Morgunblaðið - 05.02.2002, Side 27

LISTIR
MORGUNBLAÐIÐ ÞRIÐJUDAGUR 5. FEBRÚAR 2002 27
„STOPPLEIKHÓPURINN er 5
ára á þessu ári og okkur langaði til
að brjóta upp okkar fyrra vinnulag.
Við höfum sett upp níu sýningar
sem flestar hafa verið fræðslusýn-
ingar fyrir börn og unglinga. Leik-
sýningar um eiturlyf, tóbaksvarnir,
umferðarmál, kynfræðslu og ýmis-
legt fleira en núna langaði okkur til
að leita í þjóðararfinn; finna okkur
efni í þjóðsögunum,“ segja þau
Eggert Kaaber og Katrín Þorkels-
dóttir sem stofnuðu leikhópinn og
hafa tekið þátt í nær öllum sýn-
ingum hans. Auk þeirra tekur Pálmi
Sigurhjartarson tónlistarmaður
virkan þátt í sýningunni og leik-
stjóri er Jón Stefán Kristjánsson.
„Við báðum Þorvald að huga að
þjóðsagnaarfinum og afraksturinn
er enn betri en við þorðum að vona;
í verkinu er hinn forni tími þjóð-
sagnanna, saga þjóðarinnar, og nú-
tíminn tengdur saman á bráð-
skemmtilegan hátt, þar sem rímur
og þulur eru notaðar á skemmtilega
nútímalegan hátt.“
Byrjun sýningarinnar er óvænt
þar sem tveir unglingar, Barði og
Rúna, koma í salinn ásamt áhorf-
endum og álpast upp á svið einsog
fyrir tilviljun. Þar situr Tónskratt-
inn með hljómborð og hljómtæki og
þau byrja að rappa og reyna að fá
hann til að skemmta sér með öllum
ráðum. Loks dettur þeim í hug að
setja geisladisk í spilarann sem er á
sviðinu og þá er fjandinn laus í bók-
staflegri merkingu. Þeim er svipt
tvær aldir aftur í tímann og kynnast
þar formóður Rúnu og ástmanni
hennar sem gekk undir nafninu
Glæpa-Barði. Þeirra saga er átak-
anleg og hættuleg og Barði og
Sigga mega taka á öllu sínu til að
komast aftur til nútímans reynsl-
unni ríkari.
Á sýningunni sem undirritaður
fylgdist með í síðustu viku var hóp-
ur kennara og skólastjórnenda einn-
ig viðstaddur. Það var augljóst af
viðbrögðum þeirra að þeir töldu
verkið eiga fullt erindi við unglinga.
Sumir töldu verkið tengjast á
skemmtilegan hátt við námsefni í
Lífsleikni þar sem Barði og Sigga
verða að læra að treysta eigin sann-
færingu og trúa á manneskjuna í
sjálfum sér til að sleppa heil í gegn-
um þessa reynslu. „Einhver benti á
að þetta væri táknrænt fyrir þær
hættur sem unglingum stafar af eit-
urlyfjum. Okkur hafði aldrei dottið
það í hug og hugmyndin er góð.“
Aðrir úr hópi kennaranna sáu
möguleika á að tengja efni verksins
við námsefni í íslensku og sögu.
„Það er okkur mikið gleðiefni að
skólafólkið skuli sjá þessa mögu-
leika með sýningunni enda er henni
ætlað að ferðast um grunnskólana á
næstu mánuðum,“ segir Jón Stefán
leikstjóri.
„Sýningin er sett upp með styrk
frá menningarmálanefnd Reykja-
víkurborgar og fleiri aðilum og
kunnum við þeim öllum bestu þakk-
ir fyrir,“ segir Eggert að lokum.
Fortíðin í nútímanum
Morgunblaðið/Þorkell
Katrín Þorkelsdóttir og Eggert Kaaber í sýningu Stoppleikhópsins.
