Morgunblaðið - 13.12.2001, Blaðsíða 18

AKUREYRI
18 FIMMTUDAGUR 13. DESEMBER 2001 MORGUNBLAÐIÐ
TRILLUR
● Léttu þér vinnuna
● Gerðu langar vega-
lengdir stuttar og
þungar vörur léttar
● Sterk plastgrind og
öflug hjól með legum
Síðumúla 13, sími 588 2122
www.eltak.is
SOCO trillur
- liprar og léttar -
NOKKRAR nýútkomnar bækur
voru kynntar í ferðamannafjósi í
Vogum og var fjölmenni. Ástæða
þessarar uppákomu er sú að Björn
Þorláksson sem sleit barnsskónum
við rekstur kúa foreldra sinna í
Vogum er að senda frá sér sína
fyrstu bók, smásagnasafnið „Við“
sem hlotið hefur lofsamlega dóma
gagnrýnenda. Þó ekki séu lengur
kýr í fjósi hjá Þorláki og Lilju,
foreldrum Björns, er þó enn búið
með kýr á búi nágrannans. Björn
las þarna með tilþrifum úr bók
sinni, einnig las Jón Hjaltason úr
bók sinni um Jóhann Svarfdæling
og fleira var til skemmtunar með
veitingum. Gestir tóku dagskránni
afar vel, en það var bókaútgáfan
Hólar sem stóð fyrir kynningunni.
Alkunna er að mestu bók-
menntaverk þjóðarinnar fyrir
daga pappírs áttu uppruna sinn og
endingu ekki síst að þakka naut-
peningi og var því vel við hæfi að
minna á það með lestri nútíma-
bókmennta á þessum stað. Reynd-
ar er ferðamannafjósið í Vogum
sérstaklega byggt með það fyrir
augum að gestir geti fylgst með
fjósverkum gegnum gler úr hæfi-
legri fjarlægð.
Morgunblaðið/BFH
Fjölmenni sótti bókmenntakynninguna í Vogafjósi.
Bækur kynntar
í Vogafjósi
Mývatnssveit
ATVINNULAUSUM á Norðurlandi eystra hef-
ur fjölgað nokkuð á milli mánaða og töluvert
mikið á milli ára, samkvæmt yfirliti frá Svæð-
isvinnumiðlun Norðurlands eystra. Í lok síðasta
mánaðar voru 363 á atvinnuleysisskrá á svæðinu,
193 konur og 170 karlar. Mánuði fyrr voru 305
manns á skrá og í lok nóvember í fyrra voru 256
manns á skrá á svæðinu.
Á Akureyri voru 234 á atvinnuleysisskrá í lok
síðasta mánaðar og hafði fjölgað um 36 á einum
mánuði. Í lok nóvember í fyrra voru 114 manns á
atvinnuleysisskrá, eða 120 færri en voru á skrá
um síðustu mánaðamót. Þá hefur orðið sú breyt-
ing að karlar eru nú fleiri á skránni en konur,
eða 126 á móti 108.
Í Dalvíkurbyggð voru átta á atvinnuleysisskrá
í lok síðasta mánaðar og hafði fjölgað um einn
frá mánuðinum á undan en fækkað um fimm frá
því í lok nóvember í fyrra. Heldur fleiri karlar
eru á atvinnuleyisskrá en konur.
Í Ólafsfirði fjölgaði einnig á skránni milli mán-
aða. Í lok nóvember sl. voru 38 manns á skrá en
31 mánuði fyrr. Í lok nóvember í fyrra voru 43 á
atvinnuleysisskrá í Ólafsfirði. Heldur fleiri konur
eru án atvinnu en karlar.
Störf í boði erlendis
Helena Karlsdóttir, forstöðumaður Svæðis-
vinnumiðlunar Norðurlands eystra sagði að at-
vinnulausum í Ólafsfirði ætti eftir að fjölga nokk-
uð tímabundið á næstunni, m.a. vegna stöðvunar
í fiskvinnslu og þess að skip frá staðnum er á
leið í slipp. Þar gæti verið um að ræða 50–100
manns.
