Morgunblaðið - 27.06.2002, Blaðsíða 20

LANDIÐ
20 FIMMTUDAGUR 27. JÚNÍ 2002 MORGUNBLAÐIÐ
KJÓSENDUR í sveitarfélögunum
sunnan Skarðsheiðar voru spurðir um
afstöðu til sameiningar í könnun sem
fór fram jafnhliða sveitarstjórnar-
kosningunum í maí og er mikill meiri-
hluti fylgjandi því að hafnar verði við-
ræður um sameiningu sveitar-
félaganna. Sveitarfélögin eru Hval-
fjarðarstrandarhreppur, Skil-
mannahreppur, Leirár- og Mela-
hreppur og Innri-Akraneshreppur og
að sögn Marteins Njálssonar, oddvita
Leirár- og Melahrepps, var spurt
hvort íbúar væru almennt hlynntir
eða andvígir því að það væru hafnar
viðræður um sameiningarmál.
„Niðurstaðan úr þeirri spurningu
var sú að mikill meirihluti er fylgjandi
því að það verði hafnar viðræður eða
79,5% svarenda könnunarinnar. Þá
var einnig spurt hvort fólk væri
hlynnt því að fjögur sveitarfélög sam-
einist eða fimm, en þá yrði Akranes
með,“ segir Marteinn. Hann bendir á
að mun fleirum hugnist fjögurra
hreppa sameining heldur en fimm
hreppa. 76,9% svarenda voru jákvæð-
ir í garð fjögurra hreppa sameiningar
en aðeins 17% eru hlynntir fimm
hreppa sameiningu. „Almennt séð eru
allir svarendur mjög jákvæðir gagn-
vart fjögurra hreppa sameiningu
nema svarendur í Skilmannahreppi.
Þar voru aðeins 46,4% svarenda sem
hugnast mjög eða frekar vel samein-
ing fjögurra hreppa,“ bætir hann við.
Einn grunnskóli
Aðspurður um ávinninginn sem
hljótist af sameiningu, bendir Mar-
teinn á að auðveldara verði til dæmis
að stjórna grunnskólanum. Í dag sé
einn grunnskóli í fjórum sveitarfélög-
um. „Öll stjórnun hlýtur að vera
þyngri í vöfum þegar ákvarðanataka
þarf að fara í gegnum fjórar sveitar-
stjórnir í stað einnar,“ heldur hann
áfram og segir að þjónustan sé mis-
jöfn í sveitarfélögunum þó að litlu
muni.
„Í Skilmannahreppi er lægra út-
svar og aðeins meiri snjómokstur
heldur en annars staðar en að öðru
leyti er aðstaðan svipuð meðal þess-
ara íbúa. Það er mjög mikill grund-
völlur fyrir þessari sameiningu en það
er kannski eins og hefur komið fyrir
hjá öðrum sveitarfélögum sem hafa
sameinast þéttbýli, að þá vill grunn-
skólinn hverfa úr dreifbýlinu og fara í
þéttbýlið og þá hverfur hjartað úr
dreifbýlinu. Fólk óttast það mest hér
að ef við verðum skikkuð til að sam-
einast Akranesi þá verði þessi grunn-
skóli lagður niður og börnin keyrð á
Akranes,“ segir Marteinn en bendir
jafnframt á að það sé ekki hægt að
ætlast til að fá sömu þjónustu í dreif-
býli og í þéttbýli.
Hann segir framhaldið óráðið en
telur að nýju sveitarstjórnirnar muni
koma saman og ræða stöðuna og
ítrekar jafnframt að þó að könnunin
sé sterk vísbending um vilja fólksins
þá sé hún ekki bindandi fyrir sveit-
arstjórnirnar.
Íbúar hlynntir sam-
einingarviðræðum
Sunnan Skarðsheiðar
Könnun á afstöðu til sameiningar sveitarfélaga
LEYSING heitir samsýning Sigríðar
Helgu Olgeirsdóttur og Sveinbjargar
Hallgrímsdóttur sem hefur verið uppi
í Safnahúsinu á Húsavík að undan-
förnu en þar sýna þær verk sín, sem
eru leir eftir Sigríði og grafík eftir
Sveinbjörgu.
