Morgunblaðið - 20.04.2002, Side 4

FRÉTTIR
4 LAUGARDAGUR 20. APRÍL 2002 MORGUNBLAÐIÐ
„NÚ STANDA yfir víðtækar skipu-
lagsbreytingar á sjúkrahúsþjónust-
unni þar sem uppbygging háskóla-
sjúkrahúss á höfuðborgarsvæðinu og
samræming í starfsemi annarra
sjúkrahúsa landsins eru stærstu
verkefnin. Sömuleiðis er jafnmikil-
vægt að tryggja að heilsugæsla utan
sjúkrahúsa geti gegnt sínu veiga-
mikla hlutverki í heilbrigðisþjónust-
unni, jafnt í þéttbýli sem dreifbýli.“
Þetta kemur fram í yfirlýsingu
Jóns Kristjánssonar, heilbrigðis- og
tryggingamálaráðherra, vegna
heilsugæslunnar en í gær átti hann
fund með forsvarsmönnum Félags
íslenskra heimilislækna.
„Undanfarin ár hefur grunnheilsu-
gæsla átt undir högg að sækja í sam-
keppni við ýmsa aðra þætti heil-
brigðisþjónustunnar. Það er því
mikilvægt að gert verði skipulegt
átak til þess að styrkja stöðu heilsu-
gæslunnar á næstu misserum.“
Læknar semji við ríkið um laun
Í yfirlýsingunni segir Jón að mik-
ilvægt sé að ráðuneytið og Félag ís-
lenskra heimilislækna hafi með sér
nána samvinnu um frekari uppbygg-
ingu og eflingu heilsugæslunnar á
næstunni. Í því samstarfi leggur
hann áherslu á að fjölbreytni í
rekstri heilsugæslunnar verði aukin
þar sem grunnþjónustunni í núver-
andi mynd verði viðhaldið í öllum
grundvallaratriðum. „Fjölbreytni í
rekstri þýðir í þessu sambandi, að
læknar geta tekið að sér rekstur
heilsugæslustöðva á forsendum
heilsugæslunnar, og að hægt verði að
taka upp vinnufyrirkomulag sem fel-
ur í sér afkastahvetjandi launakerfi
fyrir lækna. Markmið með fjöl-
breytni af þessu tagi er að gera leið
sjúklinga að læknum í grunnþjónust-
unni greiðari en nú er, að tryggja
jafnari og betri þjónustu við sjúk-
linga og treysta grunnþjónustu heil-
brigðisþjónustunnar í sessi.“
Þá leggur hann áherslu á að Félag
íslenskra heimilislækna samþykki að
semja í framtíðinni við ríkið um laun
sín og önnur starfskjör og um
breytta uppbyggingu og samsetn-
ingu launa. Þannig hafi kjaranefnd
ekki lengur um kjaramála lækna að
segja.
Þá segir Jón mikilvægt að skipu-
lagt átak verði gert í menntun og
þjálfun heimilislækna og að áfram
verði unnið að fjölgun námsstaða í
heilsugæslunni. „Mín tillaga er að
komið verði á fót sameiginlegum
vinnuhópi ráðuneytisins og lækna
sem fái það verkefni að gera verk-
áætlun um hvernig þessum atriðum
verði hrint í framkvæmd. Þegar
framkvæmdaáætlun liggur fyrir
mun heilbrigðis- og tryggingamála-
ráðuneytið athuga hvaða breytingar
þurfi að koma til á lögum og reglu-
gerðum til þess að tryggja fram-
kvæmd áætlunarinnar. Varðandi
nauðsynlegar lagabreytingar verði
stefnt að því að leggja fram frumvörp
þess efnis á Alþingi haustið 2002.
Haft verður náið samráð við Félag
íslenskra heimilislækna um fram-
kvæmd allra meginþátta áætlunar-
innar,“ segir í yfirlýsingu ráðherra.
Rekstrarformi Heilsugæsl-
unnar verði breytt
Bæjarstjórn Garðabæjar hefur
samþykkt að fela bæjarstjóra að
kanna hug starfsmanna Heilsugæsl-
unnar í Garðabæ og afstöðu heil-
brigðisráðherra til breytts rekstrar-
forms heilsugæslustöðvarinnar.
Segir í fréttatilkynningu að starf-
semi stöðvarinnar líði fyrir að þar
séu ekki nægilega margir starfs-
menn og stöðugildi lækna of fá.
Í samþykkt bæjarstjórnar segir að
ýmsar leiðir komi til greina en ein
þeirra sé sú að starfsmenn stöðvar-
innar eigi beinni aðild að rekstri og
stjórnun hennar en sem stendur er
stöðin rekin af ríkinu líkt og flestar
heilsugæslustöðvar á landinu. Þá lýs-
ir bæjarstjórn yfir vilja til að styðja
við bakið á starfsemi Heilsugæslunn-
ar eins og gert hefur verið en Garða-
bær greiðir t.d. launakostnað fé-
lagsráðgjafa sem starfar á stöðinni.
