Morgunblaðið - 06.12.2001, Blaðsíða 14

HÖFUÐBORGARSVÆÐIÐ
14 FIMMTUDAGUR 6. DESEMBER 2001 MORGUNBLAÐIÐ
BÍLASTÆÐASJÓÐUR
sendi á dögunum íbúum í
Þingholtum bækling þar
sem skýrt er frá tillögum að
tveimur nýjum gjaldskyld-
um svæðum í hverfinu. Í
bæklingnum kemur fram að
á vegum Bílastæðasjóðs sé
nú unnið að nýju skipulagi á
bílastæðum í miðborginni
með það að markmiði að
koma til móts við íbúa og
skammtímagesti. Tillagan
felur í sér að með því að
kaupa íbúakort (eitt fyrir
hverja íbúð) fyrir 3.000
krónur á ári fái íbúar á
gjaldskyldum svæðum ótak-
markaða heimild til notkun-
ar á stöðu- og miðastæðum í
viðkomandi hverfi. Í bækl-
ingnum kemur ennfremur
fram að reynslan sýni að
gjaldskylda geri það að
verkum að þeir ökumenn
sem ekki eiga heima í hverf-
inu leggja bifreiðum sínum
þar einungis í skamma stund
en það tryggi aukið framboð
á lausum stæðum fyrir
íbúana.
Höskuldur Kári Schram
býr í Miðstræti og er
óánægður með þær tillögur
sem frá er greint í bæklingi
Bílastæðasjóðs. „Það sem
mér blöskrar mest er að íbú-
um sem búa þarna gefst ekki
kostur á ókeypis stæðum
heldur þurfa þeir að kaupa
árskort og það er
aðeins eitt kort á heimili,
þannig að ef þú ert með tvo
bíla þarftu að gjöra svo vel
og borga í stöðumæli í hvert
sinn sem þú leggur öðrum
bílnum í stæði,“ segir hann.
„Í bæklingnum er þetta sett
fram eins og þetta eigi að
koma íbúunum til góða; það
er ekki gert mikið úr stöðu-
mælakortunum heldur er
verið að undirstrika það
hversu mikið er verið að
draga úr langtímanotkun á
stæðum. Það er hin mesta
vitleysa því flestir sem
leggja við þessar götur, sem
eru nálægt Miðstræti og þar
fyrir aftan, eru námsmenn í
MR.“ Í kjölfar dreifingar
bæklingsins gerði Gallup
könnun á viðhorfum íbúanna
til tillagna Bílastæðasjóðs.
„Ég hef heyrt aðeins í íbú-
unum í kring og mér heyrist
að flestir séu
töluvert óánægðir með
þetta, sérstaklega að það
skuli ekki vera meira en eitt
íbúakort á heimili sem þarf
síðan að borga fyrir.“
Höskuldur segir að ef til-
lögunum verði hrint í fram-
kvæmd verði staðan þannig
að íbúar í Þingholtum geti
hvergi lagt öðruvísi en að
borga stöðugjöld. Hann seg-
ist ennfremur efast um að
bílastæðavandi íbúanna á
svæðinu verði leystur með
því að láta þá borga fyrir
stæðin.
„Þetta er sett fram eins og
lausn á vandamáli fyrir okk-
ur en þar sem aðstæður í ís-
lensku þjóðfélagi eru þannig
að það eru einn til tveir bílar
á hverju heimili leysir þetta
ekki vandann. Bílastæða-
sjóður verður að skapa þær
aðstæður að það sé hentugra
fyrir fólk að leggja í bíla-
stæðahúsunum, en að leita
að auðum stæðum í götum í
íbúðarhverfi.“
Tillögur um tvö ný gjaldsvæði
Þingholtin




 


 

 






  



 
 
 
 











! 

!     " 
 
#






 
 
 
 


!%

&


 
 
 
 


' 

(





 

  )
 '  *



! 







 


 



 






 







 




 






!