Aðspurð sagði Helena að ekki væri mikið
framboð á vinnu hér á svæðinu. Hins vegar væri
mögulegt að koma fólki í vinnu erlendis, á EES-
svæðinu, m.a. í Noregi og þá sérstaklega á Ír-
landi. „Við getum miðlað fólki í störf á EES-
svæðinu en fólk hefur meiri áhuga á störfum er-
lendis á vorin en nú yfir vetrartímann. Þetta er
hins vegar möguleiki sem fólk ætti kannski að
kynna sér.“
Helena sagði að þessi árstími væri alltaf
slæmur og því töluvert margir um hvert starf
sem losnar. „Miðað við þau svör sem við fáum
frá fólki sem hingað sækir halda fyrirtæki að sér
höndum um þessar mundir.“
Atvinnulausum fjölgar enn
EISTNESKIR tónlistarmenn, sem
allir eru búsettir á Norðurlandi
eystra, halda tónleika í Deiglunni á
Akureyri föstudagskvöldið 14. des-
ember og hefjast þeir kl. 21.
Þar verður ný og fjölbreytt dag-
skrá flutt. Strengjakvartett, fiðlu-
leikur, sellóleikur, básúnuleikur, ein-
söngvarar, tónlist úr söngleikjum,
dægurlög og írsk tónlist verður á
meðal þess sem hinir eistnesku tón-
listarmenn flytja gestum. Tónlistar-
mennirnir sem fram koma eru:
Jaan Alavere, Kaldo Kiis,
Kulliki Matson, Lauri Toom,
Mait Trink, Marogt Kiis,
Marika Alavere, Tarvo Nomm og
Valmar Väljaots en hljóðmaður er
Kristján Halldórsson.
Tónleikarnir eru haldnir í sam-
starfi við Norrænu upplýsingaskrif-
stofuna og Gilfélagið.
Eistneskir
tónlistarmenn
MIKILL áhugi er fyrir störf-
um hjá Akureyrarbæ og
ÁTVR á Akureyri ef marka má
fjölda umsókna um þrjár stöð-
ur sem auglýstar voru nýlega
og umsóknarfrestur um rann
út í byrjun vikunnar. Alls bár-
ust um 130 umsóknir um þess-
ar þrjár stöður.
Alls bárust 56 umsóknir um
stöðu verslunarstjóra ÁTVR
og 46 umsóknir um stöðu verk-
efnisstjóra kynningar og upp-
lýsingarmála hjá Akureyr-
arbæ, sem er ný staða á
þjónustusviði. Þá bárust 27
umsóknir um stöðu deildar-
stjóra fjármálasviðs Norður-
orku, orkufyrirtækis Akureyr-
arbæjar.
Mikill áhugi
fyrir laus-
um störfum
NÝ OG endurbætt myndgrein-
ingardeild við Fjórðungssjúkra-
húsið á Akureyri hefur verið
tekin í notkun og var Jón Krist-
jánsson heilbrigðisráðherra við-
staddur við það tækifæri.
Vinna við endurskipulagn-
ingu myndgreiningardeildar-
innar hófst á síðasta ári og hófst
þá jafnframt undirbúningur að
kaupum á nýjum tækjabúnaði.
Heimild fékkst til að bjóða út tvö
ný röntgentæki á fjárlögum
þessa árs. Var annars vegar um
að ræða fjölnota röntgentæki og
hins vegar nýtt tölvusneið-
myndatæki. Voru þau bæði boð-
in út í aprílmánuði síðastliðnum
og í framhaldinu samið við Ein-
ar Farestveit um kaup á tækj-
um. Endanlegt kaupverð tækj-
anna var 104 milljónir króna, en
vegna gengisbreytinga hækk-
uðu þau um 24 milljónir frá upp-
haflegri áætlun.
Unnið var að því á þessu ári
að breyta húsnæði deildarinnar,
en stærð þess er um 210 fer-
metrar. Vinnuaðstöðu var
breytt, aðstaða útbúin fyrir ný
tæki og eldri tæki flutt til.
Kostnaður við breytingar á hús-
næði nam um 16 milljónum
króna.
Fjórðungssjúkra-
húsið á Akureyri
Ný mynd-
greining-
ardeild í
notkun
ATHUGUN á hagkvæmni þess að
byggja nýja slökkvistöð fyrir
slökkvilið Akureyrarbæjar og
Flugmálastjórnar við Akureyrar-
flugvöll er enn í gangi en nokkur
töf hefur orðið á þeirri vinnu. Að
sögn Tómasar Búa Böðvarssonar,
slökkviliðsstjóra á Akureyri, hefur
ekki verið tekin ákvörðun um að
byggja og enn eru ýmsir óvissu-
þættir til skoðunar.