Á sýningunni eru 35 verk auk þess
sem sýnd eru verkfæri og þrykkplöt-
ur sem Sveinbjörg notar í grafík og í
anddyri er verkið Vorkoma eftir Sig-
ríði og verkið Eggjahljóð eftir Svein-
björgu.
Að sögn sýnenda er orðið leysing
eins konar leiðarstef í verkum þeirra
að þessu sinni þar sem orðið er lýs-
andi fyrir það ferli sem á sér stað þeg-
ar vor leysir vetur af hólmi með öllum
sínum veðrabrigðum og átökum. Þær
segja m.a. að hin hvössu form íssins
séu að hverfa og við taki mýkt og fjöl-
breytileiki hinnar lifandi náttúru. Sig-
ríður Helga og Sveinbjörg hafa báðar
verið með einkasýningar og tekið þátt
í mörgum samsýningum. Sýningin í
Safnahúsinu hefur verið vel sótt og
var margt fólk við opnun hennar.
Morgunblaðið/Atli Vigfússon
Sigríður Helga Olgeirsdóttir og Sveinbjörg Hallgrímsdóttir.
Samsýning í
Safnahúsinu
á Húsavík
Laxamýri
HIN árlega Jónsmessuganga Bol-
víkinga var farin sl. föstudags-
kvöld.
Milli 60 og 70 manns gengu í blíð-
skaparveðri og glampandi sólskini
upp í hlíðar Óshyrnu neðan við
klettadrang þann sem Þuríður
Sundafyllir, er nam fyrst land í Bol-
ungarvík, varð að þegar á hana var
lagt á sínum tíma.
Klettadrangur sá er talinn ókleif-
ur en sagnir herma að uppi á hon-
um sé að finna lykil að kistu sem
hafi að geyma mikil verðmæti.
Eftir að göngugarpar höfðu hlýtt
á ýmsan fróðleik um Jónsmessuna
var kveiktur varðeldur og lagið
tekið. Upp úr miðnætti gátu svo
þeir sem vildu skellt sér í Sundlaug
Bolungarvíkur og slappað af í heitu
pottunum eftir gönguna.
Að venju voru það forsvarsmenn
verkefnisins Bolungarvík – heilsu-
bær á nýrri öld sem stóðu fyrir
Jónsmessugöngunni.
Morgunblaðið/Gunnar Hallsson
Horft yfir Bolungarvíkurkaupstað í Jónsmessustemningu.
Jónsmessuganga Bolvíkinga
Bolungarvík
SUÐURNES
is- og byggingarverkfræði frá Há-
skóla Íslands og Þóra Guðrún
Einarsdóttir en hún útskrifaðist sem
kennari frá Kennaraháskóla Ís-
lands.
Í gegnum tíðina hefur Sparisjóð-
urinn í Keflavík stutt við bakið á
námsfólki frá Suðurnesjum með
ýmsum hætti og eru styrkveitingar-
nar hluti af Námsmannaþjónustu
Sparisjóðsins. Í fréttatilkynningu
frá Sparisjóðnum kemur fram að hjá
honum standi námsmönnum til boða
margvísleg fjármálaþjónusta, meðal
annars lán vegna tölvukaupa og
bókastyrkir. Þá er þess getið að
Sparisjóðurinn hafi ætíð styrkt
íþrótta- og menningarstarf á starfs-
svæði sínu og séu námsstyrkirnir
mikilvægur hluti af því starfi. Náms-
styrkir hafa nú verið veittir tólf ár í
röð og hafa samtals 45 námsmenn
notið þeirra.
FJÓRIR námsmenn fengu 125 þús-
und króna námsstyrk úr Náms-
mannaþjónustu Sparisjóðsins í
Keflavík við árlega úthlutun sem ný-
lega fór fram.
Sérstök dómnefnd sá um val
styrkþeganna en hún er skipuð Ólafi
Arnbjörnssyni skólameistara, Skúla
Thoroddsen, sem er forstöðumaður
Miðstöðvar símenntunar á Suður-
nesjum og Aðalheiði Héðinsdóttur,
framkvæmdastjóra Kaffitárs.
