Morgunblaðið - 27.06.2002, Blaðsíða 16

HÖFUÐBORGARSVÆÐIÐ
16 FIMMTUDAGUR 27. JÚNÍ 2002 MORGUNBLAÐIÐ
Í GRAFARHOLTI er nýjasti
byggðarkjarni borgarinnar
óðum að taka á sig mynd en
ráðgert er að þar rísi um
1.500 íbúðir á næstu miss-
erum sem eiga að hýsa 4-5
þúsund manns.
Þegar ekið er inn í hverfið
er fljótlega komið að lítilli vin
í eyðimörkinni, Brauðhorn-
inu, sem systurnar Þórunn og
Eyrún Ingvadætur reka og
jafnframt er eina verslunin í
hverfinu. Þegar blaðamaður
og ljósmyndari líta þar við
líður senn að hádegi og sterk
matarlyktin mætir okkur í
anddyrinu. Þórunn hefur á
orði að Brauðhornið sé ekki
bakarí eða mötuneyti í venju-
legum skilningi þess orðs
heldur miklu fremur „far-
andeldhús“.
Bakaríið stendur á fram-
tíðarbílastæði Ingunnarskóla
og þegar hafist verður handa
við byggingu skólans um
næstu áramót mun eldhúsið
og systurnar færa sig um set
þangað sem þörfin er fyrir
hendi. Þær segja óráðið
hvert en hugsanlega við Úlf-
arsfell.
Þórunn og Eyrún fá á
hverjum degi fjölda bygging-
arverkamanna í heimsókn
sem sækja sér kaffi á brúsa
og bakkelsi.
Í hádeginu er borinn fram
heitur mömmumatur á borð
við lambasnitsel með græn-
um baunum og kartöflum.
Systurnar hafa haft umsjón
með rekstrinum í um eitt ár
en upphaflega var Brauð-
hornið sett á laggirnar af
öðrum aðila til að þjónusta
iðnaðarmenn á svæðinu.
Nemendur í Ingunnar-
skóla tvöfalt fleiri í haust
Skammt frá stendur Ing-
unnarskóli, í bráðabirgða-
húsnæði, sem samanstendur
af níu byggingum með tengi-
rými á milli. Guðlaug Stur-
laugsdóttir skólastjóri bendir
á að í haust bætist tvær bygg-
ingar við og þegar það gerist
– bætir hún við brosandi –
vanti ekkert upp á aðstöðuna
nema íþróttahús og sund-
laug.
Áætlað er að nemendum
fjölgi úr 35 í að minnsta kosti
70 frá og með næsta hausti
en Guðlaug segir að skólinn
verði til húsa í núverandi að-
stöðu þar til nýr Ingunn-
arskóli, sem hýsa á 450 nem-
endur, er fullbyggður sem
verður að tveimur og hálfu
ári liðnu ef allt gengur að
óskum. Þá mun gamli Ing-
unnarskóli, líkt og bakaríið,
hverfa á braut en Guðlaug
hefur á orði að byggingarnar
séu fengnar héðan og þaðan
og meðal annars hafi smíða-
stofur skólans komið frá
Hlíðaskóla.
Eigendur verslunarinnar í Grafarholti hugsa sér til hreyfings
Morgunblaðið/Golli
Systurnar Þórunn og Eyrún Ingvadætur í Brauðhorninu afgreiða Ómar Guðjónsson iðn-
aðarmann og fastakúnna. Á matseðlinum var lambakjöt með kartöflum og baunum.
Tvær byggingar bætast við Ingunnarskóla í haust.
Farandhús á faraldsfæti
Grafarholt
FREKARI umræðu um golf-
völl á Álftanesi hefur verið
vísað til skipulagsnefndar og
umhverfisnefndar Bessa-
staðahrepps. Hefur sveitar-
stjóra verið falið að kynna
hugmyndir um golfvöll land-
eigendum á svæðinu þar sem
völlurinn er fyrirhugaður og
að láta meta kostnað við gerð
hans.
Hugmyndir um golfvöllinn
hafa verið til umræðu innan
hreppsins á undanförnum
mánuðum. Það er Hannes
Þorsteinsson, golfvallarhönn-
uður og líffræðingur, sem
hefur unnið tillögu að vellin-
um, og í greinargerð hans
kemur fram að um er að ræða
svæðið norðaustan Norður-
nesvegar á milli Bessastaða-
tjarnar og Kasthúsatjarnar.
Gengið er út frá því að golf-
