Morgunblaðið - 12.05.2002, Síða 55

FÓLK Í FRÉTTUM
MORGUNBLAÐIÐ SUNNUDAGUR 12. MAÍ 2002 55
EFTIR langan aðdraganda og und-
irbúning er heimildarmynd fyrir
sjónvarp um Tyrkjaránið tilbúin, og
því var efnt til forsýningar á mynd-
inni um daginn. Tómas Ingi Olrich
menntamálaráðherra tók formlega í
notkun vefsíðu um Tyrkjaránið og
heimildarmyndina (http://servef-
ir.ruv.is/heimildamynd), ensk kynn-
ingarmynd um myndina var sýnd og
einnig fyrsti hluti myndarinnar,
Náðarkjör, sem er 44 mínútur að
lengd. Myndin verður sýnd í kvöld
og tvo næstu sunnudaga í Sjónvarp-
inu.
Útflutningsvara
Kvikmyndafélagið Seylan vann
myndina í samvinnu við Sjónvarpið,
en að Seylan standa Hjálmtýr Heið-
dal framleiðandi, Guðmundur Bjart-
marsson kvikmyndatökumaður og
Þorsteinn Helgason höfundur og
leikstjóri.
Hjálmtýr segir að þeir hafi farið af
stað með verkefnið árið 1993, en tök-
ur hafi ekki hafist fyrr en árið 2000
vegna hversu langan tíma tók að
fjármagna myndina sem kostaði um
16 milljónir alls.
– Og hefur tekist að selja hana til
útlanda?
„Já, við fórum á ráðstefnu í Boston
í október og vöktum mikla athygli.
Svo náðum við samningi við tvær er-
lendar stöðvar, frá Hollandi og Ír-
landi, og erum með fleiri í takinu. Nú
erum við að vinna erlendar útgáfur
af myndinni til að mæta stöðlum
hverrar þjóðar fyrir sig. Svo við er-
um að fara í tökur.“
Hjálmtýr segir engin leikin atriði
vera í myndinni en eitt sviðsett atriði
á Austfjörðum þar sem þeir tóku 110
manns. „Myndin er að mestu unnin
úr 17. aldar myndefni og upptökurn-
ar fóru aðallega fram erlendis. Við
fórum til tíu landa og eltum uppi söfn
og myndefni sem voru fréttamyndir
þess tíma,“ segir Hjálmtýr Heiðdal
kvikmyndagerðarmaður sem bíður
spenntur eftir viðbrögðum áhorf-
enda við mynd þeirra félaga um
Tyrkjaránið.
Morgunblaðið/Ásdís
Tómas Ingi Olrich menntamálaráðherra, Guðbjörg Sigurðardóttir, aðstoð-
armaður ráðherra, Þorsteinn Helgason höfundur og Markús Örn Antons-
son útvarpsstjóri á forsýningu fyrsta hluta myndarinnar um Tyrkjaránið.
Níu ár í vinnslu
Forsýning á Tyrkjaráninu
 GAUKUR Á STÖNG: Útgáfu-
tónleikar í tilefni útkomu þriðju
breiðskífu Thirteen á mánudags-
kvöld. Sveitin er hugarfóstur Halls
Ingólfssonar en á tónleikunum
verða honum til halds og trausts
hinir ýmsu hljóðfæraleikarar.
 TJARNARBÍÓ: Tvennir tón-
leikar, mánudag og þriðjudag, til
að mótmæla NATO-fundi. Spilað
verður frá 19.00–23.00 hvort kvöld
Aðgangseyrir verður 500 kr. – 16
ára aldurstakmark. Á fyrsta degi
spila Reaper, Citizen Joe, Dys,
Brain Police, Changer, Snafu og
Andlát. Á öðrum degi spila Lack
of Trust, Down To Earth, I Adapt,
Elixír, Fidel og Forgarður Helvít-
is.
 VÍDALÍN: Hljómsveitin Örkuml
kynnir nýtt efni, sem er vel bragð-
bætt með sveitatónlist. Af því til-
efni mun DJ Jennings leika val-
inkunn lög úr þeim geiranum.
Kvöldið hefst um 22.00.
Í DAG
 Sjá einnig Staður og stund á mbl.is
Óli og Ingimar, Örkumlamenn, verða í sveitatónlistargír á Vídalín í kvöld.