Morgunblaðið - 06.12.2001, Blaðsíða 30
LISTIR
30 FIMMTUDAGUR 6. DESEMBER 2001 MORGUNBLAÐIÐ
Ó
LAFUR Jóhann Ólafsson rithöf-
undur er um þessar mundir að
ljúka samningum um það, að verk
hans Sniglaveislan verði sýnt í
einu af þekktustu leikhúsunum í
West End í Lundúnum. Framleiðandi, leik-
stjóri og aðalleikari eru allt heimsþekktir og
margverðlaunaðir listamenn sem eiga að baki
merkan feril. Ólafur Jóhann sagði í samtali við
Morgunblaðið í gær að útlit væri fyrir að frum-
sýning á verkinu ytra yrði upp úr miðjum febr-
úarmánuði. „Allir þræðir eru að spinnast sam-
an í þessari viku, og þetta er að verða að
veruleika.“
Ekki er enn ljóst í hvoru leikhúsinu, The
Lyric eða The Garrick, sýningin verður, en
leikhúsin eru í höndum sama manns, Andrews
Lloyd Webber. „Það sem ræður úrslitum um
þetta er það hvort leikhúsið losnar fyrr vegna
þeirra sýninga sem eru í gangi á undan, en
gagnvart framleiðanda, leikstjóra, leikurum og
þeim sem að sýningunni standa, þá eru báðir
kostirnir hinir bestu, því þetta eru tvö af bestu
leikhúsum London.“
Fred Zollo framleiðir og
Ron Daniels leikstýrir
Ólafur Jóhann lauk við nýja skáldsögu, Höll
minninganna, í sumar, en hún er nú komin út.
„Þetta kom nú þannig til, að um leið og ég setti
punktinn við skáldsöguna, þá beið mín það
verkefni að fara að krota í enska þýðingu á
Sniglaveislunni. Þá voru menn búnir að sjá
hana fyrir vestan, framleiðandinn Fred Zollo
og hans menn og leikstjórinn Ron Daniels.
Þegar þeir voru búnir að lesa verkið fékk ég
spurningar og hugmyndir frá Ron Daniels, og
því dreif ég mig í það að endurskrifa Snigla-
veisluna og lauk því á nokkrum vikum. Þetta
gengur þannig fyrir sig að framleiðandinn
spyrðir þetta allt saman, leikstjóra og leikur-
um auk þess að sjá um alla fjármögnun, og
þegar það allt er komið, reyna menn að fá leik-
hús. Leikhúsin í London meta hvert verk fyrir
sig, því þau leigja húsin og taka prósentur af
innkomu. Þannig hugsa þau bara um það hvort
verkið muni ganga, og að auki er mikið slegist
um húsin. Ég lauk við endurskoðun verksins í
sumar og byrjaði þá strax að vinna með Ron
Daniels. Maður notar orðið spart, en hann er
snillingur, búinn að vera listrænn stjórnandi
hjá Konunglega Shakespeareleikhúsinu í tutt-
ugu ár og alveg frábær leikstjóri.“
„Það skipti líka mjög miklu máli að við fengj-
um í aðalhlutverkið mann sem réði við þetta á
listrænan hátt en drægi líka fólk í leikhúsið.
Fred Zollo og Ron Daniels fengu snemma
augastað á David Warner, sem er mjög þekkt-
ur leikari. Það var sagt um hann á sínum tíma
að hann yrði arftaki Sir Laurence Oliviers hjá
Konunglega Shakepeareleikhúsinu, og hann
lék þar Hamlet, seint á sjöunda áratugnum í
mjög frægri uppfærslu og sló gjörsamlega í
gegn. Öllum að óvörum fór hann til Hollywood
og lék þar í meira en hundrað myndum; gekk í
gegnum ýmislegt í sínu persónulega lífi og
steig ekki á leiksvið í 28 ár, allt frá því hann fór
frá London, þar til á síðasta vetri þegar hann
lék í verki eftir Bernard Shaw á Broadway og
sló rækilega í gegn. Frank Ritch, gagnrýnandi
hjá New York Times, skrifaði þá tvær langar
greinar um endurkomu Davids Warners á
sviðið og lýsti því hvers konar snillingur hann
væri. Warner fékk Sniglaveisluna í hendur
núna í október og var þá að ljúka við bíómynd.
