Morgunblaðið - 06.12.2001, Blaðsíða 63

BRÉF TIL BLAÐSINS
MORGUNBLAÐIÐ FIMMTUDAGUR 6. DESEMBER 2001 63
Misstu ekki af vandaðri
jólamyndatöku!
Gerðu verðsamanburð. Hjá okkur eru allar
myndirnar sem þú færð í myndatökunni
stækkaðar og fullunnar. Innifalið í
myndatökunni: 12 stækkanir 13x18 cm,
2 stækkanir 20x25 cm og
ein stækkun 30x40 cm í ramma.
Allar myndatökurnar
og stækkanir afgreiddar fyrir jól.
Látið mynda stórfjölskylduna milli jóla og nýárs!
Ljósmyndastofan Mynd, sími 565 4207.
Ljósmyndastofa Kópavogs, sími 554 3020.
Við teljum niður til jóla!
Í dag eru 18 dagar til jóla og
18% afsláttur
Velkomin um borð
Í VIÐSKIPTABLAÐI Morgunblaðs-
ins 8. nóv. er greint frá nýútkominni
bók eftir dr. Hannes Hólmstein, pró-
fessor við Háskóla Íslands: „Hvernig
getur Ísland orðið ríkasta land í
heimi?“
Ósköp finnst mér þetta vera óraun-
hæf markmið bókarhöfundar. Sjálf-
sagt er það keppikefli margra að
verða ríkir bæði að fé og völdum. En
verða veraldleg ríkidæmi heims
nokkurs virði þegar ekki eru skilyrði
að njóta þeirra? Í heimi sálarlausrar
gróðahyggju dafna vel ýmsir lestir,
m.a. óheiðarleiki og ójöfnuður, svik-
semi, siðleysi og trúleysi.
Nú vilja margir Íslendingar vaða í
einhverjar ægilegustu framkvæmdir
til að afla orku fyrir álverksmiðjur.
Miklu á að fórna, fyrirhugaðar fram-
kvæmdir eru ekki aðeins þær um-
fangsmestu, dýrustu og áhættusöm-
ustu, heldur einnig þær umdeildustu
og fela í sér eyðileggingu á öðrum
skapandi möguleikum í atvinnumál-
um, t.d. ferðaþjónustu.
Íslendingar eru upp til hópa ákaf-
lega áhrifagjarnir og eru til í nánast
allt. Margir eru jafnvel til í að falbjóða
ömmu sína til að auðga sjálfan sig.
Margir hafa ánetjast þessari áráttu
svo að jaðrar við fíkn og hafa mis-
stigið sig hrapallega á þessu og bakað
mörgum áhyggjur og sorgir. Nýjasta
dæmið er þegar þúsundir hlupu upp
til handa og fóta og fjárfestu í ein-
hverjum pöntunarlista nú á dögunum
þar sem boðið var upp á gull og græna
skóga.
Er ekki öllum hollara að hugsa um
að hafa nóg fyrir sig og spenna ekki
bogann um of? Það sem þessa þjóð
skortir einna mest er heiðarleiki og sá
eiginleiki að verða sáttari við um-
hverfi okkar sem við erum á góðri leið
með að stórspilla okkur til mikils
vansa. Umfram allt þarf þjóðin að efla
með sér aukna sparsemi og leggja
áherslu á að nýta betur það sem við
höfum með heiðarlegri vinnu okkar.
Við getum auk þess tekið okkur mikið
á í umhverfismálum og jafnframt
stuðlað að aukinni hagsæld og velferð
samfélagsins. Draga má auðveldlega
úr mengun og stórbæta hag okkar
með því að efla almenningssamgöng-
ur og að hvetja alla til að nota þær
sem mest. Vitið þið, að einungis 4%
þeirra sem ferðast milli heimilis og
vinnustaðs á höfuðborgarsvæðinu,
nota almenningssamgöngur? Þetta er
eitt lægsta hlutfall í víðri veröld.
Ég er ekki tilbúinn að hlaupa eftir
einhverjum dægurflugum, jafnvel
þótt mér sé boðið upp á öll auðæfi
heims.
