Morgunblaðið - 13.06.2002, Qupperneq 51

FRÉTTIR
MORGUNBLAÐIÐ FIMMTUDAGUR 13. JÚNÍ 2002 51
TRYGGINGAMIÐSTÖÐIN hf. hef-
ur opnað nýja skrifstofu á Mið-
vangi 2-4 á Egilsstöðum. Félagið
hefur um árabil haft umboðsmann
í sveitarfélaginu, en vegna auk-
inna umsvifa var ákveðið að opna
skrifstofu með föstum starfs-
manni. Það er tölvuskólinn Spyrn-
ir ehf., sem er umboðsaðili TM á
Egilsstöðum, en starfsmaður fé-
lagsins verður Sigurður Ragn-
arsson. Við formlega opnun skrif-
stofunnar sagði Ágúst
Ögmundsson aðstoðarforstjóri, að
TM væri fyrst og fremst þekkt fyr-
ir að vera sjó- og skipatrygginga-
félag og þar sem farþegaskip væri
nú komið á Lagarfljót hefði félag-
ið auðvitað orðið að bregðast við
því á einhvern hátt.
Trygginga-
miðstöðin opnar
skrifstofu
Egilsstöðum. Morgunblaðið.
Morgunblaðið/Steinunn Ásmundsdót
F.v. Hilmar Gunnlaugsson, Spyrni ehf., Sigurður Ragnarsson, starfs-
maður TM á Egilsstöðum, Gestur Helgason, umboðsmannaþjónustu TM,
Ágúst Ögmundsson aðstoðarforstjóri, Ingimundur Kárason, fyrirtækja-
tryggingadeild TM, og Vigfús M. Vigfússon, fyrirtækjadeild TM.
ÞÝSKAR bogaskyttur verða
staddar hér á landi dagana 9.–16.
júní í boði bogfimideildar Íþrótta-
félags fatlaðra í Reykjavík. Fé-
lagar úr bogfimideild ÍFR hafa
farið til Þýskalands til æfinga og
keppni annað hvert ár frá árinu
1984, segir í fréttatilkynningu.
Föstudaginn 14. júní verður
bogfimimót haldið á Valbjarnar-
velli í Laugardal og hefst mótið kl.
13. Þetta er fyrsta bogfimimótið
sem haldið er utandyra á Íslandi.
Á sama tíma munu bogaskyttur
sem staddar eru í Dannenberg
einnig keppa og verða mótin sam-
tengd.
Alls munu 25 bogaskyttur frá
Íslandi og Þýskalandi taka þátt í
mótinu, segir þar ennfremur.
Opið bogfimimót