Morgunblaðið - 06.12.2001, Blaðsíða 12

FRÉTTIR
12 FIMMTUDAGUR 6. DESEMBER 2001 MORGUNBLAÐIÐ
VERULEGAR líkur eru taldar á að
samstarf verði haft við tölvurisann
Microsoft og tæknifyrirtækið CISCO
Systems í væntanlegum tæknihá-
skóla hér á landi en eins og fram hef-
ur komið í Morgunblaðinu standa yfir
viðræður um samruna Margmiðlun-
arskólans annars vegar, sem er í eigu
Prenttæknistofnunar og Rafiðnaðar-
skólans, og Tækniskóla Íslands hins
vegar. Er markmiðið að byggja upp
öflugan tækniháskóla.
Að sögn Jóns Árna Rúnarssonar,
skólastjóra Margmiðlunarskólans,
stofnaði Rafiðnaðarskólinn sl. haust
fræðslumiðstöð, CTEC á Íslandi,
sem er aðili að CTEC-menntakerfi
Microsoft og fékk miðstöðin vottun
frá Microsoft sl. haust sem CTEC-
tæknikennslusetur hér á landi. Gert
er ráð fyrir að fræðslumiðstöðin muni
renna inn í hinn nýja tækniháskóla.
CTEC á Íslandi hefur einnig verið út-
nefnt sem menntamiðstöð fyrir
tæknibúnað frá CISCO System á Ís-
landi en CISCO útnefnir aðeins eina
fræðslumiðstöð í hverju landi. Jón
Árni segir að slík óbein þátttaka
Microsoft og CISCO System gæti
orðið einn af hornsteinum nýs
tækniháskóla. Í því fælist geysilega
mikill stuðningur þar sem þessi fyr-
irtæki útvegi m.a. allt námsefni og
settu starfseminni ákveðna gæða-
staðla.
Námið leiðir til viðurkenndra al-
þjóðlegra prófgráða, MCC og
MCSD, sem veitir viðkomandi sams-
konar rétt til að starfa í Bandaríkj-
unum og innflytjendaleyfi, ,,græna-
kortið“ svokallaða, sem bandarísk
stjórnvöld gefa út.
Jón sagði undirbúning kominn
langt á veg og aðeins tæknilegum at-
riðum ólokið.
Unnið að samruna Tækniskólans
og Margmiðlunarskólans
Samstarf við
Microsoft og
CISCO SystemsÞORSTEINI Eggertssynivar í senn skemmt ogbrugðið er hann sá í vikunni
fréttir af nýjum fararskjóta
sem bandarískur uppfinn-
ingamaður hefur hannað.
Er það hlaupahjól fyrir einn
og knúið rafmagni. Þor-
steinn teiknaði árið 1996
hugmynd að svipuðu hjóli
og hefur teikning hans ver-
ið sýnd víða um heim á veg-
um Alþjóðafélags uppfinn-
ingamanna.
Sýningin fór af stað árið
1997 og er því allt eins lík-
legt að hugmynd eða teikn-
ing Þorsteins sé eldri en
Bandaríkjamannsins.
Fannst Þorsteini í fljótu
bragði sem hugmynd sín
væri lifandi komin þegar
hann sá fréttirnar af hjólinu
bandaríska.
„Ég tel mig ekki upp-
finningamann eða hugvits-
mann en ég hef gert mér
það til dundurs að skella
fram ýmsum hugmyndum á teikningum. Það er meira
til gamans gert. Svo er það allt annað mál hvort þær
eru gagnlegar eða ekki,“ sagði Þorsteinn í samtali við
Morgunblaðið. Nefndi hann sem dæmi að hann hefði
einhvern tíma teiknað dollaraseðil með verðgildinu
9,99. Það væri nefnilega svo algengt að hlutir í stór-
mörkuðum kostuðu 9,99 og slíkur seðill ætti að geta
verið vel gjaldgengur. Auk þess að vera liðtækur
teiknari hefur Þorsteinn samið dægurlagatexta og
nægir þar að nefna texta eins og Gvendur á Eyrinni,
Heim í Búðardal, Harðsnúna Hanna og fleiri.
Breytir ekki lífi mínu verulega
Þorsteinn segir að teikning sín af vélknúna hlaupa-
hjólinu hafi verið sýnd á vegum Alþjóðasambands
uppfinningamanna. Hún hafi farið á sýningar á veg-
um samtakanna síðustu fjögur árin í Sviss, Þýska-
landi, Hollandi, Bandaríkjunum, Suður-Ameríku og
Tyrklandi.
„En það er greinilegt að fólk fær svipaðar hug-
myndir,“ segir Þorsteinn og virðist ekki taka mjög
nærri sér þótt einhver hafi kannski „stolið“ hugmynd-
inni til að útfæra hjólið í verki. Hafði hann á orði að
sér hefði verið bent á að ef framleiða ætti 40 þúsund
hlaupahjól af bandarísku gerðinni á mánuði gæti hann
kannski gert það gott með því að krefjast hlutdeildar í
söluverði, 100 krónur á hjól gæti kannski verið nokk-
uð gott! En á ekki að halda áfram á þessari braut?