Mætti biðja landsmenn að læra að
vera meira gagnrýnir og ekki trú-
gjarnir um of á ýms gylliboð, hvort
sem er um að ræða gylliboð siðlausra
kaupahéðna eða stjórnmálamanna
sem lofa auknum auð landsmanna
með byggingu virkjana og álvera.
GUÐJÓN JENSSON,
bókfræðingur og leiðsögumaður.
Óraunhæf markmið
Frá Guðjóni Jenssyni:
Í FRAMHALDI af umræðum um
öryggi á sundstöðum er vert að
benda á nokkur atriði. Fyrst hvað
varðar nekt. Það er eðlilegt að fólk
geti farið hjá sér þegar það er nakið
og starað er á það. Sumir hlutir eru
einfaldlega einkamál fólks. Stundum
er t.d starað á fólk vegna fæðing-
arbletta, öra eftir uppskurði eða mis-
munandi húðlitar. Búningsklefar
sundlauga ættu því allir að hafa sér-
skiptiklefa og sér-sturtur fyrir fólk
sem kýs það frekar, líkt og er í gömlu
Laugardalslauginni.
Líkt og leiðbeina verður fólki um
að það þvoi sér vel áður en farið er í
laugina, er hægt að leiðbeina því á
öðrum sviðum. Í fyrsta lagi er æski-
legt að setja aðvaranir hvað varðar
lágmarksaldur í gufu- og sánaböð
(t.d. 15 ár). Í annan stað getur verið
sorglegt að sjá feður taka með sér
dætur sínar í karlaklefana ef þær
eru eðlilega orðnar of gamlar til
þess, einsog margir hafa eflaust séð.
Sundlaugarverðir hafa sagt undirrit-
uðum að feður taki allt að 10 ára
gamlar dætur sínar með sér í karla-
klefann. Dæmi eru um að þær hafi
hálfkjökrað af hræðslu og reynt að
skýla nekt sinni. Augljóst er að þetta
getur haft varanleg áhrif á þær.
Sumstaðar erlendis er mælst til að
börn eldri en 5 ára noti ekki búnings-
klefa gagnstæðs kyns. Hér á landi er
einnig þörf á leiðbeiningum á þessu
sviði.
BJÖRGVIN ÞORSTEINSSON,
verkfræðingur.
Nekt og öryggi
á sundstöðum
Frá Björgvin Þorsteinssyni:
ÞAR sem verið er að skera niður hjá
ríkinu get ég ekki annað en bent á
augljósan niðurskurð sem allir ættu
að vera ánægðir með. Hver vill ekki
gleðilegan niðurskurð í tilefni
jólanna? Ég er að tala um niður-
skurð sem myndi spara ríkinu 2,5
milljarða á næstu átta árum. Það
eina sem þarf að gera er að breikka
Reykjanesbraut um eina akrein í
staðinn fyrir tvær. Vegagerðin lét
Línuhönnun gera úttekt á breikkun
Reykjanesbrautar (sjá skýrslu:
http://lh.is/lesa_frett.php?frett_ID=
66) og niðurstaðan var sú að slysum
myndi fækka álíka mikið, en 2+1
leiðin (þriggja akreina) kostar 1
milljarð, meðan 2+2 (fjórar akrein-
ar) kostar 3,5 milljarða. Arðsemi
2+1 leiðarinnar er 8% en 2+2 aðeins
um 3%. Auk þess má geta þess að
2+1 aðferðin mun anna umferð al-
veg til ársins 2028 og því ætti það að
vera augljóst að 2+2 leiðin er algjör
óþarfi við núverandi aðstæður.
