Morgunblaðið - 13.12.2001, Blaðsíða 53

ráðinu. Aðildarríkin ná yfirleitt
samkomulagi áður en að því kemur
og er rík hefð fyrir því að ræða
hlutina í þaula og ná víðtækri sátt
um einstök mál – jafnvel þó að
gildur meirihluti sé fyrir hendi. Að
vísu urðu atkvæðagreiðslur al-
gengari í ráðherraráðinu um miðj-
an 9. áratuginn og eru einkum
tvær ástæður fyrir því. Með ein-
ingarlögunum 1986 fjölgaði sviðum
þar sem hægt er að afgreiða mál
með vegnum meirihluta. Jafnframt
komu mörg mál inn á borð ráðsins í
tengslum við innri markaðinn þar
sem aðallega var kosið um áherslur
og útfærslur en ekki markmið.
Þrátt fyrir allt er, eins og kemur
fram í bók Helen Wallace, einungis
gengið formlega til atkvæða-
greiðslu í ráðinu í um 25% tilvika
(The Council of Ministers, 1997).
Aftur á móti er ljóst að atkvæða-
greiðslum á eftir að fjölga með
stækkun sambandsins.
Staða smáríkja
Til að fá skynsamlega niðurstöðu
um hugsanleg áhrif Íslands innan
ESB þarf einkum að skoða tvennt:
Hvernig sambandið virkar í raun
og hvernig smáríkjum vegnar inn-
an sambandsins og hvernig þau
beita sér.
Staðreyndin er sú að smáríkjum
vegnar mjög vel innan sambands-
ins og þeim gengur vel að ná mark-
miðum sínum. Flest aðildarríkin
eru svokölluð smáríki og öll ríkin
sem ganga munu í sambandið á
næstu árum eru smáríki að Pól-
landi undanskildu. Evrópusam-
bandið er því ekki síst vettvangur
smáríkja til að ráða ráðum sínum
við stærri og öflugri ríki álfunnar á
jafnréttisgrundvelli. Það eru engin
fordæmi fyrir því að grundvallar-
hagsmunum einstakra ríkja sé
fórnað á altari ESB. Þvert á móti.
Sambandið byggist ekki á alræði
meirihlutans – slíkt myndi einfald-
lega aldrei ganga upp. Íslendingar
geta því óhræddir gengið til liðs
við ESB sem hefur það m.a. að
markmiði að standa vörð um lýð-
ræði, mannréttindi og frelsi ein-
staklingsins. Með aðild yrðum við
fullir þátttakendur í öllum vinnu-
hópum, nefndum og stofnunum
sambandsins og hefðum, ólíkt því
sem nú er, virk áhrif á þá löggjöf
sem gildir í landinu. Aðild er því
vænlegur kostur fyrir Íslendinga.
Höfundur er stjórnmálafræðingur
og formaður Evrópusamtakanna.
UMRÆÐAN
MORGUNBLAÐIÐ FIMMTUDAGUR 13. DESEMBER 2001 53
flísar
Stórhöfða 21, við Gullinbrú,
sími 545 5500.
www.flis.is
netfang: flis@flis.is
Geisladiskahulstur
aðeins 500 kr.
NETVERSLUN Á mbl.is