Morgunblaðið - 27.06.2002, Blaðsíða 14

FRÉTTIR
14 FIMMTUDAGUR 27. JÚNÍ 2002 MORGUNBLAÐIÐ
EFNAHAGSBROTADEILD ríkis-
lögreglustjóra handtók fjármála-
stjóra Vísis.is ehf. og Fréttablaðsins á
föstudag vegna rannsóknar á meintu
fjármálamisferli hans sem mun tengj-
ast rekstri beggja fyrirtækjanna.
Jón Gunnar Zoëga, lögmaður
einkahlutafélagsins Vísis.is ehf., sem
rak m.a. netmiðilinn Vísi.is, segir að
fjármálastjóri Vísis hafi talið sig hafa
heimild til yfirdráttar á reikningi fé-
lagsins hjá SPRON en forráðamenn
SPRON telji að svo hafi ekki verið.
SPRON hafi því sent kæru til emb-
ættis ríkislögreglustjóra vegna notk-
unar á reikningnum í apríl og til loka
maí, samtals að fjárhæð rúmlega 20
milljónir króna.
„Það eina sem ég get staðfest er að
síðastliðinn föstudag var farið fram á
gæsluvarðhald yfir forsvarsmanni í
fyrirtæki í borginni vegna rannsókn-
ar á meintu fjármálamisferli sem
Sparisjóður Reykjavíkur og nágrenn-
is hafði kært til okkar,“ segir Jón H.
Snorrason, yfirmaður efnahagsbrota-
deildar ríkislögreglustjóra, en blaðið
hefur áreiðanlegar heimildir fyrir því
að um sé að ræða fjármálastjórann.
Jón kvaðst ekki vilja fjalla frekar um
málið opinberlega eða tengja rann-
sóknina ákveðnum fyrirtækjum eins
og gert hefði verið í fjölmiðlum og
væri sér og sínu embætti með öllu
óviðkomandi. „Til þess er ekkert til-
efni, en ég get þó sagt að rannsókn-
inni miðaði það vel um helgina að ekki
voru forsendur til að knýja á um
gæsluvarðhald yfir manninum,“ sagði
Jón.
Hann bætti því við að rannsóknin
héldi áfram og væri ekki hægt að
segja til um hvort eða hvenær ákæra
kynni að verða gefin út.
Í yfirlýsingu sem Jón Gunnar
Zoëga, lögmaður Vísis.is ehf., sendir
fyrir hönd félagsins segir að ekki hafi
verið haft samband við stjórn eða eig-
endur Vísis vegna málsins né óskað
eftir greiðslu á yfirdrættinum. Þá hafi
engin samtöl farið fram milli SPRON
og stjórnar eða eigenda Vísis. Þá seg-
ir Jón Gunnar að allar getgátur um
aðild annarra félaga, þar á meðal
Fréttablaðsins, að þessu máli séu úr
lausu lofti gripnar. Greiðslur sem far-
ið hafi af reikningum Vísis til Frétta-
blaðsins og fjölda annarra aðila séu
allar tengdar skuldauppgjöri og
rekstri félagsins. Fréttablaðið hafi
selt Vísi fréttir og margvíslega aðra
þjónustu og þegið fyrir greiðslur
samkvæmt þjónustusamningum.
Harmað sé að getgátur um annað hafi
fengið byr undir báða vængi í fjöl-
miðlum.
Í lok apríl keypti Femin.is rekstur
á fréttavefnum Vísi.is af Frjálsri fjöl-
miðlun.
Handtaka fjármálastjóra Vísis.is ehf. og Fréttablaðsins
Ekki var talin þörf
á gæsluvarðhaldi
FERÐASKRIFSTOFAN Heims-
ferðir hefur flug til Parma frá Ís-
landi í sumar og er það í fyrsta
sinn, sem flogið er beint til þess-
arar borgar í norðurhluta Ítalíu.
Að sögn Andra Más Ingólfssonar,
framkvæmdastjóra Heimsferða,
er þegar orðið uppselt í fyrstu
ferðina, 1. ágúst, en enn eru laus
sæti í ferðir 22. ágúst og 19. sept-
ember auk þess sem meira fram-
boð á ferðum til Parma er áætlað
næsta sumar.
Heimsferðir kynntu þennan
nýja áfangastað á blaðamanna-
fundi í gær. Viðstaddir fundinn
voru einnig Silvia Ramenzoni,
fulltrúi Chiariva-ferðaskrifstof-
unnar er Heimsferðir hafa starfað
með, Monica Cantarelli, markaðs-
stjóri Parma-flugvallar, og Vinc-
enzo Bernazzoli, aðstoðarmaður
héraðsstjóra Parma, og kynntu
þau hvað svæðið, Emilia Rom-
agna-sýslan, hefur uppá að bjóða.