Þegar ég las skýrsluna varð ég
mjög hissa yfir því að 2+1 leiðin væri
ekki tekin framyfir hina. Í blaðinu
Verktækni rakst ég á ummæli sam-
gönguráðherra sem varpa kannski
ljósi á ástæðuna fyrir þessari vit-
leysu. Á ráðstefnu um samgöngur
höfuðborgarsvæðisins sagði hann,
þegar hann var spurður af hverju
mætti ekki nota 2+1 leiðina í staðinn
fyrir 2+2, að það þýddi ekkert að
tala um hana vegna tilfinningahita
Reyknesinga. Svona ummæli á ráð-
herra ekki að láta hafa eftir sér. Ég
hef ekki kynnst því að Reyknesingar
séu einhverjir vitleysingar sem þýði
ekkert að rökræða við eins og ráð-
herrann virðist gefa í skyn. Ekki
verður samt neitað að smátilfinn-
ingahiti hefur verið í Reyknesingum
vegna þeirra hræðilegu slysa sem
hafa orðið á Reykjanesbrautinni. Í
því sambandi má benda á að umferð-
arhraði mun aukast tvöfalt meira á
2+2 leiðinni en 2+1 og líkur á dauða-
slysi aukast með auknum hraða. Því
munu Reyknesingar fagna 2+1 leið-
inni af augljósum ástæðum.
Ég vil því að lokum hvetja alþing-
ismenn til að skera niður með bros á
vör og halda gleðileg jól vitandi það
að þeir hafa sparað okkur milljarða
án þess að þurfa að skapa óánægju í
þjóðfélaginu.
GÍSLI JÓNSSON,
nemi,
Vikingavegen 27B,
Lundi, Svíþjóð.
Gleðileg jól og
gleðilegan niðurskurð
Frá Gísla Jónssyni:
FRÉTTIR
HEILSUGÆSLUSTÖÐINNI í
Ólafsvík var færður lungnamælir að
gjöf nú á dögunum. Gefendur eru
Loftfélagið, áhugafólk um öndun, og
Glaxo Smith Kline. Bæjarstjórinn í
Snæfellsbæ, Kristinn Jónasson,
vígði nýja tækið með því að blása
hraustlega í það. Reyndist lungna-
starfsemi bæjarstjórans í góðu lagi
og loftmagn í lungum hans yfir með-
allagi.
Loftfélagið er samstarfsverkefni
vinnuhóps á vegum landlæknisemb-
ættisins, Tóbaksvarnarnefndar og
Glaxo Smith Kline. Meðal þess sem
samstarfsverkefnið beinist að er
endurnýjun lungnamælitækja á
heilsugæslustöðvum um land allt.
Vonir standa til að nýja tækið muni,
ásamt fræðslu- og upplýsingastarfi
Loftfélagsins, leiða til þess að
lungnaeftirlit með lungnagmæling-
um verði fastur liður innan heilsu-
gæslunnar.
Magnús Eiríksson, stjórnarfor-
maður Heilsugæslunnar í Ólafsvík,
veitti lungnamælinum viðtöku frá
fulltrúa Glaxo Smith Kline.
Morgunblaðið/Elín Una Jónsdóttir
Gúnda, læknir á Heilsugæslustöðinni í Ólafsvík, fylgist með Kristni
bæjarstjóra blása í nýja tækið.
Heilsugæslustöðin
fær lungnamæli
Ólafsvík. Morgunblaðið.
LINDIN hefur hafið útgáfu á has-
arblöðunum „Powermark“ og ættu
eintök af þeim að koma í bókabúðir í
þessari viku.
Sagan gerist bæði í fortíð og í fjar-
lægri framtíð. Í hasarblöðunum
kynnast lesendur Mark Chen yfir-
foringja sem er falið það verkefni að
leiða hóp ungs fólks sem er ætlað að
nýta sér sýndarveruleikatækni til að
forrita frásagnir úr Biblíunni en yf-
irmenn Mark Chens hafa miklar
áhyggjur af áhugaleysi ungu kyn-
slóðarinnar á lestri Biblíunnar.
Hópurinn verður fyrir árásum
illra afla sem vilja allt til vinna til að
drepa Mark Chen og koma í veg fyr-
ir að sendiförin heppnist.
Saga þessi kemur út í 12 eintök-
um. Hægt er að panta áskrift á
heimasíðu Lindarinnar; www.lind-
in.is.