„Ég held auðvitað áfram að teikna og fá hugmyndir
en það er ekki þar með sagt að ég láti þær breyta lífi
mínu verulega. Ég hef til dæmis aldrei lært að aka bíl
og býst ekki við að ég geri það þótt svona farartæki sé
komið í umferð.“
Reuters
Dean Kamen sýnir hér rafknúna hlaupahjólið.
Var á undan
með svipað
hlaupahjól
Teikning Þorsteins
Eggertssonar að
hlaupahjólinu góða.
HÁLFFIMMTUGUR karlmaður
hefur verið dæmdur til að greiða
35.000 krónur í sekt og jafnframt
sviptur ökuréttindum í fjóra mán-
uði fyrir að aka ölvaður.
Vörn mannsins fólst í því að
hann væri haldinn svonefndri
candida sveppasýkingu sem við
vissar aðstæður geti orsakað gerj-
un í iðrum hans og valdið því að
alkóhól myndast. Þegar maðurinn
var stöðvaður mældist alkóhól-
magn í blóði hans 0,84 prómill.
Maðurinn bar að hann hefði að-
eins drukkið lítinn bjór með mat
skömmu áður en lögregla stöðvaði
hann en sjúkdómurinn hefði vald-
ið því að magnið mældist eins mik-
ið og raun bar vitni. Umrætt kvöld
hefði hann að auki borðað tvær
roast-beef samlokur en nautakjöt
væri ein af þeim fæðutegundum
sem gætu valdið fyrrnefndri gerj-
un, ekki síst ef kjötið væri ekki
gegnsoðið.
Misvísandi álit lækna
Maðurinn aflaði álits Hallgríms
Þ. Magnússonar læknis um áhrif
fyrrgreindrar sveppasýkingar á
líkamann. Í álitsgerðinni staðfesti
Hallgrímur að í líkama þeirra sem
haldnir eru sýkingunni geti mynd-
ast alkóhól í meltingarvegi í kjöl-
far matarneyslu. Þekkt væri að
bjór og pilsner geti mælst í blóði
þrátt fyrir að viðkomandi hafi
ekki neytt áfengis í teljandi mæli.
Ákæruvaldið leitaði á hinn bóginn
eftir áliti Magnúsar Jóhannesson-
ar prófessors á Rannsóknarstofu í
lyfja- og eiturefnafræði sem sagði
engar upplýsingar styðja þá til-
gátu að áfengið sem mældist í
blóði mannsins væri tilkomið
vegna sveppasýkingar.
Héraðsdómi Reykjaness þótti
skorta á að traustar vísindalegar
rannsóknir lægju að baki áliti
Hallgríms og byggði því ekki á því
við dóminn. Í niðurstöðum dóms-
ins segir að ákærði sé einn til frá-
sagnar um áfengisneyslu sína.
Þrátt fyrir að hann hafi talið sig
vera haldinn sjúkdómi sem gæti
valdið því að áfengismagn mæld-
ist meira í líkama hans en sem
svaraði áfengisneyslu, hafi hann
samt sem áður drukkið bjór
skömmu áður en hann hóf akstur.
Þar með gerðist hann brotlegur
við umferðarlög. Auk sektar og
ökuleyfissviptingar þarf maður-
inn að greiða allan málskostnað,
þ.m.t. málsvarnarlaun skipaðs
verjands síns, Hilmars Ingimund-
arsonar hrl. 65.000 krónur.
Guðmundur L. Jóhannesson,
héraðsdómari kvað upp dóminn
en Sigríður Elsa Kjartansdóttir
sótti málið fyrir hönd sýslumanns-
ins í Kópavogi.
Sagði að sveppa-
sýking hefði
valdið ölvuninni
MORGUNBLAÐINU hefur borist
eftirfarandi athugasemd frá Ástu
R. Jóhannesdóttur:
„Í tilefni „svars“ lyfjahóps Sam-
taka verslunarinnar til mín í Mbl. í
gær, vegna innskota í útvarpsfrétt-
um úr ræðu sem ég hélt í fyr-
irspurnartíma á Alþingi 31. október
sl., neyðist ég til að leiðrétta nokk-
ur atriði í bréfi lyfjahópsins.
Ég staðhæfði ekki í máli mínu að
meira fé væri varið til markaðs-
setningar en rannsókna. Ég sagði:
Talið er að meiru fé sé varið til
markaðssetningar en rannsókna.
Ekkert er rangt við þá staðhæf-
ingu, hún hefur komið víða fram,
m.a. í DV 11. okt. sl.
Staðhæfingum um umbunarkerfi
og meintar mútuferðir vísa ég til
föðurhúsanna. Ég sagði svo vitnað
sé beint í ræðu mína: „Það er altal-
að að hjá vissu lyfjafyrirtæki við-
gangist ákveðið gulrótarkerfi fyrir
lækna sem felst í því að þeim sem
eru duglegir að sækja lyfjakynn-
ingar þeirra sé umbunað … með
hjólreiðaferð til Frakklands þetta
árið en í fyrra var það lúxusferð til
New York.“ Bæði formaður lyfja-
hóps SV (í bréfinu) og formaður
Læknafélags Íslands (Mbl. 6. og 7.
nóv. sl.) staðfesta að þessi orðrómur
sé réttur og ferðirnar hafi verið
farnar og hvatakerfið notað. Þar er
lyfjafyrirtækið meira að segja nafn-
greint, sem er meira en ég gerði.