„Það var barn í dalnum“
er heiti á nýju leikriti
eftir Þorvald Þor-
steinsson sem Stopp-
leikhópurinn frumsýnir
í dag. Hávar Sigurjóns-
son fylgdist með forsýn-
ingu en þetta er far-
andsýning ætluð
nemendum efra stigs
grunnskóla, 7.–10.
bekkjar.
havar@mbl.is
ÍSLENSKI dansflokkurinn
frumsýndi tvö dansverk sl. laug-
ardagskvöld.
Ísraelinn Itzik Galili reið á vaðið
með dansverk sitt Með augum
Nönu. Galili á stuttan feril að baki
sem danshöfundur en hefur þegar
getið sér gott orð í dansheiminum.
Dansstíll hans einkennist af hraða,
krafti og fyndni. Dansverkið Thro-
ugh Nana’s eyes eða séð með aug-
um Nönu gæti helst átt sér stað
um nótt á götuhorni í Brooklyn
eða á Broadway New York-borgar.
Þar sem næturhrafnar leita sér
lífsfyllingar, hundur hleypur um
geltandi og vændiskona reynir að
selja sig. Rauði þráður verksins er
tónlist Tom Waits, tónlistarmanns
sem vart þarf að kynna. Dans-
ararnir túlka orð söngvarans frá
einu lagi til annars í dansi og leik.
Í „Temptation“ tæla dansararnir
feiminn strákling til sín í hópdansi
og gleðikonan reynir hvað hún get-
ur til að örva viðskiptin. Stuttu
síðar syngur hún ólétt með texta
Tom Waits; Charlie I’m pregnant.
Nana birtist á sviðinu í „Waltzing
Matthilda“ dansandi í stirðum
kroppnum í mótvægi við unga
stælta dansarana. Í lok verksins
stilla dansararnir sér upp í sófa í
einskonar fjölskyldumyndatöku
hverfis vinanna.
Þeir sem kunna að meta tónlist
Tom Waits ættu ekki að verða fyr-
ir vonbrigðum með þetta verk.
Dansinn fléttast vel inn í tónlistina
og skondnar hugmyndir höfundar
skjóta upp kollinum hér og þar.
Ólétt með gullfisk í maganum og
vel heppnaður paradans í sófa þar
sem ólíkir einstaklingar kljást við
sömu hlutina í þéttum dansvafn-
ingi var gott dæmi.
Sófauppstillingin í lokin var ein-
læg og einföld og gott mótvægi við
hraðan dansinn sem á undan var
genginn. Höfundur skuldbindur
sig lögunum og texta þeirra sem
gerði það að verkum að verkið
varð á köflum fyrirsjáanlegt. Það
varð að myndskreytingu við lögin,
fallegri og vissulega vel heppnaðri
myndskreytingu en á kostnað
sjálfstæðis verksins. Í hnotskurn
er verkið skemmtilegur dans með
skondnum uppákomum við góða
tónlist. Dansararnir voru í essinu
sínu og er verkið vel innan get-
umarka þeirra. Þeir voru kraft-
miklir, leikandi léttir og fágaðir.
Flokkurinn samanstendur nú af
fimm kvendönsurum og fimm karl-
dönsurum sem gáfu þeim fyrr-
nefndu lítið eftir.
Hópurinn á greinilega gott með
að vinna saman og tókst að skila
léttu og skemmtilegu dansverki.
Richard Wherlock átti seinna
verkið á dagskrá. Hann er íslensk-
um dansunnendum góðkunnur en
flokkurinn flutti verk hans Iða árið
1998.
Dansstíll Wherlock einkennist
einnig af hraða, snerpu og kímni.
Á sviðinu eru stólar og múrsteinar
og við enda sviðsins má sjá báru-
járnsplötur.
Ljósagrindur standa hliðarsviðs.
Í verkinu er dansað við tónlist
írsku þjóðlagasveitarinnar The
Pogues og leggur tónlistin línurn-
ar. Í verkinu ríkir kráarstemning.
Iðandi tónlistin kallar fram klapp,
stapp og hlátrasköll dansaranna.
Þeir etja kappi hver við annan og
hvetja á víxl.