Lindin gefur út Power-
mark-hasarblöð
GÖTUSMIÐJAN mun hefja sölu á
Verndarengli til styrktar meðferðar-
heimili Götusmiðjunnar að Árvöll-
um, helgina 8. og 9.desember.
Verndarengillinn er lítið silfurlit-
að barmmerki, framleitt af Götu-
smiðjunni í minningu þeirra sem
hafa lotið í lægra haldi í baráttunni
við vímuefni.
Sala Verndarengilsins er fjár-
mögnunarleið til að geta mætt auk-
inni aðsókn 18-20 ára ungmenna í
meðferðarpláss á Árvöllum en þessi
hópur myndar nú langan biðlista.
Götusmiðjan hefur þjónustusamning
við Barnaverndarstofu um 13 rými
fyrir 15 til 18 ára ungmenni en erf-
iðlega hefur gengið að fá fjámagn
fyrir eldri hópinn þ.e. 18 til 20 ára.
Með auknu fjármagni hefur með-
ferðarheimilið getu til að bæta við 5
rýmum fyrir 18 til 20 ára skjólstæð-
inga, segir í frétt frá Götusmiðjunni.
Götusmiðjan sel-
ur barmmerki
HARALDUR Briem, dósent við Há-
skóla Íslands og sóttvarnalæknir við
Landlæknisembættið, heldur opinn
fyrirlestur um sýkla- og eiturefna-
vopn í hernaði og hryðjuverkum á
vegum Vísindafélags Íslendinga í
Lögbergi, húsi lagadeildar Háskóla
Íslands, í dag, fimmtudaginn 6. des-
ember, kl. 20.
Engin vopn geta valdið eins miklu
manntjóni og sýklavopn. Því beinist
nú athyglin að þeim. Þekkingu þarf
til að framleiða þau en kostnaðurinn
er mörgum viðráðanlegur ef viljinn
er fyrir hendi, segir í fréttatilkynn-
ingu.
„Á undanförnum vikum hefur at-
hyglin beinst að heilbrigðisþjónust-
unni, getu hennar til að greina vand-
ann og bregðast við honum. Ljóst er
að hún skiptir meira máli fyrir varnir
þjóða en hefðbundnir herir þegar
beitt er sýklavopnum. Þeir sem
vinna við móttöku sjúklinga á heil-
brigðisstofnunum og stunda sótt-
varnir frá degi til dags eru hæfastir
til að greina vandann þegar og ef
hann skyldi birtast,“ segir í tilkynn-
ingunni.
Fyrirlestur um
sýkla- og eitur-
efnavopn
ALÞJÓÐLEG frönskupróf verða
haldin 15. og 17. desember nk. í
húsakynnum Alliance française að
Hringbraut 121, 3. hæð.
Þetta eru alþjóðleg próf í frönsku
sem franska menntamálaráðuneytið
hefur yfirumsjón með. Skírteinið
DALF er alþjóðlega viðurkennt sem
vitnisburður um frönskukunnáttu.
Prófið jafngildir inntökuprófi í
frönskukunnátu við franska háskóla.
Innritun stendur yfir til og með
14. desember nk. Upplýsingar og
innritun frá kl.13.30 – 18.30 eða á
netfanginu: af@ismennt.is
Löggild próf hjá
Alliance française
ÁRLEG jólatréssala Skógræktar-
félags Hafnarfjarðar verður tvær
næstu helgar, 8.-9. og 15.-16. des-
ember, og stendur frá 10 til 16 alla
daga.
Salan verður
eins og fyrr í
Höfða, skóg-
ræktarstöð fé-
lagsins við Hval-
eyrarvatn, og
þar verða á boð-
stólum greinar
og hin fallega
og barrheldna stafafura. Sérstök
athygli skal vakin á því, að þeir,
sem það vilja, geta fengið trén send
heim sér að kostnaðarlausu.
Boðið verður upp á súkkulaði og
smákökur meðan fólk velur jólatré.
Vegurinn upp í Höfða er vel ruddur
og þangað er nú rennifæri fyrir alla
bíla, segir í fréttatilkynningu.
Sala á hafnfirsk-
um jólatrjám