OPINBER kynning er hafin
á lokatillögu að svæðisskipu-
lagi höfuðborgarsvæðisins
sem samvinnunefnd sveitar-
félaganna á höfuðborgar-
svæðinu samþykkti á fundi
sínum 9. nóvember sl. Frest-
ur til athugasemda er til 14.
janúar 2002 en svæðisskipu-
lagstillagan, ásamt upp-
drætti, greinargerð og fylgi-
ritum, liggur frammi
almenningi til sýnis á borgar-
og bæjarskrifstofum til 11.
janúar næstkomandi. Tillög-
una er einnig hægt að nálgast
á heimasíðu Samtaka sveitar-
félaga á höfuðborgarsvæðinu;
www.ssh.is.
Í fréttatilkynningu segir að
samvinnunefnd um svæðis-
skipulag höfuðborgarsvæðis-
ins taki afstöðu til athuga-
semda að fresti liðnum og
sendi sveitarstjórnum á höf-
uðborgarsvæðinu tillögu sína
að svæðisskipulagi ásamt at-
hugasemdum og umsögn um
þær. Innan sex vikna skulu
sveitarstjórnirnar taka af-
stöðu til tillögu samvinnu-
nefndar. Svæðisskipulag telst
staðfest þegar allar hlutað-
eigandi sveitarstjórnir hafa
samþykkt það. Samvinnu-
nefndin sendir staðfest svæð-
isskipulag til Skipulagsstofn-
unar sem gerir síðan tillögu
til ráðherra um lokaaf-
greiðslu þess. Svæðisskipu-
lagið tekur gildi þegar um-
hverfisráðherra hefur
staðfest það og birt staðfest-
ingu þess í B-deild Stjórn-
artíðinda.
Átta sveitarfélög standa
að skipulaginu
Svæðisskipulag höfuðborg-
arsvæðisins nær til ársins
2024 og tekur til byggðaþró-
unar, landnotkunar, umhverf-
ismála, samgangna og veitu-
kerfa, auk þess sem
samfélagsleg þróun á svæð-
inu hefur verið skoðuð sér-
staklega. Að gerð svæðis-
skipulags á höfuðborgar-
svæðinu standa eftirtalin átta
sveitarfélög: Reykjavík,
Kópavogur, Hafnarfjörður,
Garðabær, Mosfellsbær, Sel-
tjarnarnes, Bessastaðahrepp-
ur og Kjósarhreppur. Land
Hafnarfjarðar í Krýsuvík er
ekki með í svæðisskipulaginu
þar sem það tengist ekki
þéttbýlinu á höfuðborgar-
svæðinu og hefur því nokkra
sérstöðu.
Lokatillaga
svæðisskipu-
lags kynnt
Höfuðborgarsvæðið
VIÐ UPPBYGGINGU þjón-
ustu í hverfum Reykjavíkur,
samkvæmt nýrri hverfaskipt-
ingu sem borgarstjórn sam-
þykkti á dögunum, verður að
taka tillit til íbúasamsetning-
ar hverfanna og sérkenna
þeirra, því hvert hverfi hefur
ólíkar þjónustuþarfir. Þetta
kom m.a. fram í máli Krist-
ínar A. Árnadóttur á morg-
unverðarfundi sem þróunar-
og fjölskyldusvið Reykjavík-
urborgar í samvinnu við
Borgarfræðasetur stóð fyrir í
gær á Grand Hóteli. Kristín,
sem er forstöðumaður þróun-
ar- og fjölskyldusviðsins,
sagði ennfremur að tilgangur
hverfisskiptingarinnar væri
m.a. sá að leita leiða til að
einfalda þjónustu og ná fram
ákveðinni hagræðingu.
Viðfangsefni fundarins var
hin nýja hverfaskipting
Reykjavíkur, áhrif hennar og
þeir möguleikar sem þetta
fyrirkomulag býður upp á.
Rætt var um hverfabundna
þjónustu, aukið íbúalýðræði
og þá reynslu sem þegar hef-
ur fengist af tilraunaverkefni
Miðgarðs í Grafarvogi. Ný-
verið samþykkti borgarstjórn
að skipta borginni í fjóra
borgarhluta og átta hverfi og
að innan hvers hverfis skal
starfrækt hverfaráð.
Á fundinum vöknuðu upp
spurningar um hlutverk
þessara ráða. Helgi Hjörvar,
forseti borgarstjórnar, sagði
að hverfaskiptingin væri
rammi til að þróa hverfalýð-
ræði en að margar spurning-
ar blöstu við þar að lútandi.
Varast skal að hverfaráð
verði nýr milliliður í lýðræði
borgarbúa þar sem enn eitt
ferlið leiddi ekki til aukinnar
skilvirkni. Þá velti hann því
fyrir sér hvort hverfaráðin
gengju gegn þeirri hug-
myndafræði sem sameining
sveitarfélaga byggðist á.
Þess vegna þarf að hans mati
að undirbúa starf hverfaráð-
anna vel og þróa yfir langan
tíma. Hverfaráð ættu að
verða til þess að efla hverf-
avitund og til að taka við
ábendingum og hugmyndum
íbúa hverfisins.