Takturinn er sleginn með múr-
steinunum og stólunum og hvort
tveggja fléttað inn í dansinn. Þetta
er gleðiverk sem ætlað er að
skemmta og sem slíkt stendur það
undir væntingum. Dansgerðin er
hröð og stílhrein og eins og í fyrra
verki kvöldsins vel á valdi dans-
aranna. Þeir nutu dansins af lífi og
sál og voru kappsfullir að sýna
hvað í þeim bjó. Gjá myndaðist
milli áhorfenda og dansaranna. Í
verkinu skiptast dansararnir á að
skemmta hver öðrum og urðu
áhorfendur afskiptir þegar fram í
sótti. Að skaðlausu hefði mátt inn-
vikla áhorfendur inn í verkið með
einum eða öðrum hætti. Þessi ið-
andi gleðibomba var kærkominn
endir á vel lukkuðu danskvöldi Ís-
lenska dansflokksins. Það sýndu
áhorfendur óspart í sýningarlok.
Morgunblaðið/Golli
Dansgerðin er hröð og stílhrein, segir um verk Richards Wherlock.
Á léttum
nótum
LISTDANS
Borgarleikhúsið
Íslenski dansflokkurinn
Danshöfundur: Itzik Galili. Tónlist: Tom
Waits. Sviðsmynd: Ascon de Nijs. Lýsing-
arhönnun: Benno Veen, Elfar Bjarnason.
Búningar: Natasja Lansen. Hljóð: Ólafur
Thoroddsen. Dansarar og leikarar: Guð-
mundur Helgason, Guðmundur Elías
Knudsen, Hanna María Karlsdóttir, Hann-
es Þorvaldsson, Hildur Óttarsdóttir, Hlín
Diego Hjálmarsdóttir, Jesus De Vega,
Katrín Ingvadóttir, Katrín Ágústa John-
son, Lára Stefánsdóttir, Peter Anderson,
Trey Gillen. Laugardagur 2. febrúar.
MEÐ AUGUM NÖNU
Lilja Ívarsdóttir
Danshöfundur: Richard Wherlock. Tón-
list: Írsk þjóðlagatónlist, The Pogues.
Lýsingarhönnun: Elfar Bjarnason. Bún-
ingar: Jane Hopper og ÍD. Hljóð: Ólafur
Thoroddsen. Dansarar: Guðmundur
Helgason, Guðmundur Elías Knudsen,
Hildur Óttarsdóttir, Hlín Diego Hjálm-
arsdóttir, Jesus De Vega, Katrín Ingva-
dóttir, Katrín Ágústa Johnson, Lára Stef-
ánsdóttir, Peter Anderson, Trey Gillen.
ARFUR
Börn og trú af
sjónarhóli sál-
arfræði, uppeld-
isfræði og guð-
fræði er eftir sr.
Sigurð Pálsson.
Í bókinni er við-
fangsefnið
skoðað frá ólík-
um sjón-
arhornum.
Spurt er hvað uppeldi sé og rætt um
tengsl mannskilnings og uppeldis. Þá
er spurt hvers eðlis trúhneigðin sé og
ræddar kenningar sálfræðinga um
rætur guðsmyndarinnar og um trúar-
þroska. Einnig veltir höfundur fyrir sér
tengslum trúar og siðgæðis og kynnir
kenningar um siðgæðisþroska og sið-
gæðisuppeldi. Ennfremur er rætt allít-
arlega um trúarlegt uppeldi og trú-
fræðslu á heimilum og í kirkjum og
hlutverk leikskóla og grunnskóla í
trúarlegu uppeldi og fræðslu. Þá er
sérstakur kafli um guðlaust uppeldi.
Sigurður Pálsson hefur m.a. skrifað
bækurnar Börn og sorg og Börn og
bænir og samið námsefni í kristnum
fræðum. Þá hefur hann verið stunda-
kennari í trúaruppeldis- og kennslu-
fræði og trúarlífssálarfræði við Kenn-
araháskóla Íslands og guðfræðideild
Háskólans. Sigurður er sóknarprestur
við Hallgrímskirkju í Reykjavík.
Útgefandi er Skálholtsútgáfan.
Bókin er 159 bls. Verð: 2.680 kr.
Trú