skáli yrði staðsettur þar sem
nú er gamalt sumarhús rétt
norðaustan Norðurnesvegar.
Í greinargerðinni segir að
nægjanlegt rými sé á svæðinu
fyrir níu holu golfvöll sem
yrði um það bil 2.900 metra
langur. „Að auki á svæðið að
rúma æfingasvæði fyrir fullt
högg (200–250 metra langt)
og æfingaflöt getur verið við
golfskála.“
Kemur fram að kjarni vall-
arins, sem jafnframt yrði
fyrsti áfangi hans, yrði sex
brautir sem mynduðu sam-
hangandi lykkju þar sem
væri ein par-5 braut, ein
par-3 braut og fjórar par-4
brautir. Fullfrágenginn golf-
völlur samanstæði síðan af
tveimur par-3 brautum,
tveimur par-5 brautum og
fimm par-4 brautum.
Menn ósammála
um vallarstæðið
Fram kemur að gera þyrfti
þjónustuvegi eða stíga um
vallarsvæðið sem ætlaðir
væru efnisflutningum og
vélaumferð um völlinn, en
sem jafnframt gætu nýst sem
hluti stígakerfis fyrir almennt
útivistarfólk.
Segir í greinargerðinni að
öll jarðvinnsla yrði í lágmarki
og er gerð grein fyrir því
hvernig henni yrði háttað.
Uppbygging og viðhald vall-
arins verði að taka mið af
náttúrufari svæðisins enda sé
t.a.m. víða vatn meðfram
brautum, ýmist tjarnir, vogar
eða víkur, sem og sef eða vot-
lendissvæði. „Leitast er við
að hlífa náttúrulegum tjarn-
arbökkum svo að lífríki þeirra
geti þróast eftir eigin lögmál-
um og sem minnst truflun
verði af golfleiknum,“ segir í
greinargerðinni.
Engu að síður hefur tölu-
verður styr staðið um vallar-
stæðið í hreppsnefnd. Þannig
létu fulltrúar minnihlutans
bóka á síðasta fundi að þeir
vöruðu við uppsetningu golf-
vallar á tjarnasvæðinu á
norðanverðu Álftanesi. „Út-
færsla golfvallar samkvæmt
þeim hugmyndum ógna lífríki
á svæðinu sem er einstakt,
m.a. fyrir fuglalíf. Á tjarnar-
svæðinu væri eðlilegra að
koma upp aðstöðu sem auð-
veldaði almenningi og áhuga-
fólki um náttúru og fuglalíf
aðgang að svæðinu,“ segir í
bókuninni.
Góð þátttaka í
nýstofnuðum golfklúbbi
Að sögn Þórðar Kristleifs-
sonar, skrifstofustjóra Bessa-
staðahrepps, verður golfvall-
armálið tekið skref fyrir skref
og nú er stefnt að því að
kanna það sem nauðsynlegt
er. „Það eru svolítið tímafrek
atriði sem þarf að fara í gegn
um á borð við landeigendur,
kostnaðarmat, náttúruvernd
og fleira,“ segir hann en land-
ið sem um ræðir er í eigu
margra aðila. „Það er vilji til
þess hjá hreppnum að þetta
verði skoðað í botn þannig að
þetta er ekkert sem á að af-
skrifa án þess að athuga það
að fullu.“ Doron Elíasen er
formaður Golfklúbbs Álfta-
ness en klúbburinn er aðeins
rúmlega mánaðar gamall og
var stofnaður í framhaldi af
umræðunni um golfvöllinn.
Doron segir mikinn áhuga
meðal íbúa Bessastaðahrepps
á golfíþróttinni og að þannig
séu þegar komnir tæpir 90
manns í félagið. Hann segir
ekki útrætt hvernig golf-
klúbburinn komi að uppbygg-
ingu vallarins en í samþykkt
hreppsnefndar kemur fram
að klúbburinn mun taka þátt í
að meta kostnað og hugsan-
legar fjármögnunarleiðir.
Doron segir golfara á
Álftanesi líta björtum augum
til þess að völlurinn verði að
veruleika enda hafi þeir hing-
að til þurft að fara vítt og
breitt um höfuðborgarsvæðið
til að stunda íþrótt sína.
Hugmyndir um golfvöll
kynntar landeigendum
Bessastaðahreppur