Ég nefndi þessar ferðir víst „svo-
kallaðar mútuferðir“, því þær
ganga undir því nafni manna á
meðal. Þetta eru boðsferðir lyfja-
fyrirtækja til lækna, og án efa er
tilgangurinn með boðsferðunum
einhver, s.s. að koma vöru þeirra,
lyfjunum, á framfæri. Það eru
læknarnir sem velja hvaða lyf skal
nota, ekki sjúklingarnir. Ferða-
kostnaðurinn hlýtur að vera hluti af
rekstri og kostnaði við markaðs-
setningu lyfjafyrirtækjanna. Lyfja-
fræðingur Tryggingastofnunar upp-
lýsti á dögunum að vinsælasta
bólgulyfið hér á landi sé fjórum
sinnum dýrara en eldra sambæri-
legt lyf. Hvers vegna ætli það sé?
Hve mikið skyldi valið á því lyfi,
frekar en því eldra, kosta skatt-
greiðendur og sjúklinga meira í
lyfjakostnaði? Ég tel að um þessi
samskipti þurfi skýrari reglur eins
og eru t.d. í Bandaríkjunum og Sví-
þjóð. Þess vegna spurði ég heil-
brigðisráðherra á Alþingi út í þau
mál og hvort kannað hefði verið
hvort boðsferðirnar hefðu áhrif á
lyfjaverð og lyfjakostnað hins op-
inbera. Umræðan er greinilega þörf
ef marka má viðbrögðin frá lyfja-
heildsalanum, sem er formaður
lyfjahóps SV. Læknafélag Íslands
hefur sett sér leiðbeiningar um
samskipti lækna við þessa aðila og
er það vel, en meira þarf til að mínu
mati. Umræðan um þessi mál er
mikil nú eins og sést í nýútkomnu
Læknablaði og fagna ég því. Þau
eru ekki aðeins til umræðu hér á
landi heldur um allan heim og vísa
ég til skrifa í erlendum fagritum og
umfjöllunar Ríkisútvarpsins á dög-
unum um áhyggjur sérfræðinga er-
lendis af auknum lyfjakostnaði og
áhrifum markaðssetningar lyfjafyr-
irtækja á hann. Auk þess verða
þessi mál til umfjöllunar á ráð-
stefnu Alþjóðaheilbrigðismálastofn-
unarinnar í Bonn nú í desember.“
Lyfjahópur á villigötum
Athugasemd frá Ástu R. Jóhannesdóttur alþingismanni
MANNVERND hefur sent erindi til
Evrópusambandsins og segir í
fréttatilkynningu frá samtökunum
að það sé í raun hjálparbeiðni vegna
óheillavænlegrar þróunar um lög-
gjöf hér á landi.
Frumvarp heilbrigðisráðherra um
breytingu á almannatryggingalög-
um, sem nú er til meðferðar í heil-
brigðis- og trygginganefnd Alþingis,
er sagt nýjasta dæmið um skerðingu
á persónufrelsi sem verði lögfest.
,,Opinn aðgangur yfirvalda að
sjúkraskrám sem þar er boðaður er
ekki bara ónauðsynlegur heldur
einnig brot á persónuverndartilskip-
un Evrópusambandsins frá 1995.
Varnaðarorð og hefðbundnar kvört-
unarleiðir innanlands hafa ekki borið
árangur og er því farin þessi leið, að
leita hjálpar ESB,“ segir í tilkynn-
ingu frá Mannvernd um erindið sem
sent var framkvæmdastjórn Evr-
ópusambandsins 30. nóvember.
Mannvernd sendir
ESB ,,hjálparbeiðni“
AFLÍFA varð hross eftir að hesta-
kerra, sem jeppi dró, lenti á snjó-
ruðningstæki sem hafði stöðvað í
vegkanti á Suðurlandsvegi austan
við Litlu kaffistofuna laust eftir kl.
18 í gærdag.
Tildrög slyssins voru þau að
snjóruðningstækinu og jeppa hafði
verið lagt í vegkantinum til að að-
stoða ökumann bifreiðar, sem
hafði farið út af veginum. Ökumað-
ur aðvífandi jeppa, með hesta-
kerru í eftirdragi, náði ekki að
stöðva heldur sveigði frá með þeim
afleiðingum að hestakerran lenti á
snjóruðningstækinu sem aftur
hentist á jeppabifreiðina fyrir
framan. Tveir hestar voru í kerr-
unni og slasaðist annar þeirra það
illa að lögreglumaður á vettvangi
varð að aflífa hann.
Loka varð veginum í um klukku-
stund vegna slyssins.
Hestur aflífaður eftir árekstur