Yfir 5.000 íslenskir ferðamenn
fara á vegum Heimsferða til Ítal-
íu í sumar, sem er stórfelld aukn-
ing. Heimsferðir bjóða upp á ferð-
ir til Verona, Bologna og Parma í
ár auk Mílanó, en einnig var flog-
ið á síðastnefnda staðinn í fyrra.
Að sögn Andra Más hafði íslensk-
um ferðamönnum á Ítalíu fækkað
stöðugt síðasta áratuginn eða svo
áður en beint flug hófst.
Hugmyndin um beint flug til
Parma kom upp í fyrra þegar
Heimsferðir hugleiddu marg-
víslega ferðamöguleika til Ítalíu.
„Það hefur sýnt sig að þegar
beint flug hefst, margfaldast
ferðamannafjöldinn á staðinn,“
sagði Andri Már og bendir á að
150 manns fari í fyrstu vikuferð-
ina til Parma í ágúst, mun fleiri
en ef ferðin hefði verið boðin með
millilendingu í London.
Flogið er til Parma í leiguflugi
með Azzurra Air og er þaðan far-
ið til Salsomaggiore, sem að sögn
Andra Más, er einn þekktasti
heilsubær á Ítalíu. Áhersla er
lögð á golf og heilsu í ferðinni en
bærinn státar af sjö golfvöllum í
næsta nágrenni og góðri aðstöðu
til heilsuræktar og heilsubaða en
vatnið í bænum er þekkt fyrir
efnainnihald þess.
Chiariva er elsta ferðaskrif-
stofa Ítalíu, stofnuð árið 1878, og
sú þriðja elsta í heiminum en
skrifstofan hefur starfað með
Heimsferðum frá því í fyrra.
Ramenzoni lagði áherslu á að
samstarfið við Heimsferðir gengi
mjög vel og áhugi væri á að
kynna ekki aðeins stærstu staði
Ítalíu heldur einnig þá minni.
Hún benti á að Ísland væri sífellt
að verða þekktara meðal Ítala
þannig að þetta samstarf gagnist
báðum og góð samvinna væri við
yfirvöld á staðnum.
Cantarelli sagði mikilvægt að
hafa flugvöll í borginni en flug-
völlurinn, sem er kenndur við
Verdi, er lítill og aðeins í þriggja
kílómetra fjarlægð frá miðborg
Parma. Vegna smæðarinnar tekur
innritun og fleiri hlutir stuttan
tíma á vellinum, að sögn hennar.
Ennfremur er flogið þaðan áfram
til Spánar, Grikklands, Sikileyjar,
Rómar, Sardiníu, Parísar, London
og Brussel.
Heimsferðir hefja
beint flug til Parma
Morgunblaðið/Arnaldur
Viðstödd fundinn voru Andri Már Ingólfsson, framkvæmdastjóri
Heimsferða, Vincenzo Bernazzoli, aðstoðarmaður héraðsstjóra Parma,
Silvia Ramenzoni, fulltrúi Chiariva, og Monica Cantarelli, markaðs-
stjóri Parma-flugvallar.
BLÓMAMARKAÐUR verður á
Lækjartorgi í sumar og verður byrj-
að að selja þar blóm frá og með deg-
inum í dag, segir í fréttatilkynningu
frá Blómalagernum sem mun standa
að markaðnum. Þar segir að und-
anfarið hafi borist óskir frá við-
skiptavinum um að opnaður yrði úti-
markaður þar sem hægt væri að
kaupa blóm. Ennfremur kemur
fram að blómin verði seld milliliða-
laust frá bónda, en Blómalagerinn
er í eigu þriggja garðyrkjustöðva.
Fyrirtækið rekur verslanir á Smára-
torgi í Kópavogi og í Keflavík.
Morgunblaðið/Sverrir
Blómamarkaður á Lækjartorgi í sumar
FLUGFÉLAGIÐ Jórvík hf.
hefur hafið starfsemi á ný en
flug á vegum félagsins hefur
legið niðri frá 1. júní eftir að yf-
irvöld ákváðu að gefa ekki út
flugrekendaskírteini til félags-
ins. Félagið hefur nú fengið út-
gefið flugrekandaskírteini sam-
kvæmt kröfum evrópskra JAR
Ops-1 reglna eftir athugun
Flugmálastjórnar.
Starfsemin er nú komin í
gang aftur og segir í frétt frá
félaginu að vonast sé til að tak-
ast megi að vinna upp það tjón
sem stöðvunin hafi haft í för
með sér. Þar kemur fram að
það sé skoðun Jórvíkur að
minni flugrekendur eigi undir
högg að sækja og að alvarlegir
gallar séu á framsettum reglum
sem þurfi að skoða.
