannsókn,
samkvæmt upplýsingum lögregl-
unnar í Keflavík.
Fundu 150
lítra af
gambra
Sandgerði
♦ ♦ ♦