Nemendurnir sem styrki hlutu að
þessu sinni eru Hanna María Krist-
jánsdóttir en hún lauk BA-gráðu í
þjóðfræði og fjölmiðlafræði frá Há-
skóla Íslands, Nanna Guðný Sigurð-
ardóttir, sem lauk BSc-gráðu í
sjúkraþjálfun frá Háskóla Íslands,
Þorgeir Óskar Margeirsson, sem út-
skrifaðist með BS-gráðu í umhverf-
Stjórnendur Sparisjóðsins í Keflavík ásamt styrkþegum, f.v. Baldur
Guðmundsson markaðsstjóri, Geirmundur Kristinsson sparisjóðsstjóri,
Þorgeir Óskar Margeirsson, Hanna María Kristjánsdóttir, Nanna
Guðný Sigurðardóttir og Þóra Guðrún Einarsdóttir.
Fjórir náms-
menn fá styrki
Keflavík
BÆJARSTJÓRN Grindavíkur hef-
ur samþykkt að óska eftir að varn-
arliðið skili hluta af landi því sem
það hefur til afnota vestan þéttbýlis-
ins, nánar tiltekið í suðvesturhlíðum
Þorbjarnar. Hugmyndin er að
skipuleggja þar sumarhúsahverfi.
Einnig að Grindavíkurbær fái keypt
landið norðan þéttbýlisins sem hann
hefur haft á leigu í tíu ár.
Bæjarfulltrúar meirihluta D- og
S-lista lögðu fram tillöguna og var
hún samþykkt samhljóða á bæjar-
stjórnarfundi á dögunum. Fram
kemur í samþykktinni að eignarland
Grindavíkurkaupstaðar sé mjög lítið
og nái ekki yfir allt þéttbýlið.
Vestan bæjarins er land sem
varnarliðið á Keflavíkurflugvelli hef-
ur umráð yfir. Bæjarstjórn sam-
þykkti að leita eftir því við varn-
armálaskrifstofuna að hún hefði
milligöngu um að liðið skilaði hluta
af því landi. Um er að ræða 75 hekt-
ara lands, í tveimur hlutum. Að sögn
Ómars Jónssonar, formanns bæjar-
ráðs, er aðallega um að ræða land í
suðvesturhlíðum Þorbjarnar og þar
sé áhugi á að skipuleggja sumar-
húsahverfi. Ýmsar fleiri hugmyndir
hafi komið upp um nýtingu þess.
Varnarliðið hefur dregið saman
starfsemi ratsjárstöðvar sinnar við
Grindavík. Það hefur fært girðingar
sínar nær stöðinni og er ekki með
starfsemi á því landi sem Grindvík-
ingar vilja fá til afnota. Segir Ómar
að það sé orðið tímabært að varn-
arliðið skili þessu landi og hefði í
raun átt að vera búið að fara fram á
það fyrir löngu.
Norðan þéttbýlisins, austan
Grindavíkurvegar, leigir bærinn
land af varnarmálaskrifstofunni sem
varnarliðið hafði áður umráð yfir.
Það er næsta byggingarsvæði
Grindavíkur, samkvæmt nýsam-
þykktu aðalskipulagi. Bæjarstjórn
mun leita eftir að fá þetta land
keypt.
Bæjarstjóra var falið að koma á
fundi bæjarráðs með skrifstofu-
stjóra varnarmálaskrifstofunnar til
að koma þessu erindi á framfæri.
Vilja skil á landi
frá varnarliðinu
Grindavík
FULLTRÚI Framsóknarflokksins í
bæjarráði Sandgerðis leggst gegn
því að samið verði við verktaka um
framkvæmdir við tiltekna götu án
þess að útboð fari fyrst fram.
Bæjarráð Sandgerðis samþykkti í
vikunni að fela bæjarstjóra að ganga
til samninga við Íslenska aðal-
verktaka hf. um að hefja fram-
kvæmdir við Bogabraut á grundvelli
verðs sem fyrirtækið bauð í fram-
kvæmdir við Stafnesveg. Stefnt er
að því að verkinu ljúki í ágúst en ekki
verði samið um malbikun og gang-
stéttir.
Tillagan var samþykkt með at-
kvæðum fulltrúa Samfylkingar og
Sjálfstæðisflokks sem eru í meiri-
hlutasamstarfi en Heiðar Ásgeirs-
son, fulltrúi Framsóknarflokks, lýsti
sig mótfallinn því að samið yrði um
framkvæmdina án útboðs.
Samið verður við
verktaka án útboðs
Sandgerði