Í frétinni segir einnig: „Þá er
einnig skorað á samgönguyfir-
völd að þau skoði réttarstöðu
flugrekanda með tilliti til úr-
ræða gagnvart framkvæmda-
valdinu, því félög í viðkvæmum
og sveiflukenndum rekstri
standa berskjölduð gagnvart
duttlungakenndum ákvörðun-
um embættismanna og hæg-
virku kerfi stjórnsýslunnar.“
Þar segir ennfremur, „Ljóst
má vera að styrkur félags til að
standast missi starfsréttinda
þarf að vera mikill til að halda
úti glímu við embættismanna-
kerfi það sem er við lýði á Ís-
landi.“
Flugmálastjórn vísar
ásökunum á bug
Í frétt sem Flugmálastjórn
sendi frá sér í gærkvöldi er
ásökunum Jórvíkur um „duttl-
ungakenndar ákvarðanir emb-
ættismanna og hægvirkt kerfi
stjórnsýslunnar“ vísað á bug.
Þar segir m.a.: „Flugfélagið
Jórvík lýtur sömu reglum og
önnur flugfélög í landinu. Til að
fá útgefið flugrekstrarleyfi
þurfa flugfélög að uppfylla
ákveðnar kröfur um fjárhags-
stöðu. Mál Jórvíkur hefur ein-
göngu snúist um fjárhagsstöðu
félagsins og þ.a.l. um útgáfu
flugsrekstrarleyfis en varðar
ekki flugöryggiskröfur sem
gerðar eru vegna flugrekenda-
skírteinis.“
Jórvík
fær flug-
rekenda-
skírteini
SPRENGJUSÉRFRÆÐINGAR
Landhelgisgæslunnar voru kallaðir
út eftir að skipstjórinn á Fróða
ÁR-33, sem var að humarveiðum í
Jökuldýpi suðvestur af Snæfellsnesi,
hafði samband við stjórnstöð Gæsl-
unnar og tilkynnt að tundurdufl
hefði komið í vörpuna.
Þar sem varðskip Landhelgis-
gæslunnar var statt fyrir utan
Helguvík, þegar kallið kom um
klukkan 15.50 í fyrradag, var ákveðið
að sprengjusérfræðingar færu með
varðskipinu til móts við Fróða og
könnuðu málið. Staðfestu þeir að um
breskt kapaltundurdufl væri að
ræða. Í duflið vantaði bæði hvell-
hettu og forsprengju og það var því
ekki virkt. Aðal sprengihleðslan var
þó enn í duflinu, samtals 225 kíló af
sprengiefninu TNT. Farið var með
duflið í land í Helguvík og þaðan var
það flutt að Stapafelli þar sem
sprengjusérfræðingar eyddu því.
Fékk
kapaldufl í
vörpuna í
Jökuldýpi
TVEIR tæplega tvítugir bræður
hafa verið dæmdir fyrir að stela
rúmlega sjö þúsund lítrum af bens-
íni, samtals að andvirði um 745 þús-
und krónur frá bensínstöðvum Olís.
Annar þeirra var dæmdur í níu
mánaða fangelsi en hinn í tólf mán-
aða fangelsi. Stærstur hluti refsing-
arinnar er skilorðsbundinn. Menn-
irnir hafa áður hlotið dóm fyrir
þjófnað og tilraun til þjófnaðar og
rufu skilorð með bensínþjófnaðin-
um.
Bræðurnir stálu bensíni í 137
skipti á tímabilinu frá 17. maí til 7.
júní á síðasta ári. Alls tóku þeir
7.275,31 lítra með því að nota í heim-
ildarleysi bensínkort Íslandspósts
frá Olís hf. Annar mannanna játaði
að hafa selt öðrum bensín af kortinu
í einhver skipti. Í dómnum kemur
fram að skráðar eru 22 úttektir af
einni og sömu bensínstöðinni á sex
klukkustunda tímabili á einum degi í
maí í fyrra. Alls voru teknir um
1.400 lítrar af bensíni fyrir um
137.700 krónur samtals.
„Ljóst er að ákærðu hafa ekki
tekið svo mikið magn af bensíni ein-
göngu til eigin nota á svo stuttum
tíma,“ segir í dómnum. Annar
bræðranna sagði „alla“ hafa notað
kortið og hinn neitaði því að hafa
selt bensín til að greiða fyrir skuld-
ir. Einhverjir hefðu þó greitt fyrir
bensínið. Bensíninu var eingöngu
stolið af þremur bensínstöðvum en
hann vildi ekki kannast við að það
væri einhver sérstök ástæða fyrir
því að þessar ákveðnu bensínstöðv-
ar urðu fyrir valinu og neitaði að
hafa átt myndavélar á stöðvunum.
Tveir menn til viðbótar voru
ákærðir fyrir hlutdeild í öðrum
meintum brotum bræðranna en
dómurinn sýknaði fyrir þau brot.
Dæmdir fyrir
að stela 7.275
lítrum af bensíni