  

















 




 



 









 
!"#  

%&
'(& 

 

 















 




 )
)"
   
*+




./0-1!

  

 

0  #.&

EITT af því sem setur óneit-
anlega svip sinn á sumrin í
höfuðstaðnum eru ferða-
langar sem reisa tjöld sín í
Laugardalnum og hafa þar
viðdvöl á meðan þeir skoða
borgina. Veðrið það sem af
er sumri hefur heldur ekki
verið til að kvarta undan
þegar kemur að útilegum þó
að ekki hafi sólin skinið þeg-
ar þessi mynd var tekin held-
ur hafi þvert á móti rignt
hressilega.
Parið virðist hafa það
notalegt þar sem það yljar
sér á heitum drykk í tjald-
gættinni. Enda er líklega
nauðsynlegt að grípa til allra
ráða til að halda á sér hita
þegar veður er vott og bú-
staðurinn af léttara taginu.
Morgunblaðið/Þorkell
Bergt á yl úr brúsa
Laugardalur
HESTAMANNAFÉLAGIÐ
Andvari hefur óskað eftir því
við bæjarráð Garðabæjar að
það beiti sér fyrir lagningu
bundins slitlags á Elliða-
vatnsvegi frá Vífilsstaðavatni
að Rjúpnahæð til að koma í
veg fyrir að hestum sé riðið
eftir veginum. Bæjarráð tekur
undir nauðsyn þess að bundið
slitlag verði lagt.
Vegurinn sem um ræðir er
þjóðvegur 410, sem liggur frá
gatnamótum þjóðvegar 412,
meðfram Vífilsstaðavatni og
að bæjarmörkum Kópavogs og
Garðabæjar á Rjúpnahæð.
Segir í bréfinu að vegurinn sé
mikið notaður, þrátt fyrir að
hann sé oft og tíðum nánast
óökufær.
„Slitlag mun koma í veg fyr-
ir að hestum sé riðið eftir veg-
inum, en það hefur brugðið við
þrátt fyrir tilmæli Andvara um
hið gagnstæða, og minnka
þannig slysahættu sem af því
skapast,“ segir í bréfinu.
Á fundi sínum tók bæjarráð
undir sjónarmið félagsins um
nauðsyn þess að leggja bundið
slitlag á veginn. Var samþykkt
að senda þingmönnum kjör-
dæmisins, samgönguráðherra
og Vegagerðinni áskorun um
að hlutast til um að tryggja
nauðsynlegar fjárveitingar til
að svo megi verða. „Telja verð-
ur að um brýna framkvæmd sé
að ræða til að tryggja öryggi
vegfarenda en sívaxandi um-
ferð er um veginn, bæði vegna
staðsetningar hesthúsa á
Kjóavöllum og eins vegna
tengingar vegarins við byggð í
Kópavogi og tengingar við
Breiðholtsbraut í Reykjavík,“
segir í bókun bæjarráðs.
Andvari vill koma
í veg fyrir umferð
hesta um veginn
Garðabær