Reynsla af annars konar rekstri
Bjarni Jónasson, yfirlæknir á
Heilsugæslunni í Garðabæ, segir
þetta góðar fréttir. „Það er mjög
ánægjulegt að heyra að bæjarstjórn-
in hafi samþykkt eitthvað í þessa
veru því ég held að öllum sé ljóst í
hvaða þrengingum heilsugæslan í
landinu er. Þannig að ég fagna þessu
fyrir mitt leyti og sem yfirlæknir.“
Hann segir góða reynslu af því í
Garðabæ að starfsfólk sjái um rekst-
ur heilsugæslustöðvarinnar en
læknar ráku stöðina frá upphafi
hennar árið 1983 í fimm ár. „Það
gafst ákaflega vel. Við fundum það
eftir að ríkið tók við rekstrinum árið
1990 að allar leiðslur urðu miklu
lengri upp í ráðuneyti þrátt fyrir vel-
vilja fólks þar til að leysa málin.
Þannig að mín ósk um langt skeið
hefur verið að öll ákvörðunartaka
yrði nær starfseminni heldur en hún
er í dag því þannig er miklu auðveld-
ara að leysa vandamál sem upp
koma. Ég held að staðan eins og hún
er með ríkisreksturinn á þessu end-
urspegli vandræðin og get því ekki
annað en fagnað þessu.“
Fjölbreytni í rekstrarformum
Heilbrigðisráðherra sagðist í sam-
tali við Morgunblaðið fagna yfirlýs-
ingu bæjarstjórnarinnar um aðgerð-
ir til að styrkja heilsugæsluna í sessi.
„Ég er tilbúinn að ræða allar leiðir í
því sambandi.“ Jón segir að reynt
verði útboð á ákveðinni þjónustu
væntanlegrar heilsugæslustöðvar í
Salahverfi í Grafarvogi. Þá sé í gildi
þjónustusamningur milli ráðuneytis-
ins við heilsugæslu í Lágmúla. „Það
er ein leið til að auka fjölbreytni í
rekstarformum heilsugæslustöðva.
Heilsugæslan er grunnþjónusta,
nærþjónusta, rekin á hverfagrund-
velli. Hún á að vera aðgengileg öllum
og á sama verði fyrir alla. Rekstr-
arform mega ekki breyta þessum
grundvallaratriðum. En hvernig
þessi þjónusta er veitt er annað mál
og ég er tilbúinn að hlusta á raddir
manna í því sambandi.“
Víðtækar skipulags-
breytingar á sjúkra-
húsþjónustunni
RISAPOTTUR kvöldsins í
Lottó 5/38 stefnir hratt í á sjötta
tug milljóna króna þegar dregið
verður í kvöld í beinni útsend-
ingu á Stöð 2 og Sjónvarpinu. Í
gær, nánar tiltekið klukkan
14.10, var potturinn kominn í 37
milljónir króna og segir Berg-
sveinn Sampsted framkvæmda-
stjóri Íslenskrar getspár að bú-
ast megi við að potturinn verði
kominn í allt að 55 milljónir
króna þegar sölustöðum verður
lokað í dag kl. 18.40.
Potturinn í kvöld er sexfaldur
og jafnframt stærsti lottópott-
urinn til þessa. Síðasta met var
sett í október 1998 þegar pott-
urinn var orðinn sjöfaldur og
var rúmar 38 milljónir króna.
Lottó 5/38
Stefnir í 55
milljóna
risapott í
kvöld
SÆLKERAR flykkjast nú að sýn-
ingarhúsi Kópavogsbæjar í Smár-
anum. Á móti þeim tekur freist-
andi ilmur af steikum, sushi og
hvers kyns öðrum matvælum,
ferskum sem tilbúnum. Tilefnið er
matvælasýningin Matur 2002 sem
opnuð var almenningi í gærdag. Á
sýningunni kynna 200 aðilar sem
tengjast mat, matargerð eða
brúðkaupum vörur sínar og þjón-
ustu með margvíslegum hætti.
Einn sýnandi brá á það ráð að
laða sýningargesti að bás sínum
með því að grilla svín í heilu lagi.
Það er sjaldséð sjón, flestir
þekkja svínakjötið sem skinku og
hamborgarhrygg en færri hafa
séð það matreitt með haus og
hala, líkt og gert var í Smáranum.
Þetta uppátæki virðist hafa vakið
eftirtekt gesta á leið þeirra um
sýningarsvæðið. Matvælasýningin
er nú haldin í sjötta sinn og lýkur
henni á sunnudag.
Morgunblaðið/Kristinn
Heilgrill-
að svín til
sýnis
RANNSÓKN lögreglunnar á Kefla-
víkurflugvelli á meintum tollalaga-
brotum starfsmanna í Flugstöð
Leifs Eiríkssonar er á lokastigi.