Góð reynsla
af Miðgarði
Regína Ásvaldsdóttur, for-
stöðukona fjölskyldu- og
þjónustumiðstöðvarinnar
Miðgarðs, sagði meirihluta
íbúa Grafarvogs jákvæðan
gagnvart Miðgarði, en mið-
stöðin sinnir verkefnum frá
fjórum borgarstofnunum;
leikskólum Reykjavíkur,
Fræðslumiðstöð, Félagsþjón-
ustunni og íþrótta- og tóm-
stundaráði. „Eitt það mikil-
vægasta sem gert var í
tengslum við þetta verkefni
var grasrótarstarf í upphafi,
áður en Miðgarður var stofn-
aður,“ sagði Regína. „Þeir
sem stóðu að undirbúningi
hverfismiðstöðvarinnar náðu
saman öflugum hópi tals-
manna félagasamtaka, íbúa
og stofnana í Grafarvogi og
íbúar sýndu þessu verkefni
mikinn áhuga. Með þessu
undirbúningsstarfi var lagð-
ur grunnur að eignarhaldi
íbúa á miðstöðinni.“ Regína
lagði til að skoða mætti í
framtíðinni hvort einhverjir
þjónustuþættir borgarinnar
væru betur komnir hjá sjálf-
stæðum fagaðilum. „Það er
til dæmis góð reynsla af því
hjá Félagsþjónustunni að
bjóða út fjölskylduþjónustu
og ég held að við ættum að
skoða fleiri möguleika á gerð
þjónustusamninga við einka-
aðila.“
Hallgrímur Sigurðssn, for-
maður íbúasamtaka Grafar-
vogs, gagnrýndi starfsemi
Grafarvogssamtakanna og
sagði þau of fjölmenn og
fundi of stopula til að ráðið
virkaði sem samráðsvett-
vangur. Hins vegar sagði
hann hverfisnefnd, stjórnun-
arnefnd Miðgarðs, þar sem
íbúar eiga tvo fulltrúa af
fimm, mun árangursríkari og
lýðræðislegri vettvang. Hann
benti í lok fundar á að hverfa-
ráðin yrði að fá einhverju að
ráða, þ.e. í ljósi íbúalýðræðis
sem er hugmyndin að baki
ráðunum. Íbúar sæju annars
lítinn tilgang með slíkum ráð-
um.
Umræða um hverfaráðin
og þá þjónustu sem á að
byggja upp í hverju hverfi
borgarinnar er töluvert á veg
komin og í máli Kristínar
kom m.a. fram að að ýmsu
þyrfti að huga áður en
ákvarðanir yrðu teknar um
uppbyggingu þjónustu innan
hverfanna. Hún benti á nið-
urstöður könnunar sem gerð
var snemma á þessu ári sem
leiddu í ljós að borgarbúar
vilja að leitað sé í auknum
mæli eftir skoðunum þeirra
svo grundvöllur er fyrir
hverfaráðum.
Umræðufundur um hverfistengda
þjónustu og sjálfstæð borgarhverfi
Taka þarf tillit til
sérkenna hverfanna
Reykjavík
EFNT var á dögunum til
samkeppni meðal nemenda
í 7.–10. bekk í grunnskólum
Bústaðahverfis um myndir
á jólakort. 154 tillögur bár-
ust og eru þær til sýnis í
anddyri Bústaðakirkju alla
aðventuna. Það voru sam-
tökin Betra líf sem stóðu
fyrir samkeppninni, en það
eru samtök þeirra sem
koma að uppeldi barna og
unglinga í hverfinu, s.s.
skólayfirvöld, foreldra-
félög, félagsmiðstöðvar og
fleiri aðilar.
Verkefnið var unnið sem
forvarnarverkefni fyrir
styrk frá samstarfsnefnd
um afbrota- og fíknivarnir.
Valdar voru fjórar myndir
til prentunar, ein úr hverj-
um árgangi.
Tíu kort með verðlauna-
myndunum á verða gefin
inn á hvert heimili nem-
enda í 7.–10. bekk en í
hverju þeirra er að finna
gullkorn sem tengist jólum,
vináttu eða unglingum á
einhvern hátt.
Ingibjörg Sólrún Gísla-
dóttir, borgarstjóri í
Reykjavík, afhenti vinn-
ingshöfunum verðlaun sín
við hátíðlega athöfn í Bú-
staðakirkju á þriðjudaginn
var en hver þeirra fékk 10
þúsund krónur í sinn hlut.
Morgunblaðið/Þorkell
Ingibjörg Sólrún Gísladóttir afhenti vinningshöfunum Sunnevu Ásu Weisshappel úr 7.
bekk, Söndru Tryggvadóttur úr 8. bekk, Unu Helgu Jónsdóttur úr 9. bekk og Salbjörgu Ýr
Guðjónsdóttur úr 10. bekk verðlaunin en við hlið þeirra stendur Steingerður Kristjáns-
dóttir, forstöðumaður félagsmiðstöðvarinnar Bústaða.
Þessa jólamynd teiknaði Sunneva Ása Weisshappel úr 7.
bekk og innan í kortinu stendur: „Virðum útivistartímann.
Hátíðarnar eru tími samveru.“
Jólamyndir og gullkorn
Bústaðahverfi