Hann býr á Spáni, en ákvað að slá til, og koma
aftur til London og stíga á svið þar eftir þrjátíu
ára fjarveru. Þannig gekk þetta allt fyrir sig,
og í fyrradag var undir það skrifað við leik-
húsin að leikritið færi inn í annað hvort þeirra.
David Warner, Fred Zollo og Ron Daniels hitt-
ust í London núna í byrjun vikunnar, og þeir
eru núna að ráða í hin hlutverkin, en eru búnir
að ráða alla aðra sem koma til með að standa að
sýningunni.“
Margir vilja standa
á sviði með Warner
Ólafur Jóhann segir að val á leikurum muni
skýrast í vikulok, en að þeir séu margir sem
vilji standa á sviði með David Warner á þessum
tímamótum, þegar hann snýr aftur heim.
„David Warner er goðsagnapersóna í leikhús-
lífinu í London og ég býst við að það verði auð-
velt að fá góða leikara með honum. Það mun
vekja mikla athygli að hann skuli koma heim
aftur til að leika á sviði; sérstaklega þar sem
stjarna hans skein svo skært þegar hann fór.
Það verður mjög spennandi að sjá hver útkom-
an verður.“
Ólafur Jóhann segist ekki hafa haft West
End í huga þegar hann samdi Sniglaveisluna.
„Ég gat nú ekki séð þetta fyrir. En ef menn
vakna um stjörnubjarta nótt og láta sig
dreyma vakandi, þá dettur þeim kannski eitt-
hvað svona í hug. Ég hef ekkert viljað tala um
þetta þar til allt var orðið klappað og klárt, því
það getur svo margt brostið á leiðinni. En
þetta er afskaplega ánægjulegt, ekki síst þar
sem þarna verður valinn maður í hverju rúmi.“
Heimskunnir listamenn setja Sniglaveislu Ólafs Jóhanns Ólafssonar upp í West End í London
„Margir vilja
standa á sviðinu
með David Warner“
Ólafur Jóhann Ólafs-
son rithöfundur.
David Warner
Sogblett-
urinn er eftir
þá feðga
Helga Jóns-
son og Hörð
Helgason.
Í kynningu
segir m.a.:
„Sagan lýsir
einum
skrautlegum sólarhring í lífi nokk-
urra unglinga. Sindri vaknar upp á
laugardagsmorgni með sogblett á
hálsinum. Kærastan hans verður
alveg brjáluð og vill vita hvernig
stendur á honum. Gallinn er bara
sá að Sindri hefur ekki hugmynd
um það. Hann hefur nokkra klukku-
tíma til að rifja upp það sem hann
gerði nóttina áður og með hjálp
Rabba vinar sínar kemst Sindri að
því að nóttin var geðveik.“
Fyrir tveimur árum kom út eftir þá
feðga spennusagan Rauðu augun.
Útgefandi er Bókaútgáfan Tind-
ur. Bókin er 110 bls. Verð: 2.290
kr.
Unglingar
MARGVERÐLAUNAÐIR listamenn
standa að sýningunni á Sniglaveislunni á
West End.
David Warner
David Warner er heimsþekktur leikari,
sem útskrifaðist aðeins 19 ára úr Konung-
lega leiklistarskólanum í London. Hann
varð strax einn mesti Shakespeare leikari
síns tíma, sló í gegn sem Hamlet í frægri
uppfærslu í Shakespeareleikhúsinu í Strat-
ford 1965 og sem Hinrik sjötti í rósastríðun-
um.
Hann var fastráðinn við Shakespeareleik-
húsið, en fór einnig ungur að leika í kvik-
myndum. Hann lék þrjótinn Blifil í myndinni
Tom Jones árið 1964 og í kjölfarið kom ein
eftirminnilegasta mynd hans, Straw Dogs. Á
hátindi ferils síns á Englandi, flutti hann til
Bandaríkjanna og lék eingöngu í kvikmynd-
um. Stærstu hlutverk hans voru í myndun-
um The Omen, Time After Time, Time
Bandits, Tron, The Man with Two Brains,
Star Trek VI, Titanic og Apaplánetunni.