Tómas Búi sagði að staðsetning
nýrrar slökkvistöðvar yrði á upp-
fyllingu vestan flugbrautar, á svæð-
inu frá flugstöð og norður að
gatnamótum Þórunnarstrætis og
Drottningarbrautar. Hann sagði að
hugmyndin væri að byggja um
2.000 fermetra húsnæði undir
starfsemi beggja slökkviliða, sem
er svipaður fermetrafjöldi og
slökkviliðin ráða yfir sameiginlega í
dag, við Árstíg og á Akureyrarflug-
velli.
Breyta þurfi skipulagi vegna
framkvæmdanna
Tómas Búi sagði að breyta þyrfti
skipulagi vegna framkvæmdanna
og að vafalaust yrði að fara fram
umhverfismat. Þá yrði að vinna for-
hönnun þannig að fyrir lægi hvað
verkið kostar. Hann sagði stefnt að
því að ljúka undirbúningsvinnu fyr-
ir næsta haust og í kjölfarið yrði
tekin ákvörðun um hvort ráðist
yrði í framkvæmdir eða ekki.
Slökkvilið Akureyrar tók yfir
rekstur slökkviliðs Akureyrarflug-
vallar um síðustu áramót, sam-
kvæmt samningi við Flugmála-
stjórn.
Bygging nýrrar slökkvistöðvar
við Akureyrarflugvöll
Ákvörðun liggi
fyrir næsta haust
FYRIRTÆKIÐ Þekking-Tristan
hf. hefur átt talsvert samstarf við
Háskólann á Akureyri (HA) á und-
anförnum árum þar sem nemendur
hafa komið og unnið ýmis verkefni
sem tengjast námi þeirra við skól-
ann. Í vetur hefur þetta samstarf
verið með mesta móti og hafa 7
verkefni verið unnin á haustönn
2001 fyrir fyrirtækið.
Aðallega hefur verið um að ræða
verkefni nemenda úr rekstrardeild
en einnig er unnið að því að koma
á samstarfi við nýja upplýsinga-
tæknibraut sem hóf göngu sína nú
í haust. Nemendur hafa unnið
verkefni tengd námskeiðum, s.s. í
gæðastjórnun, markaðsfræði,
stefnumótun og gæðakerfi, svo
eitthvað sé nefnt. Hugmyndin með
því að láta nemendur koma og
vinna náið með starfsfólki Þekk-
ingar-Tristan er sú að þannig
komast nemendur í tengsl við at-
vinnulífið og um leið fær fyrirtæk-
ið að njóta hæfni nemenda og
kennara við að leysa ákveðin verk-
efni.
Magnús V. Snædal, gæðastjóri
Þekkingar-Tristan, sagði þetta
samstarf gagnast báðum aðilum og
víkka sjóndeildarhring hjá starfs-
mönnum fyrirtækisins og nemend-
um háskólans. Verkefnin hafi verið
faglega unnin og öll gagnist þau
fyrirtækinu að einhverju leyti.
Þekking-Tristan hefur ráðið til
sín nemendur úr HA að loknu
námi auk þess sem starfsfólk fyr-
irtækisins hefur verið duglegt að
sækja nám við HA til að afla sér
þekkingar og símenntunar. Þrír
starfsmenn fyrirtækisins stunda
nú nám við Háskólann á Akureyri.
Þekking-Tristan og Háskólinn
á Akureyri í samstarfi
Háskólanemar
vinna verkefni
fyrir fyrirtækið
GAMLAR jólagjafir nefnist lítil
sýning sem sett hefur verið
upp á Fjórðungssjúkrahúsinu á
Akureyri. Sýningin saman-
stendur af gömlum barnabók-
um, leikföngum og ýmsu öðru
dóti frá fyrri tíð. Tilgangurinn
með sýningunni er að gefa
sjúklingum, gestum og starfs-
fólki sjúkrahússins tækifæri til
að rifja upp bernskuna og líta
augum aftur barnabækur sem
ef til vill hafa leynst í jóla-
pakkanum á æskuárum þess.
Flestar eru bækurnar frá ár-
unum 1940 til 1955 en einnig
getur að líta eldri bækur, svo
sem kennslubækur í lestri. All-
ir sýningargripirnir eru í eigu
starfsmanns sjúkrahússins,
Valgarðs Stefánssonar, sem
hefur safnað að sér ýmsu dóti
gegnum tíðina. Sýningin stend-
ur til 6. janúar næstkomandi.
Gamlar jólagjafir á sýningu
í Fjórðungssjúkrahúsinu