Flestir þeirra 70 sem hafa verið yf-
irheyrðir hafa viðurkennt brot sín,
þ.e. að hafa keypt tollfrjálsan varn-
ing í flugstöðinni. Eftir er að yf-
irheyra 10 manns en stefnt er að því
að rannsókn málsins ljúki í næsta
mánuði.
Morgunblaðið hefur heimildir fyr-
ir því að rannsóknin beinist einnig
að meintum þjófnaði á varningi úr
verslunum í flugstöðinni.
Samkvæmt tilkynningu frá sýslu-
mannsembættinu á Keflavíkurflug-
velli voru brotin í flestum tilfellum
framin með þeim hætti að starfs-
fólkið keypti varning í verslunum í
flugstöðinni og geymdi hann í
starfsmannaskápum. Síðan var
neytt færis og vörum komið á far-
þega, yfirleitt vini og vandamenn
sem fóru með varninginn út af toll-
frjálsa svæðinu. „Rannsókn málsins
hefur leitt í ljós að þessi háttsemi
hafi í einhverjum mæli átt sér stað
árum saman,“ segir í tilkynning-
unni. Fólkið starfar flest hjá Frí-
höfninni.
Leituðu í skápum
starfsfólks um páskana
Lögregla og tollgæsla gerðu leit í
vistarverum starfsfólks um páskana
og var þá lagt hald á nokkurt magn
tollfrjáls varnings. Var þetta gert í
framhaldi af því að tollvörður varð
var við að starfsfólk í flugstöðinni
keypti vörur á rýmingarútsölu í
íþróttaverslun í flugstöðinni. Verð-
mæti þess varnings sem lagt var
hald á var almennt ekki mikið. Í til-
kynningunni segir að allt útlit sé
fyrir að hægt sé að ljúka langflest-
um þessara mála með sektargerð,
sem miðast við verðmæti þess varn-
ings sem lagt er hald á. Þá hafi ver-
ið mjög góð samvinna við forsvars-
menn Flugstöðvar Leifs
Eiríkssonar hf. sem rekur Fríhöfn-
ina.
Tollalagabrot starfs-
fólks í Leifsstöð áttu
sér stað árum saman
Komu varn-
ingnum á
vini og
vandamenn
REKSTUR kjúklingabúsins Ís-
landsfugls í Dalvíkurbyggð hefur
verið tryggður, en eins og komið hef-
ur fram var reksturinn nánast kom-
inn í þrot. „Þessi niðurstaða er mjög
jákvæð og þá ekki síst fyrir Dalvík-
urbyggð,“ sagði Sigmundur Ófeigs-
son, framkvæmdastjóri Norðlenska.
Hjá Íslandsfugli starfa um 40 manns
en Sigmundur sagði að þarna hefðu
verið 80–100 störf í húfi í byggðar-
laginu. „Íslandsfugl skuldaði fyrir-
tækjum á Dalvík rúmar 30 milljónir
króna og eitthvað af þeim fyrirtækj-
um hefði líka riðað til falls ef Íslands-
fugl hefði komist í þrot. Þessar
skuldir verða gerðar upp á næstu
dögum.“
Fjögur félög, Norðlenska, Kald-
bakur, Sparisjóður Norðlendinga og
Sparisjóður Svarfdæla, komust að
samkomulagi við hluthafa fyrir
skömmu um að kaupa allt hlutafé í
fyrirtækinu. Hinir nýju eigendur
gáfu sér hálfan mánuð til að skoða
fjárhagsstöðu fyrirtækisins og í gær
var tilkynnt á starfsmannafundi Ís-
landsfugls, að af kaupunum yrði og
áframhaldandi rekstur þar með
tryggður.
Sigmundur sagði að sú áreiðan-
leikakönnun, sem fram fór í kjölfar
kaupanna, hefði sýnt fram á að fjár-
hagsstaða fyrirtækisins væri mun
erfiðari en gert var ráð fyrir. Hann
sagði að stærstu kröfuhafarnir,
Sparisjóður Norðlendinga og Spari-
sjóður Svarfdæla, hefðu þrátt fyrir
þessa erfiðu stöðu átt stærstan þátt í
að kaupin gengu í gegn. Einnig hefði
aðkoma Kaldbaks haft þar áhrif.
Aðspurður sagði Sigmundur að
einhverra breytinga væri að vænta í
stjórnun fyrirtækisins. „Það verður
áfram unnið að málefnum fyrirtæk-
isins í sátt við starfsfólk, en þar
liggja verðmæti þess.“
Framleiðsla Íslandsfugls verður í
lágmarki næstu mánuði vegna
skorts á varphænum og tekjurnar
verða því litlar á meðan. Sigmundur
sagði að reynt yrði að komast hjá
uppsögnum verkafólks meðan þetta
ástand varði. „Við ætlum að reyna að
semja okkur út úr þessu, m.a. með
því að fá fólk til að taka sumarfrí.
Það er ljóst að næstu mánuðir verða
erfiðir en þetta er mjög jákvæð nið-
urstaða og ég er bjartsýnn á fram-
haldið.“
Rekstur Íslandsfugls
hefur verið tryggður