1981 fékk hann Emmyverðlaun fyrir
aukahlutverk sitt í myndinni Masada.
Hæfileikar hans og sérstakt útlit hafa
gert margar persónur hans ógleymanlegar.
Í byrjun næsta árs verða þrjátíu ár liðin frá
því hann kvaddi leikhúsin í London. Heim-
komu hans á leiksvið þar í borg er beðið með
eftirvæntingu og þeir verða eflaust margir
sem vilja sjá hann takast á við hlutverk Gils
Thordarsen stórkaupmanns í Sniglaveislu
Ólafs Jóhanns Ólafssonar.
Fred Zollo
Fred Zollo er einn af virtustu framleið-
endum dagsins í dag, og vinnur jafnt fyrir
kvikmyndir, leikhús og sjónvarp. Fjórar
stórmyndir hans hafa verið tilnefndar til
fjórtán Óskarsverðlauna. Nýjasta mynd
hans, Ghosts of Mississippi, var tilnefnd til
tvennra Óskarsverðlauna, þar á meðal var
James Woods tilnefndur sem besti leikari í
aukahlutverki. Fyrsta sjónvarpsmynd Zoll-
os, In the Gloaming, með Glenn Close í aðal-
hlutverki, fékk fimm tilnefningar til Emmy-
verðlauna. Auk þeirra fjórtán óskarstilnefn-
inga sem fjórar stærstu myndir hans hafa
fengið hafa uppfærslur hans á leikritum á
Broadway hreppt meir en 40 tilnefningar til
Tony-verðlaunanna. Sjónvarpsmyndir hans
hafa einnig verið tilnefndar til fjölda Emmy-
verðlauna. Sjálfur hefur hann tvívegis
hreppt Tony-verðlaunin, fyrir leikverk eftir
Tony Kushner og var tilnefndur persónu-
lega til Óskarsverðlauna fyrir Mississippi
Burning og til Emmy verðlauna fyrir In the
Gloaming. Meðal annarra kvikmynda sem
hann hefur framleitt eru Quiz Show sem Ro-
bert Redford leikstýrði með Ralph Fiennes í
aðalhlutverki, The Paper með Michael Keat-
on, Glenn Close, Marissu Tomei og Robert
Duvall í aðalhlutverkum í leikstjórn Rons
Howards.
Fred Zollo hefur verið viðurkenndur fyrir
störf sín að listum á margan hátt, og hann á
sæti í Academy of Motion Picture, Arts and
Sciences.
Ron Daniels
Leikstjórinn Ron Daniels er einn af
þekktustu leikstjórum bæði austan hafs og
vestan. Hann hefur verið fastráðinn leik-
stjóri og listrænn stjórnandi við Konunglega
Shakespeareleikhúsið í Stratford um árabil,
og hefur notið margvíslegra viðurkenninga
fyrir störf sín þar. Í Shakespeareleikhúsinu
hefur hann leikstýrt Pétri Gaut og Ofviðr-
inu, með Sir Derek Jacobi í aðalhlutverki;
Hamlet með Roger Rees og Kenneth Bran-
agh í aðalhlutverkum; Ríkharði öðrum með
Alex Jennings í aðalhutverki; Hinrik fimmta
með Michael Sheen í aðalhlutverki; Real
Dreams, með Gary Oldman svo aðeins fáein
verk hans þar séu nefnd.
Vestan hafs hefur Ron Daniels einnig lát-
ið til sín taka. Hann var listrænn stjórnandi
American Repertory leikhússins í Boston
um árabil en hefur auk þess unnið við
Shakespeare leikhúsið í Washingon, Yale
Repertory leikhúsið, leikhúsið í Pittsburg og
The Long Wharf leikhúsið þar sem hann
leikstýrði meðal hannars Kathleen Turner.
Hann hefur einnig leikstýrt óperum, nú síð-
ast Madam Butterfly við San Francisco óp-
eruna og óperuna í Austin, Texas og Carm-
en í Houston Grand Opera og Michigan
Opera Theatre.
Margverðlaunaðir listamenn